Yòhánà 17
17
Yèésù wà wúùre fú ɔmatsɛ́‐ɛ̀ ŋa òŋu atɛ̀náànyì‐ɛ̀ ŋa kpó
1Kíbí Yèésù wíìnyɛ̀ fú ŋa bɛ́ɛ̀ tã́#á, ó kɛ́ odzú fú ìgbèrí, tsí wà wúùre ní: Boba-mi, ìwèrè tó. Nya iyì-ɔma-ɛ̀ɛ ɖíre fú ɔ̀nyà ŋa. Tsí ɔma-ɛ̀ɛ gbo kó nya iyì-tɛ̀ɛ gbo ɖíre fú ŋa. 2Ìɖéǹɖè#ɛ́, ò fúu ńkpá si ńǹtá-ɔ̀nyà kpó, àtóoríi ɛnɛ yèé ò ń bɔwɔ́‐ɛ̀ ŋa#á kó fú ŋa náàyɛ̀-àrìtã́. 3Àyɛ̀-àrìtã́#á ní dzɛ́ ní: Ká ma ìwɔ, Ɔ̀ɖáyé. Ìwɔ níìkã̀ ní wà, tsí dzɛ́ Ɔ̀ɖáyé ìɖéǹɖè#ɛ́. Tsí ká ma Yèésù Kírísítò gbo, ɛnɛ yèé ò bɛ̀ wá#á.
4Itsɛ́ yèé ò ń bɔwɔ́-mi#ɛ́, ǹ tseé tã́, tsí ǹ ń nya iyì-ɛ̀ɛ ɖíre fú ɔ̀nyà ŋa ńǹtalɛ̀ bí. 5Boba-mi, tã́ná o ɖá ayé gbaŋgba#á, ǹ ti wà ńɖɔ̀-ɛ̀ɛ si, tsí ò fú mi ńyì. Báàyí#ɛ́, fú mi ńyì nyɛ̀ŋɛ̀ ké.
6Ò tsã ɔ̀nyà kã̀ŋa náàŋírĩ-ɔ̀nyà-ayé yèé ŋa, tsí mú ŋa bɔwɔ́-mi. Ɛnɛ nyɛ̀ŋɛ̀ ŋa#á, ǹ tse tsí à màɛ́. Tɛ̀ɛ ní à dzɛ́#ɛ́. Ò mú ŋa bɔwɔ́-mi, tsí à gba afɔ̀-ɛ̀ɛ, tsí ń tsitsɛ́ tse. 7À rí mà ńǹkɛ̀ɛ́ ní iŋɛ́ kpó yèé ò fú mi#ɛ́, ti ńɖɔ̀-ɛ̀ɛ ni. 8Ikɔ̀ yèé ò ń bɔwɔ́-mi#ɛ́, ǹ dzɛ́ɛ fú ŋa, tsí à gbàá. À rí mà ìɖéǹɖè ní ńɖɔ̀-ɛ̀ɛ ní ǹ ti#ɛ́, tsí à gbàá gbɔ́ gbo ní ìwɔ ní bɛ̀ mí wá#á.
9Báàyí#ɛ́, ǹ wà wúùre fɛ́ɛ fú ŋa. Ǹ kò wà wúùre fú ɔ̀nyà-ayé yèé ŋa. Ó ɖi, ɛnɛ yèé ò mú bɔwɔ́-mi ŋa#á ní ǹ wà wúùre fú#ɛ́, iŋɛ́ yèé tse#ɛ́, tɛ̀ɛ ní à dzɛ́#ɛ́. 10Ɔ̀nyà ɔ̀kã̀lɔ́ɔ̀kã̀ kpó yèé dzɛ́ tèmi#ɛ́, à dzɛ́ tɛ̀ɛ gbo. Tsí ɔ̀nyà kpó yèé dzɛ́ tɛ̀ɛ#ɛ́, à dzɛ́ tèmi gbo. Tsí iyì-mi wà ńǹtá-ŋa si. 11Ó bɔ oɖé, tsí ǹ kàkó wà ńǹtalɛ̀ bí ró. Màa wá ńɖɔ̀-ɛ̀ɛ. Ó ɖi àŋa òŋu, à nákó wà ńǹtalɛ̀ bí si. Ńbɛ̀ɛ́, Boba Olí-mímá, ikpá yèé wà nɛ́kɔ-ɛ̀ɛ#ɛ́, ɛ́kɔ yèé ò fú mi#ɛ́, múu, tsí ń bò ŋá, àtsùgbée ká nyáa tse ɔ̀kã̀ntso bá ara-ŋa, kíbí èmi-ɛ̀ɛ méèdzì, àa tse ɔ̀kã̀ntso bá ara-wa si#ɛ́. 12Ńǹwèrè yèé ǹ wà ńɖi-ŋa si#ɛ́, mà mú ikpá yèé wà nɛ́kɔ-ɛ̀ɛ#ɛ́, ɛ́kɔ yèé ò fú mi#ɛ́, tsí ń bò ŋá. Ǹ mɔ́wɔ́ bò ŋá, tsí ɔ̀kã̀ kpókpó náàŋírĩ-ŋa kò nɔ̀, bí kò tsi yèé à náa kpè ní ɔma-ɛ̀rá#á. Ó lɔ bɛ́ɛ̀, àtsùgbée iŋɛ́ yèé à kɔ si ńǸwé-Ɔ̀ɖáyé†#ɛ́ kó tsɛ ni.
13Báàyí#ɛ́, ǹ bàa ńɖɔ̀-ɛ̀ɛ ńǹkɛ̀ɛ́. Ó ɖi, kíbí ǹ wà ńǹtalɛ̀ bí si tã́ná#á, ǹ wà wí afɔ̀ yèé ŋa fú ŋa, àtsùgbée ayè títɛ́ yèé wà fú mi#ɛ́ kó gbé nɛ́ɛ̀ɖɔ̃̀-ŋa, tsí ayè kó tɛ́ ŋa dzálɛ̀. 14Ǹ dzíkɔ̀-ɛ̀ɛ fú ŋa. Tsí kíbí à kò dzɛ́ ɔ̀nyà-ayé yèé ŋa kíbí èmi gbo#ɛ́, ɔ̀nyà-ayé yèé ŋa nyà ŋá kãdzú. 15Ǹ kò wà wúùre fɛ́ɛ ní o kɛ́ ŋa ǹɖe ńǹtalɛ̀ bí. Ó ɖi, nà tsɛ́wé bò ŋá, tsí ká bɔ́ nɔ́wɔ́-Ètsù†. 16À kò dzɛ́ ti ìtalɛ̀ bí, kíbí èmi gbo ǹ kò dzɛ́ ti ìtalɛ̀ bí#ɛ́. 17Nà tse tsí ká ma òtítɔ́, tsí òtítɔ́#ɛ́ kó tse tsí ká wà nɔ́wɔ́ nɔ́wɔ́ si fɛ́ɛ. Afɔ̀-ɛ̀ɛ, òtítɔ́ ni. 18Kíbí ò bɛ̀ mí wá ńǹtalɛ̀ bí#ɛ́, èmi gbo, ǹ wà bɛ̀ ŋá lɔ ńǹtalɛ̀#ɛ́. 19Ǹ mú ara-mi bɔwɔ́-ɛ̀ɛ akpá akpá, ɛsɛ̀ ɛsɛ̀, àtsùgbée àŋa gbo, ká ma òtítɔ́, tsí ká wà nɔ́wɔ́ nɔ́wɔ́ si fɛ́ɛ.
20Kò tsi àŋa sɔ̃́ŋú ní ǹ wà wúùre fú#ɛ́. Bí à wà dzíkɔ̀-mi, ɔ̀nyà kpó yèé nákó rɛ̃tígbè-ŋa, tsí nákó gbà mí gbɔ́#ɛ́, ǹ wà wúùre fú àŋa gbo. 21Ǹ wà wúùre ní o tse tsí àŋa kpó ká tse ɔ̀kã̀ntso. Óò Boba! Tse tsí ká tse ɔ̀kã̀ntso bá wa kíbí ò tse ɔ̀kã̀ntso bá mi, tsí èmi gbo ǹ tse ɔ̀kã̀ntso báɛ gbà#á. Ká tse ɔ̀kã̀ntso bá wa, tsí ɔ̀nyà-ayé yèé ŋa ká gbàá gbɔ́ ní ìwɔ ní bɛ̀ mí wá#á. 22Iyì yèé ò fú mi#ɛ́, ǹ fú àŋa gbo ńnɛ̀, àtsùgbée ká tse ɔ̀kã̀ntso bá ara-ŋa kíbí èmi-ɛ̀ɛ méèdzì gbo, àa tse ɔ̀kã̀ntso si#ɛ́. 23Ǹ tse ɔ̀kã̀ntso bá ŋa. Ìwɔ gbo, ò tse ɔ̀kã̀ntso bá mi. Ńbɛ̀ ní à nákó nyáa tse ɔ̀kã̀ntso dzálɛ̀, tsí ɔ̀nyà-ayé yèé ŋa nákó rí mà ní ìwɔ ní bɛ̀ mí wá#á, tsí ìwɔ nɛ́ àmúɖɔ̃̀ fú ŋa kíbí ò nɛ́ fú èmi ká-èmi gbo#ɛ́.
24Boba-mi, ɛnɛ yèé ò mú bɔwɔ́-mi ŋa#á, ǹ wà wò ní ká gbé bá mi ńbí màa gbé#ɛ́, tsí ká rí iyì-mi. Iyì#ɛ́, tã́ná o ɖá ayé gbaŋgba#á, ò nɛ́ àmúɖɔ̃̀ fú mi, tsí ò fú mi ńnɛ̀. 25Boba-mi, Olí-òtítɔ́, ɔ̀nyà-ayé yèé ŋa kò màɛ́. Ó ɖi, èmi òŋu, ǹ màɛ́, tsí ɛnɛ yèé ŋa gbo, ò ń bɔwɔ́-mi#ɛ́, àŋa gbo, à rí mà ní ìwɔ ní bɛ̀ mí wá#á. 26Ǹ tse tsí à màɛ́, tsí màa tse tsí à nákó màɛ́ ró, àtsùgbée àmúɖɔ̃̀ yèé ò nɛ́ fú mi#ɛ́ kó gbé ńnɔ́-ŋa, tsí èmi ká-èmi gbo, n gbé ńnɔ́-ŋa.
Currently Selected:
Yòhánà 17: ngl
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Yòhánà 17
17
Yèésù wà wúùre fú ɔmatsɛ́‐ɛ̀ ŋa òŋu atɛ̀náànyì‐ɛ̀ ŋa kpó
1Kíbí Yèésù wíìnyɛ̀ fú ŋa bɛ́ɛ̀ tã́#á, ó kɛ́ odzú fú ìgbèrí, tsí wà wúùre ní: Boba-mi, ìwèrè tó. Nya iyì-ɔma-ɛ̀ɛ ɖíre fú ɔ̀nyà ŋa. Tsí ɔma-ɛ̀ɛ gbo kó nya iyì-tɛ̀ɛ gbo ɖíre fú ŋa. 2Ìɖéǹɖè#ɛ́, ò fúu ńkpá si ńǹtá-ɔ̀nyà kpó, àtóoríi ɛnɛ yèé ò ń bɔwɔ́‐ɛ̀ ŋa#á kó fú ŋa náàyɛ̀-àrìtã́. 3Àyɛ̀-àrìtã́#á ní dzɛ́ ní: Ká ma ìwɔ, Ɔ̀ɖáyé. Ìwɔ níìkã̀ ní wà, tsí dzɛ́ Ɔ̀ɖáyé ìɖéǹɖè#ɛ́. Tsí ká ma Yèésù Kírísítò gbo, ɛnɛ yèé ò bɛ̀ wá#á.
4Itsɛ́ yèé ò ń bɔwɔ́-mi#ɛ́, ǹ tseé tã́, tsí ǹ ń nya iyì-ɛ̀ɛ ɖíre fú ɔ̀nyà ŋa ńǹtalɛ̀ bí. 5Boba-mi, tã́ná o ɖá ayé gbaŋgba#á, ǹ ti wà ńɖɔ̀-ɛ̀ɛ si, tsí ò fú mi ńyì. Báàyí#ɛ́, fú mi ńyì nyɛ̀ŋɛ̀ ké.
6Ò tsã ɔ̀nyà kã̀ŋa náàŋírĩ-ɔ̀nyà-ayé yèé ŋa, tsí mú ŋa bɔwɔ́-mi. Ɛnɛ nyɛ̀ŋɛ̀ ŋa#á, ǹ tse tsí à màɛ́. Tɛ̀ɛ ní à dzɛ́#ɛ́. Ò mú ŋa bɔwɔ́-mi, tsí à gba afɔ̀-ɛ̀ɛ, tsí ń tsitsɛ́ tse. 7À rí mà ńǹkɛ̀ɛ́ ní iŋɛ́ kpó yèé ò fú mi#ɛ́, ti ńɖɔ̀-ɛ̀ɛ ni. 8Ikɔ̀ yèé ò ń bɔwɔ́-mi#ɛ́, ǹ dzɛ́ɛ fú ŋa, tsí à gbàá. À rí mà ìɖéǹɖè ní ńɖɔ̀-ɛ̀ɛ ní ǹ ti#ɛ́, tsí à gbàá gbɔ́ gbo ní ìwɔ ní bɛ̀ mí wá#á.
9Báàyí#ɛ́, ǹ wà wúùre fɛ́ɛ fú ŋa. Ǹ kò wà wúùre fú ɔ̀nyà-ayé yèé ŋa. Ó ɖi, ɛnɛ yèé ò mú bɔwɔ́-mi ŋa#á ní ǹ wà wúùre fú#ɛ́, iŋɛ́ yèé tse#ɛ́, tɛ̀ɛ ní à dzɛ́#ɛ́. 10Ɔ̀nyà ɔ̀kã̀lɔ́ɔ̀kã̀ kpó yèé dzɛ́ tèmi#ɛ́, à dzɛ́ tɛ̀ɛ gbo. Tsí ɔ̀nyà kpó yèé dzɛ́ tɛ̀ɛ#ɛ́, à dzɛ́ tèmi gbo. Tsí iyì-mi wà ńǹtá-ŋa si. 11Ó bɔ oɖé, tsí ǹ kàkó wà ńǹtalɛ̀ bí ró. Màa wá ńɖɔ̀-ɛ̀ɛ. Ó ɖi àŋa òŋu, à nákó wà ńǹtalɛ̀ bí si. Ńbɛ̀ɛ́, Boba Olí-mímá, ikpá yèé wà nɛ́kɔ-ɛ̀ɛ#ɛ́, ɛ́kɔ yèé ò fú mi#ɛ́, múu, tsí ń bò ŋá, àtsùgbée ká nyáa tse ɔ̀kã̀ntso bá ara-ŋa, kíbí èmi-ɛ̀ɛ méèdzì, àa tse ɔ̀kã̀ntso bá ara-wa si#ɛ́. 12Ńǹwèrè yèé ǹ wà ńɖi-ŋa si#ɛ́, mà mú ikpá yèé wà nɛ́kɔ-ɛ̀ɛ#ɛ́, ɛ́kɔ yèé ò fú mi#ɛ́, tsí ń bò ŋá. Ǹ mɔ́wɔ́ bò ŋá, tsí ɔ̀kã̀ kpókpó náàŋírĩ-ŋa kò nɔ̀, bí kò tsi yèé à náa kpè ní ɔma-ɛ̀rá#á. Ó lɔ bɛ́ɛ̀, àtsùgbée iŋɛ́ yèé à kɔ si ńǸwé-Ɔ̀ɖáyé†#ɛ́ kó tsɛ ni.
13Báàyí#ɛ́, ǹ bàa ńɖɔ̀-ɛ̀ɛ ńǹkɛ̀ɛ́. Ó ɖi, kíbí ǹ wà ńǹtalɛ̀ bí si tã́ná#á, ǹ wà wí afɔ̀ yèé ŋa fú ŋa, àtsùgbée ayè títɛ́ yèé wà fú mi#ɛ́ kó gbé nɛ́ɛ̀ɖɔ̃̀-ŋa, tsí ayè kó tɛ́ ŋa dzálɛ̀. 14Ǹ dzíkɔ̀-ɛ̀ɛ fú ŋa. Tsí kíbí à kò dzɛ́ ɔ̀nyà-ayé yèé ŋa kíbí èmi gbo#ɛ́, ɔ̀nyà-ayé yèé ŋa nyà ŋá kãdzú. 15Ǹ kò wà wúùre fɛ́ɛ ní o kɛ́ ŋa ǹɖe ńǹtalɛ̀ bí. Ó ɖi, nà tsɛ́wé bò ŋá, tsí ká bɔ́ nɔ́wɔ́-Ètsù†. 16À kò dzɛ́ ti ìtalɛ̀ bí, kíbí èmi gbo ǹ kò dzɛ́ ti ìtalɛ̀ bí#ɛ́. 17Nà tse tsí ká ma òtítɔ́, tsí òtítɔ́#ɛ́ kó tse tsí ká wà nɔ́wɔ́ nɔ́wɔ́ si fɛ́ɛ. Afɔ̀-ɛ̀ɛ, òtítɔ́ ni. 18Kíbí ò bɛ̀ mí wá ńǹtalɛ̀ bí#ɛ́, èmi gbo, ǹ wà bɛ̀ ŋá lɔ ńǹtalɛ̀#ɛ́. 19Ǹ mú ara-mi bɔwɔ́-ɛ̀ɛ akpá akpá, ɛsɛ̀ ɛsɛ̀, àtsùgbée àŋa gbo, ká ma òtítɔ́, tsí ká wà nɔ́wɔ́ nɔ́wɔ́ si fɛ́ɛ.
20Kò tsi àŋa sɔ̃́ŋú ní ǹ wà wúùre fú#ɛ́. Bí à wà dzíkɔ̀-mi, ɔ̀nyà kpó yèé nákó rɛ̃tígbè-ŋa, tsí nákó gbà mí gbɔ́#ɛ́, ǹ wà wúùre fú àŋa gbo. 21Ǹ wà wúùre ní o tse tsí àŋa kpó ká tse ɔ̀kã̀ntso. Óò Boba! Tse tsí ká tse ɔ̀kã̀ntso bá wa kíbí ò tse ɔ̀kã̀ntso bá mi, tsí èmi gbo ǹ tse ɔ̀kã̀ntso báɛ gbà#á. Ká tse ɔ̀kã̀ntso bá wa, tsí ɔ̀nyà-ayé yèé ŋa ká gbàá gbɔ́ ní ìwɔ ní bɛ̀ mí wá#á. 22Iyì yèé ò fú mi#ɛ́, ǹ fú àŋa gbo ńnɛ̀, àtsùgbée ká tse ɔ̀kã̀ntso bá ara-ŋa kíbí èmi-ɛ̀ɛ méèdzì gbo, àa tse ɔ̀kã̀ntso si#ɛ́. 23Ǹ tse ɔ̀kã̀ntso bá ŋa. Ìwɔ gbo, ò tse ɔ̀kã̀ntso bá mi. Ńbɛ̀ ní à nákó nyáa tse ɔ̀kã̀ntso dzálɛ̀, tsí ɔ̀nyà-ayé yèé ŋa nákó rí mà ní ìwɔ ní bɛ̀ mí wá#á, tsí ìwɔ nɛ́ àmúɖɔ̃̀ fú ŋa kíbí ò nɛ́ fú èmi ká-èmi gbo#ɛ́.
24Boba-mi, ɛnɛ yèé ò mú bɔwɔ́-mi ŋa#á, ǹ wà wò ní ká gbé bá mi ńbí màa gbé#ɛ́, tsí ká rí iyì-mi. Iyì#ɛ́, tã́ná o ɖá ayé gbaŋgba#á, ò nɛ́ àmúɖɔ̃̀ fú mi, tsí ò fú mi ńnɛ̀. 25Boba-mi, Olí-òtítɔ́, ɔ̀nyà-ayé yèé ŋa kò màɛ́. Ó ɖi, èmi òŋu, ǹ màɛ́, tsí ɛnɛ yèé ŋa gbo, ò ń bɔwɔ́-mi#ɛ́, àŋa gbo, à rí mà ní ìwɔ ní bɛ̀ mí wá#á. 26Ǹ tse tsí à màɛ́, tsí màa tse tsí à nákó màɛ́ ró, àtsùgbée àmúɖɔ̃̀ yèé ò nɛ́ fú mi#ɛ́ kó gbé ńnɔ́-ŋa, tsí èmi ká-èmi gbo, n gbé ńnɔ́-ŋa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.