Mateus 21
21
Çcuçones an Jarusalen. Jasus entra an Jarusalen
(Marcos 11,1–11; Lucas 19,28–40; Juan 12,12–19)
1Quando yá íban acerca de Jarusalen, al passar por Betfagé, ne l Monte de las Oulibeiras, Jasus mandou dous deciplos 2dezindo-le: «Ide a la tierra que stá delantre de bós i lhougo a l’antrada achareis ũa burra presa i un burrico cun eilha; çprendei-los i traiei-me-los. 3I se ũa pessona bos preguntar algo, dezi-le que l duonho ten percison deilhes i lhougo ls mandará.»
4Todo se dou para que se cumpra l que fui anunciado pul porfeta, que diç:
5 Dezi-le a la filha de Sion:
Mira, l tou rei ben até ti,
manso i a cabalho nũa burra i un burrico,
filho dũa béstia de carga.
6Anton, ls deciplos fúrun-se alhá i fazírun l que Jasus le habie mandado, 7traírun la burra i l burrico i ponírun-le pul lhombo las sues capas i el scarranchou-se neilha. 8Muita soma de giente stendiu la sue capa ne l camino i outros cortában galhos de las arbles i spalhában-los pul camino. 9Anton todo aquel juntouro de giente, tanto ls que íban delantre cumo ls que benien por trás, boziában dezindo:
«Houssana al filho de Dabide!
Bendito l que ben an nome de l Senhor!
Houssana nas alturas!»
10Quando antrou an Jarusalen, to la cidade quedou albrotada, dezindo: «Quien ye este?» 11Mas la giente dezie: «Este ye Jasus, porfeta de Nazaré de la Galileia.»
Bota ls bendedores para fuora de l templo
(Marcos 11,15–19; Lucas 19,45–48; Juan 2,13–22)
12Jasus antrou ne l templo i botou pa la rue todos ls que alhá cumprában i bendien, scachou las mesas de ls cambistas i ls talhos de ls bendedores de palombas, 13i dixo-le: «Stá screbido: La mie casa chamará-se casa de ouracion, mas bós fazistes deilha ũa curriça de lhadrones.»
14Apuis benírun a tener cun el, al templo, ciegos i tolhidos i el sanou-los. 15Quando ls xefes de ls saçardotes i ls scribas bírun las marabilhas que fazira i ls garoticos a gritar ne l templo i a dezir: «Houssana al filho de Dabide», quedórun mui anrabiados 16i dezírun-le: «Oubes l que estes stan a dezir?» Mas Jasus dixo-le: «Claro! Nunca listes: «De la boca de ls pequeinhos i de ls ninos de teta saquestes l lhoubor purfeito?»
17I bolbiu-le las cuostas, saliu para fuora de la cidade i fui-se para Betánia i ende quedou a drumir.
La figueira sien figos
(Marcos 11,12–14.20–24)
18Lhougo a la purmanhana, al bolber pa la cidade, dou-le la fame. 19Bendo ũa figueira acerca l camino, fui-se alhá mas nun achou mais nada a nun ser fuolhas i dixo-le a eilha: «Que nunca mais de ti torne a nacer fruito.» I mal apenas acabou de falar, la figueira secou-se. 20Al béren l feito, ls deciplos quedórun admirados i dezien: «Cumo fui que la figueira se secou tan debrebe?» 21Jasus respundiu-le, dezindo: «Quedai bien ciertos de l que bos digo: Se tubirdes fé i nun dubidardes, nun fazereis solo l que le passou a la figueira, mas tamien se le dezirdes a este monte, “Sal dende i bota-te al mar”, assi se passará. 22I alcançareis todo l que pedirdes cun fé na ouracion.»
L poder de Jasus i l batismo de Juan
(Marcos 11,27–33; Lucas 20,1–8)
23Apuis, antrou ne l templo i puso-se a ansinar. Benírun a tener cun el ls xefes de ls saçardotes i ls mais antigos de l pobo i dezírun-le: «Cun que outeridade fais estas cousas? I quien te dou este poder?» 24Mas Jasus respundiu-le, dezindo: «Tamien you bos bou a poner ũa question i, se me respundirdes, tamien bos dezirei qual l’outeridade cun que fago estas cousas: 25L batismo de Juan d’adonde era? De l cielo ou de ls homes?» Eilhes falában antre eilhes dezindo: «Se le dezirmos, “de l cielo”, el dezirá-mos, “anton porque nun acraditestes nel?” 26mas se le dezirmos, “de ls homes”, tenemos miedo de l pobo, pus todos ténen a Juan na cuonta de porfeta.» 27Anton, respundírun-le a Jasus: «Nun sabemos.» I el dixo-le tamien: «Anton, tamien you nun bos digo cun que outeridade fago estas cousas.»
Parábola de ls dous filhos
28«Dezi-me, agora, l que bos parece: Habie un home que tenie dous filhos. Achegou-se al purmeiro i dixo-le: “Filho, bai hoije a trabalhar pa la mie binha.” 29El respundiu-le, dezindo: “Nun quiero.” Mas, apuis, lhebado pul arrependimiento, alhá fui. 30Apuis, achegando-se an pie de l segundo, dixo-le la mesma cousa. I el respundiu-le, dezindo: “Bou, si senhor.” Mas nun fui.
31Qual de ls dous le fizo la buntade al pai?» Eilhes respónden: «L purmeiro.» Dixo-le Jasus: «Quedai bien ciertos de l que bos digo: Ls recebidores de la décima i las putas éntran delantre de bós ne l Reino de Dius. 32Porque Juan bieno a tener cun bós, pul camino de la justícia, i nun acraditestes nel; mas ls recebidores de la décima i las putas acraditórun nel. I bós, que bistes, nien assi fazistes apuis peniténcia, para que acraditárades nel.»
Parábola de ls lhabradores malos
(Marcos 12,1–12; Lucas 20,9–19)
33Oubi outra parábola. «Habie un pai de família que puso ũa binha, amuralhou-la, scabou neilha un lhagar i alhebantou ũa torre. Apuis arrendou-se-la a uns lhabradores i fui-se para loinge.
34Quando yá era quaijeque tiempo de bendímia, mandou ls sous criados a tener culs lhabradores para recebir ls fruitos. 35Mas ls lhabradores agarrórun ls criados del i a un anchírun-lo de porradas, a outro matórun-lo i a outro acantiórun-lo. 36Anton, mandou outra beç a outros criados i an mais grande númaro que ls purmeiros, mas eilhes fazírun-le la mesma cousa. 37Na fin mandou-le l filho del, dezindo: “Han de tener respeito pul miu filho.” 38Mas ls lhabradores, al ber l filho, dezírun uns pa ls outros: “Este ye l ardeiro. Ala, bamos a matá-lo i quedaremos cula ardança del.” 39I mal apenas l agarrórun, botórun-lo para fuora de la binha i matórun-lo.
40Anton, quando benir l duonho de la binha l quei le bai a fazer a aqueilhes lhabradores?» 41Eilhes dízen-le: «Dará-le ũa muorte mala als malos i arrendará la binha a outros lhabradores que le antréguen ls fruitos ne l tiempo debido.»
42Jasus dixo-le: «Nunca listes nas Scrituras:
La piedra que ls pedreiros nun quejírun,
essa bai a quedar de squineira?
L Senhor fizo estas cousas
i ye ũa marabilha pa ls nuossos uolhos?
43Assi, tamien bos digo que bos será tirado l reino de Dius i será-le dado a giente que le faga dar ls sous fruitos. 44I quien cair anriba desta lhastra quedará spaporrado; i anriba de quien eilha cair, smagará-lo.»
45Quando alguns de ls saçardotes i ls fariseus oubírun las parábolas del, antendírun que staba a falar deilhes 46i tenien gana de l prender, mas tubírun miedo de l pobo porque l tenie na cuonta de porfeta.
Currently Selected:
Mateus 21: EM14
Highlight
Share
Copy
Want to have your highlights saved across all your devices? Sign up or sign in
Evangelhos em Mirandês © Sociedade Bíblica, 2014.
Mateus 21
21
Çcuçones an Jarusalen. Jasus entra an Jarusalen
(Marcos 11,1–11; Lucas 19,28–40; Juan 12,12–19)
1Quando yá íban acerca de Jarusalen, al passar por Betfagé, ne l Monte de las Oulibeiras, Jasus mandou dous deciplos 2dezindo-le: «Ide a la tierra que stá delantre de bós i lhougo a l’antrada achareis ũa burra presa i un burrico cun eilha; çprendei-los i traiei-me-los. 3I se ũa pessona bos preguntar algo, dezi-le que l duonho ten percison deilhes i lhougo ls mandará.»
4Todo se dou para que se cumpra l que fui anunciado pul porfeta, que diç:
5 Dezi-le a la filha de Sion:
Mira, l tou rei ben até ti,
manso i a cabalho nũa burra i un burrico,
filho dũa béstia de carga.
6Anton, ls deciplos fúrun-se alhá i fazírun l que Jasus le habie mandado, 7traírun la burra i l burrico i ponírun-le pul lhombo las sues capas i el scarranchou-se neilha. 8Muita soma de giente stendiu la sue capa ne l camino i outros cortában galhos de las arbles i spalhában-los pul camino. 9Anton todo aquel juntouro de giente, tanto ls que íban delantre cumo ls que benien por trás, boziában dezindo:
«Houssana al filho de Dabide!
Bendito l que ben an nome de l Senhor!
Houssana nas alturas!»
10Quando antrou an Jarusalen, to la cidade quedou albrotada, dezindo: «Quien ye este?» 11Mas la giente dezie: «Este ye Jasus, porfeta de Nazaré de la Galileia.»
Bota ls bendedores para fuora de l templo
(Marcos 11,15–19; Lucas 19,45–48; Juan 2,13–22)
12Jasus antrou ne l templo i botou pa la rue todos ls que alhá cumprában i bendien, scachou las mesas de ls cambistas i ls talhos de ls bendedores de palombas, 13i dixo-le: «Stá screbido: La mie casa chamará-se casa de ouracion, mas bós fazistes deilha ũa curriça de lhadrones.»
14Apuis benírun a tener cun el, al templo, ciegos i tolhidos i el sanou-los. 15Quando ls xefes de ls saçardotes i ls scribas bírun las marabilhas que fazira i ls garoticos a gritar ne l templo i a dezir: «Houssana al filho de Dabide», quedórun mui anrabiados 16i dezírun-le: «Oubes l que estes stan a dezir?» Mas Jasus dixo-le: «Claro! Nunca listes: «De la boca de ls pequeinhos i de ls ninos de teta saquestes l lhoubor purfeito?»
17I bolbiu-le las cuostas, saliu para fuora de la cidade i fui-se para Betánia i ende quedou a drumir.
La figueira sien figos
(Marcos 11,12–14.20–24)
18Lhougo a la purmanhana, al bolber pa la cidade, dou-le la fame. 19Bendo ũa figueira acerca l camino, fui-se alhá mas nun achou mais nada a nun ser fuolhas i dixo-le a eilha: «Que nunca mais de ti torne a nacer fruito.» I mal apenas acabou de falar, la figueira secou-se. 20Al béren l feito, ls deciplos quedórun admirados i dezien: «Cumo fui que la figueira se secou tan debrebe?» 21Jasus respundiu-le, dezindo: «Quedai bien ciertos de l que bos digo: Se tubirdes fé i nun dubidardes, nun fazereis solo l que le passou a la figueira, mas tamien se le dezirdes a este monte, “Sal dende i bota-te al mar”, assi se passará. 22I alcançareis todo l que pedirdes cun fé na ouracion.»
L poder de Jasus i l batismo de Juan
(Marcos 11,27–33; Lucas 20,1–8)
23Apuis, antrou ne l templo i puso-se a ansinar. Benírun a tener cun el ls xefes de ls saçardotes i ls mais antigos de l pobo i dezírun-le: «Cun que outeridade fais estas cousas? I quien te dou este poder?» 24Mas Jasus respundiu-le, dezindo: «Tamien you bos bou a poner ũa question i, se me respundirdes, tamien bos dezirei qual l’outeridade cun que fago estas cousas: 25L batismo de Juan d’adonde era? De l cielo ou de ls homes?» Eilhes falában antre eilhes dezindo: «Se le dezirmos, “de l cielo”, el dezirá-mos, “anton porque nun acraditestes nel?” 26mas se le dezirmos, “de ls homes”, tenemos miedo de l pobo, pus todos ténen a Juan na cuonta de porfeta.» 27Anton, respundírun-le a Jasus: «Nun sabemos.» I el dixo-le tamien: «Anton, tamien you nun bos digo cun que outeridade fago estas cousas.»
Parábola de ls dous filhos
28«Dezi-me, agora, l que bos parece: Habie un home que tenie dous filhos. Achegou-se al purmeiro i dixo-le: “Filho, bai hoije a trabalhar pa la mie binha.” 29El respundiu-le, dezindo: “Nun quiero.” Mas, apuis, lhebado pul arrependimiento, alhá fui. 30Apuis, achegando-se an pie de l segundo, dixo-le la mesma cousa. I el respundiu-le, dezindo: “Bou, si senhor.” Mas nun fui.
31Qual de ls dous le fizo la buntade al pai?» Eilhes respónden: «L purmeiro.» Dixo-le Jasus: «Quedai bien ciertos de l que bos digo: Ls recebidores de la décima i las putas éntran delantre de bós ne l Reino de Dius. 32Porque Juan bieno a tener cun bós, pul camino de la justícia, i nun acraditestes nel; mas ls recebidores de la décima i las putas acraditórun nel. I bós, que bistes, nien assi fazistes apuis peniténcia, para que acraditárades nel.»
Parábola de ls lhabradores malos
(Marcos 12,1–12; Lucas 20,9–19)
33Oubi outra parábola. «Habie un pai de família que puso ũa binha, amuralhou-la, scabou neilha un lhagar i alhebantou ũa torre. Apuis arrendou-se-la a uns lhabradores i fui-se para loinge.
34Quando yá era quaijeque tiempo de bendímia, mandou ls sous criados a tener culs lhabradores para recebir ls fruitos. 35Mas ls lhabradores agarrórun ls criados del i a un anchírun-lo de porradas, a outro matórun-lo i a outro acantiórun-lo. 36Anton, mandou outra beç a outros criados i an mais grande númaro que ls purmeiros, mas eilhes fazírun-le la mesma cousa. 37Na fin mandou-le l filho del, dezindo: “Han de tener respeito pul miu filho.” 38Mas ls lhabradores, al ber l filho, dezírun uns pa ls outros: “Este ye l ardeiro. Ala, bamos a matá-lo i quedaremos cula ardança del.” 39I mal apenas l agarrórun, botórun-lo para fuora de la binha i matórun-lo.
40Anton, quando benir l duonho de la binha l quei le bai a fazer a aqueilhes lhabradores?» 41Eilhes dízen-le: «Dará-le ũa muorte mala als malos i arrendará la binha a outros lhabradores que le antréguen ls fruitos ne l tiempo debido.»
42Jasus dixo-le: «Nunca listes nas Scrituras:
La piedra que ls pedreiros nun quejírun,
essa bai a quedar de squineira?
L Senhor fizo estas cousas
i ye ũa marabilha pa ls nuossos uolhos?
43Assi, tamien bos digo que bos será tirado l reino de Dius i será-le dado a giente que le faga dar ls sous fruitos. 44I quien cair anriba desta lhastra quedará spaporrado; i anriba de quien eilha cair, smagará-lo.»
45Quando alguns de ls saçardotes i ls fariseus oubírun las parábolas del, antendírun que staba a falar deilhes 46i tenien gana de l prender, mas tubírun miedo de l pobo porque l tenie na cuonta de porfeta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Evangelhos em Mirandês © Sociedade Bíblica, 2014.