Luk 4:9-12

Iesusa aindopri, Paparuna Ramootta mamo aŋgɨa taŋga Ierusalem naaŋgɨa gaca. Raraŋ Aetaniacna Kacmo, mon tamuŋ ŋgoinnanna tɨkca ma mamo aindopatna, “U Raraŋ Aetaniacna Nuoc ecte, u ganna tɨkca wɨkɨnna putriki irik. U ainda mo, Raraŋ Aetaniacna Timbigta Kapca aindoprina, ‘Raraŋ Aetaniaca mana mbaiŋna aiŋa morena ŋerŋgaurmo ma mbagɨrica mina kocroca, unmo ndorita paɨr puŋ ŋgotac te, waut ianna una ora mba rɨŋitndai.’” Paparuna Ramootta aindopri, Iesusa mana kam rutica aindopatna, “Raraŋ Aetaniacna Kamma gaind maeacreke, ‘U ndona Kacoot Raraŋ Aetaniacmo kai towai teac. Ma una Raraŋ Aetaniac.’”