Noo Luke 7:21-22

As ayns yn oor cheddin v’eh lheihys ymmodee jeh ny aslayntyn as ny doghanyn, as ny drogh‐spyrrydyn oc, as da ymmodee va doal v’eh coyrt soilshey. Eisht dreggyr Yeesey as dooyrt eh roo, Immee‐jee reue, as insh‐jee da Ean cre ny reddyn ta shiu er vakin as er chlashtyn, kys dy vel ny doail geddyn nyn soilshey, ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as y sushtal er ny phreacheil da ny boghtyn.