Noo Mark 3
3
CAB. III
1As hie eh reesht stiagh ayns y synagogue, as va dooinney ayns shen lesh laue shyrgit. 2As va sooil oc er, dy yeeaghyn jinnagh eh eh y lheihys er laa yn doonaght, dy voddagh oyr y ve oc dy phlaiynt noi. 3As dooyrt eh rish y dooinney lesh y laue shyrgit, Shass magh. 4As dooyrt eh roo, Vel eh lowal dy yannoo mie er laghyn y doonaght, ny dy yannoo olk? dy hauail bioys, ny dy stroie eh? Agh v’adsyn nyn dhost. 5As tra v’eh er yeeaghyn mygeayrt orroo lesh corree, ve’h seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley. 6As hie ny Phariseeyn magh, as chelleeragh ghow ad hene, as ny Herodianee, coyrle n’oï kys oddagh ad eh y stroie. 7Agh bie Yeesey dy lhiattee marish e ynseydee gys oirr ny marrey: as deiyr earrooyn mooarey dy leih er veih Galilee, as veih Judea, 8As veih Jerusalem, as veih Idumea, as veih’n cheu elley dy Yordan, as adsyn mygeayrt Tyre as Sidon, earroo mooar, tra cheayll ad cre ny reddyn yindyssagh v’eh er n’yannoo, haink ad huggey. 9As loayr eh rish e ynseydee, lhong veg dy ve aarloo er e hon, kyndagh rish y pobble, son nagh jinnagh ad chionney stiagh er. 10Son v’eh er laanaghey ymmodee, ayns wheesh as dy row ad chionney stiagh huggey, dy ventyn rish, whilleen as va dourinagh. 11As ny spyrrydyn neu‐ghlen tra honnick ad eh, huitt ad sheese kiongoyrt rish, as dyllee ad, gra, She Mac Yee oo. 12As hug eh currym gyere orroo, gyn ad dy insh magh quoi v’eh. 13As hie eh seose er slieau, as deïe eh er y vooinjer baillish: as haink ad huggey. 14As dooardee eh ghaa‐yeig dy ve marish, dy voddagh eh coyrt ad magh dy phreacheil: 15As dy voddagh pooar y ve oc dy lheihys aslayntyn, as dy hilgey magh drogh‐spyrrydyn. 16As Simon lhiennoo eh Peddyr. 17As Jamys mac Zebedee, as Ean braar Yamys (as lhiennoo eh adsyn Boanerges, ta shen dy ghra, Cloan ny taarnee) 18As Andreays, as Philip, as Bartholomew, as Mian, as Thomase, as Jamys mac Alpheus, as Thaddeus, as Simon yn Canaanite. 19As Yuaase Iscariot, ren myrgeddin eh y vrah: as hie ad stiagh ayns thie. 20As va’n pobble er nyn jaglym cooidjagh reesht, myr shen nagh row wheesh caa oc dy ghoaill beaghey. 21As tra cheayll e gheiney‐mooinjerey jeh, hie ad magh dy ghoaill eh: son dooyrt ad, T’eh ass e cheeayl.
22As dooyrt ny scrudeyryn haink neose veih Jerusalem, Ta Beelzebub echey, as liorish prince ny drogh‐spyrrydyn t’eh tilgey magh drogh‐spyrrydyn. 23As deïe eh orroo huggey, as dooyrt eh roo ayns coraaghyn‐dorraghey, Kys oddys Satan Satan y chastey? 24As my ta reeriaght girree‐magh n’oï hene, cha vod y reeriaght shen shassoo. 25As my ta thie girree‐magh n’oï hene, cha vod y thie shen shassoo. 26As my ta Satan girree‐magh, as my t’eh n’oï hene, cha vod eh shassoo, agh ta e phooar ec kione. 27Cha vod dooinney erbee goll stiagh ayns thie yn treanagh, as cragh y yannoo jeh e chooid, mannagh giangle eh hoshiaght yn treanagh, as eisht nee eh cragh y yannoo er e hie. 28Dy firrinagh ta mee gra riu, Bee dy chooilley pheccah er ny leih da mec gheiney, as ny goan mollaghtagh lioroo nee ad loayrt dy mollaghtagh: 29Agh eshyn loayrys dy mollaghtagh noi yn Spyrryd Noo, cha bee dy bragh leih ny chour, agh t’eh ayns dangeyr coayl‐anmey dy bragh farraghtyn. 30Er‐yn‐oyr dy dooyrt ad, Ta spyrryd neu‐ghlen echey.
31Eisht haink e vraaraghyn as e voir, as shassoo cheu‐mooie [jeh’n dorrys] hug ad fys hug dy gey dy heet dy loayrt roo. 32As va’n pobble nyn soie mygeayrt‐y‐mysh, as dooyrt ad rish, Cur‐my‐ner, ta dty voir as dty vraaraghyn mooie fênaght er dty hon. 33As dreggyr eh ad, gra, Quoi my voir, ny my vraaraghyn? 34As yeeagh eh mygeayrt orroosyn va nyn soie mygeayrt‐y‐mysh, as dooyrt eh, Cur‐jee my‐ner my voir as my vraaraghyn. 35Son quoi‐erbee nee aigney Yee, she eshyn my vraar, as my huyr, as my voir.
Currently Selected:
Noo Mark 3: CON1810
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1810, 2019
Noo Mark 3
3
CAB. III
1As hie eh reesht stiagh ayns y synagogue, as va dooinney ayns shen lesh laue shyrgit. 2As va sooil oc er, dy yeeaghyn jinnagh eh eh y lheihys er laa yn doonaght, dy voddagh oyr y ve oc dy phlaiynt noi. 3As dooyrt eh rish y dooinney lesh y laue shyrgit, Shass magh. 4As dooyrt eh roo, Vel eh lowal dy yannoo mie er laghyn y doonaght, ny dy yannoo olk? dy hauail bioys, ny dy stroie eh? Agh v’adsyn nyn dhost. 5As tra v’eh er yeeaghyn mygeayrt orroo lesh corree, ve’h seaghnit son creoghys nyn greeaghyn, as dooyrt eh rish y dooinney, Sheeyn magh dty laue: as heeyn eh magh ee; as va e laue er ny laanaghey myr y laue elley. 6As hie ny Phariseeyn magh, as chelleeragh ghow ad hene, as ny Herodianee, coyrle n’oï kys oddagh ad eh y stroie. 7Agh bie Yeesey dy lhiattee marish e ynseydee gys oirr ny marrey: as deiyr earrooyn mooarey dy leih er veih Galilee, as veih Judea, 8As veih Jerusalem, as veih Idumea, as veih’n cheu elley dy Yordan, as adsyn mygeayrt Tyre as Sidon, earroo mooar, tra cheayll ad cre ny reddyn yindyssagh v’eh er n’yannoo, haink ad huggey. 9As loayr eh rish e ynseydee, lhong veg dy ve aarloo er e hon, kyndagh rish y pobble, son nagh jinnagh ad chionney stiagh er. 10Son v’eh er laanaghey ymmodee, ayns wheesh as dy row ad chionney stiagh huggey, dy ventyn rish, whilleen as va dourinagh. 11As ny spyrrydyn neu‐ghlen tra honnick ad eh, huitt ad sheese kiongoyrt rish, as dyllee ad, gra, She Mac Yee oo. 12As hug eh currym gyere orroo, gyn ad dy insh magh quoi v’eh. 13As hie eh seose er slieau, as deïe eh er y vooinjer baillish: as haink ad huggey. 14As dooardee eh ghaa‐yeig dy ve marish, dy voddagh eh coyrt ad magh dy phreacheil: 15As dy voddagh pooar y ve oc dy lheihys aslayntyn, as dy hilgey magh drogh‐spyrrydyn. 16As Simon lhiennoo eh Peddyr. 17As Jamys mac Zebedee, as Ean braar Yamys (as lhiennoo eh adsyn Boanerges, ta shen dy ghra, Cloan ny taarnee) 18As Andreays, as Philip, as Bartholomew, as Mian, as Thomase, as Jamys mac Alpheus, as Thaddeus, as Simon yn Canaanite. 19As Yuaase Iscariot, ren myrgeddin eh y vrah: as hie ad stiagh ayns thie. 20As va’n pobble er nyn jaglym cooidjagh reesht, myr shen nagh row wheesh caa oc dy ghoaill beaghey. 21As tra cheayll e gheiney‐mooinjerey jeh, hie ad magh dy ghoaill eh: son dooyrt ad, T’eh ass e cheeayl.
22As dooyrt ny scrudeyryn haink neose veih Jerusalem, Ta Beelzebub echey, as liorish prince ny drogh‐spyrrydyn t’eh tilgey magh drogh‐spyrrydyn. 23As deïe eh orroo huggey, as dooyrt eh roo ayns coraaghyn‐dorraghey, Kys oddys Satan Satan y chastey? 24As my ta reeriaght girree‐magh n’oï hene, cha vod y reeriaght shen shassoo. 25As my ta thie girree‐magh n’oï hene, cha vod y thie shen shassoo. 26As my ta Satan girree‐magh, as my t’eh n’oï hene, cha vod eh shassoo, agh ta e phooar ec kione. 27Cha vod dooinney erbee goll stiagh ayns thie yn treanagh, as cragh y yannoo jeh e chooid, mannagh giangle eh hoshiaght yn treanagh, as eisht nee eh cragh y yannoo er e hie. 28Dy firrinagh ta mee gra riu, Bee dy chooilley pheccah er ny leih da mec gheiney, as ny goan mollaghtagh lioroo nee ad loayrt dy mollaghtagh: 29Agh eshyn loayrys dy mollaghtagh noi yn Spyrryd Noo, cha bee dy bragh leih ny chour, agh t’eh ayns dangeyr coayl‐anmey dy bragh farraghtyn. 30Er‐yn‐oyr dy dooyrt ad, Ta spyrryd neu‐ghlen echey.
31Eisht haink e vraaraghyn as e voir, as shassoo cheu‐mooie [jeh’n dorrys] hug ad fys hug dy gey dy heet dy loayrt roo. 32As va’n pobble nyn soie mygeayrt‐y‐mysh, as dooyrt ad rish, Cur‐my‐ner, ta dty voir as dty vraaraghyn mooie fênaght er dty hon. 33As dreggyr eh ad, gra, Quoi my voir, ny my vraaraghyn? 34As yeeagh eh mygeayrt orroosyn va nyn soie mygeayrt‐y‐mysh, as dooyrt eh, Cur‐jee my‐ner my voir as my vraaraghyn. 35Son quoi‐erbee nee aigney Yee, she eshyn my vraar, as my huyr, as my voir.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1810, 2019