Jòvánì 14
14
Jézù yìì ndâ mbe tala có mì wó
1Jézù giì tò làmbu ꞌdê ngo mí njembí ndâ mbe tala có mì wó á bìndi bà kaṛa ṛé ndú mì wó ta ṛè bà ya yí ꞌdo tí ndú gî nó, ta bà yìì ndú máa,
«Njembí yo ꞌví mù gítí có bà ya ye nò lá.
Yo tee njembí yo mítí ze ta Mbíṛì.
2Tacó yê bàndò bà dù ndâ ꞌduù tí á ꞌbá mì Bu ye wálá.
Yê bàndò kùtàá má kuu ꞌbá mì Bu ye,
ye bà ci yo énó máa,
ye kû ya gí bà ꞌviindi bàndò ù ta ndi yo nò, wálá.
3Ye má cee ta nèté bà ꞌviindi bàndò ù ta ndi yo gî,
ye bà dele ndi ye gì tacó bà kaa yo ya tí gítí .
Tacó wàa, ndoo ꞌví dù ta ndoo á tí gbèe bàndò.
4Yo ŋò kpokèjì bà ya gítí to tí nò náa ye kû ya gítí nò ni gî.»
5Káa Tòmázò, tí ꞌbí mbe tala có mì Jézù gbaànjé, giì ꞌvee yí máa, «Ze ŋò ni lá nó káa bàndò tí nò náa wò kû ya gítí nò nó, ze bà giì ŋò jé káa kpokèjì bà ya gítí , Mbe tí ze?»
6Káa Jézù giì ꞌvìsì có ji yí máa,
«Ye a mbe tùbà kpokèjì mì Mbíṛì ji ndâ ꞌduù;
ye a mbe ꞌdè yúcó ji ndâ ꞌduù;
ye a ṛèngbó ꞌválá ŋìnó mbe cee lá nô.
ꞌDuù má waa to co tí ꞌbí tende kpokèjì,
yí bà di mì Bu ye wálá.
7Yo kùtàá má ŋò ye ni gî,
yo delè bà ŋò Bu ye ni gî.
Káa yo bà ŋò yí ni ꞌdo tí kpónó gî.
Yo delè ŋò yí ta ṛo yo gî.»
8Fìlípò bà-i-nò giì ꞌvìsì có ji Jézù máa, «Tùbà tí Bu lo ji ze, wàa có mì ze ꞌví cee gî.»
9Káa Jézù giì ꞌvee Fìlípò máa, «Cèe kôndi bà dù ndà ta ndà nó, wò jé nô ŋò ye ni lá, Fìlípò?
ꞌDuù má ŋò ye ni gî,
ꞌduù tí nò ŋò nò a Bu ye ni gî.
Káa wò giì ꞌdeke tí lo ŋìnó ji ye máa,
ye tùbà tí Bu ye ji wò, tacó yè?
10Wò ùnje lá, máa,
ze ta Bu ye a ndâ gbèe ꞌduù?
Ndâ có tí nó náa ye kû ꞌdè ji yo nó me ndâ ꞌdóó có mì ye gbí muu ye lá.
A Bu ye tí nó tí mbe tuu ye nó ká kû ꞌdè có.
A yí tí Bu ye tí nó náa ze ta yí nje bá gbaànjé nó
ká kû bàkà ndâ nèté mì wó.
11Yo ùnje gítí có tí nó náa ye ꞌdè ji yo máa,
ꞌbè gbí òkò tí ze ta Bu ye wálá nô.
Káa ndâ có mì ye má kû cà gbí tù yo cá-cà,
yo ꞌví ùnje ta vòó ṛè mì ndâ seṛè tí nó náa ye kû bàkà nô.
12ꞌDuù mbe tee njembí wó mítí ye ta o ꞌdáá gî gî,
bà bàkà ndâ kpo-kpò seṛè go ndâ ŋìnó náa ye kû bàkà nó gî,
yí delè bà bàkà a ndâ kpo-kpò i mbe ndii ndâ ŋìnó náa ye kû bàkà nó gî,
tacó ye kû ya gí mì Bu ye;
13tacó énò, yo má yù ꞌbí ŋa i ta ṛe ye ꞌdo mì Bu ye,
ye bà je i tí nò ji yo gî.
Tacó wàa, ndâ ꞌduù ꞌví ùlù ta Bu ye ꞌdo gbí có mì ye tí ꞌViì mì wó.
14Yo má yù i ta ṛè ye,
ye bà je i tí nò ji yo gî.
15Yo má zè ye nìkì maa,
yo bà kpolo tí ndâ có mì ye gî.
16Ye bà ꞌdeke tí ye ji Bu ye,
wàa yí ꞌví tuu ꞌbí ꞌduù ji yo tí mbe kpo-gbí-tà-tù yo,
náa yí bà dù ta yo dúú bà ya tí gî.
17ꞌDuù tí nò náa Bu ye bà tuu yí ji yo tí mbe konì yo nò a Bèṛi-mì-Mbíṛì,
tí mbe ꞌdè yúcó.
Ndâ ꞌduù muu to tí nó bà ùnje gítí wó wálá,
tacó ndú jé gí bà ŋò yí ni wálá,
ndú delè je gí bà ŋò yí ta ṛo ndú wálá.
Káa yo bà ŋò yí ni gî,
tacó yí kèjì gí bà dù ta yo gbí njembí yo.
18Ye bà si yo ꞌví jìꞌvì njò wálá.
Ye bà dele ndi ye gì gí mì yo gî.
19Sè ká njíꞌdí,
bìndi ndâ ꞌduù bà giì ŋò ye wálá.
Káa yo bà ŋò ye gî,
tacó ku me ndòngbú i ji ye lá.
À má énò, ku delè bà dù me ndòngbú i ji yo lá.
20Yo ta ṛi tí nò bà ŋò ni gî máa,
ze ta Bu ye a ndâ gbèe ꞌduù.
Káa ndoo ta ndoo delè a ndâ gbèe ꞌduù.
21ꞌDuù mbe ꞌdi ndâ có mì ye,
bìndi yí giì kpolo tí ndú gî,
a mbe zè ye nìkì maa.
Káa ꞌduù mbe zè ye nìkì maa,
Bu ye bà zè yí nìkì maa.
Ye delè bà zè yí nìkì maa.
Ye delè bà ꞌdè gbí tí ye ji yí.»
22Mâ giì zekeꞌo, ꞌbí mbe tala có mì Jézù ta ṛè wó a Júdà, me Júdà ŋìnó tí Júdà Ìsìkàrìyótè nò lá, giì ꞌvee Jézù máa, «Wò bà tùbà tí lo ji ze ta bà muu ze nó, si sè ndâ ꞌbí ꞌduù mí to, ta ŋa kpokèjì ngàyi, Mbe tí ze?»
23Káa Jézù giì ꞌvìsì có ji Júdà tí nò máa,
«ꞌDuù má zè ye nìkì maa,
yí bà kpolo tí ndâ có mì ye gî.
Káa ꞌduù má kpolo tí ndâ có mì ye gî,
Bu ye bà zè yí nìkì maa.
Ze ta Bu ye bà gì gí bà sì ꞌbá ngbé mí mì ze ta ndú.
24Ndâ mbe zè ye nìkì lá, kpolo tí ndâ có mì ye lá.
Káa ndâ có tí nò náa ye kû ꞌdè nò me ndâ có mì ye lá.
Ndú a ndâ có mì Bu ye, tí mbe tuu ye.
25Ye kû ꞌdè ndâ có tí nò ji yo kpónó si ndoo a kuu ta ndoo nô.
26Káa a Bèṛi tí nó náa Bu ye ba giì tuu yí ji yo,
tí mbe kpo-gbí-tà-tù yo ta ṛè ye nó
ká bà gì gí bà nìbà ndâ i ꞌdáá gî ji yo.
A yí delè ká bà gì gí bà ꞌva mbí yo gítí ndâ có ŋìnó náa ye ꞌdè ji yo ꞌdáá gî nô.
27Yo dù ta ꞌdê njembí yo.
Ye bà je ŋa ꞌdê njembí tí nó mì ye nó ji yo.
Ye kû je ji yo me go bà je i ji yo mì ndâ ꞌduù lá.
À má énò, yo ꞌví si njembí yo ꞌví mù lá.
28Yo ꞌdi ꞌdo gbí nje ye ta tù yo énó máa,
ye kû giì ya gî,
wàa ye ꞌví giì dele ndi ye nò gî.
À má énò, yo kùtàá má a ndâ ꞌduù mbe zè ye nìkì maa,
líkíꞌo bà ꞌdi énó máa, ye kû ya gí mì Bu ye nò, bà bàkà yo ngé.
Tacó Bu ye a gbolò ꞌduù ndii ye gî.
29Ye kû ci nó a yo kùṛo bà bàkà tí mì i tí nò.
Tacó wàa à má giì bàkà tí,
yo ꞌví ù ta nje gítí .
30O mì ye tacó bà dù kû ꞌdè có kpòò ji yo wálá,
tacó Gba-to-tí-nó kèjì.
À kpêtí ká énò, wotí mì wó gítí ye wálá.
31Káa ye kû bàkà go có tí nó náa Bu ye ꞌdè ji ye nô.
Tacó wàa ndâ ꞌduù ꞌví ŋò tí ni énó máa,
ye zè Bu ye nìkì maa.
Tacó ye delè kû bàkà ndírí ká go có tí nó náa yí ꞌdè ji ye nô.
«Nògí, yo a gí yaà wàa ndoo ꞌví nje nó ꞌdo bà-i-nó gî!
Currently Selected:
Jòvánì 14: ndz
Highlight
Share
Copy
Want to have your highlights saved across all your devices? Sign up or sign in
© 2001, Wycliffe Bible Translators, Inc. All rights reserved.
Jòvánì 14
14
Jézù yìì ndâ mbe tala có mì wó
1Jézù giì tò làmbu ꞌdê ngo mí njembí ndâ mbe tala có mì wó á bìndi bà kaṛa ṛé ndú mì wó ta ṛè bà ya yí ꞌdo tí ndú gî nó, ta bà yìì ndú máa,
«Njembí yo ꞌví mù gítí có bà ya ye nò lá.
Yo tee njembí yo mítí ze ta Mbíṛì.
2Tacó yê bàndò bà dù ndâ ꞌduù tí á ꞌbá mì Bu ye wálá.
Yê bàndò kùtàá má kuu ꞌbá mì Bu ye,
ye bà ci yo énó máa,
ye kû ya gí bà ꞌviindi bàndò ù ta ndi yo nò, wálá.
3Ye má cee ta nèté bà ꞌviindi bàndò ù ta ndi yo gî,
ye bà dele ndi ye gì tacó bà kaa yo ya tí gítí .
Tacó wàa, ndoo ꞌví dù ta ndoo á tí gbèe bàndò.
4Yo ŋò kpokèjì bà ya gítí to tí nò náa ye kû ya gítí nò ni gî.»
5Káa Tòmázò, tí ꞌbí mbe tala có mì Jézù gbaànjé, giì ꞌvee yí máa, «Ze ŋò ni lá nó káa bàndò tí nò náa wò kû ya gítí nò nó, ze bà giì ŋò jé káa kpokèjì bà ya gítí , Mbe tí ze?»
6Káa Jézù giì ꞌvìsì có ji yí máa,
«Ye a mbe tùbà kpokèjì mì Mbíṛì ji ndâ ꞌduù;
ye a mbe ꞌdè yúcó ji ndâ ꞌduù;
ye a ṛèngbó ꞌválá ŋìnó mbe cee lá nô.
ꞌDuù má waa to co tí ꞌbí tende kpokèjì,
yí bà di mì Bu ye wálá.
7Yo kùtàá má ŋò ye ni gî,
yo delè bà ŋò Bu ye ni gî.
Káa yo bà ŋò yí ni ꞌdo tí kpónó gî.
Yo delè ŋò yí ta ṛo yo gî.»
8Fìlípò bà-i-nò giì ꞌvìsì có ji Jézù máa, «Tùbà tí Bu lo ji ze, wàa có mì ze ꞌví cee gî.»
9Káa Jézù giì ꞌvee Fìlípò máa, «Cèe kôndi bà dù ndà ta ndà nó, wò jé nô ŋò ye ni lá, Fìlípò?
ꞌDuù má ŋò ye ni gî,
ꞌduù tí nò ŋò nò a Bu ye ni gî.
Káa wò giì ꞌdeke tí lo ŋìnó ji ye máa,
ye tùbà tí Bu ye ji wò, tacó yè?
10Wò ùnje lá, máa,
ze ta Bu ye a ndâ gbèe ꞌduù?
Ndâ có tí nó náa ye kû ꞌdè ji yo nó me ndâ ꞌdóó có mì ye gbí muu ye lá.
A Bu ye tí nó tí mbe tuu ye nó ká kû ꞌdè có.
A yí tí Bu ye tí nó náa ze ta yí nje bá gbaànjé nó
ká kû bàkà ndâ nèté mì wó.
11Yo ùnje gítí có tí nó náa ye ꞌdè ji yo máa,
ꞌbè gbí òkò tí ze ta Bu ye wálá nô.
Káa ndâ có mì ye má kû cà gbí tù yo cá-cà,
yo ꞌví ùnje ta vòó ṛè mì ndâ seṛè tí nó náa ye kû bàkà nô.
12ꞌDuù mbe tee njembí wó mítí ye ta o ꞌdáá gî gî,
bà bàkà ndâ kpo-kpò seṛè go ndâ ŋìnó náa ye kû bàkà nó gî,
yí delè bà bàkà a ndâ kpo-kpò i mbe ndii ndâ ŋìnó náa ye kû bàkà nó gî,
tacó ye kû ya gí mì Bu ye;
13tacó énò, yo má yù ꞌbí ŋa i ta ṛe ye ꞌdo mì Bu ye,
ye bà je i tí nò ji yo gî.
Tacó wàa, ndâ ꞌduù ꞌví ùlù ta Bu ye ꞌdo gbí có mì ye tí ꞌViì mì wó.
14Yo má yù i ta ṛè ye,
ye bà je i tí nò ji yo gî.
15Yo má zè ye nìkì maa,
yo bà kpolo tí ndâ có mì ye gî.
16Ye bà ꞌdeke tí ye ji Bu ye,
wàa yí ꞌví tuu ꞌbí ꞌduù ji yo tí mbe kpo-gbí-tà-tù yo,
náa yí bà dù ta yo dúú bà ya tí gî.
17ꞌDuù tí nò náa Bu ye bà tuu yí ji yo tí mbe konì yo nò a Bèṛi-mì-Mbíṛì,
tí mbe ꞌdè yúcó.
Ndâ ꞌduù muu to tí nó bà ùnje gítí wó wálá,
tacó ndú jé gí bà ŋò yí ni wálá,
ndú delè je gí bà ŋò yí ta ṛo ndú wálá.
Káa yo bà ŋò yí ni gî,
tacó yí kèjì gí bà dù ta yo gbí njembí yo.
18Ye bà si yo ꞌví jìꞌvì njò wálá.
Ye bà dele ndi ye gì gí mì yo gî.
19Sè ká njíꞌdí,
bìndi ndâ ꞌduù bà giì ŋò ye wálá.
Káa yo bà ŋò ye gî,
tacó ku me ndòngbú i ji ye lá.
À má énò, ku delè bà dù me ndòngbú i ji yo lá.
20Yo ta ṛi tí nò bà ŋò ni gî máa,
ze ta Bu ye a ndâ gbèe ꞌduù.
Káa ndoo ta ndoo delè a ndâ gbèe ꞌduù.
21ꞌDuù mbe ꞌdi ndâ có mì ye,
bìndi yí giì kpolo tí ndú gî,
a mbe zè ye nìkì maa.
Káa ꞌduù mbe zè ye nìkì maa,
Bu ye bà zè yí nìkì maa.
Ye delè bà zè yí nìkì maa.
Ye delè bà ꞌdè gbí tí ye ji yí.»
22Mâ giì zekeꞌo, ꞌbí mbe tala có mì Jézù ta ṛè wó a Júdà, me Júdà ŋìnó tí Júdà Ìsìkàrìyótè nò lá, giì ꞌvee Jézù máa, «Wò bà tùbà tí lo ji ze ta bà muu ze nó, si sè ndâ ꞌbí ꞌduù mí to, ta ŋa kpokèjì ngàyi, Mbe tí ze?»
23Káa Jézù giì ꞌvìsì có ji Júdà tí nò máa,
«ꞌDuù má zè ye nìkì maa,
yí bà kpolo tí ndâ có mì ye gî.
Káa ꞌduù má kpolo tí ndâ có mì ye gî,
Bu ye bà zè yí nìkì maa.
Ze ta Bu ye bà gì gí bà sì ꞌbá ngbé mí mì ze ta ndú.
24Ndâ mbe zè ye nìkì lá, kpolo tí ndâ có mì ye lá.
Káa ndâ có tí nò náa ye kû ꞌdè nò me ndâ có mì ye lá.
Ndú a ndâ có mì Bu ye, tí mbe tuu ye.
25Ye kû ꞌdè ndâ có tí nò ji yo kpónó si ndoo a kuu ta ndoo nô.
26Káa a Bèṛi tí nó náa Bu ye ba giì tuu yí ji yo,
tí mbe kpo-gbí-tà-tù yo ta ṛè ye nó
ká bà gì gí bà nìbà ndâ i ꞌdáá gî ji yo.
A yí delè ká bà gì gí bà ꞌva mbí yo gítí ndâ có ŋìnó náa ye ꞌdè ji yo ꞌdáá gî nô.
27Yo dù ta ꞌdê njembí yo.
Ye bà je ŋa ꞌdê njembí tí nó mì ye nó ji yo.
Ye kû je ji yo me go bà je i ji yo mì ndâ ꞌduù lá.
À má énò, yo ꞌví si njembí yo ꞌví mù lá.
28Yo ꞌdi ꞌdo gbí nje ye ta tù yo énó máa,
ye kû giì ya gî,
wàa ye ꞌví giì dele ndi ye nò gî.
À má énò, yo kùtàá má a ndâ ꞌduù mbe zè ye nìkì maa,
líkíꞌo bà ꞌdi énó máa, ye kû ya gí mì Bu ye nò, bà bàkà yo ngé.
Tacó Bu ye a gbolò ꞌduù ndii ye gî.
29Ye kû ci nó a yo kùṛo bà bàkà tí mì i tí nò.
Tacó wàa à má giì bàkà tí,
yo ꞌví ù ta nje gítí .
30O mì ye tacó bà dù kû ꞌdè có kpòò ji yo wálá,
tacó Gba-to-tí-nó kèjì.
À kpêtí ká énò, wotí mì wó gítí ye wálá.
31Káa ye kû bàkà go có tí nó náa Bu ye ꞌdè ji ye nô.
Tacó wàa ndâ ꞌduù ꞌví ŋò tí ni énó máa,
ye zè Bu ye nìkì maa.
Tacó ye delè kû bàkà ndírí ká go có tí nó náa yí ꞌdè ji ye nô.
«Nògí, yo a gí yaà wàa ndoo ꞌví nje nó ꞌdo bà-i-nó gî!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2001, Wycliffe Bible Translators, Inc. All rights reserved.