TIBIRIK 13
13
Abram ngga Lot Birakang
1Abram panu ka utara ruah so Egypt di ka parad siratan tarun tana Canaan ngga sawŭn-i ka ngga sopŭrŭg buat-rata adi-i dapu, ka Lot sua ngga ayŭh. 2Abram inŭh daya adi raru kaya; ayŭh biyŭn bagŭ biri, kambing, ka sapi, samŭn mas pirak. 3Ayŭh tingge tarun anŭ, bipindah so tarun ndi di ka tarun andi nuju Bethel. Ayŭh mandŭg ka tarun tana adi di asah Bethel ngga Ai, tarun adi ko-i yŭn bibari dawŭ-i, 4ka mbŭh pijog ndi mija-sambah. Diginŭ ayŭh nyambah TUHAN.
5Lot biyŭn gŭh biri, kambing ngga sapi, ka rawang adŭp-i samŭn daya-gaji. 6Ngapŭi tarun tana kupai mbŭh dŭh sadang yŭn duwŭh rawang anŭ briyŭn rŭŭ, amai dāng ngara mbŭh raru bagŭ. 7Ka kaii timbur di dupan daya adi jaga dāng Abraham ngga daya adi jaga dāng Lot. (Di tipuh anŭ daya Canaan ngga daya Periz gibabŭ rŭŭ di tarun tana anŭ.)
8Jadi Abram nang di Lot, “Ata ati bikada, ka daya mu ngga daya ku dŭh patut bikaii. 9Ngapŭi ata birakang adŭ. Mien tadŭ tadŭ parad tarun tana adi raan mu. Kuu di ka parad ndi, aku di ka parad andi.”
10 #
Tib 2.10
Lot tingga ndi abong tarun anŭ, ka-i kiris ndi tarun tarun Rubān Jordan ndŭg abong Zoar biyŭn bagŭ piin, mun Teya TUHAN,#13.10 Teya TUHAN: ngga kadŭn Teya Eden. puan kah mun tarun tana Egypt. (Anŭ inŭh tipuh adi diŭ so TUHAN pirabur kupo Sodom ngga kupo Gomorrah.) 11Jadi Lot kubo ngaku Rubān Jordan, ka bipindah jeh ka parad timor. Simŭnŭ inŭh gaya ngara duwŭh birakang. 12Abram rŭŭ di tana Canaan, ka Lot rŭŭ di gadung kupo kupo di rubān anŭ, ka bibari sindŭk Sodom, 13adi puno ngga daya ginaka ngga adi bidosa rawan TUHAN.
Abram bipindah ka Hebron
14Ripas Lot mbŭh bu, TUHAN nang di Abram, “So tarun adi yŭn mu madin, nakit meh tingga sopŭrŭg parad tarun. 15#Png 7.5 Aku re nggen di kuu ngga di sopŭrŭg sesang mu, sopŭrŭg tarun tana adi kuu kiris anŭ, ka-i re adu adu jadi tung jamu. 16Aku re nggen bagŭ turap sesang di kuu ndŭg ka mating daya re tungang mirang sopŭrŭg ngara; nimun dabu tana dŭh tungang dog mirang simŭnŭ gŭh ngara dŭh tungang dog mirang! 17Panu meh di tingga ndi abong tarun tana anŭ, sabab Aku taŭn re kubo nggen-i di kuu.” 18Ngapŭi Abram mindah bari-i ka rŭŭ sindŭk dudu tŭngŭn kayuh pirapu' Mamre di Hebron, ka diginŭ gŭh ayŭh pijog ndi mija-sambah yŭn TUHAN.
Currently Selected:
TIBIRIK 13: TBVONT
Highlight
Share
Copy
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
TIBIRIK 13
13
Abram ngga Lot Birakang
1Abram panu ka utara ruah so Egypt di ka parad siratan tarun tana Canaan ngga sawŭn-i ka ngga sopŭrŭg buat-rata adi-i dapu, ka Lot sua ngga ayŭh. 2Abram inŭh daya adi raru kaya; ayŭh biyŭn bagŭ biri, kambing, ka sapi, samŭn mas pirak. 3Ayŭh tingge tarun anŭ, bipindah so tarun ndi di ka tarun andi nuju Bethel. Ayŭh mandŭg ka tarun tana adi di asah Bethel ngga Ai, tarun adi ko-i yŭn bibari dawŭ-i, 4ka mbŭh pijog ndi mija-sambah. Diginŭ ayŭh nyambah TUHAN.
5Lot biyŭn gŭh biri, kambing ngga sapi, ka rawang adŭp-i samŭn daya-gaji. 6Ngapŭi tarun tana kupai mbŭh dŭh sadang yŭn duwŭh rawang anŭ briyŭn rŭŭ, amai dāng ngara mbŭh raru bagŭ. 7Ka kaii timbur di dupan daya adi jaga dāng Abraham ngga daya adi jaga dāng Lot. (Di tipuh anŭ daya Canaan ngga daya Periz gibabŭ rŭŭ di tarun tana anŭ.)
8Jadi Abram nang di Lot, “Ata ati bikada, ka daya mu ngga daya ku dŭh patut bikaii. 9Ngapŭi ata birakang adŭ. Mien tadŭ tadŭ parad tarun tana adi raan mu. Kuu di ka parad ndi, aku di ka parad andi.”
10 #
Tib 2.10
Lot tingga ndi abong tarun anŭ, ka-i kiris ndi tarun tarun Rubān Jordan ndŭg abong Zoar biyŭn bagŭ piin, mun Teya TUHAN,#13.10 Teya TUHAN: ngga kadŭn Teya Eden. puan kah mun tarun tana Egypt. (Anŭ inŭh tipuh adi diŭ so TUHAN pirabur kupo Sodom ngga kupo Gomorrah.) 11Jadi Lot kubo ngaku Rubān Jordan, ka bipindah jeh ka parad timor. Simŭnŭ inŭh gaya ngara duwŭh birakang. 12Abram rŭŭ di tana Canaan, ka Lot rŭŭ di gadung kupo kupo di rubān anŭ, ka bibari sindŭk Sodom, 13adi puno ngga daya ginaka ngga adi bidosa rawan TUHAN.
Abram bipindah ka Hebron
14Ripas Lot mbŭh bu, TUHAN nang di Abram, “So tarun adi yŭn mu madin, nakit meh tingga sopŭrŭg parad tarun. 15#Png 7.5 Aku re nggen di kuu ngga di sopŭrŭg sesang mu, sopŭrŭg tarun tana adi kuu kiris anŭ, ka-i re adu adu jadi tung jamu. 16Aku re nggen bagŭ turap sesang di kuu ndŭg ka mating daya re tungang mirang sopŭrŭg ngara; nimun dabu tana dŭh tungang dog mirang simŭnŭ gŭh ngara dŭh tungang dog mirang! 17Panu meh di tingga ndi abong tarun tana anŭ, sabab Aku taŭn re kubo nggen-i di kuu.” 18Ngapŭi Abram mindah bari-i ka rŭŭ sindŭk dudu tŭngŭn kayuh pirapu' Mamre di Hebron, ka diginŭ gŭh ayŭh pijog ndi mija-sambah yŭn TUHAN.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.