Tabekacane 22
22
Ku Twaumase wadrekase ki Aberahame ku apatarumarane ki Isake
1Sangilribatanga, ku Twaumase kialrialringau ki Aberahame. Ku Twaumase la dawlu iniane, “Aberahame!” Kwi lasu la tubalre, “Kawvadhaku!”
2Ku Twaumase amia kai, “Iluka ki lalakesu, ka amani kwini kathalraisu ka vaeva ka lalakesu ka Isake, si mwa ka Muria, ikai kwini ki tapelaelaneli muswane ka lregelrege, la malra iniane tu Lama ka lrisi patarumara nakwane.”
3Sakakaiyane ki mialrealre, ku Aberahame wabucukunga ku saarakaiyane patarumara ku angatu, si pasiamece ki ruba, la mailuku ki tadrusa ka sasiakawlu si lalakeini ka Isake, karedele papia kudra ki pelaela ki Twaumase ka kadaengane. 4Saka samakatulrulu, ku Aberahame paswabelenge pudaaili drele kwini ki kadaengane. 5Kwi lasu la iya kai ki sasiakawlu, “Kunumi si ruba asusura ikai kai; lri ilukaku ki lalake mwa kavai sukubu, ala lri siwlri nai mwa kai numiane.”
6Ku Aberahame la patukudru ki lalakeini ka Isake ku saarakaiyane patarumara ku angatu, la ecenge ku lrabu si taapudhane. Kwini lamatama la tarudrusa katwase, 7ku Isake la kawriva, “Ama” iya!
Ku Aberahame la tubalre, “Lalakeli, manemane?”
Ku Isake la kivaga, “Yakainga kai taapudhane si angatu, ku saarakaiyane patarumara ku kiu la ikainu?”
8Ku Aberahame la tubalre, “Lalakeli, ku sapatarumarane ku lrulai ka kiu, ku Twaumase lri ngikakamaani padulru!” Kwini tadrusa la pacungulu arwa cucubungu katwatwase.
9La daruru kwini pelaela ki Twaumase ki Aberahame ka kadaengane, ku Aberahame la pathagili raedre ku tapatarumaramarane, la pubelenge ku angatu sapiti, la malra ki lalakeini ka Isake kerenge, si pubelenge ki nisapitane ka angatu ibelenge ki tapatarumaramarane. 10Ku Aberahame la sudru ku lrabu lri papacai ki lalake. 11Ai ku sasiakawlu ki Tamatama ka yabelenge twalai belenge akwadrau tawtau iniane, “Aberahame! Aberahame!”
Kwi lasu la tubalre, “Kawvadhaku!”
12Ku sasiakawlu belenge la iya kai, “Madha pwalrimalrima, madha duladula ki lalake! Kikai wathingalaku aka mwasakenesu mukuludru ki Twaumase; asi lwiyane kaisu wamalra ki lalakesu, kwini vaeva ka lalake ka sawvalai, suru si kai baai nakwane.”
13Ku Aberahame la masiasirare drele, la drele ku vaeva ku balase ka kiu, ku lawngu mwapucupucu ki kalribungubungu ki angatu. La mwa malra mupucupucu kwini ki kiu, la malra kwini kiu pawbalrithi ki lalake tu Lama ka lrisi patarumara. 14Ku Aberahame la sunagane kwini ki kadaengane pasi “Ku Tamatama lri tara padulru”; pakeelanga kaikameane ku laumawmase amiamiana kikai, “Ikai ki lregelrege ki Tamatama, lri padulru#22.14 “padulru” ku wahunyake madu iya kai “siarapale”. ku Tamatama.”
15Ku sasiakawlu ki Tamatama saka kingipusale twalai belenge tawtau ki Aberahame, 16“Ku Tamatama amia kai, ‘Kudra pangiamiasu kikai, kaisu paasuru kwini vaeva ka sawvalai ka lalakesu si kai baai nakwane, lakamani lri papiaku ki naganeli kiketekete, 17lri subulrubulrwaku muswane, lri baadhaku muswane ku tathathatha ku lamwabaibalrithi muswane, mia ki tariau subelebelenge, mia ki enai babiabila ki laveke ku kalrane; ku lamwabaibalrithi muswane lri pamalebe ki labadha. 18Kai sanaka kuni lri kela kitubi nakwane ku asubulrubulrwaneli liniane, mia ku tasubulrubulrwaneli ki lamwabaibalrithi muswane, asi lwiyane pasalaladhasu ku drekaseli.’ ” 19Ku Aberahame la katwase siwlri mwa ki taikaiyane ki sasiakawluini, kwini lalasu la katwase karedele siwlri mu Bereseba, ka amani kwidra taikaikaiyane ki Aberahame.
Lamwabaibalrithi ki Nahure
20Sangilribatenga kwidra, ku Aberahame kialalra ku Mileka ka twalalake ku lalake ki agini ka Nahure ku tavalru; 21ku takatakanga Uze, ku mwasakadrusa Buze, Kemuele ka tama ki Arame, 22si Kesede, Hazu, Piledase, Yidelape, 23si Bethuele ka tama ki Rebeka. Ku Mileka twavalru tulalake ku lalake ki agi ki Aberahame ka Nahure. 24Ku labaibai ki Nahure ka Reuma twalalake ki Teba, Gahame, Tahase si Maka.
Currently Selected:
Tabekacane 22: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 22
22
Ku Twaumase wadrekase ki Aberahame ku apatarumarane ki Isake
1Sangilribatanga, ku Twaumase kialrialringau ki Aberahame. Ku Twaumase la dawlu iniane, “Aberahame!” Kwi lasu la tubalre, “Kawvadhaku!”
2Ku Twaumase amia kai, “Iluka ki lalakesu, ka amani kwini kathalraisu ka vaeva ka lalakesu ka Isake, si mwa ka Muria, ikai kwini ki tapelaelaneli muswane ka lregelrege, la malra iniane tu Lama ka lrisi patarumara nakwane.”
3Sakakaiyane ki mialrealre, ku Aberahame wabucukunga ku saarakaiyane patarumara ku angatu, si pasiamece ki ruba, la mailuku ki tadrusa ka sasiakawlu si lalakeini ka Isake, karedele papia kudra ki pelaela ki Twaumase ka kadaengane. 4Saka samakatulrulu, ku Aberahame paswabelenge pudaaili drele kwini ki kadaengane. 5Kwi lasu la iya kai ki sasiakawlu, “Kunumi si ruba asusura ikai kai; lri ilukaku ki lalake mwa kavai sukubu, ala lri siwlri nai mwa kai numiane.”
6Ku Aberahame la patukudru ki lalakeini ka Isake ku saarakaiyane patarumara ku angatu, la ecenge ku lrabu si taapudhane. Kwini lamatama la tarudrusa katwase, 7ku Isake la kawriva, “Ama” iya!
Ku Aberahame la tubalre, “Lalakeli, manemane?”
Ku Isake la kivaga, “Yakainga kai taapudhane si angatu, ku saarakaiyane patarumara ku kiu la ikainu?”
8Ku Aberahame la tubalre, “Lalakeli, ku sapatarumarane ku lrulai ka kiu, ku Twaumase lri ngikakamaani padulru!” Kwini tadrusa la pacungulu arwa cucubungu katwatwase.
9La daruru kwini pelaela ki Twaumase ki Aberahame ka kadaengane, ku Aberahame la pathagili raedre ku tapatarumaramarane, la pubelenge ku angatu sapiti, la malra ki lalakeini ka Isake kerenge, si pubelenge ki nisapitane ka angatu ibelenge ki tapatarumaramarane. 10Ku Aberahame la sudru ku lrabu lri papacai ki lalake. 11Ai ku sasiakawlu ki Tamatama ka yabelenge twalai belenge akwadrau tawtau iniane, “Aberahame! Aberahame!”
Kwi lasu la tubalre, “Kawvadhaku!”
12Ku sasiakawlu belenge la iya kai, “Madha pwalrimalrima, madha duladula ki lalake! Kikai wathingalaku aka mwasakenesu mukuludru ki Twaumase; asi lwiyane kaisu wamalra ki lalakesu, kwini vaeva ka lalake ka sawvalai, suru si kai baai nakwane.”
13Ku Aberahame la masiasirare drele, la drele ku vaeva ku balase ka kiu, ku lawngu mwapucupucu ki kalribungubungu ki angatu. La mwa malra mupucupucu kwini ki kiu, la malra kwini kiu pawbalrithi ki lalake tu Lama ka lrisi patarumara. 14Ku Aberahame la sunagane kwini ki kadaengane pasi “Ku Tamatama lri tara padulru”; pakeelanga kaikameane ku laumawmase amiamiana kikai, “Ikai ki lregelrege ki Tamatama, lri padulru#22.14 “padulru” ku wahunyake madu iya kai “siarapale”. ku Tamatama.”
15Ku sasiakawlu ki Tamatama saka kingipusale twalai belenge tawtau ki Aberahame, 16“Ku Tamatama amia kai, ‘Kudra pangiamiasu kikai, kaisu paasuru kwini vaeva ka sawvalai ka lalakesu si kai baai nakwane, lakamani lri papiaku ki naganeli kiketekete, 17lri subulrubulrwaku muswane, lri baadhaku muswane ku tathathatha ku lamwabaibalrithi muswane, mia ki tariau subelebelenge, mia ki enai babiabila ki laveke ku kalrane; ku lamwabaibalrithi muswane lri pamalebe ki labadha. 18Kai sanaka kuni lri kela kitubi nakwane ku asubulrubulrwaneli liniane, mia ku tasubulrubulrwaneli ki lamwabaibalrithi muswane, asi lwiyane pasalaladhasu ku drekaseli.’ ” 19Ku Aberahame la katwase siwlri mwa ki taikaiyane ki sasiakawluini, kwini lalasu la katwase karedele siwlri mu Bereseba, ka amani kwidra taikaikaiyane ki Aberahame.
Lamwabaibalrithi ki Nahure
20Sangilribatenga kwidra, ku Aberahame kialalra ku Mileka ka twalalake ku lalake ki agini ka Nahure ku tavalru; 21ku takatakanga Uze, ku mwasakadrusa Buze, Kemuele ka tama ki Arame, 22si Kesede, Hazu, Piledase, Yidelape, 23si Bethuele ka tama ki Rebeka. Ku Mileka twavalru tulalake ku lalake ki agi ki Aberahame ka Nahure. 24Ku labaibai ki Nahure ka Reuma twalalake ki Teba, Gahame, Tahase si Maka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017