Tabekacane 44
44
Maulrau ku gingi ka kupu ki Yusepe
1Ku Yusepe wadrekase ki taramarasikaikai ki tacekecekelane iya kai, “Drela singikaai ku tadulrwane lini siamece, la pasuete ku taleke ki lalumase lini, si sawlri kwini paisu pwa ki lumase lini. 2Ala kwini agiaginga, la malra kwini kupuli si paisuini pwa ki lumaseini.” Ku taramarasikaikai ki tacekecekelane la pangimia kwini tadrekasane. 3Sakakaiyane ki mialrealre, kikai labetakaneini si laruba la makitu kipakatwasenga. 4Sa kaiyana mwadaili ku takatwasane ki cekele, ku Yusepe la iya kai ki taramarasikaikai ki tacekecekelane, “Lu kirarimwa saladha kwini ki laumawmase, lu padalingasu, la kivavaga liniane, ‘Anu ara ngilisianane bilri ki mathariri? 5Anu kupa iluku ku gingi ka kupu ki tawkili#44.5 “Anu kupa iluku ku gingi ka kupu ki tawkili” patwalai ki sidrumane ka nihunyakane ka hungu, ikai ki pacase ki Hiburu kadrwa kikai vaga kai.? Kwini kupu saarakaikaiyaneini ungulu, la mialri ka satulrisilrisiane; maadrau turamuru kai tapasalrivane numi!’ ”
6Ku taramarasikaikai ki tacekecekelane sa padali liniane yai, la iya kikai lavaga liniane. 7Kwi lalasu la tubalre, “Sinsi, kikai vagasu papiapiasu ki manemane? Lri kiketekete nai, kai nai paiya kikai miyaiya kai. 8Wathingalesu, ku paswalaala kudra kidringai nai ku yalumasane ku paisu, mialri nai patwalai Kanange iluku sawlri. Lri tumane nai malra kupa kwini yakai ki daane ki tawkisu kwi gingi si kingi? 9Sinsi, alaiyasi ikaisu naiane ka lasasiakawlu, kai susu ku kiadringaisu ku kupu ikai ki lumase ki aneanane, kwini lri kamani ku lri kipapacai; ku drumane mialri palraingi aduri muswane.”
10Ku taramarasikaikai ki tacekecekelane la iya kai, “Palraingaku kikai vaga numi. Ai anika kathane kwini kwaupa ku kupu ka asuru aduri nakwane, ku drumanenga ani ngilralraainginga katwase siwlri.” 11La kirarimu pucakena ku lumase, la mutenge makanaelre ku lalumase lini. 12Kwini taramarasikaikai ki tacekecekelane la pudriadriingai silape, twalai ki lumase ki takataakanga, silape pakela ki agiaginga. Ala, kidringai kwini kupu ikai ki lumase ki Biniyamingi. 13Kwini lamatakataka la tubi si thuriace ku laimai lini, la malra kwini amece pasiamece ki ruba, la katwase siwlri mucekele.
14Ku Yuda si drumane ka labetakane sa mwanga ki daane ki Yusepe yai, ku Yusepe yakaiyana kwini; kwi lalasu la pidruru icucubungu sukubu iniane. 15Ku Yusepe la iya kai, “Manemane kikai pia numi kikai? Kai numi wathiingale ku paramia nakwane kai ala ka wadulru tulrisi si thingale ku tangivelevelane numi?”
16Ku Yuda la tubalre, “Tamatamali, manemaneana ku aiyaneana nai? Kiadralrili nai lri maka iyana nai kidrikisiana ku vaga? Ku Twaumase pwataluvaivainga kai pasalrivane nai! Kikai, kaika kathane kwini kiapikai kikidringai ku kupu, adravane kunai mialria paelrea naiane tuduri muswane.”
17Ku Yusepe la iya kai, “Ini! Kainaku lri maka pia ku miyaiya kai. Kathaane kwidra wamalra ku kupu ka lri tara aduri nakwane; ku drumanenga kai lri katumane kasulivaliivatenga siwlri mwa ki tama numi.”
Ngiatalikaiyane ki Biniyamingi ku Yuda kitubi
18Ku Yuda la arwa cucubungu, si iya kai ki Yusepe, “Tamatamali, kiatubiaku muswane palraingaili kikai acungucunganeli papia muswane. Mababaratanesu ki talialalai, madha kalisilisi ki sasiakawlusu. 19Tamatamali, nakiavagasu naiane, ‘Yakai ku tama numi si ku drumane ku betakane numi?’ 20La tubalre nai, ‘Yakai ku pasuludrunga ku tama nai, la ikaiyana ku tangea ku agi nai ku vavalakeana ku sawvalai, ka tulalake ki ama saka tarudrawdrangenga. Kikai ku taka ki agi nai la pacainga; kathanenga ku lalake lini ki walrabuthu liniane ka tina, lakamani ku ama pawkalrivili kilibake iniane.’ 21Tamatama nai, wacunusu naiane ku ailukane iniane, ku lrika adrelanesu iniane, 22Ai amianga naai, kikai vavalake kai lri maka kidaili ki tamaini; sana kidaili, ku tamaini lri tara paacai. 23Ai amiasu kai ka tamatamali, ‘Lu iluku numi kwini ki agiaginga kainganai, lri palraingaku ku wakela numi kidrele nakwane.’
24“Sa mubalriu nai mwa ki ama, la pelaela nai iniane kikai lavagasu ka tamatama. 25Sakabilrilanenga, la pakaingaanainga naiane kibungu. 26La iya nai kai iniane, ‘Kai nai lri maka mwanga, lu tupaalra naiane kai agiaginga, lri maka kidrelenga kwini ki umawmase; lu tupaalra naiane kai agi nai katwase, kai nai lri dulru katwase.’ 27La iya kai ku tama nai, ‘Wathingale numi, ku taelrelreli ka Rakile pasangwadrwadrusa tulalake ku sawvalai ku lalakeli, 28ku tangea la katwasenga nakwane. Twalainga ku takatwasaneini, la kainaku drelenga iniane; lri tara ka kiababurau ki waudriwdripi. 29Kaiasasane lalri iluku numi ki agiaginga katwase nakwane. Ala ikadalraanane sutatwatumane, lri pangikurwane numi patubi nakwane mwadringi ki dae!’ ”
30-31Ku Yuda la pacungulu iya kai, “Lakamani, tamatamali, ku niake ki ama si niake ki vavalake mararaisi. Lu kai nai iluku kai ki lalake siwlri, la kai maka drele kai ki lalake, lri tara paacai; lu mia kwini amaninga nai ka pangiakuruane patubi iniane mwadringi ki dae? 32La kaika ngimiyaiya kai sikakathane, ngiakakamaniaku kiketekete ki ama, iya kai iniane, alaiyasi kainaku iluku ki lalake siwlri baai muswane, palraingaku makalautu siamece ku pasalrivane. 33Lakamani, tamatamali, palraingaku asuru ikai kai, atalingikaiyane ki lalake aduri muswane. Ala patupalra iniane ki latakaini siwlri katwase. 34Alaiyasi kikai lalake la kai tupapalra nakwane siwlri, lri tumanaku dulru siwlri kidrele ki ama? Kainaku walreme drele ki ama lu kipadradresenge kikai miyaiya kai ku amatikurwane.”
Currently Selected:
Tabekacane 44: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 44
44
Maulrau ku gingi ka kupu ki Yusepe
1Ku Yusepe wadrekase ki taramarasikaikai ki tacekecekelane iya kai, “Drela singikaai ku tadulrwane lini siamece, la pasuete ku taleke ki lalumase lini, si sawlri kwini paisu pwa ki lumase lini. 2Ala kwini agiaginga, la malra kwini kupuli si paisuini pwa ki lumaseini.” Ku taramarasikaikai ki tacekecekelane la pangimia kwini tadrekasane. 3Sakakaiyane ki mialrealre, kikai labetakaneini si laruba la makitu kipakatwasenga. 4Sa kaiyana mwadaili ku takatwasane ki cekele, ku Yusepe la iya kai ki taramarasikaikai ki tacekecekelane, “Lu kirarimwa saladha kwini ki laumawmase, lu padalingasu, la kivavaga liniane, ‘Anu ara ngilisianane bilri ki mathariri? 5Anu kupa iluku ku gingi ka kupu ki tawkili#44.5 “Anu kupa iluku ku gingi ka kupu ki tawkili” patwalai ki sidrumane ka nihunyakane ka hungu, ikai ki pacase ki Hiburu kadrwa kikai vaga kai.? Kwini kupu saarakaikaiyaneini ungulu, la mialri ka satulrisilrisiane; maadrau turamuru kai tapasalrivane numi!’ ”
6Ku taramarasikaikai ki tacekecekelane sa padali liniane yai, la iya kikai lavaga liniane. 7Kwi lalasu la tubalre, “Sinsi, kikai vagasu papiapiasu ki manemane? Lri kiketekete nai, kai nai paiya kikai miyaiya kai. 8Wathingalesu, ku paswalaala kudra kidringai nai ku yalumasane ku paisu, mialri nai patwalai Kanange iluku sawlri. Lri tumane nai malra kupa kwini yakai ki daane ki tawkisu kwi gingi si kingi? 9Sinsi, alaiyasi ikaisu naiane ka lasasiakawlu, kai susu ku kiadringaisu ku kupu ikai ki lumase ki aneanane, kwini lri kamani ku lri kipapacai; ku drumane mialri palraingi aduri muswane.”
10Ku taramarasikaikai ki tacekecekelane la iya kai, “Palraingaku kikai vaga numi. Ai anika kathane kwini kwaupa ku kupu ka asuru aduri nakwane, ku drumanenga ani ngilralraainginga katwase siwlri.” 11La kirarimu pucakena ku lumase, la mutenge makanaelre ku lalumase lini. 12Kwini taramarasikaikai ki tacekecekelane la pudriadriingai silape, twalai ki lumase ki takataakanga, silape pakela ki agiaginga. Ala, kidringai kwini kupu ikai ki lumase ki Biniyamingi. 13Kwini lamatakataka la tubi si thuriace ku laimai lini, la malra kwini amece pasiamece ki ruba, la katwase siwlri mucekele.
14Ku Yuda si drumane ka labetakane sa mwanga ki daane ki Yusepe yai, ku Yusepe yakaiyana kwini; kwi lalasu la pidruru icucubungu sukubu iniane. 15Ku Yusepe la iya kai, “Manemane kikai pia numi kikai? Kai numi wathiingale ku paramia nakwane kai ala ka wadulru tulrisi si thingale ku tangivelevelane numi?”
16Ku Yuda la tubalre, “Tamatamali, manemaneana ku aiyaneana nai? Kiadralrili nai lri maka iyana nai kidrikisiana ku vaga? Ku Twaumase pwataluvaivainga kai pasalrivane nai! Kikai, kaika kathane kwini kiapikai kikidringai ku kupu, adravane kunai mialria paelrea naiane tuduri muswane.”
17Ku Yusepe la iya kai, “Ini! Kainaku lri maka pia ku miyaiya kai. Kathaane kwidra wamalra ku kupu ka lri tara aduri nakwane; ku drumanenga kai lri katumane kasulivaliivatenga siwlri mwa ki tama numi.”
Ngiatalikaiyane ki Biniyamingi ku Yuda kitubi
18Ku Yuda la arwa cucubungu, si iya kai ki Yusepe, “Tamatamali, kiatubiaku muswane palraingaili kikai acungucunganeli papia muswane. Mababaratanesu ki talialalai, madha kalisilisi ki sasiakawlusu. 19Tamatamali, nakiavagasu naiane, ‘Yakai ku tama numi si ku drumane ku betakane numi?’ 20La tubalre nai, ‘Yakai ku pasuludrunga ku tama nai, la ikaiyana ku tangea ku agi nai ku vavalakeana ku sawvalai, ka tulalake ki ama saka tarudrawdrangenga. Kikai ku taka ki agi nai la pacainga; kathanenga ku lalake lini ki walrabuthu liniane ka tina, lakamani ku ama pawkalrivili kilibake iniane.’ 21Tamatama nai, wacunusu naiane ku ailukane iniane, ku lrika adrelanesu iniane, 22Ai amianga naai, kikai vavalake kai lri maka kidaili ki tamaini; sana kidaili, ku tamaini lri tara paacai. 23Ai amiasu kai ka tamatamali, ‘Lu iluku numi kwini ki agiaginga kainganai, lri palraingaku ku wakela numi kidrele nakwane.’
24“Sa mubalriu nai mwa ki ama, la pelaela nai iniane kikai lavagasu ka tamatama. 25Sakabilrilanenga, la pakaingaanainga naiane kibungu. 26La iya nai kai iniane, ‘Kai nai lri maka mwanga, lu tupaalra naiane kai agiaginga, lri maka kidrelenga kwini ki umawmase; lu tupaalra naiane kai agi nai katwase, kai nai lri dulru katwase.’ 27La iya kai ku tama nai, ‘Wathingale numi, ku taelrelreli ka Rakile pasangwadrwadrusa tulalake ku sawvalai ku lalakeli, 28ku tangea la katwasenga nakwane. Twalainga ku takatwasaneini, la kainaku drelenga iniane; lri tara ka kiababurau ki waudriwdripi. 29Kaiasasane lalri iluku numi ki agiaginga katwase nakwane. Ala ikadalraanane sutatwatumane, lri pangikurwane numi patubi nakwane mwadringi ki dae!’ ”
30-31Ku Yuda la pacungulu iya kai, “Lakamani, tamatamali, ku niake ki ama si niake ki vavalake mararaisi. Lu kai nai iluku kai ki lalake siwlri, la kai maka drele kai ki lalake, lri tara paacai; lu mia kwini amaninga nai ka pangiakuruane patubi iniane mwadringi ki dae? 32La kaika ngimiyaiya kai sikakathane, ngiakakamaniaku kiketekete ki ama, iya kai iniane, alaiyasi kainaku iluku ki lalake siwlri baai muswane, palraingaku makalautu siamece ku pasalrivane. 33Lakamani, tamatamali, palraingaku asuru ikai kai, atalingikaiyane ki lalake aduri muswane. Ala patupalra iniane ki latakaini siwlri katwase. 34Alaiyasi kikai lalake la kai tupapalra nakwane siwlri, lri tumanaku dulru siwlri kidrele ki ama? Kainaku walreme drele ki ama lu kipadradresenge kikai miyaiya kai ku amatikurwane.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017