Tabekacane 9
9
Ku Twaumase si Nua makaketekete
1Ku Twaumase swabulrubulru ki Nua si lalalakeini, iya kai, “Lri tulalake numi tuthathatha, ku lamwabaibalrithi lri salraelre kawmasane. 2Kai kadaengane sanaka nilapulapwane, laadhadhame, yacakena ka wagulagulai si yadringi ki laveke ka lakange lri mukuludru numiane patuelre, lri kamani numi ku marasiakai. 3Kunadruma wabaadhaku numiane kai lalacenge ka akaneane numi, kikai lai lri mialriaku baai kikai lawaudriwdripi ka akaneane numi. 4Ai kunumi maadha kanekane lutuumane ku eraeradhane ku beate, asi lwiyane ku niake yakai ki erai. 5Ku aneane ku papacai ki umawmase, lri papacadhaku ki aneane; sanaka mabebetethe ki niake ki umawmase ku waudriwdripi, lri mialri kipapacai. 6Sanaka patwaeraerai ki umawmase, ku palrapalra lri mialri patueraerai iniane, asi lwiyane kwaku ka Twaumase yai wabekacaku ki umawmase ngipapatwalrau ku tangimiamianeli. 7Lri tulalalake numi tuthathatha; ku lamwabaibalrithi numiane lri salraelre sueete kai kawmasane.”
8Ku Twaumase la kawriva ki Nua si lalalakeini iya kai, 9“Kaiasasane kwaku si kunumi si lamwabaibalrithi numi, 10si kai kadaengane sanaka waudriwdripi, ka amani kwidra palra numi mulatadre ki varukuru ka lanilapulapwane, laadhadhame kiketekete. 11Pwakawnaku numiane: Sanaka panianianiake kai lri kipakamudunga kiara telebe lutuumane, kai lri ikainga ku telebe ku wamudu ki kadaengane. 12-13Kai balrilawlauli lri ikai ki ememe utaluvaivai, tusapatuthingalane ka palralrawthu ka sakiketeketane. Kikai sakiketeketane yai nikiketeketane numiane si sanaka panianianiake, kai balrilawlau yai amani ku sapatuthingalane ku takiketeketaneli ki kawmasane. 14Adravane lukamani luigane, lri pikaiyaku belenge paipai ku kwakulavane ku ememe, ku balrilawlau lai lri ikai ki ememe utaluvaivai, 15lai lri ngulringavaku ku kiketeketeli numiane si patuelre ki panianianiake: Ku telebe lri kai amudunga ki sanaka panianianiake. 16Lu drelaku ku balrilawlau ikai ki ememe, lai lri ngulringavaku ku palralrawthu ka kiketeketeli numiane si patuelre ki panianianiake ikai kai ki kadaengane. 17Kikai yai amani ku kiketeketeli ki yakai kawmasane sanaka panianianiake ka sapatuthingalane.”
Nua si lalalakeini
18Ku twalai ki varukuru mulatadre ku lalalake ki Nua yai amani kai: Seme, Hame, Yapethe. (Kai Hame amani ku tama ki Kanange.) 19Kikai tatulru ka lalalake ki Nua, amani ku cucungulane ki sanaka umawmase ikaikai kawmasane.
20Ku Nua tarakaungu, lakamani ku aswalaalanga pacebe ku babudwane ka umawmase. 21Yakai saka nikingivalane, kai lasu la ungulu ku bava si kabusuku, si vilralrakane apece ikai ki balrawbau. 22Ku Hame (tama ki Kanange) la drele ki tamaini ka vilralralrakane, la katwase pelaela ki tadrusa ka betakaneini. 23Ku Seme si Yapethe la malra ku vaeva ku malraagi ku laimai, si pikai ki tabalangane lini, arikalrilrikudru mudaane ki balrawbau, la malra kwini laimai subusubu ki kinawmasane ki tama lini, ku lringau lini la papulalatadre, kai drele ku tavilralrakane ki tama lini. 24Ku Nua sa ngubusukanenga, la thingale ka amani kwini agiaginga ka lalakeini ka paiya, 25la iya kai:
Kai Kanange lri kipusu!
Lri aduri ki labetakaneini.
26Drengedrengera ki Tamatama, ka Twaumase ki Seme!
Ku Kanange lri aduri ki Seme.
27Ku Twaumase ani pangiradhekane ki Yapethe#9.27 “Yapethe” ku pacugane “ngiaradhekane” amia.!
Ku lamwabaibalrithi iniane si lamwabaibalrithi ki Seme ani taelre,
ku Kanange lri aduri ki Yapethe.
28Sangilribatenga ku telebe, ku Nua panianiakeana tara 350 ka caili. 29Kwi lasu sapacai tara 950 ka caili.
Currently Selected:
Tabekacane 9: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 9
9
Ku Twaumase si Nua makaketekete
1Ku Twaumase swabulrubulru ki Nua si lalalakeini, iya kai, “Lri tulalake numi tuthathatha, ku lamwabaibalrithi lri salraelre kawmasane. 2Kai kadaengane sanaka nilapulapwane, laadhadhame, yacakena ka wagulagulai si yadringi ki laveke ka lakange lri mukuludru numiane patuelre, lri kamani numi ku marasiakai. 3Kunadruma wabaadhaku numiane kai lalacenge ka akaneane numi, kikai lai lri mialriaku baai kikai lawaudriwdripi ka akaneane numi. 4Ai kunumi maadha kanekane lutuumane ku eraeradhane ku beate, asi lwiyane ku niake yakai ki erai. 5Ku aneane ku papacai ki umawmase, lri papacadhaku ki aneane; sanaka mabebetethe ki niake ki umawmase ku waudriwdripi, lri mialri kipapacai. 6Sanaka patwaeraerai ki umawmase, ku palrapalra lri mialri patueraerai iniane, asi lwiyane kwaku ka Twaumase yai wabekacaku ki umawmase ngipapatwalrau ku tangimiamianeli. 7Lri tulalalake numi tuthathatha; ku lamwabaibalrithi numiane lri salraelre sueete kai kawmasane.”
8Ku Twaumase la kawriva ki Nua si lalalakeini iya kai, 9“Kaiasasane kwaku si kunumi si lamwabaibalrithi numi, 10si kai kadaengane sanaka waudriwdripi, ka amani kwidra palra numi mulatadre ki varukuru ka lanilapulapwane, laadhadhame kiketekete. 11Pwakawnaku numiane: Sanaka panianianiake kai lri kipakamudunga kiara telebe lutuumane, kai lri ikainga ku telebe ku wamudu ki kadaengane. 12-13Kai balrilawlauli lri ikai ki ememe utaluvaivai, tusapatuthingalane ka palralrawthu ka sakiketeketane. Kikai sakiketeketane yai nikiketeketane numiane si sanaka panianianiake, kai balrilawlau yai amani ku sapatuthingalane ku takiketeketaneli ki kawmasane. 14Adravane lukamani luigane, lri pikaiyaku belenge paipai ku kwakulavane ku ememe, ku balrilawlau lai lri ikai ki ememe utaluvaivai, 15lai lri ngulringavaku ku kiketeketeli numiane si patuelre ki panianianiake: Ku telebe lri kai amudunga ki sanaka panianianiake. 16Lu drelaku ku balrilawlau ikai ki ememe, lai lri ngulringavaku ku palralrawthu ka kiketeketeli numiane si patuelre ki panianianiake ikai kai ki kadaengane. 17Kikai yai amani ku kiketeketeli ki yakai kawmasane sanaka panianianiake ka sapatuthingalane.”
Nua si lalalakeini
18Ku twalai ki varukuru mulatadre ku lalalake ki Nua yai amani kai: Seme, Hame, Yapethe. (Kai Hame amani ku tama ki Kanange.) 19Kikai tatulru ka lalalake ki Nua, amani ku cucungulane ki sanaka umawmase ikaikai kawmasane.
20Ku Nua tarakaungu, lakamani ku aswalaalanga pacebe ku babudwane ka umawmase. 21Yakai saka nikingivalane, kai lasu la ungulu ku bava si kabusuku, si vilralrakane apece ikai ki balrawbau. 22Ku Hame (tama ki Kanange) la drele ki tamaini ka vilralralrakane, la katwase pelaela ki tadrusa ka betakaneini. 23Ku Seme si Yapethe la malra ku vaeva ku malraagi ku laimai, si pikai ki tabalangane lini, arikalrilrikudru mudaane ki balrawbau, la malra kwini laimai subusubu ki kinawmasane ki tama lini, ku lringau lini la papulalatadre, kai drele ku tavilralrakane ki tama lini. 24Ku Nua sa ngubusukanenga, la thingale ka amani kwini agiaginga ka lalakeini ka paiya, 25la iya kai:
Kai Kanange lri kipusu!
Lri aduri ki labetakaneini.
26Drengedrengera ki Tamatama, ka Twaumase ki Seme!
Ku Kanange lri aduri ki Seme.
27Ku Twaumase ani pangiradhekane ki Yapethe#9.27 “Yapethe” ku pacugane “ngiaradhekane” amia.!
Ku lamwabaibalrithi iniane si lamwabaibalrithi ki Seme ani taelre,
ku Kanange lri aduri ki Yapethe.
28Sangilribatenga ku telebe, ku Nua panianiakeana tara 350 ka caili. 29Kwi lasu sapacai tara 950 ka caili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017