Yuhani 19
19
1Ku Pilatu la drekase pakatwase mailuku ki Yesu, si lrumai iniane. 2Ku kwapingi la arakai ku cecenekane ka angatu tutawpu, si pasitawpu iniane, la pasilaimai iniane ku thilalatadhane. 3Kwi lalasu la arwa cucubungu si iya kai iniane, “Kusu ka talialalai ki swa Yuda banzai!” Ala pwa camilrigi iniane.
4Ku Pilatu la mulaatadrenga si papia ki laumawmase iya kai, “Mathariri! Lri ilukaku pulatadre iniane, pakai ku athingalane numi, kainaku maka kiadringai lukamanemane ku pasalrivaneini.” 5Ala ulatadre ku Yesu, la ka sitawpupu ku cecenekane ka angatu, si silaimai ku thilalatadhane. Ku Pilatu la iya kai liniane, “Drela! Kikai ki umawmase!”
6Ku marudrange ki barakalai si tarakadrenge ki daane ki Twaumase sadreele ki Yesu, la akwadrau iya kai, “Alra iniane kedrekedre pwa ki ziwzika! Alra kedrekedre pwa ki ziwzika!”
Ku Pilatu la iya kai liniane, “Kunumi ngikakamania iluku iniane si kedrekedre pwa ki ziwzika! Kainaku maka wadrele lu ikai ku manemane ku pasalrivaneini.”
7Ku mapapangale amia kai, “Yakai ku hulrice nai, lu singikaiyane kwini ki hulrice, apapacadhane kai lasu, asi lwiyane ngiatatu Lalake ki Twaumase.”
8Ku Pilatu kialalra kudra taiyane lini, la aru kakiwcu. 9La peela udaane ki daane ki sutuke, si kivaga ki Yesu, “Twalaisu inu kainganai?”
Ai, ku Yesu kai twabalre. 10La iya kai iniane ku Pilatu, “Kaisu lri tubalre nakwane? Thingala, yakai ku pukuli pakatwase muswane, la ikai ku pukuli kedrekedre pwa ki ziwzika muswane.”
11Ku Yesu la iya kai, “Wabaai muswane ku Twaumase kikai puku, ala maka dulrusu marasikai nakwane. Lakamani, kudra umawmase ku wamalra nakwane si baai muswane, ku pasalrivaneini madraadrau.”
12Ku Pilatu sa kilalra kikai vaga, la aru kisanu pakatwase ki Yesu. Ai ku mapapangale akwadrau karaleale iya kai, “Sana pakatwasesu iniane, kaisu ka talragi ki tinuhika ki swa Ruma! Sanaka ngiatatu talialalai, amani ku badha ki tinuhika ki swa Ruma.”
13Kai taiyane lini sakilalra ku Pilatu, la iluku ki Yesu ulatadre, si ikai ki sia tataetaetalane ka lrenege ku nagane (sia Gabatha ku vaga ki swa Hiburu) saibange iniane. 14Kwini ki vai tapadulrudulrwane ku atulrisisiane ki Takilragavane ka lrisi, ikaai ku mwalringedele, ku Pilatu la kawriva ki mapapangale iya kai, “Drela! Ki talialalai numi.”
15Kwi lalasu la akwadrau kawriva, “Papacadha iniane! Papacadha iniane! Pakedrekedra iniane pwa ki ziwzika!”
Ku Pilatu la kivaga liniane, “Lri pakedrekedre numi nakwane ki talialalai numi pwa belenge ki ziwzika?”
Ku marudrange ki barakalai la tubalre, “Kathane ku tinuhika ki swa Ruma ku talialalai nai!”
16Ku Pilatu la malra ki Yesu si baai liniane katwase kedrekedre pwa ki ziwzika.
Ku Yesu kiakedrekedre pwa ki ziwzika
(Matai 27.32-44; Maruku 15.21-32; Luka 23.26-43)
Kwini lalasu la malra iluku ki Yesu. 17Ku Yesu sa kainganai ulatadre, waangeale ku ziwzikaini, sa kelanga ki “Awlru ka lrelrelrege” (Gulugutha amia ku vaga ki swa Hiburu). 18Ikai kwini, kwi lalasu la kedrekedre iniane pubelenge ki ziwzika; la ikaiyana ku tadrusa ku kedrekedre lini, tara yathili, la ikabicelrakane ku Yesu. 19Ku Pilatu la pacaseana pikai ki bali, si pakedrekedre ki umawmase pubelenge ki ziwzika. Ikai ki bali amia kai pacase, “Swa Nazarethe ka Yesu ka talialalai ki swa Yuda.” 20La takaalra ku umawmase ku wadrele kwini pinacasane ibelenge, asi lwiyane kwini takikedrekedrane pikai ki ziwzika ki Yesu wadeethe ki cekele; si kwini pacase laka arakai ku pacase ki swa Hiburu, ki swa Latine, si swa Gurike taitulrwane ka pacase. 21Ku marudrange ki barakalai la iya kai ki Pilatu, “Madha pacase ‘Talialalai ki swa Yuda’ iya, pacasa ki ‘Kikai umawmase yai ngiatatu talialalai ki swa Yuda’ iya.”
22La tubalre ku Pilatu, “Ku pacasengali, lri kainaku tupelanga!”
23Ku lakwapingi sa kedrekedrenga ki Yesu pwa ki ziwzika, la malra ku sapakabelengane ku laimaini si pavalavala pawsupate, la sataingeane ku tangea. Kwi lalasu la malrana ku sapakadringaneini; kwini sapakadringaneini kadrwa ku tacaisane, sakamakalrilalrilaavane ku tapiane. 24Lakamani, ku lakwapingi, la iya kai, “Takai purici, takuzibiki, lu lrika aneane ku wamalra.” Ki kikai ngiamianga ku taiyane ki Sisiu:
Kwi lalasu mavalavala ku sapakabelenganeli ku laimai,
la ngwalai ki sapakadringaneli ku laimai kuzibiki.
Kwi lakwapingi laka tengane pia kikai.
25Ku acegecege ithili ki ziwzika ki Yesu, yakai ku tina ki Yesu, la ka betakane ki tinaini, Malria ka taelrelre ki Kelupa, ala ka Magedaleni ka Malria. 26Ku Yesu sadrele acegecege ithili ku tinaini si kadalameini ka situ, la iya kai ki tinaini, “Ina, drela, lalakesu!”
27La pacungulu, iyanga kai kwini ki situ, “Drela, tinasu!” Twalainga kwini, kwini situ la ililukunga ki tina ki Yesu paikai ki daaneini.
Tapacadhane ki Yesu
(Matai 27.45-56; Maruku 15.33-41; Luka 23.44-49)
28Wathingale ku Yesu ala ka ngiamianga patuelre ku awngane, pakai ku angimiane ku taiyane ki Sisiu, la iya kai, “Makadhamaku.”
29Ikai kwini yakai ku vaeva ka didilrungu, ka nipasueteane ku maalriu ka bava; kwi lalasu la malra ku pelrece si taburu pwa ki maalriu ka bava, la pakerenge pikai ki culrale ki buraburu, si satedre pwa ki thili ki ngudwini. 30Ku Yesu sa palalavanga, la iya kai, “Ngiamianga!”
Kwi lasu la lrwingi ku awlruini, si karetege ku niake pacai.
Kiaculrulu patali cigiane
31Sakavai kwini tapadulrudulrwane ka vai, ka lri kelanga kudra mwakalrivili kasaniange, ka Taisadrasadrane ka vai; ku lamabelenge ki swa Yuda la pakai ku kaika aikaiyane ki ziwzika ku kinawmasane ka wapacai luka Taisadrasadrane ka vai, la katwase kitubi ki Pilatu ku asikawlane ki umawmase pakacelra ku drapale kwini ki kiapathavungu, ala malra pulebe kwini wapacai ka kinawmasane. 32Ku lakwapingi la kidrekase si mua, si pakacelra ku drapale kwini ki palra ki Yesu kikedrekedre ikai ki ziwzika. 33Kwi lalasu sa mwanga deethe ki Yesu, la drele iniane ka wapacainga, la kai pakacelranga ku drapaleini. 34Ai, yakai ku tangea ku kwapingi ku ara idiri culrulu pakai ki tali cigianeini, la makakaai kainganai mwaludru ku erai ka acilai. 35(Kikai yai pelaela kwidra ki patakamacamaca drele, wathingale kudra pelaelaini ala ka patengatengane, pakai ku akasalrwane numi.) 36Asi lwiyane lri ngimia ku taiyane ki Sisiu, “Ku culraleini kadrwa ku navaevanga ku lri kacelra.” 37La ikaiyana ku taiyane kai ki Sisiu, “Kwi lalasu lri paswabelenge drele kudra ara idiri lini culrulu ka umawmase.”
Takidralrekane ki Yesu
(Matai 27.57-61; Maruku 15.42-47; Luka 23.50-56)
38Sangilribatenga kilakikai, yakai kudra tangea ka sia Yusepe ka twalai Arimatai, la kitubi ki Pilatu, ku apalraingane iniane malra iluku ku kinawmasane ki Yesu. (Ku Yusepe yai situ ki Yesu, ai mwakuludru ki lamabelenge ki swa Yuda, la kai lreme paathingalane.) Ku Pilatu la palraingi ku kitubini, Ku Yusepe la malra iluku ku kinawmasane ki Yesu.
39Kudra natakamaungane kikawriva ki Yesu ka Nikudimu la tupalra karedele ki Yusepe. Kai lasu mailuku ku lri ikai ku matulrulu ka kunkingi ku niapaelrelreanenga ku sasulravane si aluise ka sapasangulrelremane. 40Kai tadrusa la arakai ku nipaibwanenga ku sangulrelreme ki malubiiri ka lalasare ka kaimadhane, si arakai pasimai ki Yesu; kikai yai tapiapiane ki swa Yuda lu dralreke. 41Yakai ku taluvaale ka babengelradhane ikai ki takikedrekedrane pwa ki ziwzika ki Yesu, ikai adringi kwini la ikai ku vaeva ka bavane ka balriu, kadrwana ku nipwane kwini dralreke ku umawmase. 42Asi lwiyane sakavai kwini yacengecenge ka vai ka tapadulrudulrwane ki swa Yuda, kwini balriu la adeethe, la draalrekenga ki Yesu pikai kwini.
Currently Selected:
Yuhani 19: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
Yuhani 19
19
1Ku Pilatu la drekase pakatwase mailuku ki Yesu, si lrumai iniane. 2Ku kwapingi la arakai ku cecenekane ka angatu tutawpu, si pasitawpu iniane, la pasilaimai iniane ku thilalatadhane. 3Kwi lalasu la arwa cucubungu si iya kai iniane, “Kusu ka talialalai ki swa Yuda banzai!” Ala pwa camilrigi iniane.
4Ku Pilatu la mulaatadrenga si papia ki laumawmase iya kai, “Mathariri! Lri ilukaku pulatadre iniane, pakai ku athingalane numi, kainaku maka kiadringai lukamanemane ku pasalrivaneini.” 5Ala ulatadre ku Yesu, la ka sitawpupu ku cecenekane ka angatu, si silaimai ku thilalatadhane. Ku Pilatu la iya kai liniane, “Drela! Kikai ki umawmase!”
6Ku marudrange ki barakalai si tarakadrenge ki daane ki Twaumase sadreele ki Yesu, la akwadrau iya kai, “Alra iniane kedrekedre pwa ki ziwzika! Alra kedrekedre pwa ki ziwzika!”
Ku Pilatu la iya kai liniane, “Kunumi ngikakamania iluku iniane si kedrekedre pwa ki ziwzika! Kainaku maka wadrele lu ikai ku manemane ku pasalrivaneini.”
7Ku mapapangale amia kai, “Yakai ku hulrice nai, lu singikaiyane kwini ki hulrice, apapacadhane kai lasu, asi lwiyane ngiatatu Lalake ki Twaumase.”
8Ku Pilatu kialalra kudra taiyane lini, la aru kakiwcu. 9La peela udaane ki daane ki sutuke, si kivaga ki Yesu, “Twalaisu inu kainganai?”
Ai, ku Yesu kai twabalre. 10La iya kai iniane ku Pilatu, “Kaisu lri tubalre nakwane? Thingala, yakai ku pukuli pakatwase muswane, la ikai ku pukuli kedrekedre pwa ki ziwzika muswane.”
11Ku Yesu la iya kai, “Wabaai muswane ku Twaumase kikai puku, ala maka dulrusu marasikai nakwane. Lakamani, kudra umawmase ku wamalra nakwane si baai muswane, ku pasalrivaneini madraadrau.”
12Ku Pilatu sa kilalra kikai vaga, la aru kisanu pakatwase ki Yesu. Ai ku mapapangale akwadrau karaleale iya kai, “Sana pakatwasesu iniane, kaisu ka talragi ki tinuhika ki swa Ruma! Sanaka ngiatatu talialalai, amani ku badha ki tinuhika ki swa Ruma.”
13Kai taiyane lini sakilalra ku Pilatu, la iluku ki Yesu ulatadre, si ikai ki sia tataetaetalane ka lrenege ku nagane (sia Gabatha ku vaga ki swa Hiburu) saibange iniane. 14Kwini ki vai tapadulrudulrwane ku atulrisisiane ki Takilragavane ka lrisi, ikaai ku mwalringedele, ku Pilatu la kawriva ki mapapangale iya kai, “Drela! Ki talialalai numi.”
15Kwi lalasu la akwadrau kawriva, “Papacadha iniane! Papacadha iniane! Pakedrekedra iniane pwa ki ziwzika!”
Ku Pilatu la kivaga liniane, “Lri pakedrekedre numi nakwane ki talialalai numi pwa belenge ki ziwzika?”
Ku marudrange ki barakalai la tubalre, “Kathane ku tinuhika ki swa Ruma ku talialalai nai!”
16Ku Pilatu la malra ki Yesu si baai liniane katwase kedrekedre pwa ki ziwzika.
Ku Yesu kiakedrekedre pwa ki ziwzika
(Matai 27.32-44; Maruku 15.21-32; Luka 23.26-43)
Kwini lalasu la malra iluku ki Yesu. 17Ku Yesu sa kainganai ulatadre, waangeale ku ziwzikaini, sa kelanga ki “Awlru ka lrelrelrege” (Gulugutha amia ku vaga ki swa Hiburu). 18Ikai kwini, kwi lalasu la kedrekedre iniane pubelenge ki ziwzika; la ikaiyana ku tadrusa ku kedrekedre lini, tara yathili, la ikabicelrakane ku Yesu. 19Ku Pilatu la pacaseana pikai ki bali, si pakedrekedre ki umawmase pubelenge ki ziwzika. Ikai ki bali amia kai pacase, “Swa Nazarethe ka Yesu ka talialalai ki swa Yuda.” 20La takaalra ku umawmase ku wadrele kwini pinacasane ibelenge, asi lwiyane kwini takikedrekedrane pikai ki ziwzika ki Yesu wadeethe ki cekele; si kwini pacase laka arakai ku pacase ki swa Hiburu, ki swa Latine, si swa Gurike taitulrwane ka pacase. 21Ku marudrange ki barakalai la iya kai ki Pilatu, “Madha pacase ‘Talialalai ki swa Yuda’ iya, pacasa ki ‘Kikai umawmase yai ngiatatu talialalai ki swa Yuda’ iya.”
22La tubalre ku Pilatu, “Ku pacasengali, lri kainaku tupelanga!”
23Ku lakwapingi sa kedrekedrenga ki Yesu pwa ki ziwzika, la malra ku sapakabelengane ku laimaini si pavalavala pawsupate, la sataingeane ku tangea. Kwi lalasu la malrana ku sapakadringaneini; kwini sapakadringaneini kadrwa ku tacaisane, sakamakalrilalrilaavane ku tapiane. 24Lakamani, ku lakwapingi, la iya kai, “Takai purici, takuzibiki, lu lrika aneane ku wamalra.” Ki kikai ngiamianga ku taiyane ki Sisiu:
Kwi lalasu mavalavala ku sapakabelenganeli ku laimai,
la ngwalai ki sapakadringaneli ku laimai kuzibiki.
Kwi lakwapingi laka tengane pia kikai.
25Ku acegecege ithili ki ziwzika ki Yesu, yakai ku tina ki Yesu, la ka betakane ki tinaini, Malria ka taelrelre ki Kelupa, ala ka Magedaleni ka Malria. 26Ku Yesu sadrele acegecege ithili ku tinaini si kadalameini ka situ, la iya kai ki tinaini, “Ina, drela, lalakesu!”
27La pacungulu, iyanga kai kwini ki situ, “Drela, tinasu!” Twalainga kwini, kwini situ la ililukunga ki tina ki Yesu paikai ki daaneini.
Tapacadhane ki Yesu
(Matai 27.45-56; Maruku 15.33-41; Luka 23.44-49)
28Wathingale ku Yesu ala ka ngiamianga patuelre ku awngane, pakai ku angimiane ku taiyane ki Sisiu, la iya kai, “Makadhamaku.”
29Ikai kwini yakai ku vaeva ka didilrungu, ka nipasueteane ku maalriu ka bava; kwi lalasu la malra ku pelrece si taburu pwa ki maalriu ka bava, la pakerenge pikai ki culrale ki buraburu, si satedre pwa ki thili ki ngudwini. 30Ku Yesu sa palalavanga, la iya kai, “Ngiamianga!”
Kwi lasu la lrwingi ku awlruini, si karetege ku niake pacai.
Kiaculrulu patali cigiane
31Sakavai kwini tapadulrudulrwane ka vai, ka lri kelanga kudra mwakalrivili kasaniange, ka Taisadrasadrane ka vai; ku lamabelenge ki swa Yuda la pakai ku kaika aikaiyane ki ziwzika ku kinawmasane ka wapacai luka Taisadrasadrane ka vai, la katwase kitubi ki Pilatu ku asikawlane ki umawmase pakacelra ku drapale kwini ki kiapathavungu, ala malra pulebe kwini wapacai ka kinawmasane. 32Ku lakwapingi la kidrekase si mua, si pakacelra ku drapale kwini ki palra ki Yesu kikedrekedre ikai ki ziwzika. 33Kwi lalasu sa mwanga deethe ki Yesu, la drele iniane ka wapacainga, la kai pakacelranga ku drapaleini. 34Ai, yakai ku tangea ku kwapingi ku ara idiri culrulu pakai ki tali cigianeini, la makakaai kainganai mwaludru ku erai ka acilai. 35(Kikai yai pelaela kwidra ki patakamacamaca drele, wathingale kudra pelaelaini ala ka patengatengane, pakai ku akasalrwane numi.) 36Asi lwiyane lri ngimia ku taiyane ki Sisiu, “Ku culraleini kadrwa ku navaevanga ku lri kacelra.” 37La ikaiyana ku taiyane kai ki Sisiu, “Kwi lalasu lri paswabelenge drele kudra ara idiri lini culrulu ka umawmase.”
Takidralrekane ki Yesu
(Matai 27.57-61; Maruku 15.42-47; Luka 23.50-56)
38Sangilribatenga kilakikai, yakai kudra tangea ka sia Yusepe ka twalai Arimatai, la kitubi ki Pilatu, ku apalraingane iniane malra iluku ku kinawmasane ki Yesu. (Ku Yusepe yai situ ki Yesu, ai mwakuludru ki lamabelenge ki swa Yuda, la kai lreme paathingalane.) Ku Pilatu la palraingi ku kitubini, Ku Yusepe la malra iluku ku kinawmasane ki Yesu.
39Kudra natakamaungane kikawriva ki Yesu ka Nikudimu la tupalra karedele ki Yusepe. Kai lasu mailuku ku lri ikai ku matulrulu ka kunkingi ku niapaelrelreanenga ku sasulravane si aluise ka sapasangulrelremane. 40Kai tadrusa la arakai ku nipaibwanenga ku sangulrelreme ki malubiiri ka lalasare ka kaimadhane, si arakai pasimai ki Yesu; kikai yai tapiapiane ki swa Yuda lu dralreke. 41Yakai ku taluvaale ka babengelradhane ikai ki takikedrekedrane pwa ki ziwzika ki Yesu, ikai adringi kwini la ikai ku vaeva ka bavane ka balriu, kadrwana ku nipwane kwini dralreke ku umawmase. 42Asi lwiyane sakavai kwini yacengecenge ka vai ka tapadulrudulrwane ki swa Yuda, kwini balriu la adeethe, la draalrekenga ki Yesu pikai kwini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017