何西阿書 3

何西阿㧯無守貞節个婦人家

1上主又對𠊎講：「去惜 #3:1 「上主又對𠊎講：『去惜…』」抑係譯做「上主對𠊎講：『再去惜…』」。若𡜵娘 #3:1 「若𡜵娘」抑係譯做「一個淫婦」。，就係該被別人惜、又犯姦淫个婦人家。你愛惜姖，像𠊎惜以色列人共樣。雖然佢等離開𠊎，去拜別个神明，當愛拜過偶像个葡萄餅 #3:1 「拜過偶像个葡萄餅」：迦南人用葡萄餅拜繁殖个神明，佢等想這兜神明會給拜它兜个人得到豐收。，𠊎還係惜佢等。」

2所以，𠊎用十五隻銀幣㧯一百五十公斤大麥个代價將吾𡜵娘 #3:2 「吾𡜵娘」希伯來文直譯係「姖」。贖轉來。 3𠊎對姖講：「你愛㧯𠊎共下住一站盡長个時間，毋好去做妓女、犯姦淫，總係這站時間𠊎做毋得㧯你同房。」 4共樣，有一站相當長个時間，以色列人會無君王㧯領袖，無獻祭，無石柱，無偶像㧯卜卦个聖筊仔。 5這站期間過去，以色列人會回心轉意 #3:5 「回心轉意」抑係譯做「轉來」。，尋求上主 — 佢等个上帝，回復佢等个君王大衛个家。恁樣，在將來个日仔，佢等會敬畏上主，領受佢个恩惠。