何西阿書 5
5
1「祭司啊，你等愛聽！以色列人啊，你等愛注意！王親國族啊，你等也愛側耳來聽！這下你等愛受審判了；因為你等已經成做安在米斯巴个機關，揜在他泊山个羅網， 2挖在什亭深深个陷阱 #5:2 「挖在…陷阱」希伯來文个意思無清楚。。𠊎一定愛責罰你等大家。 3𠊎當了解以色列人；佢等瞞毋到𠊎。佢等這下行姦淫，對𠊎無忠心，無資格敬拜𠊎。」
何西阿警告拜偶像个人
4 以色列人个壞行為害佢等無法度歸向上帝。淫亂个心靈害佢等拜偶像，恁樣就毋認識上主。 5以色列人个驕傲成做佢等犯罪个證據。佢等个罪惡害佢等跌倒；猶大人也跈等佢等跌倒。 6佢等向上主獻牛羊，總係這對佢等無麼介好處。佢等尋毋到上主，因為上主已經離開佢等。 7佢等對上主當無誠實；佢等所𫱔个係私生子。所以，到月初，佢等㧯佢等个土地會被人吞滅。
猶大國㧯以色列國个戰爭
8你等愛在基比亞歕羊角，在拉瑪發出警報，在伯‧亞文#5:8 「伯‧亞文」：參考 4:15 。大聲喊。便雅憫人啊，你等个仇敵在你後背了！ 9責罰个日仔到了；以色列愛滅亡了。以色列人啊，這事一定會發生。
10上主講：「𠊎愛向猶大个領袖發譴，像做大水恁樣責罰佢等，因為佢等侵佔以色列个土地。 11以色列被人欺負，受盡痛苦，失掉𠊎所賜个土地，因為姖一擺又一擺向該無麼介用个 #5:11 「該無麼介用个」希伯來文係「該發命令个」。鄰國求幫助。 12所以，𠊎愛毀壞以色列，像被蟲蛀掉一樣，也愛消滅猶大，像歿掉个樹頭！
13「當以色列發覺自家个病恁嚴重，猶大看到自家个傷恁厲害，以色列人就去見亞述个大王，求佢幫助；總係佢無法度醫好佢等，也無法度包佢等个傷口。 14𠊎愛像獅仔攻擊以色列人，像當惡个獅仔扯裂猶大人。𠊎愛親自扯爛佢等，將佢等拖走，無人有可能救佢等。
15「𠊎愛離開𠊎个子民，等佢等承認自家有罪，轉到𠊎面前來；在患難中，佢等就會迫切尋求𠊎。」
Currently Selected:
何西阿書 5: THV12Hdb
Highlight
Share
Compare
Copy
Want to have your highlights saved across all your devices? Sign up or sign in
© The Bible Society in Taiwan, 2012
All rights reserved
© 台灣聖經公會版權所有 2012