Yohana 13
13
Yesu awahaka wahina milundi.
1Mviko wa Pasa ushizati ukinte, Yesu aitaile, kuti hakwe hazabula, alawe mwe inu shi, ahite kwa ishe; lushe waja wakwe we mwe inu shi, awakundishevyo, azawakundisha vivyoho shuti bindilizo. 2Wakija nkande za ṅwiyaγulo, yuja ṅwenye leba aikundile moyo wa Yuda Simoni Isikaliyota, kangwe amwinkile. 3Yesu aitaile, kuti ishe azainkila vyoshe mwe mikono yakwe, kuti azalawa kwa Mulungu, kutiauya kwa Mulungu; ne ahoinuka haja, wahojiila nkande, 4azaika shuke zakwe, azaγuwa demu, azajikanta; 5akibinda azagela mazi mwe bakuli, azaandiila kuhaka milundi ya wahina na kuihonola na jiya demu, akantilejo. 6Akiiza kwa Simoni Petelo azamuti: Zumbe, iwe unihake milundi? 7Yesu azamlandula angwe: Imi nivyoγoshola, iwe nkuvitaila ivi lushe, miya nezeuvitaile mishi ya nyuma. 8Angwe ni Petelo: Nkezeunihake milundi kale na kale! Yesu azamlandula: Ati nashekuhaka, nku ṅwiyangu. 9Ne Simoni Petelo ahomuti: Zumbe, ushenihake milundi du! Nihaka hata mikono na mutwi! 10Yesu azamuti: Ahakiγweye mazi nkashindahaka kushima milundi, hambu aiṅazile. Mwiṅazile, miya so nyoshe. Hambu ai 11mtaile yuja, ndiye amwinkile; ne vyeleka, akilonga kuti: So nyoshe muṅazilewo. 12Akibinda kuwahaka milundi azaγuwa shuke zakwe, azaikala vituhu haja ha jiila, azawati: Kumbe, mwataila nimiγoshwelevyo? 13Mwaniitanga mfuzi na Zumbe, kangi mwazifya mkilonga ivyoho, hambu ni miyo. 14Lushe kwa kuti imi Zumbe na mfuzi nizamihaka inilundi, hata inywi vyamitala kuhakana milundi. 15Nizaminka mbuli ya hinila, kangwe nimiγoshwelevyo inywi, vivyoho mγoshole nenywi. 16Kweli namiti: Mupuna so mkulu kumzinka baba yakwe, atumiγweye so mkulu kumzinka yuja amtumileye. 17Ati mwavitaila ivyoho muna nyemi mkiviγoshola. 18Silonga kwa mbuli ya inywi nyoshe; imi nataila, nishaγulewo, miya kangwe ugondengwa ubontoke uja wa kuγamba: Mweja nkande zangu anishindika na kunishampa. 19Nivimiγambila ivi lushe, vishizati vibontoke, kangwe ndiho vibontoke, mtaile, kuti ni miyo. 20Kweli namiti: Mwehokela ndiye nimtume, anihokela imi; kangi mwenihokela imi amhokela yuja anitumileye.
Yesu aonyesha ndiye amwinkile.
21-30.
21Yesu akibinda kulonga ivyoho azaona futofuto mwe moyo wakwe, azalonga uwona angwe: 22Kweli namiti: Ṅwenyu muṅwe neaniinkile. Wahina wazaolelana, hambu nkawataile, kuti amlonga ndai. 23Wahina wakwe ṅwiyae ywawe muṅwe aiikale hehi na Yesu, kangi Yesu azamkundisha. 24Simoni Petelo azamkonyeza, kangwe amwuze ati ni ndai, ayemlonga. 25Yuja aikaleye hehi na Yesu azamuti: Zumbe, nindai? 26Yesu azamwitikila angwe: Ni yuja, ndiye nimunke tonge nikibinda kujiginta mwe mshozi. Azaginta tonge mwe mshozi, azajimunka Yuda Isikaliyota, ṅwana Simoni. 27Akibinda kuγuwa jiya tonge, Satani azamwingila. Yesu azamuti: Uvyoγoshola, ufikevibontola! 28Waja waikalewo haja he nkande nkakuna ataileye, ati amlongelai ivyoho. 29Hambu kuṅwe wazafanyanya kuγamba: Kwa kuti atoza mfuko wa shilingi, Yesu atemuti: Γula tivyoagiziγwa mishi ya mviko, ao ainkile kuṅwe kwa wakiwa! 30Yuja akibinda kumeza jiya tonge azafikamulawa; miya ni kilo.
Kugimbikwa.
31Akibinda kumlawa, Yesu aγamba: Lushe ṅwanangwa ywa muntu azagimbikwa, kangi Mulungu azagimbikwa ndiye. 32Mulungu akigimbikwa ndiye, Mulungu yohe amgimbika ṅwenye, kwa kuti ana naye, kangi neamgimbike nguzu. 33Wanangu, mishi miγeke nike kwenyu; nemunilonde, kangi sa nilongilevyo waja Wayuda kuti: Imi nikohita, inywi nkamdaha kukubula, lushe hata inywi namilonga ivyoho.
Mlaγilizo muhya.
34-35.
34Naminka mlaγilizo muhya, mkundishane! Sa iml nimikundishevyo, nenywi kundishanai ivyoho! 35Na inu mbuli woshe watataila kuti: Mu wahina wangu, ati mwakundishana wenye na wenye.
Petelo akitogola.
36-38.
36Simoni Petelo amuti: Zumbe, uhita nahi? Angwe ni Yesu: Nikohita nako ivi lushe, nkudaha kunitongela, nezeunitongele mishi ya nyuma. 37Petelo amuti: Zumbe, nini nikishedaha kukutongela lushe? Nenikiinkile kwa mbuli ya iwe! 38Yesu azamlandula: Ukiinkile kwa mbuli ya imi? Kweli nakuti: Soγolo nkeikeme, uishikezile nkani katatu, kuti nku ywangu!
Currently Selected:
Yohana 13: KISHNT05
Highlight
Share
Copy
Want to have your highlights saved across all your devices? Sign up or sign in
New Testament in Kishambala © Bible Society of Tanzania, 2005.
Yohana 13
13
Yesu awahaka wahina milundi.
1Mviko wa Pasa ushizati ukinte, Yesu aitaile, kuti hakwe hazabula, alawe mwe inu shi, ahite kwa ishe; lushe waja wakwe we mwe inu shi, awakundishevyo, azawakundisha vivyoho shuti bindilizo. 2Wakija nkande za ṅwiyaγulo, yuja ṅwenye leba aikundile moyo wa Yuda Simoni Isikaliyota, kangwe amwinkile. 3Yesu aitaile, kuti ishe azainkila vyoshe mwe mikono yakwe, kuti azalawa kwa Mulungu, kutiauya kwa Mulungu; ne ahoinuka haja, wahojiila nkande, 4azaika shuke zakwe, azaγuwa demu, azajikanta; 5akibinda azagela mazi mwe bakuli, azaandiila kuhaka milundi ya wahina na kuihonola na jiya demu, akantilejo. 6Akiiza kwa Simoni Petelo azamuti: Zumbe, iwe unihake milundi? 7Yesu azamlandula angwe: Imi nivyoγoshola, iwe nkuvitaila ivi lushe, miya nezeuvitaile mishi ya nyuma. 8Angwe ni Petelo: Nkezeunihake milundi kale na kale! Yesu azamlandula: Ati nashekuhaka, nku ṅwiyangu. 9Ne Simoni Petelo ahomuti: Zumbe, ushenihake milundi du! Nihaka hata mikono na mutwi! 10Yesu azamuti: Ahakiγweye mazi nkashindahaka kushima milundi, hambu aiṅazile. Mwiṅazile, miya so nyoshe. Hambu ai 11mtaile yuja, ndiye amwinkile; ne vyeleka, akilonga kuti: So nyoshe muṅazilewo. 12Akibinda kuwahaka milundi azaγuwa shuke zakwe, azaikala vituhu haja ha jiila, azawati: Kumbe, mwataila nimiγoshwelevyo? 13Mwaniitanga mfuzi na Zumbe, kangi mwazifya mkilonga ivyoho, hambu ni miyo. 14Lushe kwa kuti imi Zumbe na mfuzi nizamihaka inilundi, hata inywi vyamitala kuhakana milundi. 15Nizaminka mbuli ya hinila, kangwe nimiγoshwelevyo inywi, vivyoho mγoshole nenywi. 16Kweli namiti: Mupuna so mkulu kumzinka baba yakwe, atumiγweye so mkulu kumzinka yuja amtumileye. 17Ati mwavitaila ivyoho muna nyemi mkiviγoshola. 18Silonga kwa mbuli ya inywi nyoshe; imi nataila, nishaγulewo, miya kangwe ugondengwa ubontoke uja wa kuγamba: Mweja nkande zangu anishindika na kunishampa. 19Nivimiγambila ivi lushe, vishizati vibontoke, kangwe ndiho vibontoke, mtaile, kuti ni miyo. 20Kweli namiti: Mwehokela ndiye nimtume, anihokela imi; kangi mwenihokela imi amhokela yuja anitumileye.
Yesu aonyesha ndiye amwinkile.
21-30.
21Yesu akibinda kulonga ivyoho azaona futofuto mwe moyo wakwe, azalonga uwona angwe: 22Kweli namiti: Ṅwenyu muṅwe neaniinkile. Wahina wazaolelana, hambu nkawataile, kuti amlonga ndai. 23Wahina wakwe ṅwiyae ywawe muṅwe aiikale hehi na Yesu, kangi Yesu azamkundisha. 24Simoni Petelo azamkonyeza, kangwe amwuze ati ni ndai, ayemlonga. 25Yuja aikaleye hehi na Yesu azamuti: Zumbe, nindai? 26Yesu azamwitikila angwe: Ni yuja, ndiye nimunke tonge nikibinda kujiginta mwe mshozi. Azaginta tonge mwe mshozi, azajimunka Yuda Isikaliyota, ṅwana Simoni. 27Akibinda kuγuwa jiya tonge, Satani azamwingila. Yesu azamuti: Uvyoγoshola, ufikevibontola! 28Waja waikalewo haja he nkande nkakuna ataileye, ati amlongelai ivyoho. 29Hambu kuṅwe wazafanyanya kuγamba: Kwa kuti atoza mfuko wa shilingi, Yesu atemuti: Γula tivyoagiziγwa mishi ya mviko, ao ainkile kuṅwe kwa wakiwa! 30Yuja akibinda kumeza jiya tonge azafikamulawa; miya ni kilo.
Kugimbikwa.
31Akibinda kumlawa, Yesu aγamba: Lushe ṅwanangwa ywa muntu azagimbikwa, kangi Mulungu azagimbikwa ndiye. 32Mulungu akigimbikwa ndiye, Mulungu yohe amgimbika ṅwenye, kwa kuti ana naye, kangi neamgimbike nguzu. 33Wanangu, mishi miγeke nike kwenyu; nemunilonde, kangi sa nilongilevyo waja Wayuda kuti: Imi nikohita, inywi nkamdaha kukubula, lushe hata inywi namilonga ivyoho.
Mlaγilizo muhya.
34-35.
34Naminka mlaγilizo muhya, mkundishane! Sa iml nimikundishevyo, nenywi kundishanai ivyoho! 35Na inu mbuli woshe watataila kuti: Mu wahina wangu, ati mwakundishana wenye na wenye.
Petelo akitogola.
36-38.
36Simoni Petelo amuti: Zumbe, uhita nahi? Angwe ni Yesu: Nikohita nako ivi lushe, nkudaha kunitongela, nezeunitongele mishi ya nyuma. 37Petelo amuti: Zumbe, nini nikishedaha kukutongela lushe? Nenikiinkile kwa mbuli ya iwe! 38Yesu azamlandula: Ukiinkile kwa mbuli ya imi? Kweli nakuti: Soγolo nkeikeme, uishikezile nkani katatu, kuti nku ywangu!
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kishambala © Bible Society of Tanzania, 2005.