Mateyo 11
11
Yohana mubatizi na Yesu.
1Yesu akibinda kulaγiliza waja wahina wakwe kumi na waili ivyoho, azahauka, akafuze na kubilikila mwe mizi yawe.
2Yohana akiiva mwe chumba ndima za Yesu azatuma wahina wakwe, 3azamwuza angwe: Iwe u yuja mweiza, hambu tiafize mtuhu? 4Yesu azalandula na kuwaγamba: Hitai, mumwukwile Yohana muvyoiva na muvyoona: 5Matuntu yaona, washiwodaha kuγenda waγenda, wakoma waushiγwa ukoma, washiwoiva waiva, wafilewo wafufulwa, wakiwa wabilikilwa nyemi; mwe nyemi ni ndiye asheihilwe ni miyo! 6-7Awa wakibinda kuhita, Yesu azaandiila kuwalonga wantu mbuli ya Yohana kuγamba: Kumbe aho mkizahita mwe nyika muhitile kwa olelai? Ni lasi jevuviγwa ni mpeho? 8Hambu muhitile kwa olelai? Ni muntu azwikileye shuke zedeeleka? Olelai! Wezwika shuke zedeeleka wa mwe nyumba za wazumbe. 9Miya lushe muhitilei? Kwa olela mteγanyingwa? Kweli namiti: Ni mkulu kuzinka mteγanyi. 10Uyu ne mwegondelwa kuγamba: Olelai! Nezenitume mlau ywangu, akakulongwele na kukutulila sila yako, ndiyo ugwile. 11Kweli namiti: Woshe wavyelwewo ni wavyele nkakuoneke mkulu kumzinka Yohana Mubatizi; miya mweγaluka mdodo mwe uzumbe wa lwingu ni mkulu kumzinka. 12Kuandiila mwe mishi ya Yohana mpaka ivi lushe uzumbe wa lwingu uingilwa na nguvu, kangi wanguvu ne weugwila. 13Hambu wateγanyi woshe, hata mulomongwa wazateγanya, mpaka Yohana akilawila. 14Kangi, ati mwakunda kuiva, yuja ne Eliya mweunga kuiza. 15Mwena mashikilo yeiva neaive! 16Mbali inu niifanyanye na mbwai? Yafanana na wana wadodo weikala lwazoi, welonga weyae wawe angwe: 17Tizamitowela miluli, miya nkamvinile, tizamitumbwila ndilo, miya inywi nkamulizite! 18Hambu Yohana azaiza, nkajile, nkanywele, lushe wantu waγamba: Ana mpepo. 19Nwanangwa ywa muntu azaiza, aaja, aanywa, lushe waγamba: Shuyu muntu mwejilisha na kunywelesha mvinyo! Wangelu na wahuza ni ṅwiyae ywawe! Kweli kiyuγongwa chikanilwa ni viya viγosholwevyo ndicho.
Yesu alaha mizi ishiyovoteka.
20-24.
20Haja Yesu azaandiila kulana ija mizi muγosholwemo vilozo vyakwe vingi muno, kwa kuti nkawahitule ntongonyezi zawe, angwe: 21Ukatabanika, Kolazini! Ukatabanika, Betisayida! Hambu ati kuja Tilo na Sidoni kuzaγosholwa viya vilozo viγosholwevyo kwenyu, anga wavoteka kale na kukanta maguniya na kukigela zelu. 22Ne nihomiti: Masa ya Tilo na ya Sidoni, ndiyo yagwe uja mushi wa mlaho yatahuha kuzinka yenyu. 23Hata iwe Kapelinaumu, nkukweziγwe mpaka kwe lwingu? 24Nezeushindikwe na uko kuzimu. Ati kuja Sodoma kuzaγosholwa viya vilozo viγosholwevyo kwako, anga uzaikala mpaka lelo. Ne nihokuti: Masa ya shi ya Sodoma, ndiyo yagwe uja mushi wa mlaho, yatahuha kuzinka yako.
Yesu amitogola ishe alalika wakiwa.
25-27.
25Mishi Yesu azalonga kuγamba: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafishila, miya uzazifumbwila wankebe. 26-27Kweli Tate ne vikutamilevyo. Vyoshe nizaviinkwa ni Tate; nkakuna mwemtaila ṅwanangwa, komo Tate, kangi nkakuna mwemtaila Tate, komo ṅwanangwa na yuja, ṅwanangwa ndiye akunde kumlaviliza. 28Izai kwangu nyosheni mwepikapika na kuzwamilwa! Imi nitamishangalaza. Γuwai ngata yangu, muhinile mwangu! 29Hambu imi ni mhozu, nakipunguza mwe moyo wangu, ne ndivyo mwonele myoyo yenyu luhemele. 30Hambu ngata yangu ni yedi, kangi mziγo wangu wahuha.
Currently Selected:
Mateyo 11: KISHNT05
Highlight
Share
Copy
Want to have your highlights saved across all your devices? Sign up or sign in
New Testament in Kishambala © Bible Society of Tanzania, 2005.
Mateyo 11
11
Yohana mubatizi na Yesu.
1Yesu akibinda kulaγiliza waja wahina wakwe kumi na waili ivyoho, azahauka, akafuze na kubilikila mwe mizi yawe.
2Yohana akiiva mwe chumba ndima za Yesu azatuma wahina wakwe, 3azamwuza angwe: Iwe u yuja mweiza, hambu tiafize mtuhu? 4Yesu azalandula na kuwaγamba: Hitai, mumwukwile Yohana muvyoiva na muvyoona: 5Matuntu yaona, washiwodaha kuγenda waγenda, wakoma waushiγwa ukoma, washiwoiva waiva, wafilewo wafufulwa, wakiwa wabilikilwa nyemi; mwe nyemi ni ndiye asheihilwe ni miyo! 6-7Awa wakibinda kuhita, Yesu azaandiila kuwalonga wantu mbuli ya Yohana kuγamba: Kumbe aho mkizahita mwe nyika muhitile kwa olelai? Ni lasi jevuviγwa ni mpeho? 8Hambu muhitile kwa olelai? Ni muntu azwikileye shuke zedeeleka? Olelai! Wezwika shuke zedeeleka wa mwe nyumba za wazumbe. 9Miya lushe muhitilei? Kwa olela mteγanyingwa? Kweli namiti: Ni mkulu kuzinka mteγanyi. 10Uyu ne mwegondelwa kuγamba: Olelai! Nezenitume mlau ywangu, akakulongwele na kukutulila sila yako, ndiyo ugwile. 11Kweli namiti: Woshe wavyelwewo ni wavyele nkakuoneke mkulu kumzinka Yohana Mubatizi; miya mweγaluka mdodo mwe uzumbe wa lwingu ni mkulu kumzinka. 12Kuandiila mwe mishi ya Yohana mpaka ivi lushe uzumbe wa lwingu uingilwa na nguvu, kangi wanguvu ne weugwila. 13Hambu wateγanyi woshe, hata mulomongwa wazateγanya, mpaka Yohana akilawila. 14Kangi, ati mwakunda kuiva, yuja ne Eliya mweunga kuiza. 15Mwena mashikilo yeiva neaive! 16Mbali inu niifanyanye na mbwai? Yafanana na wana wadodo weikala lwazoi, welonga weyae wawe angwe: 17Tizamitowela miluli, miya nkamvinile, tizamitumbwila ndilo, miya inywi nkamulizite! 18Hambu Yohana azaiza, nkajile, nkanywele, lushe wantu waγamba: Ana mpepo. 19Nwanangwa ywa muntu azaiza, aaja, aanywa, lushe waγamba: Shuyu muntu mwejilisha na kunywelesha mvinyo! Wangelu na wahuza ni ṅwiyae ywawe! Kweli kiyuγongwa chikanilwa ni viya viγosholwevyo ndicho.
Yesu alaha mizi ishiyovoteka.
20-24.
20Haja Yesu azaandiila kulana ija mizi muγosholwemo vilozo vyakwe vingi muno, kwa kuti nkawahitule ntongonyezi zawe, angwe: 21Ukatabanika, Kolazini! Ukatabanika, Betisayida! Hambu ati kuja Tilo na Sidoni kuzaγosholwa viya vilozo viγosholwevyo kwenyu, anga wavoteka kale na kukanta maguniya na kukigela zelu. 22Ne nihomiti: Masa ya Tilo na ya Sidoni, ndiyo yagwe uja mushi wa mlaho yatahuha kuzinka yenyu. 23Hata iwe Kapelinaumu, nkukweziγwe mpaka kwe lwingu? 24Nezeushindikwe na uko kuzimu. Ati kuja Sodoma kuzaγosholwa viya vilozo viγosholwevyo kwako, anga uzaikala mpaka lelo. Ne nihokuti: Masa ya shi ya Sodoma, ndiyo yagwe uja mushi wa mlaho, yatahuha kuzinka yako.
Yesu amitogola ishe alalika wakiwa.
25-27.
25Mishi Yesu azalonga kuγamba: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafishila, miya uzazifumbwila wankebe. 26-27Kweli Tate ne vikutamilevyo. Vyoshe nizaviinkwa ni Tate; nkakuna mwemtaila ṅwanangwa, komo Tate, kangi nkakuna mwemtaila Tate, komo ṅwanangwa na yuja, ṅwanangwa ndiye akunde kumlaviliza. 28Izai kwangu nyosheni mwepikapika na kuzwamilwa! Imi nitamishangalaza. Γuwai ngata yangu, muhinile mwangu! 29Hambu imi ni mhozu, nakipunguza mwe moyo wangu, ne ndivyo mwonele myoyo yenyu luhemele. 30Hambu ngata yangu ni yedi, kangi mziγo wangu wahuha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kishambala © Bible Society of Tanzania, 2005.