Mateyo 21
21
Yesu aingila Yelusalemu kizumbe.
1-9.
1Wakibula hehi na Yelusalemu, wazaingila Betifage he mulima wa miziyaγembe; haja Yesu azatuma wahina waili, azawati: 2Hitai mwe kaja kazizi haja sheja, nemfikeona mumo nine ja mpunda, jiikantiγwe, jina ṅwanae haho; jidoholei, mujiniletele! 3Ati muntu amiuza, mtamuti: Zumbe aagiziγwa ndizo. 4Ne atafikazishungula. Ivi vizaγosholwa, kangwe vibontoke viya vilongiγwevyo ni mteγanyingwa kuγamba: 5Mγambilei mndele Siyoni: Shuyu zumbe ywako akulawila! Ni mkuwi; aipandile ṅwana njowe mweanga na nine. 6Waja wahina wazahita, wazaγoshola sa viyaho, Yesu awalaγilizevyo; 7wazaleta jiya nine ja mpunda na ṅwanae, wazamtandikila shuke zawe, vikibinda wazamkweza na mumo. 8Wantu wangi muno wazatandika shuke zawe silai, watuhu wazashenga masala, wazayatandika silai. 9Miya wantu walongolewo, hata waja wetongela wazakema angwe: Hoziyana, ṅwana Dawidi! Atogolwe mweiza mwe zina ja Zumbe! Hoziyana ulanga! 10Akiingila Yelusalemu, ipuzi woshe uzavuwanika, wakiuzanya: Kumbe uyu ni ndai? 11Miya wantu wazalonga: Uyu ni mteγanyi Yesu mweanduka Nazaleti ya Galileya.
Yesu aγulusha wekandanya vikilongwa.
12-22.
12Yesu azaingila mwe vikilongwa, azaγulusha woshe weγuzanya na wetaγizanya muja mwe vikilongwa, azafununkula meza za waja wetaγa senti, hata viti vya waja wetaγa visuwa manga. 13Azawati: Kuigondiγwe: Nyumba yangu iitangwe nyumba ya vikila, miya inywi mzaiγalusha mpanga ya wampoko. 14Muja vikiloi muzamwizila washionawo na washiγendawo, azawahonya. 15Wavikizi wakulu na watabaluwangwa wazaihilwa wakiona ivi vimaka, avyoγoshola, kangi wakiiva, wana wavyokema muja vikiloi kuγamba: Hoziyana, ṅwana Dawidi! 16Wazamuti: Waiva, awa wavyolonga? Yesu azawati: Ehe! Miya nkamfyomile kuγamba: Mwe vyanwa vya wana na vya wankebe uzaonela ntogolo? 17Azawaasha, azalawa muja kaya, azahita Betaniya, azagona γuko.
Alana mkuyu.
18Makelo akiuya na kuja kaya, azaluṅwa ni sala. 19Akiona mkuyu haja silai azaubasha, miya nkaene nkuyu mumo, ni mahungo du, azaulana angwe: Ukashetavyala ntunda kale na kale! 20Viya du lushe uja mkuyu uzanyuluka. Wahina wakwe wakiviona wazamaka angwe: Unu mkuyu ufikilenyuluka zeze? 21Yesu azawahitwila angwe: Kweli namiti: Ati mwatozesha na kushekalakasha, nkemγoshole sa ivi vya unu mkuyu du, miya hata mkilaγiliza unu mulima kuti: Inuka, ukine mwe bahali!, vitabontoka. 22Vyoshe, ndivyo mulombeze mkivika, aii mwatozesha, nemuviinkwe.
Ufuṅwa wa Yesu ukoanduka nako.
23-27.
23Akiingila vikiloi akifuza mumo, wavikizi wakulu na watawa wa mbalingwa wazamwizila angwe: Ivi uviγoshola kwa nguvu ani? 24Akunkileye unu ufuṅwa ni ndai? Yesu azawalandula, azawati: Nami nimiuze mbuli ṅwenga! Mkiiniγambila, nami nitamiγambila, ati niviγoshola kwa nguvu ani. 25Ubatizi wa Yohana uanduke nahi? Mwe lwingu, hambu kwa wantu? Waja wazafanyanya mwe myoyo yawe kuγamba: Ati tamuti: Mwe lwingu, atatiti: Nini mkishemtozesha? 26Ati tamuti: Kwa wantu, tina woγa na wantu, hambu woshe wazafanyanya kuti: Yohana ni mteγanyingwa. 27Wazamlandula Yesu angwe: Nkatitaila. Ne yohe ahowati: Lushe nami simiγambila, ati niviγoshola kwa nguvu ani.
Lushimo lwa wana waili wetuṅwa ni ishe.
28Miya muγambai? Kuna mγoshi, ana wana waili Azamlawila yuja mkulu, azamuti: Ṅwanangu, hita lelo, ulime he chalo! 29Yuja azalandula: Sikunda, miya uko nyuma azaγuwa moyo mtuhu, azahita. 30Ne ahohita kwa nduγuye, azamlonga sa viyaho. Yuja azaitikila: Shimi, tate! Miya nkahitile. 31Lushe awa waili aγosholeye, ishe avyokunda, ni yuhi? Wazamuti: Ni yuja mkulu; miya Yesu azawati: Kweli namiti: Wangelu na watesi watamilongwela kuingila mwe uzumbe wa lwingu. 32Hambu Yohana azaiza kwenyu, azatongela sila ya utanda, kangi nkamumtozeshe, miya wangelu na watesi wazamtozesha. Inywi mzaviona, miya hata vivyo nkamuhitule ntongonyezi zenyu uko nyuma mkitozesha.
Lushimo lwa waluγojo wa mizabibu.
33-46.
33Teγelezai lushimo lutuhu: Kuna mγoshi ywa chengo, azahanda mizabibu, azaidenganyiza na bibili, azafuka shimo ja minyiza mazabihu, azazenga dungu, azaiinkila kwa walimi, vikibinda azahita mwe shi ntuhu. 34Yaja mazabibu yakibuza kuizwa, azatuma wabwanga wakwe kwa waja walimi, waγuwe mazabibu yakwe. 35Waja walimi wazagwila wabwanga wakwe, kuṅwe wazawaluta, kuṅwe wazawakoma, kuṅwe wazawahomela mawe. 36Vituhu azatuma wabwanga weγelemuka kuzinka waja wa bosi, miya waja wazawaγoshwela sa viyaho. 37Kushilikiza azamtuma ṅwanae na kwawe, angwe: Ṅwanangu newaingilwe ni shoni naye. 38Miya waja walimi wakimwona ṅwanangwa wazafanyanya mwe myoyo yawe kuγamba: Uyu ni mupazi; ndokoi, timkome, kangwe tiγuwe ufa wakwe! 39Wazamγuwa, wazamlavya muja mwe mizabibu, wazamkoma. 40Lushe ṅwenye mizabibu akizaiza waja walimi atazawatenda zeze? 41Wamuti: Kwa kuti ni wawiwi, alawakoma viwiwi, ainkile ija mizabibu kwa walimi watuhu, ndiwo nezewamunke mazabibu yakwe yahokaizwila. 42Angwe ni Yesu: Nkamfyomile mwe baluwangwa kuti: Iwe, wazengo wabentilejo, jizaγaluka shikizi ja heta. Ivi vizaanduka kwa Zumbe; tikiviolela, ni kimaka. 43Ne vyeleka, nikimiti: Inywi nezemuhokwe uzumbe wa Mulungu, uinkilwe kwe mbali ntuhu yelavya kuwo jakwe. 44Ṅdiye akine mwe iji iwe, atazabanika, kangi iji iwe ndiye jimkinile, jitazamtiγinta. 45Wavikizi wakulu na Mafaliseyo wakiiva shimo zakwe, wazataila, kuti awalonga wawo. 46Wazalonda, ndivyo wamgwile, miya wazaogoha wantu, kwa kuti wazamtozesha, kuti ni mteγanyingwa.
Currently Selected:
Mateyo 21: KISHNT05
Highlight
Share
Copy
Want to have your highlights saved across all your devices? Sign up or sign in
New Testament in Kishambala © Bible Society of Tanzania, 2005.
Mateyo 21
21
Yesu aingila Yelusalemu kizumbe.
1-9.
1Wakibula hehi na Yelusalemu, wazaingila Betifage he mulima wa miziyaγembe; haja Yesu azatuma wahina waili, azawati: 2Hitai mwe kaja kazizi haja sheja, nemfikeona mumo nine ja mpunda, jiikantiγwe, jina ṅwanae haho; jidoholei, mujiniletele! 3Ati muntu amiuza, mtamuti: Zumbe aagiziγwa ndizo. 4Ne atafikazishungula. Ivi vizaγosholwa, kangwe vibontoke viya vilongiγwevyo ni mteγanyingwa kuγamba: 5Mγambilei mndele Siyoni: Shuyu zumbe ywako akulawila! Ni mkuwi; aipandile ṅwana njowe mweanga na nine. 6Waja wahina wazahita, wazaγoshola sa viyaho, Yesu awalaγilizevyo; 7wazaleta jiya nine ja mpunda na ṅwanae, wazamtandikila shuke zawe, vikibinda wazamkweza na mumo. 8Wantu wangi muno wazatandika shuke zawe silai, watuhu wazashenga masala, wazayatandika silai. 9Miya wantu walongolewo, hata waja wetongela wazakema angwe: Hoziyana, ṅwana Dawidi! Atogolwe mweiza mwe zina ja Zumbe! Hoziyana ulanga! 10Akiingila Yelusalemu, ipuzi woshe uzavuwanika, wakiuzanya: Kumbe uyu ni ndai? 11Miya wantu wazalonga: Uyu ni mteγanyi Yesu mweanduka Nazaleti ya Galileya.
Yesu aγulusha wekandanya vikilongwa.
12-22.
12Yesu azaingila mwe vikilongwa, azaγulusha woshe weγuzanya na wetaγizanya muja mwe vikilongwa, azafununkula meza za waja wetaγa senti, hata viti vya waja wetaγa visuwa manga. 13Azawati: Kuigondiγwe: Nyumba yangu iitangwe nyumba ya vikila, miya inywi mzaiγalusha mpanga ya wampoko. 14Muja vikiloi muzamwizila washionawo na washiγendawo, azawahonya. 15Wavikizi wakulu na watabaluwangwa wazaihilwa wakiona ivi vimaka, avyoγoshola, kangi wakiiva, wana wavyokema muja vikiloi kuγamba: Hoziyana, ṅwana Dawidi! 16Wazamuti: Waiva, awa wavyolonga? Yesu azawati: Ehe! Miya nkamfyomile kuγamba: Mwe vyanwa vya wana na vya wankebe uzaonela ntogolo? 17Azawaasha, azalawa muja kaya, azahita Betaniya, azagona γuko.
Alana mkuyu.
18Makelo akiuya na kuja kaya, azaluṅwa ni sala. 19Akiona mkuyu haja silai azaubasha, miya nkaene nkuyu mumo, ni mahungo du, azaulana angwe: Ukashetavyala ntunda kale na kale! 20Viya du lushe uja mkuyu uzanyuluka. Wahina wakwe wakiviona wazamaka angwe: Unu mkuyu ufikilenyuluka zeze? 21Yesu azawahitwila angwe: Kweli namiti: Ati mwatozesha na kushekalakasha, nkemγoshole sa ivi vya unu mkuyu du, miya hata mkilaγiliza unu mulima kuti: Inuka, ukine mwe bahali!, vitabontoka. 22Vyoshe, ndivyo mulombeze mkivika, aii mwatozesha, nemuviinkwe.
Ufuṅwa wa Yesu ukoanduka nako.
23-27.
23Akiingila vikiloi akifuza mumo, wavikizi wakulu na watawa wa mbalingwa wazamwizila angwe: Ivi uviγoshola kwa nguvu ani? 24Akunkileye unu ufuṅwa ni ndai? Yesu azawalandula, azawati: Nami nimiuze mbuli ṅwenga! Mkiiniγambila, nami nitamiγambila, ati niviγoshola kwa nguvu ani. 25Ubatizi wa Yohana uanduke nahi? Mwe lwingu, hambu kwa wantu? Waja wazafanyanya mwe myoyo yawe kuγamba: Ati tamuti: Mwe lwingu, atatiti: Nini mkishemtozesha? 26Ati tamuti: Kwa wantu, tina woγa na wantu, hambu woshe wazafanyanya kuti: Yohana ni mteγanyingwa. 27Wazamlandula Yesu angwe: Nkatitaila. Ne yohe ahowati: Lushe nami simiγambila, ati niviγoshola kwa nguvu ani.
Lushimo lwa wana waili wetuṅwa ni ishe.
28Miya muγambai? Kuna mγoshi, ana wana waili Azamlawila yuja mkulu, azamuti: Ṅwanangu, hita lelo, ulime he chalo! 29Yuja azalandula: Sikunda, miya uko nyuma azaγuwa moyo mtuhu, azahita. 30Ne ahohita kwa nduγuye, azamlonga sa viyaho. Yuja azaitikila: Shimi, tate! Miya nkahitile. 31Lushe awa waili aγosholeye, ishe avyokunda, ni yuhi? Wazamuti: Ni yuja mkulu; miya Yesu azawati: Kweli namiti: Wangelu na watesi watamilongwela kuingila mwe uzumbe wa lwingu. 32Hambu Yohana azaiza kwenyu, azatongela sila ya utanda, kangi nkamumtozeshe, miya wangelu na watesi wazamtozesha. Inywi mzaviona, miya hata vivyo nkamuhitule ntongonyezi zenyu uko nyuma mkitozesha.
Lushimo lwa waluγojo wa mizabibu.
33-46.
33Teγelezai lushimo lutuhu: Kuna mγoshi ywa chengo, azahanda mizabibu, azaidenganyiza na bibili, azafuka shimo ja minyiza mazabihu, azazenga dungu, azaiinkila kwa walimi, vikibinda azahita mwe shi ntuhu. 34Yaja mazabibu yakibuza kuizwa, azatuma wabwanga wakwe kwa waja walimi, waγuwe mazabibu yakwe. 35Waja walimi wazagwila wabwanga wakwe, kuṅwe wazawaluta, kuṅwe wazawakoma, kuṅwe wazawahomela mawe. 36Vituhu azatuma wabwanga weγelemuka kuzinka waja wa bosi, miya waja wazawaγoshwela sa viyaho. 37Kushilikiza azamtuma ṅwanae na kwawe, angwe: Ṅwanangu newaingilwe ni shoni naye. 38Miya waja walimi wakimwona ṅwanangwa wazafanyanya mwe myoyo yawe kuγamba: Uyu ni mupazi; ndokoi, timkome, kangwe tiγuwe ufa wakwe! 39Wazamγuwa, wazamlavya muja mwe mizabibu, wazamkoma. 40Lushe ṅwenye mizabibu akizaiza waja walimi atazawatenda zeze? 41Wamuti: Kwa kuti ni wawiwi, alawakoma viwiwi, ainkile ija mizabibu kwa walimi watuhu, ndiwo nezewamunke mazabibu yakwe yahokaizwila. 42Angwe ni Yesu: Nkamfyomile mwe baluwangwa kuti: Iwe, wazengo wabentilejo, jizaγaluka shikizi ja heta. Ivi vizaanduka kwa Zumbe; tikiviolela, ni kimaka. 43Ne vyeleka, nikimiti: Inywi nezemuhokwe uzumbe wa Mulungu, uinkilwe kwe mbali ntuhu yelavya kuwo jakwe. 44Ṅdiye akine mwe iji iwe, atazabanika, kangi iji iwe ndiye jimkinile, jitazamtiγinta. 45Wavikizi wakulu na Mafaliseyo wakiiva shimo zakwe, wazataila, kuti awalonga wawo. 46Wazalonda, ndivyo wamgwile, miya wazaogoha wantu, kwa kuti wazamtozesha, kuti ni mteγanyingwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kishambala © Bible Society of Tanzania, 2005.