Mateyo 9
9
Mtamu ywa pengene ahonyiγwa.
1-8.
1Azaingila mwe chombo, azaomboka na sheja, azahita kwe muzi wakwe ṅwenye. 2Ne wahomletela mtamu ywa pengene, ailele mwe lusazi. Yesu akiona mitozesheze yawe azamlonga yuja mtamu: Nwanangu, toγwa ni moyo! Uhuza wako uzauushiliziγwa. 3Ne watabaluwangwa kuṅwe waholonga mwe myoyo yawe kuγamba: Uyu amweza Mulungu! 4Yesu akiona ntongonyezi zawe azalonga: Nini mkitongonyeza mbuli mbada mwe myoyo yenyu? 5Vihufu ni vihi? Kulonga: Uhuza wako uzaushiγwa, haidu kulonga: Inuka, ukaange? 6Miya mtaile kuti: Ṅwanangwa ywa muntu ana ufuṅwa kunu shi wa kuushiliza uhuza! Ne ahomlonga yuja mtamu ywa pengene: Inuka, uinule lusazi lwako, uhite na kaya kwako! 7Azainuka, azahita na kaya kwakwe. 8Wantu wakiviona wazabulwa ni woγa, wazamtogola Mulungu, kuti azawainka wantu ufuṅwa we ivyoho.
Yesu na Mateyo na wangelu
9-13.
9Yesu akihauka azaona muntu, aiikale he ngelu, ailangwa Mateyo; uyu azamlonga: Nitongela! Ne ahoinuka akimtongela. 10Akija nkande nyumbai, kuzaiza wangelu na wahuza wangi, wazaja haṅwe na Yesu na wahina wakwe. 11Mafaliseyo wakiviona wazawalonga wahina wakwe angwe: Nini mfuzi ywenyu akija na wangelu na wahuza? 12Akiviiva azalonga: Weikala ugima nkawaagiziγwa ni mγanga, ni waja wehuma. Ndokoi! 13Tailai bontokelo ja iyo mbuli ya kuγamba: Nakunda mbazi, sikunda ṅombe za mviko! Hambu siizile, niitange watanda, niizile niitange wahuza.
Miangile mihya.
14-17.
14Haja wahina wa Yohana wazamwizila angwe: Nini ishwi na Mafaliseyo tikifunga, wahina wako wakishefunga? 15Yesu azawati: Welalikilwa nteγuzi wadaha zeze kuona ukiwa, yuja ṅwali wakeanga naye? Mishi yaiza, ndiho ṅwali nezeaushiγwe kwawe ne ndiho wafunge. 16Nkakuna mwegela ndame ya shuke mpya mwe nkazu shakazu; anga haja hoshe, ashumileho, hauka mwe iyo nkazu, lushe langa jakwe ni kulu kuzinka jiya ja bosi. 17Kangi nkakuna mwegela mvinyo mwishi mwe mabene mashakazu, anga aya mabene yatatuka, uja mvinyo ukaitika, kangi mabene yohe yabindilizika; miya mvinyo mwishi muntu augela mwe mabene mahya, ne kuhonya mvinyo haṅwe na mabene.
Mndele afufulwa, mvyele ahonyiγwa.
18-26.
18Akiwalonga izi mbuli, kuzaiza mfuṅwa, azamkinila angwe: Ṅwanangu ywa kindele azafa ivi lushe; miya iza, umubadikile mkono! Ne ndivyo auye moyo. 19Yesu azainuka azamtongela na wahina wakwe. 20Kuna mvyele alawileye mpome mavuli kumi na maili, azamwizila nyuma, 21azadowa lusiniko lwa nkazu yakwe. Hambu azafanyanya mwe moyo wakwe kuγamba: Ati nadowa nkazu yakwe du, nenihone. 22Miya Yesu azahituka, azamwolela, azamuti: Toγwa ni moyo, ṅwanangu! Mitozesheze yako izakuhonya. 23Ne yuja mvyele ahonileho ni haho. Yesu akiingila mwe nyumba ya yuja mfuṅwa, akiona wetowa miluli na wantu wangi wevunka, 24azawati: Ukai! Hambu aka kandele nkakafile, katesisila du. 25Miya wazamsheka. Wantu woshe wakibinda kumlaviγwa, azaingila, azatoza mkono wakwe, ne kaja kandele kahoinuka. 26Nguma ya inu mbuli izaγenda, izagisa ija shi ngima.
Matuntu maili na bubu wazahonyiγwa.
27Yesu akihauka, matuntu maili yazamtongela, wakikema angwe: Tife mbazi, ṅwana Dawidi! 28Akiingila na nyumbai, yaja matuntu yazamwizila; Yesu azawati: Mwatozesha, kuti nadaha kuviγoshola ivi? Wazamwitikila: Zumbe, ehe. 29Ne ahodowa mesho yawe angwe: Viya muvyotozesha vimibontokele! 30Ne mesho yawe yahoγubuka. Vikibinda Yesu azawashunda angwe: Olelai, muntu ashezavitaila! 31Miya waja wakimlawa wazabilikila mbuli yakwe mwe ija shi ngima. 32Wakimlawa muja, wazamletela bubu mwehuma mpepo. 33Iyo mpepo ikiingatwa, yuja bubu azalonga. Wantu wazavimaka, wazaγamba: Kale hoshe mwe Waisilayeli mbuli ye ivyoho nkayaoniγwe. 34Miya Mafaliseyo wazaγamba: Aingata mpepo kwa nguvu ya zumbe ywa mpepo.
Uluki ukulu.
35Yesu azaanga mwe mizi yoshe, hata mwe mizi ye tanga akifuza mwe mavikilo yawe na kubilikila ulau wedi wa uzumbengwa, vikibinda azahonya mahisho na manyonge yoshe. 36Akiolela waja wantu azabulwa ni utungu nawo, kwa kuti waonyiγwa lulali, waiasakane, viya ni ngoto zishinazo mulishi. 37Ne aholonga wahina wakwe: Uluki ni ukulu, miya wandima ni waγeke. 38Mhembelezei ṅwenye uluki, atume wandima kwe uluki wakwe!
Currently Selected:
Mateyo 9: KISHNT05
Highlight
Share
Copy
Want to have your highlights saved across all your devices? Sign up or sign in
New Testament in Kishambala © Bible Society of Tanzania, 2005.
Mateyo 9
9
Mtamu ywa pengene ahonyiγwa.
1-8.
1Azaingila mwe chombo, azaomboka na sheja, azahita kwe muzi wakwe ṅwenye. 2Ne wahomletela mtamu ywa pengene, ailele mwe lusazi. Yesu akiona mitozesheze yawe azamlonga yuja mtamu: Nwanangu, toγwa ni moyo! Uhuza wako uzauushiliziγwa. 3Ne watabaluwangwa kuṅwe waholonga mwe myoyo yawe kuγamba: Uyu amweza Mulungu! 4Yesu akiona ntongonyezi zawe azalonga: Nini mkitongonyeza mbuli mbada mwe myoyo yenyu? 5Vihufu ni vihi? Kulonga: Uhuza wako uzaushiγwa, haidu kulonga: Inuka, ukaange? 6Miya mtaile kuti: Ṅwanangwa ywa muntu ana ufuṅwa kunu shi wa kuushiliza uhuza! Ne ahomlonga yuja mtamu ywa pengene: Inuka, uinule lusazi lwako, uhite na kaya kwako! 7Azainuka, azahita na kaya kwakwe. 8Wantu wakiviona wazabulwa ni woγa, wazamtogola Mulungu, kuti azawainka wantu ufuṅwa we ivyoho.
Yesu na Mateyo na wangelu
9-13.
9Yesu akihauka azaona muntu, aiikale he ngelu, ailangwa Mateyo; uyu azamlonga: Nitongela! Ne ahoinuka akimtongela. 10Akija nkande nyumbai, kuzaiza wangelu na wahuza wangi, wazaja haṅwe na Yesu na wahina wakwe. 11Mafaliseyo wakiviona wazawalonga wahina wakwe angwe: Nini mfuzi ywenyu akija na wangelu na wahuza? 12Akiviiva azalonga: Weikala ugima nkawaagiziγwa ni mγanga, ni waja wehuma. Ndokoi! 13Tailai bontokelo ja iyo mbuli ya kuγamba: Nakunda mbazi, sikunda ṅombe za mviko! Hambu siizile, niitange watanda, niizile niitange wahuza.
Miangile mihya.
14-17.
14Haja wahina wa Yohana wazamwizila angwe: Nini ishwi na Mafaliseyo tikifunga, wahina wako wakishefunga? 15Yesu azawati: Welalikilwa nteγuzi wadaha zeze kuona ukiwa, yuja ṅwali wakeanga naye? Mishi yaiza, ndiho ṅwali nezeaushiγwe kwawe ne ndiho wafunge. 16Nkakuna mwegela ndame ya shuke mpya mwe nkazu shakazu; anga haja hoshe, ashumileho, hauka mwe iyo nkazu, lushe langa jakwe ni kulu kuzinka jiya ja bosi. 17Kangi nkakuna mwegela mvinyo mwishi mwe mabene mashakazu, anga aya mabene yatatuka, uja mvinyo ukaitika, kangi mabene yohe yabindilizika; miya mvinyo mwishi muntu augela mwe mabene mahya, ne kuhonya mvinyo haṅwe na mabene.
Mndele afufulwa, mvyele ahonyiγwa.
18-26.
18Akiwalonga izi mbuli, kuzaiza mfuṅwa, azamkinila angwe: Ṅwanangu ywa kindele azafa ivi lushe; miya iza, umubadikile mkono! Ne ndivyo auye moyo. 19Yesu azainuka azamtongela na wahina wakwe. 20Kuna mvyele alawileye mpome mavuli kumi na maili, azamwizila nyuma, 21azadowa lusiniko lwa nkazu yakwe. Hambu azafanyanya mwe moyo wakwe kuγamba: Ati nadowa nkazu yakwe du, nenihone. 22Miya Yesu azahituka, azamwolela, azamuti: Toγwa ni moyo, ṅwanangu! Mitozesheze yako izakuhonya. 23Ne yuja mvyele ahonileho ni haho. Yesu akiingila mwe nyumba ya yuja mfuṅwa, akiona wetowa miluli na wantu wangi wevunka, 24azawati: Ukai! Hambu aka kandele nkakafile, katesisila du. 25Miya wazamsheka. Wantu woshe wakibinda kumlaviγwa, azaingila, azatoza mkono wakwe, ne kaja kandele kahoinuka. 26Nguma ya inu mbuli izaγenda, izagisa ija shi ngima.
Matuntu maili na bubu wazahonyiγwa.
27Yesu akihauka, matuntu maili yazamtongela, wakikema angwe: Tife mbazi, ṅwana Dawidi! 28Akiingila na nyumbai, yaja matuntu yazamwizila; Yesu azawati: Mwatozesha, kuti nadaha kuviγoshola ivi? Wazamwitikila: Zumbe, ehe. 29Ne ahodowa mesho yawe angwe: Viya muvyotozesha vimibontokele! 30Ne mesho yawe yahoγubuka. Vikibinda Yesu azawashunda angwe: Olelai, muntu ashezavitaila! 31Miya waja wakimlawa wazabilikila mbuli yakwe mwe ija shi ngima. 32Wakimlawa muja, wazamletela bubu mwehuma mpepo. 33Iyo mpepo ikiingatwa, yuja bubu azalonga. Wantu wazavimaka, wazaγamba: Kale hoshe mwe Waisilayeli mbuli ye ivyoho nkayaoniγwe. 34Miya Mafaliseyo wazaγamba: Aingata mpepo kwa nguvu ya zumbe ywa mpepo.
Uluki ukulu.
35Yesu azaanga mwe mizi yoshe, hata mwe mizi ye tanga akifuza mwe mavikilo yawe na kubilikila ulau wedi wa uzumbengwa, vikibinda azahonya mahisho na manyonge yoshe. 36Akiolela waja wantu azabulwa ni utungu nawo, kwa kuti waonyiγwa lulali, waiasakane, viya ni ngoto zishinazo mulishi. 37Ne aholonga wahina wakwe: Uluki ni ukulu, miya wandima ni waγeke. 38Mhembelezei ṅwenye uluki, atume wandima kwe uluki wakwe!
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kishambala © Bible Society of Tanzania, 2005.