Ifipigo 14
14
Pawulo na Balanaba ku Ikonio
1Kula ku Ikonio ing'ani save ndawe lwe sawonike ku Andyokiya. Pawulo na Balanaba vahele ku sinagogi iya Avayudaya vatinase nawo kwa uwupifu mbaka Avayudaya wolofu na Avagiliki vave vafuuwa. 2Neke Avayudaya avangi avevabihye ukufuuwa swe visagasa liyowo muvanu avangi avamyanza sambi vavavipile iwo vanyalukolo na ukuvabesa. 3Pawulo na Balanaba vikalite kuko lusika hilo. Valongige kwa wupifu isa Umutwa, nave Umutwa akangise inachene ya ulukani lwevalongige ulwa uwuwuya wakwe, pakuvatanga ukupiga imiitu na uwuhulo. 4Avanu va iboma iyo vigavite. Avangi vimite ulubali lwa Avayudaya, neke avangi vimite ulubali lwa avigendo.
5Pambele, avamyanza na Avayudaya, vihanga na avavina vawo, valamwe ukuvapigila fibi iwo avigendo na ukuvakinya na amaganga. 6Avigendo vavelige vakulukagula ulukani ulo, swe vikimbilila ku Lisitila na Delibe, iboma isa Likaonia, na munanana ise mwipi, 7vave wevadalika Ulukani Ulunofu uko.
Pawulo na Balanaba uko ku Lisitila na ku Delibe
8Uko ku Lisitila epwali umunu yee mulema amagulu uluhuma pakwegalwa, na esalagenda nambi. 9Umunu uyo amupulikisige Pawulo peidalika. Pawulo amulafile hilo, na avelige akumuwona ulwa ina lufuuwo lweluhwanite luleke apone, 10alonzile kwa iliswi likomi, “Wime ugoloke kwa amagulu gako!” Umunu uyo umulema ndawe inukige sukumwi, swe ivanga ukugenda. 11Ililugu lya avanu vavelige vakuluwona lweapigite Pawulo, vavanzile ukuyova kwa indongele ya Kilikonia: “Vanguluvi vatwiiche hwehwe mu lwihwano lwa avanu!” 12Balanaba vamutambule Sewu, na Pawulo pakuva yee mulonzi, swe itambulwa Heleme. 13Nave umutambisi va i Tembeli ya Sewu yeyepivala pa iboma ndawe aletige ing'ambakwa ya isenga na amaluva pamulyango mukomi ugwa iboma, umwene pamwi na lila ililugu lya avanu vasakige ukuvatambikila iwo avigendo.
14Balanaba na Pawulo vavelige vakuluwona ulukani ulo swe ndawe vademulige imyenda jawo vikimbila mula mwilugu lya avanu vilonga kwa iliswi likomi: 15Vitigila, “Vanyalukolo mbi ndawuli mwipiga ulukani ulu? Hwehwe nahwe twivanu hela ndawe yunyenye. Nahwe tusile ipa tuvadalikile ulukani ulunofu, sambi mupituke muhume mufileke ifinu ifi ifigayakinu mumupitukile Nguluvi umumi yeagafile ing'i na kuchanya na ibahali na mbefili ifilimung'i. 16Pidaha Nguluvi avatawe avanu mbevali vigendele mweviwendela vavene. 17Nave ndahihyo Nguluvi sialekiti ukwilagila kwa ukuvapigila uwunofu: akuvaletela indonya ukuhuma kuchanya, kangi akuvapela isanga ulusika pelufisile, akuvapela ichakulya na ukuvagavila uluhekelelo munumbula senyu.” 18Nave valonzile ulo nambi ndahihyo silwelupefu ukuvatanila valemwe ukuvatambikila.
19Neke Avayudaya avamwi vaasile uluhuma ku Andyokiya na ku Ikonio, vavafundite avanu vave ulubali lwawo, ndawe vamuhudige Pawulo na amaganga na ukumukuluna mbaka pivala ya iboma vihosige ulwa yeafwe. 20Neke avevafuuvitwe vakong'ine na ukumupilima ndawe alamukige, swe ipiluka muboma. Peyekuche ikimunyi cha kavili, umwene pamwinga na Balanaba vahele ku Delibe.
Pawulo na Balanaba vipiluka ku boma iya ku Andyokiya iya ku Siliya.
21Pawulo na Balanaba vavelige vidalika ulukani ulunofu uko ku Delibe na avanu wolofu vevafuuvitwe, swe ndawe vavangige ulugendo vibita ku Lisitila kangi ku Ikonio na ku Andyokiya ya Pisidiya. 22Vave we vakuvakangasa avevafuuvitwe muboma sila sambi vanane mulufuuwo. Vavalonje, “Ulwa mbetuli lutuvaje ukugendela mukutoka na ukuguda kolofu sambi twingile muwutwa wa Nguluvi.” 23Ndawe vavahagulige avavaha va amakanisa ukwimila vevevafuuvitwe na pevifunyite na ukwiyima ukulya sambi vifunyage, ndawe vavavikige avavaha va amakanisa pamiho ga umutwa yevevamufuuvitwe.
24Na peyevalutye mung'i ya mu Pisidiya, swe ndawe vafikige mu Pamufiliya. 25Na peyevadalike lula ulukani uko ku Pelige, ndawe vabitige ku Ataliya. 26Uluhuma uko vagendye mukipugu ikikomi vipiluka ku Andyokiya kula kwe pamutalo vevavisilwe pawulolesi wa uwuwuya wa Nguluvi ukwimila ifipigo fye vevakwisise.
27Vavelige vifika uko ku Andyokiya vakemelye umukong'ano gwa likanisa gwa apono pala, swe vakuvalongela ing'ani mbesili se Nguluvi akapigite pamwinga nawo, na lwe akavadindulye umulyango avamyanza vingile nawo mulufuuwo. 28Nawo vikalite na vala avevafuuvitwe kwa misika myolofu.
Currently Selected:
Ifipigo 14: HeNT2004
Highlight
Share
Copy
Want to have your highlights saved across all your devices? Sign up or sign in
Kihehe New Testament © Bible Society of Tanzania, 2004.
Ifipigo 14
14
Pawulo na Balanaba ku Ikonio
1Kula ku Ikonio ing'ani save ndawe lwe sawonike ku Andyokiya. Pawulo na Balanaba vahele ku sinagogi iya Avayudaya vatinase nawo kwa uwupifu mbaka Avayudaya wolofu na Avagiliki vave vafuuwa. 2Neke Avayudaya avangi avevabihye ukufuuwa swe visagasa liyowo muvanu avangi avamyanza sambi vavavipile iwo vanyalukolo na ukuvabesa. 3Pawulo na Balanaba vikalite kuko lusika hilo. Valongige kwa wupifu isa Umutwa, nave Umutwa akangise inachene ya ulukani lwevalongige ulwa uwuwuya wakwe, pakuvatanga ukupiga imiitu na uwuhulo. 4Avanu va iboma iyo vigavite. Avangi vimite ulubali lwa Avayudaya, neke avangi vimite ulubali lwa avigendo.
5Pambele, avamyanza na Avayudaya, vihanga na avavina vawo, valamwe ukuvapigila fibi iwo avigendo na ukuvakinya na amaganga. 6Avigendo vavelige vakulukagula ulukani ulo, swe vikimbilila ku Lisitila na Delibe, iboma isa Likaonia, na munanana ise mwipi, 7vave wevadalika Ulukani Ulunofu uko.
Pawulo na Balanaba uko ku Lisitila na ku Delibe
8Uko ku Lisitila epwali umunu yee mulema amagulu uluhuma pakwegalwa, na esalagenda nambi. 9Umunu uyo amupulikisige Pawulo peidalika. Pawulo amulafile hilo, na avelige akumuwona ulwa ina lufuuwo lweluhwanite luleke apone, 10alonzile kwa iliswi likomi, “Wime ugoloke kwa amagulu gako!” Umunu uyo umulema ndawe inukige sukumwi, swe ivanga ukugenda. 11Ililugu lya avanu vavelige vakuluwona lweapigite Pawulo, vavanzile ukuyova kwa indongele ya Kilikonia: “Vanguluvi vatwiiche hwehwe mu lwihwano lwa avanu!” 12Balanaba vamutambule Sewu, na Pawulo pakuva yee mulonzi, swe itambulwa Heleme. 13Nave umutambisi va i Tembeli ya Sewu yeyepivala pa iboma ndawe aletige ing'ambakwa ya isenga na amaluva pamulyango mukomi ugwa iboma, umwene pamwi na lila ililugu lya avanu vasakige ukuvatambikila iwo avigendo.
14Balanaba na Pawulo vavelige vakuluwona ulukani ulo swe ndawe vademulige imyenda jawo vikimbila mula mwilugu lya avanu vilonga kwa iliswi likomi: 15Vitigila, “Vanyalukolo mbi ndawuli mwipiga ulukani ulu? Hwehwe nahwe twivanu hela ndawe yunyenye. Nahwe tusile ipa tuvadalikile ulukani ulunofu, sambi mupituke muhume mufileke ifinu ifi ifigayakinu mumupitukile Nguluvi umumi yeagafile ing'i na kuchanya na ibahali na mbefili ifilimung'i. 16Pidaha Nguluvi avatawe avanu mbevali vigendele mweviwendela vavene. 17Nave ndahihyo Nguluvi sialekiti ukwilagila kwa ukuvapigila uwunofu: akuvaletela indonya ukuhuma kuchanya, kangi akuvapela isanga ulusika pelufisile, akuvapela ichakulya na ukuvagavila uluhekelelo munumbula senyu.” 18Nave valonzile ulo nambi ndahihyo silwelupefu ukuvatanila valemwe ukuvatambikila.
19Neke Avayudaya avamwi vaasile uluhuma ku Andyokiya na ku Ikonio, vavafundite avanu vave ulubali lwawo, ndawe vamuhudige Pawulo na amaganga na ukumukuluna mbaka pivala ya iboma vihosige ulwa yeafwe. 20Neke avevafuuvitwe vakong'ine na ukumupilima ndawe alamukige, swe ipiluka muboma. Peyekuche ikimunyi cha kavili, umwene pamwinga na Balanaba vahele ku Delibe.
Pawulo na Balanaba vipiluka ku boma iya ku Andyokiya iya ku Siliya.
21Pawulo na Balanaba vavelige vidalika ulukani ulunofu uko ku Delibe na avanu wolofu vevafuuvitwe, swe ndawe vavangige ulugendo vibita ku Lisitila kangi ku Ikonio na ku Andyokiya ya Pisidiya. 22Vave we vakuvakangasa avevafuuvitwe muboma sila sambi vanane mulufuuwo. Vavalonje, “Ulwa mbetuli lutuvaje ukugendela mukutoka na ukuguda kolofu sambi twingile muwutwa wa Nguluvi.” 23Ndawe vavahagulige avavaha va amakanisa ukwimila vevevafuuvitwe na pevifunyite na ukwiyima ukulya sambi vifunyage, ndawe vavavikige avavaha va amakanisa pamiho ga umutwa yevevamufuuvitwe.
24Na peyevalutye mung'i ya mu Pisidiya, swe ndawe vafikige mu Pamufiliya. 25Na peyevadalike lula ulukani uko ku Pelige, ndawe vabitige ku Ataliya. 26Uluhuma uko vagendye mukipugu ikikomi vipiluka ku Andyokiya kula kwe pamutalo vevavisilwe pawulolesi wa uwuwuya wa Nguluvi ukwimila ifipigo fye vevakwisise.
27Vavelige vifika uko ku Andyokiya vakemelye umukong'ano gwa likanisa gwa apono pala, swe vakuvalongela ing'ani mbesili se Nguluvi akapigite pamwinga nawo, na lwe akavadindulye umulyango avamyanza vingile nawo mulufuuwo. 28Nawo vikalite na vala avevafuuvitwe kwa misika myolofu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kihehe New Testament © Bible Society of Tanzania, 2004.