Ifipigo 26
26
Pawulo akwikanila pa Agilipa
1Sweno, ndawe Agilipa amutigilige Pawulo, “Ngukutawula wilongele.” Ipo Pawulo agolwe liwoko lyakwe akwilongela de: 2“Mutema Agilipa, ndina mbalasi hilo neng'ino ukwilongela apako veve ulwa ing'ani se Avayudaya vakusongela nene. 3Ndihekelela pakuva veve usisele hilo imisimu ja Avayudaya na amadati gawo gevahele vakwilema avene kwa avene, ngukugongola umulikise kwa wukangalifu.
4“Avayudaya vanzele nene uluhuma pa wudodo wangu, na lwendikalige uluhuma pamwandi mung'i yangu uko ku Yelusalemu. 5Vanzele kwa myaka myolofu, wone vawende, vahwanite ukolelela ulo, na ulwa ukutigila nene ndikalige mu uwulilumwi na vala avanyakwinatila hilo ing'ani isa ulufuuwo lwetu, kwekutigila ulwa Kifalisayo. 6Na kulino de ndipwali ipa ndihigwa ukwimila uluhuvi lula lwe Nguluvi avahuvise avakukwetu. 7Uluhuvi ulo lwelulo lwevevihuvye avanu vetu ing'olo ichumi na sivili, vakumupulikisa Nguluvi kwa uwinatifu kikimunyi nakikilo. Ve Mutema, Avayudaya vakusongela ukwimila luluhuvi lulo! 8Mbi ndawuli nyenye mwiwona lutalamu ukufuuwa ukutigila Nguluvi akuvasilibula avafwe? 9Nachene yunene ndefuuvitwe, ukutigila lumbaje nene ukupiga nzolofu ukulibesa litawa lya Yesu Umunasaleti. 10Na iso sendapigite uko ku Yelusalemu. Yunene de, pendemelitwe ululagi ukuhuma kwa avatambisi avavina, ndivasope mundinde avanu va Nguluvi. Na pevahigigwe ukuwulagwa ulo nane ndatosige isimbi yangu ngwidikila. 11Na kolofu ndavatovige mumasinagogi mbegali, na ukuvangala valubihilage ulufuuwo lwawo. Na ililakali lyangu kuvene lyaginite hilo, nambi ndagendige ukuwolela mbaka na mu boma na isilipataali.
Pawulo ilonga lweapitwike
(Ifipigo 9:1-19; 22:6-16)
12“Na papene baho, pendabitige ku Damesiki ikimunyi ikingi ndimupele ululagilo ukuhuma kwa avatambisi avavina. 13Ve mutambule, ulusika lwe nde mung'asi, pakivalilo cha mutanda pamunyi, ndawene ulung'ali ulukomi ukulutila ulwa ilisuva lukutung'alikila imbali mbesili ukuhuma kuchanya, nene na vala avayangu ve twepamwinga nawo mulugendo. 14Hwehwe mbetuli twagwe pasi, nane ndapulike iliswi likunigila mundongele ya i Kiebulaniya: ‘Sawulo, Sawulo! Mbi mbi ndawuli kunesa nene? Veve ukwifwahisa hela wiva nda idogovi yeyipaana ichuma ichugi cha umunyamwenayo.’ 15Nene ndamuwusise: ‘Mbi winani veve Mutwa?’ Neke Umutwa apitwe: ‘Nene ndi Yesu ye veve ukunesa. 16Nave ndahihyo, lino lamuke, wime unoge. Nguwoneche sambi nguvike nachene uve wimukami vangu. Uvalongela avanu avangi sewilavye neng'ino na isingi sengulagila pambele. 17Nene ngupoka kwa Avayudaya na kwa avanu va ing'i isingi avamyanza kwe nene ngutuma. 18Veve uvadindula amiho gawo sambi uvawuyape vahume mu lwisa vingile ku welu; vahume mu wutema wa Setani, vamupitukile Nguluvi, sambi pevafuuvitwe, vadegepelwe inzanangifu sawo sambi vahange na vala avana va Nguluvi.’
Pawulo ilonga ing'ani isa uwupisi wakwe
19“Neke lino baho, ve Mutema Agilipa, nene ndalemilwe ukuva na mbedasi kwa ukugubulilwa uko kwekwihuma kuchanya. 20Neke ndavanzile ukudalika kuvanu va ku Damesiki, pambele kwa vala va ku Yelusalemu na va mung'i mbeyili ya mu Yudaya, kangi na kwa avanu va ing'i isingi vala avamyanza. Ndavasukanise vamupitukile Nguluvi na valagilage mu ifipigo fyawo ukuta yevapitwike munumbula sawo. 21Iso sesene, sesalekite Avayudaya vakunzibata nene pende mutembeli, visaka vambulage. 22Neke mbaka kulino pe nangwa na Nguluvi nambi nzimite de nguwolela mbevali, avavina na avadodo. Isi sendilonga nene sesisila se valonzile Musa na avavisi ulwa iso sasiwoneka; 23Ukutigila Kilisito saateseka kangi na ukuva muvele va kusilibuka ukuhuma kuvafwe, sambi adalike ukutigila ulung'ali lwa uwukombolwa luvang'aliche lino avanu mbevali, Avayudaya na avanu va ing'i isingi avamyanza.”
24Pawulo avelige iduga ipa pakwilongela, Festo alonzile kwa iliswi likomi itigila, “Pawulo! Mbi wiguluka lukwale! Ukwimba kwako ukulutye kukugulusa lukwale!” 25Neke Pawulo atige, “Nene singulwiki lukwale nda ve mutambule Fesito. Nene ndilongela mumwene hilo. 26Veve Mutema usisele ing'ani isi. Nambi nene ndilonga ndimugaya muhwehwe pa veve. Sindihuguvala ukutigila iso mbesili veve usisele pakuva ulukani ulu silwapigiki kwa kifiho. 27Mutema Agilipa, veve ukuvafuuwa avavisi? Ngulukagula ulwa ukuvafuuwa.” 28Agilipa swe akumupitula Pawulo, “Kwa ulusika ulu ludodo witigila nayunene umitule mbe mukilisito!” 29Neke Pawulo amupitwe, “Ngumusuka Nguluvi ukutigila, kwa ulusika ludodo naluve lukomi, si veve hela nditigila mbevali vevakumulikisa neng'ino vavelage ndawe nene, pesi ulwa valava na iminyololo.”
30Ipo Umutema Agilipa, na Umutema va Ulutanana, na Belenike na vala mbevali veve pamwinga nawo, swe vakwima. 31Avanu peyevahesile pala, vavanzile ukulongana we vitigila, “Umunu uyu simwananga kinu chekihwanite kimwambuse ahigwe ukufwa nambi ukusopwa mundinde.” 32Nave Agilipa amulonje Fesito ukutigila, “Umunu uyu ake ahwanite adindulilwe ndasi akahamise inongwa yakwe yibite kwa Kaisali.”
Currently Selected:
Ifipigo 26: HeNT2004
Highlight
Share
Copy
Want to have your highlights saved across all your devices? Sign up or sign in
Kihehe New Testament © Bible Society of Tanzania, 2004.
Ifipigo 26
26
Pawulo akwikanila pa Agilipa
1Sweno, ndawe Agilipa amutigilige Pawulo, “Ngukutawula wilongele.” Ipo Pawulo agolwe liwoko lyakwe akwilongela de: 2“Mutema Agilipa, ndina mbalasi hilo neng'ino ukwilongela apako veve ulwa ing'ani se Avayudaya vakusongela nene. 3Ndihekelela pakuva veve usisele hilo imisimu ja Avayudaya na amadati gawo gevahele vakwilema avene kwa avene, ngukugongola umulikise kwa wukangalifu.
4“Avayudaya vanzele nene uluhuma pa wudodo wangu, na lwendikalige uluhuma pamwandi mung'i yangu uko ku Yelusalemu. 5Vanzele kwa myaka myolofu, wone vawende, vahwanite ukolelela ulo, na ulwa ukutigila nene ndikalige mu uwulilumwi na vala avanyakwinatila hilo ing'ani isa ulufuuwo lwetu, kwekutigila ulwa Kifalisayo. 6Na kulino de ndipwali ipa ndihigwa ukwimila uluhuvi lula lwe Nguluvi avahuvise avakukwetu. 7Uluhuvi ulo lwelulo lwevevihuvye avanu vetu ing'olo ichumi na sivili, vakumupulikisa Nguluvi kwa uwinatifu kikimunyi nakikilo. Ve Mutema, Avayudaya vakusongela ukwimila luluhuvi lulo! 8Mbi ndawuli nyenye mwiwona lutalamu ukufuuwa ukutigila Nguluvi akuvasilibula avafwe? 9Nachene yunene ndefuuvitwe, ukutigila lumbaje nene ukupiga nzolofu ukulibesa litawa lya Yesu Umunasaleti. 10Na iso sendapigite uko ku Yelusalemu. Yunene de, pendemelitwe ululagi ukuhuma kwa avatambisi avavina, ndivasope mundinde avanu va Nguluvi. Na pevahigigwe ukuwulagwa ulo nane ndatosige isimbi yangu ngwidikila. 11Na kolofu ndavatovige mumasinagogi mbegali, na ukuvangala valubihilage ulufuuwo lwawo. Na ililakali lyangu kuvene lyaginite hilo, nambi ndagendige ukuwolela mbaka na mu boma na isilipataali.
Pawulo ilonga lweapitwike
(Ifipigo 9:1-19; 22:6-16)
12“Na papene baho, pendabitige ku Damesiki ikimunyi ikingi ndimupele ululagilo ukuhuma kwa avatambisi avavina. 13Ve mutambule, ulusika lwe nde mung'asi, pakivalilo cha mutanda pamunyi, ndawene ulung'ali ulukomi ukulutila ulwa ilisuva lukutung'alikila imbali mbesili ukuhuma kuchanya, nene na vala avayangu ve twepamwinga nawo mulugendo. 14Hwehwe mbetuli twagwe pasi, nane ndapulike iliswi likunigila mundongele ya i Kiebulaniya: ‘Sawulo, Sawulo! Mbi mbi ndawuli kunesa nene? Veve ukwifwahisa hela wiva nda idogovi yeyipaana ichuma ichugi cha umunyamwenayo.’ 15Nene ndamuwusise: ‘Mbi winani veve Mutwa?’ Neke Umutwa apitwe: ‘Nene ndi Yesu ye veve ukunesa. 16Nave ndahihyo, lino lamuke, wime unoge. Nguwoneche sambi nguvike nachene uve wimukami vangu. Uvalongela avanu avangi sewilavye neng'ino na isingi sengulagila pambele. 17Nene ngupoka kwa Avayudaya na kwa avanu va ing'i isingi avamyanza kwe nene ngutuma. 18Veve uvadindula amiho gawo sambi uvawuyape vahume mu lwisa vingile ku welu; vahume mu wutema wa Setani, vamupitukile Nguluvi, sambi pevafuuvitwe, vadegepelwe inzanangifu sawo sambi vahange na vala avana va Nguluvi.’
Pawulo ilonga ing'ani isa uwupisi wakwe
19“Neke lino baho, ve Mutema Agilipa, nene ndalemilwe ukuva na mbedasi kwa ukugubulilwa uko kwekwihuma kuchanya. 20Neke ndavanzile ukudalika kuvanu va ku Damesiki, pambele kwa vala va ku Yelusalemu na va mung'i mbeyili ya mu Yudaya, kangi na kwa avanu va ing'i isingi vala avamyanza. Ndavasukanise vamupitukile Nguluvi na valagilage mu ifipigo fyawo ukuta yevapitwike munumbula sawo. 21Iso sesene, sesalekite Avayudaya vakunzibata nene pende mutembeli, visaka vambulage. 22Neke mbaka kulino pe nangwa na Nguluvi nambi nzimite de nguwolela mbevali, avavina na avadodo. Isi sendilonga nene sesisila se valonzile Musa na avavisi ulwa iso sasiwoneka; 23Ukutigila Kilisito saateseka kangi na ukuva muvele va kusilibuka ukuhuma kuvafwe, sambi adalike ukutigila ulung'ali lwa uwukombolwa luvang'aliche lino avanu mbevali, Avayudaya na avanu va ing'i isingi avamyanza.”
24Pawulo avelige iduga ipa pakwilongela, Festo alonzile kwa iliswi likomi itigila, “Pawulo! Mbi wiguluka lukwale! Ukwimba kwako ukulutye kukugulusa lukwale!” 25Neke Pawulo atige, “Nene singulwiki lukwale nda ve mutambule Fesito. Nene ndilongela mumwene hilo. 26Veve Mutema usisele ing'ani isi. Nambi nene ndilonga ndimugaya muhwehwe pa veve. Sindihuguvala ukutigila iso mbesili veve usisele pakuva ulukani ulu silwapigiki kwa kifiho. 27Mutema Agilipa, veve ukuvafuuwa avavisi? Ngulukagula ulwa ukuvafuuwa.” 28Agilipa swe akumupitula Pawulo, “Kwa ulusika ulu ludodo witigila nayunene umitule mbe mukilisito!” 29Neke Pawulo amupitwe, “Ngumusuka Nguluvi ukutigila, kwa ulusika ludodo naluve lukomi, si veve hela nditigila mbevali vevakumulikisa neng'ino vavelage ndawe nene, pesi ulwa valava na iminyololo.”
30Ipo Umutema Agilipa, na Umutema va Ulutanana, na Belenike na vala mbevali veve pamwinga nawo, swe vakwima. 31Avanu peyevahesile pala, vavanzile ukulongana we vitigila, “Umunu uyu simwananga kinu chekihwanite kimwambuse ahigwe ukufwa nambi ukusopwa mundinde.” 32Nave Agilipa amulonje Fesito ukutigila, “Umunu uyu ake ahwanite adindulilwe ndasi akahamise inongwa yakwe yibite kwa Kaisali.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kihehe New Testament © Bible Society of Tanzania, 2004.