Ifipigo 28
28
Sesamufikite Pawulo ku Melita.
1Peyetufikite mbetuli twivatelefu pala pa kilowoko, twapakagwe ukutigila ing'i yila che ikigunguli ikitambulwa Melita. 2Avanyang'i va pala vevanu vanofu hilo kwa hwehwe. Indonya yeyeyivanzile amapingo na ing'ala yenzolofu, swe ndawe vatupwitulilige umoto, swe vakututigila tubite tote. 3Pawulo asage inzagala ng'efu de swe akusisopa mumoto. Ipo, kwa uluhe lwa umoto, inzoka yahumite mula munzagala swe yikumuluma Pawulo mwiwoko swe yiva weyimung'ang'anie. 4Avanyang'i va pala vavelige vakuyiwona inzoka yimulumite na yitumbiila mwiwoko lyakwe vilonje vavene ukutigila, “Eawulige munu, nave aponite mubahali ukuyaga, ‘Neke uwugolofu’ siwumulesili ave peeanana!” 5Neke Pawulo ayipalikise inzoka mumoto, nave savi kinu nambi ludodo. 6Vala avanu valavisige ulwa ake atuna na baho baho agwa pasi na ukufwa. Pevalavisige lusika lukomi we kugaya kinu ikibi chekiwoneka kwa Pawulo, vilonje vavene kangi ukuta uyu nguluvi.
7Pipi na baho pepogili imigunda ja Pubulio, umutema va ikigunguli icho yeitambulwa Pubulio. Pubulio yealatwanuche wunofu tuve tuvagenzi vakwe kwa filo fidatu. 8Sweno, lwave udade va Pubulio emutamwa alambale muwuhaga yimwibete mbungo na uwutamwa wa mwileme. Pawulo ahele kukumulava na peifunyite, swe ndawe amugelekige amawoko gakwe akumuponia. 9Kwa ukwimila ikipigo icho, avatamwa mbevali va pala pa kigunguli vasile avaponie. 10Avanu vatupelye ifinu ifya uwuwuya fyolofu, na petwavangige ulugendo, kangi vatusopye mukipugu ikikomi ifinu fyolofu fiva fuka yetu.
Ukuhuma ku Melita mbaka ku Lumi
11Peyegilutye myesi gidatu twavanzile kangi ulugendo tuhofile ikipugu ikikomi ikimwi cha ku Alekisandeliya chekitambulwa, “Nguluvi nyawendani.” Ikipugu icho kikalige umu mu kigunguli pa kitungwi. 12Twafisile pa boma iya ku Silakusi, swe tukwikala pala filo fidatu. 13Ukuhuma uko twavanzile ulugendo, twapilime swe twifika ku Legio. Pekilutye ikimunyi kimwi, ilikala lyavanzile ukupuga ukuhuma ulubali lwa kunena. Na pefilutye filo fivili twafisile pamwani iya ku Puteyoli. 14Uko twavafisile vanyalukolo vetu avangi iwo vatususile twikale nawo filo fimufung'ati, swe twiva yetufisile ku Lumi. 15Avanyalukolo va kula ku Lumi vatupulike, ndawe vasige ukutwanukila pawugulilo pa Apiyo na pa kaye isidatu isa avagenzi. Pawulo peavawene amulumbite Nguluvi, swe isikimala.
Pawulo ali muboma iya ku Lumi
16Peyetufisile ku Lumi, Pawulo vamutawe ikale iyena na munyigalu yumwi uva ukumuminga.
17Pefilutye filo fidatu, Pawulo avakong'ise avalongola va Kiyudaya va apono ipo. Peyevakong'ine, Pawulo avatige, “Nye mwe Vaisilaeli vayangu, nene nambi singapigiti ikinu ikibi nambi ukubesa imisimu ija avavaha vetu. Vandibete kula ku Yelusalemu na ukusopa mumawoko ga Avalumi. 18Peyevangosise na ukumbona ulwa sindimwananga kinu, ikikwambusa nene mbulagwe, vawendige ukundekesa. 19Neke Avayudaya avamwi vabesise ulukani ulo, neke nene ndamule ukuhamya inongwa yibite kwa Kaisali nambi sinde na lukani ulwakuvasongela avanu vangu. 20Nambi kwa lulo sukite ukuvawona na ukutinasa na nyenye, pakuva ndimupinge na iminyololo ndivalwa uluhuvi lulula lwa Vaisilaeli.” 21Neke avene ndawe vamutigilige, “Hwehwe situlapelwa ulwandiko uluhumile kuvanu vetu ku Yudaya iyilonga sa veve nambi vanyalukolo nambi yumwi yeakasile ukulonga sa veve. 22Neke hwehwe tuketuwenda ukupulika amahosa gako. Pakuva hwehwe lwetukulukagula ukuta ikilugu icho kihele kibihilwa bahapavesaga.”
23Sweno, ndawe viyidikisige ukukela ikimunyi ichene icha ukutang'ana, na awolofu vafisile uko kweeikwali. Uluhuma pamilawu mbaka pamihye awolelelige na ukuvaganulila ulwa uwutwa wa Nguluvi, igela ukuvahegelesa vamwidikile Yesu ikola indagilo sa Musa na uwandike uwa avavisi. 24Avamwi mwa avene vidiche ing'ani sakwe, neke avangi sivafuuvitwi. 25Sweno, kwave na kulekana mumahosa mwavene, pevahegige vakwibitila, Pawulo alonzile ulukani ulu, “Nachene siling'ene sila sesalonzilwe na Umuhe Umwelu kwa avakukwenyu ukukola kwa Umuvisi Yesaya 26itigila:
‘Bitage kuvanu iva ukavatigile;
ukupulika mupulika, neke simulukagula;
ukulava mulava, neke simuluwona.
27Pakuva uluhala lwa avanu iva lusito,
vadibise amapulikilo gawo, vasisinise amiho gawo.
Pesi ndahihyo, vake valava kwa amiho gawo,
vake vapulika na amapulikilo gawo.
Vake valukagula mu wuseela wawo,
na ukumitukila, ilonga Umutwa,
nane ngendivaponia.’”
28Sweno Pawulo asindilise kwa ukutigila, “Mulukagulage ukutigila ulukani lwa Nguluvi ulwa uwupoki yevapelitwe avanu avamyanza. Iwo valupulikisa!”
[ 29Pealonzile ulo, Avayudaya swe vakwibitilaga, kono vakwiwusa avene kwa avene ng'ani nzolofu.]
30Kwa lusika lwa myaka mbegili givili Pawulo ikalige mukaye yealabasise na mbepali avanukilige avanu mbevali avabitige ukumuhungila. 31Adalikige uwutwa wa Nguluvi na ukwigisa ulwa Umutwa Yesu Kilisito kwa uwupifu wolofu, wesitanilwa na munu.
Currently Selected:
Ifipigo 28: HeNT2004
Highlight
Share
Copy
Want to have your highlights saved across all your devices? Sign up or sign in
Kihehe New Testament © Bible Society of Tanzania, 2004.
Ifipigo 28
28
Sesamufikite Pawulo ku Melita.
1Peyetufikite mbetuli twivatelefu pala pa kilowoko, twapakagwe ukutigila ing'i yila che ikigunguli ikitambulwa Melita. 2Avanyang'i va pala vevanu vanofu hilo kwa hwehwe. Indonya yeyeyivanzile amapingo na ing'ala yenzolofu, swe ndawe vatupwitulilige umoto, swe vakututigila tubite tote. 3Pawulo asage inzagala ng'efu de swe akusisopa mumoto. Ipo, kwa uluhe lwa umoto, inzoka yahumite mula munzagala swe yikumuluma Pawulo mwiwoko swe yiva weyimung'ang'anie. 4Avanyang'i va pala vavelige vakuyiwona inzoka yimulumite na yitumbiila mwiwoko lyakwe vilonje vavene ukutigila, “Eawulige munu, nave aponite mubahali ukuyaga, ‘Neke uwugolofu’ siwumulesili ave peeanana!” 5Neke Pawulo ayipalikise inzoka mumoto, nave savi kinu nambi ludodo. 6Vala avanu valavisige ulwa ake atuna na baho baho agwa pasi na ukufwa. Pevalavisige lusika lukomi we kugaya kinu ikibi chekiwoneka kwa Pawulo, vilonje vavene kangi ukuta uyu nguluvi.
7Pipi na baho pepogili imigunda ja Pubulio, umutema va ikigunguli icho yeitambulwa Pubulio. Pubulio yealatwanuche wunofu tuve tuvagenzi vakwe kwa filo fidatu. 8Sweno, lwave udade va Pubulio emutamwa alambale muwuhaga yimwibete mbungo na uwutamwa wa mwileme. Pawulo ahele kukumulava na peifunyite, swe ndawe amugelekige amawoko gakwe akumuponia. 9Kwa ukwimila ikipigo icho, avatamwa mbevali va pala pa kigunguli vasile avaponie. 10Avanu vatupelye ifinu ifya uwuwuya fyolofu, na petwavangige ulugendo, kangi vatusopye mukipugu ikikomi ifinu fyolofu fiva fuka yetu.
Ukuhuma ku Melita mbaka ku Lumi
11Peyegilutye myesi gidatu twavanzile kangi ulugendo tuhofile ikipugu ikikomi ikimwi cha ku Alekisandeliya chekitambulwa, “Nguluvi nyawendani.” Ikipugu icho kikalige umu mu kigunguli pa kitungwi. 12Twafisile pa boma iya ku Silakusi, swe tukwikala pala filo fidatu. 13Ukuhuma uko twavanzile ulugendo, twapilime swe twifika ku Legio. Pekilutye ikimunyi kimwi, ilikala lyavanzile ukupuga ukuhuma ulubali lwa kunena. Na pefilutye filo fivili twafisile pamwani iya ku Puteyoli. 14Uko twavafisile vanyalukolo vetu avangi iwo vatususile twikale nawo filo fimufung'ati, swe twiva yetufisile ku Lumi. 15Avanyalukolo va kula ku Lumi vatupulike, ndawe vasige ukutwanukila pawugulilo pa Apiyo na pa kaye isidatu isa avagenzi. Pawulo peavawene amulumbite Nguluvi, swe isikimala.
Pawulo ali muboma iya ku Lumi
16Peyetufisile ku Lumi, Pawulo vamutawe ikale iyena na munyigalu yumwi uva ukumuminga.
17Pefilutye filo fidatu, Pawulo avakong'ise avalongola va Kiyudaya va apono ipo. Peyevakong'ine, Pawulo avatige, “Nye mwe Vaisilaeli vayangu, nene nambi singapigiti ikinu ikibi nambi ukubesa imisimu ija avavaha vetu. Vandibete kula ku Yelusalemu na ukusopa mumawoko ga Avalumi. 18Peyevangosise na ukumbona ulwa sindimwananga kinu, ikikwambusa nene mbulagwe, vawendige ukundekesa. 19Neke Avayudaya avamwi vabesise ulukani ulo, neke nene ndamule ukuhamya inongwa yibite kwa Kaisali nambi sinde na lukani ulwakuvasongela avanu vangu. 20Nambi kwa lulo sukite ukuvawona na ukutinasa na nyenye, pakuva ndimupinge na iminyololo ndivalwa uluhuvi lulula lwa Vaisilaeli.” 21Neke avene ndawe vamutigilige, “Hwehwe situlapelwa ulwandiko uluhumile kuvanu vetu ku Yudaya iyilonga sa veve nambi vanyalukolo nambi yumwi yeakasile ukulonga sa veve. 22Neke hwehwe tuketuwenda ukupulika amahosa gako. Pakuva hwehwe lwetukulukagula ukuta ikilugu icho kihele kibihilwa bahapavesaga.”
23Sweno, ndawe viyidikisige ukukela ikimunyi ichene icha ukutang'ana, na awolofu vafisile uko kweeikwali. Uluhuma pamilawu mbaka pamihye awolelelige na ukuvaganulila ulwa uwutwa wa Nguluvi, igela ukuvahegelesa vamwidikile Yesu ikola indagilo sa Musa na uwandike uwa avavisi. 24Avamwi mwa avene vidiche ing'ani sakwe, neke avangi sivafuuvitwi. 25Sweno, kwave na kulekana mumahosa mwavene, pevahegige vakwibitila, Pawulo alonzile ulukani ulu, “Nachene siling'ene sila sesalonzilwe na Umuhe Umwelu kwa avakukwenyu ukukola kwa Umuvisi Yesaya 26itigila:
‘Bitage kuvanu iva ukavatigile;
ukupulika mupulika, neke simulukagula;
ukulava mulava, neke simuluwona.
27Pakuva uluhala lwa avanu iva lusito,
vadibise amapulikilo gawo, vasisinise amiho gawo.
Pesi ndahihyo, vake valava kwa amiho gawo,
vake vapulika na amapulikilo gawo.
Vake valukagula mu wuseela wawo,
na ukumitukila, ilonga Umutwa,
nane ngendivaponia.’”
28Sweno Pawulo asindilise kwa ukutigila, “Mulukagulage ukutigila ulukani lwa Nguluvi ulwa uwupoki yevapelitwe avanu avamyanza. Iwo valupulikisa!”
[ 29Pealonzile ulo, Avayudaya swe vakwibitilaga, kono vakwiwusa avene kwa avene ng'ani nzolofu.]
30Kwa lusika lwa myaka mbegili givili Pawulo ikalige mukaye yealabasise na mbepali avanukilige avanu mbevali avabitige ukumuhungila. 31Adalikige uwutwa wa Nguluvi na ukwigisa ulwa Umutwa Yesu Kilisito kwa uwupifu wolofu, wesitanilwa na munu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kihehe New Testament © Bible Society of Tanzania, 2004.