Enaidurra 23
23
Esujata esipata metii oloshomitore
1 #
Ena 20.16; Ilaw 19.11-12; Enkig 5.20 “Mintayuyu intae ilomon le lejare. Mimbung'arere oltung'ani torrono aaitayu enchakenisho e lejare. 2Mirubarere esiamo aas intorrok, nimintayuyu shakenisho te nkiguana aarubare esiamo pee inturraa esipata. 3#Ilaw 19.15 Nimintodolu olkep to ltung'ani aisinani te nkiguana enye.
4 #
Enkig 22.1-4
“Ti ninang'arere enkiteng arashu osikiria lo lmanga'tinta lino eimina tushukoki ninye. 5Ti nidol osikiria li obo likimba etepetikia olola enkop, nimilo aing'uaa, taretoki ninye metudumu olola.
6 #
Ilaw 19.15; Enkig 16.19 “Mintapong'oo esipata naipirakinore ilo aisinani te nkiguana enye. 7Talama enkitang'oroto e lejare, nimiar metua ole meeta entioto o lasipani, amu maikenaki nanu esipata olarruoni. 8Niming'amu entoki e ropare, amu ore eropare naa keitamodok ilkituaak neinyal erishata e lelo loo sipat.
9 #
Ena 22.21; Ilaw 19.33-34; Enkig 24.17-18, 27.19 “Misoruru olomoni, iyiololo oltau lo lomoni, amu irara apa intae ilomon te nkop e Misiri.
Olari li opishana o e nkolong e naapishana
10 #
Ilaw 25.1-7
“Too larin ile entuun nisampumpu nkurman inyi; 11kake ore to lari li opishana nipalipala nimisampumpu hoo ae toki nabulu. Pee enya ilaisinak le lelo tung'ana linyi; ore inaaleku nenya ing'uesi e ntim. Ninkoko neijia too sabibu linyi o too lng'anayio linyi.
12 #
Ena 20.9-11, 31.15, 34.21, 35.2; Ilaw 23.3; Enkig 5.13-14 “Entaas esiaai inyi too nkolong'i ile, kake ore te nkolong e naapishana niyeng'iyeng'a pee etum olkiteng lino o sikiria lino enkiyeng'iyengata, negolu olayioni le rrindik ino o ilo dokunoti. 13Embung'a nena pooki natiaaka intae, nimimpotipoto ake nkarn e kulie aitin arashu minchosho metoning'i eimu nkutukie inyi.
Isiruai okuni sapuki
(Ena 34.18-26; Enkig 16.1-17)
14“Katitin uni to lari kintobiraki nanu osirua. 15#Ena 12.14-20; Ilaw 23.6-8; Enki 28.17-25 Imbung'a osirua loo mukateni neitu eisuijieki, anaa apa enaaitanapa, ninya imukateni neitu eisuijieki too nkolong'i naapishana te nkolong natudung'oki olapa le Abibu amu te ninye apa itupukutuo aaing'uaa Misiri. Meetae oltung'ani olotu dukuya nanu too nkaik naarook. 16#Ilaw 23.15-21,39-43; Enki 28.26-31 Imbung'a osirua le nkisampuare, oo lng'anayio le dukuya le siaai ino, te nena nintera aun ti atua enkurma, imbung'a osirua le nkiturrurrorre te nkiting'oto o lari, ti ninturrur te nkurma lelo ng'anayio le siaai ino. 17Katitin uni to lari epuonu ilewa linyi pooki dukuya o Laitoriani Enkai.
18“Mintayu osarge lo lasar lai te nebo imukateni naaisuijieki arashu inchosho eilata o sirua lai eirrag o mekenyu.
19 #
Ena 34.26; Enkig 14.21, 26.2 “Ore ilng'anayio ooituruku le lelo le dukuya le nkop ino iyau enkaji o Laitoriani Enkai ino. Miyierie, olkuoo kule e ng'otonye.
Inkisiligat o nkiteng'enat
20“Ng'ura, airriwaa olmalaika dukuya iyie, pee kirrip iyie te nkoitoi, nikiyau iyie ewueji naidipa aitobira. 21Toning'o ninye nias enajo, migolong'aki ninye, amu mikipalaki ninye enkitarruoroto ino; amu etii enkarna ai atua ninye.
22“Kake ti nining asipu oltoilo lenye nias nena pooki najo, naaku nanu olmang'atinta loo lmang'ati linono nagilunore lelo likigilunore iyie.
23“Te nelo olmalaika lai dukuya intae, neyau intae atua Ilamori, o Ilhiti, o Ilperesi, o Ilkanaani, o Ilhifi, o Ilyebusi, te najutu nanu ninche, (aishu), 24nimirrugokino iyie inkaitin enye, arashu aisiaai ninche, arashu aas anaa enaishiaakino isiaatin enye, kake tusulai ninche tukul nibel ing'apeta enye metaa mbelat. 25Olaitoriani Enkai ino isiayia, naa kamayian nanu emukate ino o enkare ino; naiwuang'ie emueyian ti atua intae. 26Ore te nkop ino nemetii enkitok naibiru arashu enkolupi. Kaaisho nanu iyie enkishui naado. 27Kairriu nanu olkirutoto lai meshomo te dukuya ntae napik enkiuyiaui iltung'ana pooki likiarare naisho ilmang'ati linono pooki mikimbelekenyata aailany. 28Kapik nanu ilmang'ati linono enkuretisho, naaraa Ilhifi, o Ilkanaani o Ilhiti mikishomo aaing'uaa. 29Maaraa nanu ninche meshomo te dukuya iyie to lari obo, pee meaku ake enkop ailitani#23.29 ailitani: enkop nememanyae neponari ilowuarak le ntim nikintanyamal. 30Maakutiti maa kutiti aaraa ninche meshomo te dukuya iyie, metaba anaa niponari nimbung enkop. 31Napik nanu olpolosie lino ebaiki Enaiposha Nanyokie o metabaiki enaiposha oo Lfilisti, o ebaiki olpurkel o metabaiki olkeju le Frati; amu kayau lelo oomanya enkop apik enkaina ino, niaraa iyie ninche te dukuya iyie. 32Mining'ore aitayunye osotua ninche arashu te nebo nkaitin enye. 33Metoni ninche te nkop ino, pee mikipik ake easata oo ng'ok ti alo nanu; amu ti nisiaai nkaitin enye meeta nchere pee meaku ina orreshet te iyie.”
Currently Selected:
Enaidurra 23: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.
Enaidurra 23
23
Esujata esipata metii oloshomitore
1 #
Ena 20.16; Ilaw 19.11-12; Enkig 5.20 “Mintayuyu intae ilomon le lejare. Mimbung'arere oltung'ani torrono aaitayu enchakenisho e lejare. 2Mirubarere esiamo aas intorrok, nimintayuyu shakenisho te nkiguana aarubare esiamo pee inturraa esipata. 3#Ilaw 19.15 Nimintodolu olkep to ltung'ani aisinani te nkiguana enye.
4 #
Enkig 22.1-4
“Ti ninang'arere enkiteng arashu osikiria lo lmanga'tinta lino eimina tushukoki ninye. 5Ti nidol osikiria li obo likimba etepetikia olola enkop, nimilo aing'uaa, taretoki ninye metudumu olola.
6 #
Ilaw 19.15; Enkig 16.19 “Mintapong'oo esipata naipirakinore ilo aisinani te nkiguana enye. 7Talama enkitang'oroto e lejare, nimiar metua ole meeta entioto o lasipani, amu maikenaki nanu esipata olarruoni. 8Niming'amu entoki e ropare, amu ore eropare naa keitamodok ilkituaak neinyal erishata e lelo loo sipat.
9 #
Ena 22.21; Ilaw 19.33-34; Enkig 24.17-18, 27.19 “Misoruru olomoni, iyiololo oltau lo lomoni, amu irara apa intae ilomon te nkop e Misiri.
Olari li opishana o e nkolong e naapishana
10 #
Ilaw 25.1-7
“Too larin ile entuun nisampumpu nkurman inyi; 11kake ore to lari li opishana nipalipala nimisampumpu hoo ae toki nabulu. Pee enya ilaisinak le lelo tung'ana linyi; ore inaaleku nenya ing'uesi e ntim. Ninkoko neijia too sabibu linyi o too lng'anayio linyi.
12 #
Ena 20.9-11, 31.15, 34.21, 35.2; Ilaw 23.3; Enkig 5.13-14 “Entaas esiaai inyi too nkolong'i ile, kake ore te nkolong e naapishana niyeng'iyeng'a pee etum olkiteng lino o sikiria lino enkiyeng'iyengata, negolu olayioni le rrindik ino o ilo dokunoti. 13Embung'a nena pooki natiaaka intae, nimimpotipoto ake nkarn e kulie aitin arashu minchosho metoning'i eimu nkutukie inyi.
Isiruai okuni sapuki
(Ena 34.18-26; Enkig 16.1-17)
14“Katitin uni to lari kintobiraki nanu osirua. 15#Ena 12.14-20; Ilaw 23.6-8; Enki 28.17-25 Imbung'a osirua loo mukateni neitu eisuijieki, anaa apa enaaitanapa, ninya imukateni neitu eisuijieki too nkolong'i naapishana te nkolong natudung'oki olapa le Abibu amu te ninye apa itupukutuo aaing'uaa Misiri. Meetae oltung'ani olotu dukuya nanu too nkaik naarook. 16#Ilaw 23.15-21,39-43; Enki 28.26-31 Imbung'a osirua le nkisampuare, oo lng'anayio le dukuya le siaai ino, te nena nintera aun ti atua enkurma, imbung'a osirua le nkiturrurrorre te nkiting'oto o lari, ti ninturrur te nkurma lelo ng'anayio le siaai ino. 17Katitin uni to lari epuonu ilewa linyi pooki dukuya o Laitoriani Enkai.
18“Mintayu osarge lo lasar lai te nebo imukateni naaisuijieki arashu inchosho eilata o sirua lai eirrag o mekenyu.
19 #
Ena 34.26; Enkig 14.21, 26.2 “Ore ilng'anayio ooituruku le lelo le dukuya le nkop ino iyau enkaji o Laitoriani Enkai ino. Miyierie, olkuoo kule e ng'otonye.
Inkisiligat o nkiteng'enat
20“Ng'ura, airriwaa olmalaika dukuya iyie, pee kirrip iyie te nkoitoi, nikiyau iyie ewueji naidipa aitobira. 21Toning'o ninye nias enajo, migolong'aki ninye, amu mikipalaki ninye enkitarruoroto ino; amu etii enkarna ai atua ninye.
22“Kake ti nining asipu oltoilo lenye nias nena pooki najo, naaku nanu olmang'atinta loo lmang'ati linono nagilunore lelo likigilunore iyie.
23“Te nelo olmalaika lai dukuya intae, neyau intae atua Ilamori, o Ilhiti, o Ilperesi, o Ilkanaani, o Ilhifi, o Ilyebusi, te najutu nanu ninche, (aishu), 24nimirrugokino iyie inkaitin enye, arashu aisiaai ninche, arashu aas anaa enaishiaakino isiaatin enye, kake tusulai ninche tukul nibel ing'apeta enye metaa mbelat. 25Olaitoriani Enkai ino isiayia, naa kamayian nanu emukate ino o enkare ino; naiwuang'ie emueyian ti atua intae. 26Ore te nkop ino nemetii enkitok naibiru arashu enkolupi. Kaaisho nanu iyie enkishui naado. 27Kairriu nanu olkirutoto lai meshomo te dukuya ntae napik enkiuyiaui iltung'ana pooki likiarare naisho ilmang'ati linono pooki mikimbelekenyata aailany. 28Kapik nanu ilmang'ati linono enkuretisho, naaraa Ilhifi, o Ilkanaani o Ilhiti mikishomo aaing'uaa. 29Maaraa nanu ninche meshomo te dukuya iyie to lari obo, pee meaku ake enkop ailitani#23.29 ailitani: enkop nememanyae neponari ilowuarak le ntim nikintanyamal. 30Maakutiti maa kutiti aaraa ninche meshomo te dukuya iyie, metaba anaa niponari nimbung enkop. 31Napik nanu olpolosie lino ebaiki Enaiposha Nanyokie o metabaiki enaiposha oo Lfilisti, o ebaiki olpurkel o metabaiki olkeju le Frati; amu kayau lelo oomanya enkop apik enkaina ino, niaraa iyie ninche te dukuya iyie. 32Mining'ore aitayunye osotua ninche arashu te nebo nkaitin enye. 33Metoni ninche te nkop ino, pee mikipik ake easata oo ng'ok ti alo nanu; amu ti nisiaai nkaitin enye meeta nchere pee meaku ina orreshet te iyie.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.