Enkiterunoto 28
28
1Neitoki Isaak aipot Yakobo, nemayian ninye, neitanap ejoki, “Mayieu niyam hoo nabo oo nkituaak oo Lkanaan. 2Inyo tudumunye shomo Padan-aram enkaji e Betuel laa ninye otoiwuo yeyioo lino, niyau aitaa enkitok teine entito nabo e Laban olalashe yieyioo lino. 3Mikitamayiana Enkai Magilani, nikintubul aponaa, metaa iaku olorere kumok too ltung'ana. 4#Enk 17.4-8 Mikinchoo ninye iyie emayianata e Abraham o tenebo eishoi ino, niaku oloya enkop nitaa iyie omoni naishoo Enkai Abraham!” 5Neisho Isaak Yakobo meshomo. Nelo Padan-aram enetii Laban olayioni le Betuel le Aram, naa olalashe le Rebeka ng'otonye Yakobo o tenebo Esau.
Eyama Esau ae kitok
6Etodua apa Esau ajo etamayiana Isaak Yakobo neisho ninye meshomo Padan-aram meing'oru enkitok teine netamayiana sii neitanap ejoki, “Mayieu niyam enkitok hoo nabo oo Lkanaan,” 7netoning'o Yakobo menye o yieyio lenye nelo Padan-aram. 8Metaa ore peyie edol Esau ajo eitu eitiship nena kituaak oo Lkanaan papaai lenye Isaak; 9nelo Esau enetii Ishmael, neyam aitaa enkitok, aponaa te nena kituaak naata, Mahalat entito e Ishmael, olayioni le Abraham; enkanashe e Naboiot.
Enkidetidet e Yakobo te Betel
10Neing'uaa Yakobo Beer-sheba alo enkalo e Haran. 11Nelotu ewueji neje neirrag ine ina kewarie, amu etadoyie enkolong nedumu osoit obo teine airishunye elukunya enye neirrag teine airura. 12#Yhn 1.51 Ore eirura, netum enkidetidet naitodolu olkedet ororita enkop ore enchumata enye nebaiki keper, naa ng'ura! ilmalaika le Nkai oodou neilep te ilo kedet! 13#Enk 13.14-15 naa ng'ura eitashe Olaitoriani te nchumata ninye, nejo ninye, “Ara nanu Olaitoriani, Enkai e Abraham papaai lino, nara sii Enkai e Isaak, naa ore ena kop naa ninye irragie, ekaaisho nanu iyie tenebo o eishoi ino. 14#Enk 12.3, 22.18 Naa kebayu eishoi ino anaa enterit enkop naa aiponari aibulaa aidapashakino enkop te nkalo o loontoluo, o tenkalo o loosaen, o te nkalo e moikuape o te nkalo e kopikop; naa te iyie tenebo eishoi ino emayian iloshon le nkop pooki ate. 15Ing'ura atii nanu te nebo iyie naa kaarrip iyie te pooki wueji naba anaa enilo, naaitoki arrinyu ena kop, amu maaing'uaa nanu iyie o metaba anaa naas ina naatolikio.” 16Neinyototo Yakobo too njo enyena nejo, “Esipa etii Olaitoriani ene wueji, neitu duoo ayiolou.” 17Neureishoyu oleng nejo, “Kebaa eitureisho ene wueji! Meeta duoo inchere paa dikae ene wueji neme enkaji e Nkai, naa enkishomi (enkiimata najing'ieki) keper, ena.”
18Neaku einyo Yakobo tadekenya enasirie, neya oladuo soit oirishunye elukunya enye neitasheyie aitaa eng'ape nebukoki eilata shumata ninye. 19Neipot enkarna eine wueji ajo Betel#28.19 Betel Eutu te nkutk oo Lhebrania ajo “enkaji Enkai”, kake keji apa enkarna e ina anasa Lus te dukuya. 20Neinos Yakobo olmumai ejo, “Tenaa keaku Enkai tenebo nanu, naarrip nanu tena lototo, naaisho sii endaa nanya o nkilani naishop 21metaa anyaaka arrinyunye enkaji e papa lai te seriani, naa keaku Olaitoriani Enkai ai. 22Ore ele soit laitasheyie aitaa eng'ape, naa keaku enkaji Enkai, ore pooki nikincho nanu naa kaaisho iyie ematua e tomon.”
Currently Selected:
Enkiterunoto 28: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.
Enkiterunoto 28
28
1Neitoki Isaak aipot Yakobo, nemayian ninye, neitanap ejoki, “Mayieu niyam hoo nabo oo nkituaak oo Lkanaan. 2Inyo tudumunye shomo Padan-aram enkaji e Betuel laa ninye otoiwuo yeyioo lino, niyau aitaa enkitok teine entito nabo e Laban olalashe yieyioo lino. 3Mikitamayiana Enkai Magilani, nikintubul aponaa, metaa iaku olorere kumok too ltung'ana. 4#Enk 17.4-8 Mikinchoo ninye iyie emayianata e Abraham o tenebo eishoi ino, niaku oloya enkop nitaa iyie omoni naishoo Enkai Abraham!” 5Neisho Isaak Yakobo meshomo. Nelo Padan-aram enetii Laban olayioni le Betuel le Aram, naa olalashe le Rebeka ng'otonye Yakobo o tenebo Esau.
Eyama Esau ae kitok
6Etodua apa Esau ajo etamayiana Isaak Yakobo neisho ninye meshomo Padan-aram meing'oru enkitok teine netamayiana sii neitanap ejoki, “Mayieu niyam enkitok hoo nabo oo Lkanaan,” 7netoning'o Yakobo menye o yieyio lenye nelo Padan-aram. 8Metaa ore peyie edol Esau ajo eitu eitiship nena kituaak oo Lkanaan papaai lenye Isaak; 9nelo Esau enetii Ishmael, neyam aitaa enkitok, aponaa te nena kituaak naata, Mahalat entito e Ishmael, olayioni le Abraham; enkanashe e Naboiot.
Enkidetidet e Yakobo te Betel
10Neing'uaa Yakobo Beer-sheba alo enkalo e Haran. 11Nelotu ewueji neje neirrag ine ina kewarie, amu etadoyie enkolong nedumu osoit obo teine airishunye elukunya enye neirrag teine airura. 12#Yhn 1.51 Ore eirura, netum enkidetidet naitodolu olkedet ororita enkop ore enchumata enye nebaiki keper, naa ng'ura! ilmalaika le Nkai oodou neilep te ilo kedet! 13#Enk 13.14-15 naa ng'ura eitashe Olaitoriani te nchumata ninye, nejo ninye, “Ara nanu Olaitoriani, Enkai e Abraham papaai lino, nara sii Enkai e Isaak, naa ore ena kop naa ninye irragie, ekaaisho nanu iyie tenebo o eishoi ino. 14#Enk 12.3, 22.18 Naa kebayu eishoi ino anaa enterit enkop naa aiponari aibulaa aidapashakino enkop te nkalo o loontoluo, o tenkalo o loosaen, o te nkalo e moikuape o te nkalo e kopikop; naa te iyie tenebo eishoi ino emayian iloshon le nkop pooki ate. 15Ing'ura atii nanu te nebo iyie naa kaarrip iyie te pooki wueji naba anaa enilo, naaitoki arrinyu ena kop, amu maaing'uaa nanu iyie o metaba anaa naas ina naatolikio.” 16Neinyototo Yakobo too njo enyena nejo, “Esipa etii Olaitoriani ene wueji, neitu duoo ayiolou.” 17Neureishoyu oleng nejo, “Kebaa eitureisho ene wueji! Meeta duoo inchere paa dikae ene wueji neme enkaji e Nkai, naa enkishomi (enkiimata najing'ieki) keper, ena.”
18Neaku einyo Yakobo tadekenya enasirie, neya oladuo soit oirishunye elukunya enye neitasheyie aitaa eng'ape nebukoki eilata shumata ninye. 19Neipot enkarna eine wueji ajo Betel#28.19 Betel Eutu te nkutk oo Lhebrania ajo “enkaji Enkai”, kake keji apa enkarna e ina anasa Lus te dukuya. 20Neinos Yakobo olmumai ejo, “Tenaa keaku Enkai tenebo nanu, naarrip nanu tena lototo, naaisho sii endaa nanya o nkilani naishop 21metaa anyaaka arrinyunye enkaji e papa lai te seriani, naa keaku Olaitoriani Enkai ai. 22Ore ele soit laitasheyie aitaa eng'ape, naa keaku enkaji Enkai, ore pooki nikincho nanu naa kaaisho iyie ematua e tomon.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.