Marko 9
9
1Nejoki Yesu ninche, “Esipa, ajoki intae, etii doi ilooitashe tene lemeinyorrinyor#9.1 lemeinyorrinyor lemeishamisham keeya katukul o metaba anaa nedol enkitoria e Nkai eewuo te ng'olon.”
Etawale Yesu
(Mat 17.1-13; Lk 9.28-36)
2 #
2 Pet 1.17-18
Ore pee eishunye nkolong'i ile nerik Yesu Petero o Yakobo o Yohana, neilepie enchumata o ldoinyo oado aa ninche ake; newala emua enye edolita ninche. 3Neitintilu lkilani lenyena, aaiborru oleng, enaa meetae olaisujani te nkop oidim aiborrie metotiwuo neijia. 4Neliooyu Eliya o Musa te dukuya ninche; eirorie Yesu. 5Newalu Petero nejoki Yesu, “Olaiteng'enani, aisidai kitii ene; nchoo iyiook kishetu ilng'oborri okuni, olino obo o le Musa obo o le Eliya obo.” 6Naa aimeyiolo enajoito, amu eiputukunyo oleng.
7 #
Mat 3.17; Mk 1.11; Lk 3.22 Neitemoo enkatampoi nejo, “Nele Oinoti lai lanyor, ninye entoning.” 8Ore nabo kata ake, ejo maing'orisho neitu eitoki aadol likae otii te nebo ninche. Yesu ake openy. 9Ore edou to ldoinyo, neitanap amitiki einosaki likae tung'ani nena naatoduaa ninche, o metaba naa nepiu Enkerai e Tung'ani aing'uaa ilootuata.
10Neibung ninche ilo rorei, neikilikuana maate aajo. “Ainyoo doi ena najo ake, kepiu aing'uaa ilootuata?” 11#Mala 4.5; Mat 11.14 Neikilikuan ninche Yesu aajoki, “Ainyoo pee ejo ilaiteng'enak loo nkitanapat eji meeta nchere meng'as Eliya alotu?” 12Newaliki Yesu ajoki ninche, “Esipa eng'as Eliya alotu neitang'ejuk imbaa pooki. Paa amaa, ainyoo pee ejo lkigerot ti alo Enkerai e Tung'ani, eji keitamei too mbaa kumok nemenuni? 13Kake ajoki nanu intae, eewuo Eliya, neitaas ninche ninye enapa ake nayieu neitaas, anaa enatisirakaki ninye.”
Eishiunyeki enkayioni naata oloirirua oiduruk
(Mat 17.14-21; Lk 9.37-43)
14Ore pee epuonu enetii ilkulikae ooiteng'eni, nedol emanita olorere kitok, neishankarrarre ilaiteng'enak loo nkitanapat ninche. 15Ore ake pee edol ilo orere Yesu, neing'asia oleng, nekuetiki aairoroki. 16Neikilikuan ajoki, ninche, “Ainyoo doi ena shankar niaatata o ninche?” 17Newaliki oltung'ani obo te ina siamo ajoki, “Olaiteng'enani, atorikuo duoo enkayioni ai enitii, eeta oloirirua lemeiro; 18olaa ore pee eibung, nenang'ie enkop; neitayu ilabur, nenya lala neikaolo; najo ajoki ilooiteng'eni linono metaarai, nelaikino.”
19Newaliki ajoki ninche, “Wooi ena ishoi nemeeta enkirukoto! Kebaa aton aboitare intae? Kapal intae o anu? Entoriku ninye ene natii.” 20Nerikokini; ore pee edol ilo oirirua Yesu neiterreyie nabo kata, nebatata te nkop neiperipera, neitayu ilabur te nkutuk. 21Neikilikuan Yesu menye enkerai ajoki, “Kebaya aa nkat eeta ena pukunoto?” Nejo, “Te kereisho eiterua. 22Naa katitin kumok etanang'aka ninye atua enkima nenang'aki enkare ejo aar; kake te nindim iyie ataasa ae, ing'urrie iyiook taretu iyiook.” 23Nejoki Yesu ninye, “Eji te nindim! Eidimayu imbaa pooki to loiruk.” 24Nebuak nabo kata menye ina ayioni nejo, “Airuko, ore eneton eitu airuk taretokoki!”
25Ore pee edol Yesu olorere ekuetu aasotokino, neing'ode ilo oirirua oiduruk, nejoki, “Lo oirirua ming'ani lemeiro, nanu laaitore, tupuku tung'uai, nimingil ajing ae kata.” 26Nebuaku aishir neiterreyie aipushupush oleng, nepuku, netiu enkayioni anaa olmeneng'ani o metejo lkumok, “Ae etua!” 27Kake eibung'a Yesu enkaina nedumu, neinyototo aitashe. 28Ore pee ejing atua aji, neikilikuan ilooiteng'eni lenyena too nkurrat aajoki, “Oo pee eitu kindim iyiook aataaarai ninye?” 29Nejoki, “Meararoyu ena pukunoto ti ae neme te nkomono ake.”
Eigila ake Yesu alimu enkeeya o empiunoto enye
(Mat 17.22-23; Lk 9.43b-45)
30Nepuo te ine neimaa Galilaya. Nemeyieu Yesu neyiolou hoo oltung'ani: 31amu ilooiteng'eni lenyena eiteng'enita, ajoki, “Eitarasakini Enkerai e Tung'ani nkaik oo ltung'ana, near ninche ninye metua; ore pee eidipi aatar metua, neishari nkolong'i uni nepiu.” 32Kake eitu ening'u ninche ina natejo, neureyu sii eikilikuan.
Kalo pasa olkitok aisul pooki?
(Mat 18.1-5; Lk 9.46-48)
33Nepuonu Kapernaum; ore etii Yesu aji neikilikuan ninche ajoki, “Ainyoo naaji enchankar niaatata te nkoitoi?” 34#Lk 22.24 Negira ninche; amu keishankarrate aajo kalo olkitok te pooki. 35#Mat 20.26-27, 23.11; Mk 10.43-44; Lk 22.26 Neton neipot lelo tomon o aare; nejoki ninche, “Ore oloyieu neaku ole dukuya, nchoo metaa ninye obayie te pooki neaku osinka le pooki.” 36Nedumu enkerai, neitasheyie te mpolos enye; nedumu aibung too nkaik enyena nejoki ninche, 37#Mat 10.40; Lk 10.16; Yhn 13.20 “Ore pooki ong'amu enkerai anaa ena te nkarna ai, nanu eng'amu; ore olaang'amu, neme nanu ake eng'amu kake ilo laairriwua.”
Ore ilo lemekesh iyiook naa ole nkalo ang
(Lk 9.49-50)
38Nejoki Yohana ninye, “Olaiteng'enani, kitoduaa oltung'ani earaa iloiriruani te nkarna ino, nikimitiki, amu mme ole ncholiek ang.” 39Kake etiaaka Yesu, “Emimitiki, amu meetae hoo oloas embae sapuk te nkarna ai, laa ore aa enaidipie ina, naaitoki aidim atusukenya. 40#Mat 12.30; Lk 11.23 Amu ore ilo lemegilunore iyiook naa ole nkalo ang. 41#Mat 10.42 Esipa, ajoki intae, ore ake oloisho intae enkikompe e nkare entook te nkaraki naipotieki intae Kristo, nemeeta nchere pee etala olerrinyore lenye.
Ntemat naayau ng'ok
(Mat 18.6-9; Lk 17.1-2)
42“Ore ake oloitapong'oo nabo e kuna kutiti naairuk nanu, enaikash te neenikini ninye osoit kitok oiutuutishoreki emurt, nenang'akini enaiposha. 43#Mat 5.30 Naa ti nikintapong'oo enkaina ino, tudung'oi; enaikash te nijing enkishui iata enkumur alang te ti niata nkaik pokira are, nilo Gehanum, atua enkima nemeye ntarasi; 44(enemeye lkuru lenye nemeye enkima.) 45Naa ti nikintapong'oo enkeju ino, tudung'oi; amu enaikash te iyie ti nijing enkishui ira ng'ojine, alang ti nikinang'akini Gehanum, iata nkejek pokira are; 46(ewueji nemeye ilkuru lenye, nemeye enkima.) 47#Mat 5.29 Naa ti nikintapong'oo enkong'u ino, tukurtu; enaikash ti nijing enkitoria e Nkai iata enkong'u nabo alang ti nikinang'akini Gehanum iata inkonyek pokira are; 48#Isa 66.24 ewueji nemeye ilkuru lenye, nemeye enkima.
49“Amu keitisinyi pooki ng'ae te nkima, anaa enaitisinyi olasar te munyan. 50#Mat 5.13; Lk 14.34-35 Sidai emunyan; kake amaa te nelau emunyan enkisukut enye, kaji eikoni pee eitokini aaisukutie? Enoto emunyan ti atua ate, nitonini te seriani intae maate.”
Currently Selected:
Marko 9: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.
Marko 9
9
1Nejoki Yesu ninche, “Esipa, ajoki intae, etii doi ilooitashe tene lemeinyorrinyor#9.1 lemeinyorrinyor lemeishamisham keeya katukul o metaba anaa nedol enkitoria e Nkai eewuo te ng'olon.”
Etawale Yesu
(Mat 17.1-13; Lk 9.28-36)
2 #
2 Pet 1.17-18
Ore pee eishunye nkolong'i ile nerik Yesu Petero o Yakobo o Yohana, neilepie enchumata o ldoinyo oado aa ninche ake; newala emua enye edolita ninche. 3Neitintilu lkilani lenyena, aaiborru oleng, enaa meetae olaisujani te nkop oidim aiborrie metotiwuo neijia. 4Neliooyu Eliya o Musa te dukuya ninche; eirorie Yesu. 5Newalu Petero nejoki Yesu, “Olaiteng'enani, aisidai kitii ene; nchoo iyiook kishetu ilng'oborri okuni, olino obo o le Musa obo o le Eliya obo.” 6Naa aimeyiolo enajoito, amu eiputukunyo oleng.
7 #
Mat 3.17; Mk 1.11; Lk 3.22 Neitemoo enkatampoi nejo, “Nele Oinoti lai lanyor, ninye entoning.” 8Ore nabo kata ake, ejo maing'orisho neitu eitoki aadol likae otii te nebo ninche. Yesu ake openy. 9Ore edou to ldoinyo, neitanap amitiki einosaki likae tung'ani nena naatoduaa ninche, o metaba naa nepiu Enkerai e Tung'ani aing'uaa ilootuata.
10Neibung ninche ilo rorei, neikilikuana maate aajo. “Ainyoo doi ena najo ake, kepiu aing'uaa ilootuata?” 11#Mala 4.5; Mat 11.14 Neikilikuan ninche Yesu aajoki, “Ainyoo pee ejo ilaiteng'enak loo nkitanapat eji meeta nchere meng'as Eliya alotu?” 12Newaliki Yesu ajoki ninche, “Esipa eng'as Eliya alotu neitang'ejuk imbaa pooki. Paa amaa, ainyoo pee ejo lkigerot ti alo Enkerai e Tung'ani, eji keitamei too mbaa kumok nemenuni? 13Kake ajoki nanu intae, eewuo Eliya, neitaas ninche ninye enapa ake nayieu neitaas, anaa enatisirakaki ninye.”
Eishiunyeki enkayioni naata oloirirua oiduruk
(Mat 17.14-21; Lk 9.37-43)
14Ore pee epuonu enetii ilkulikae ooiteng'eni, nedol emanita olorere kitok, neishankarrarre ilaiteng'enak loo nkitanapat ninche. 15Ore ake pee edol ilo orere Yesu, neing'asia oleng, nekuetiki aairoroki. 16Neikilikuan ajoki, ninche, “Ainyoo doi ena shankar niaatata o ninche?” 17Newaliki oltung'ani obo te ina siamo ajoki, “Olaiteng'enani, atorikuo duoo enkayioni ai enitii, eeta oloirirua lemeiro; 18olaa ore pee eibung, nenang'ie enkop; neitayu ilabur, nenya lala neikaolo; najo ajoki ilooiteng'eni linono metaarai, nelaikino.”
19Newaliki ajoki ninche, “Wooi ena ishoi nemeeta enkirukoto! Kebaa aton aboitare intae? Kapal intae o anu? Entoriku ninye ene natii.” 20Nerikokini; ore pee edol ilo oirirua Yesu neiterreyie nabo kata, nebatata te nkop neiperipera, neitayu ilabur te nkutuk. 21Neikilikuan Yesu menye enkerai ajoki, “Kebaya aa nkat eeta ena pukunoto?” Nejo, “Te kereisho eiterua. 22Naa katitin kumok etanang'aka ninye atua enkima nenang'aki enkare ejo aar; kake te nindim iyie ataasa ae, ing'urrie iyiook taretu iyiook.” 23Nejoki Yesu ninye, “Eji te nindim! Eidimayu imbaa pooki to loiruk.” 24Nebuak nabo kata menye ina ayioni nejo, “Airuko, ore eneton eitu airuk taretokoki!”
25Ore pee edol Yesu olorere ekuetu aasotokino, neing'ode ilo oirirua oiduruk, nejoki, “Lo oirirua ming'ani lemeiro, nanu laaitore, tupuku tung'uai, nimingil ajing ae kata.” 26Nebuaku aishir neiterreyie aipushupush oleng, nepuku, netiu enkayioni anaa olmeneng'ani o metejo lkumok, “Ae etua!” 27Kake eibung'a Yesu enkaina nedumu, neinyototo aitashe. 28Ore pee ejing atua aji, neikilikuan ilooiteng'eni lenyena too nkurrat aajoki, “Oo pee eitu kindim iyiook aataaarai ninye?” 29Nejoki, “Meararoyu ena pukunoto ti ae neme te nkomono ake.”
Eigila ake Yesu alimu enkeeya o empiunoto enye
(Mat 17.22-23; Lk 9.43b-45)
30Nepuo te ine neimaa Galilaya. Nemeyieu Yesu neyiolou hoo oltung'ani: 31amu ilooiteng'eni lenyena eiteng'enita, ajoki, “Eitarasakini Enkerai e Tung'ani nkaik oo ltung'ana, near ninche ninye metua; ore pee eidipi aatar metua, neishari nkolong'i uni nepiu.” 32Kake eitu ening'u ninche ina natejo, neureyu sii eikilikuan.
Kalo pasa olkitok aisul pooki?
(Mat 18.1-5; Lk 9.46-48)
33Nepuonu Kapernaum; ore etii Yesu aji neikilikuan ninche ajoki, “Ainyoo naaji enchankar niaatata te nkoitoi?” 34#Lk 22.24 Negira ninche; amu keishankarrate aajo kalo olkitok te pooki. 35#Mat 20.26-27, 23.11; Mk 10.43-44; Lk 22.26 Neton neipot lelo tomon o aare; nejoki ninche, “Ore oloyieu neaku ole dukuya, nchoo metaa ninye obayie te pooki neaku osinka le pooki.” 36Nedumu enkerai, neitasheyie te mpolos enye; nedumu aibung too nkaik enyena nejoki ninche, 37#Mat 10.40; Lk 10.16; Yhn 13.20 “Ore pooki ong'amu enkerai anaa ena te nkarna ai, nanu eng'amu; ore olaang'amu, neme nanu ake eng'amu kake ilo laairriwua.”
Ore ilo lemekesh iyiook naa ole nkalo ang
(Lk 9.49-50)
38Nejoki Yohana ninye, “Olaiteng'enani, kitoduaa oltung'ani earaa iloiriruani te nkarna ino, nikimitiki, amu mme ole ncholiek ang.” 39Kake etiaaka Yesu, “Emimitiki, amu meetae hoo oloas embae sapuk te nkarna ai, laa ore aa enaidipie ina, naaitoki aidim atusukenya. 40#Mat 12.30; Lk 11.23 Amu ore ilo lemegilunore iyiook naa ole nkalo ang. 41#Mat 10.42 Esipa, ajoki intae, ore ake oloisho intae enkikompe e nkare entook te nkaraki naipotieki intae Kristo, nemeeta nchere pee etala olerrinyore lenye.
Ntemat naayau ng'ok
(Mat 18.6-9; Lk 17.1-2)
42“Ore ake oloitapong'oo nabo e kuna kutiti naairuk nanu, enaikash te neenikini ninye osoit kitok oiutuutishoreki emurt, nenang'akini enaiposha. 43#Mat 5.30 Naa ti nikintapong'oo enkaina ino, tudung'oi; enaikash te nijing enkishui iata enkumur alang te ti niata nkaik pokira are, nilo Gehanum, atua enkima nemeye ntarasi; 44(enemeye lkuru lenye nemeye enkima.) 45Naa ti nikintapong'oo enkeju ino, tudung'oi; amu enaikash te iyie ti nijing enkishui ira ng'ojine, alang ti nikinang'akini Gehanum, iata nkejek pokira are; 46(ewueji nemeye ilkuru lenye, nemeye enkima.) 47#Mat 5.29 Naa ti nikintapong'oo enkong'u ino, tukurtu; enaikash ti nijing enkitoria e Nkai iata enkong'u nabo alang ti nikinang'akini Gehanum iata inkonyek pokira are; 48#Isa 66.24 ewueji nemeye ilkuru lenye, nemeye enkima.
49“Amu keitisinyi pooki ng'ae te nkima, anaa enaitisinyi olasar te munyan. 50#Mat 5.13; Lk 14.34-35 Sidai emunyan; kake amaa te nelau emunyan enkisukut enye, kaji eikoni pee eitokini aaisukutie? Enoto emunyan ti atua ate, nitonini te seriani intae maate.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.