Amǝ Mishan 10
10
Karnilus turban ata Bitǝrus
1A Kaisariya ka ɓeɓwa nakam lullǝi ama Karnilus. Yì ka, ɓwamǝgule soje na, amur asoje mala amǝ Roma mana à tunǝkia ama, “Asoje Italiya” a ɓinalea ka. 2Yì andǝ ɓala male kat à kǝ peri aban Ɓakuli, à kǝ gusǝlǝi, sǝ mǝ'ɓanggi Ɓakuli na. Kǝ pe amǝtǝr ɓoro kǝrkǝr, sǝ usǝlǝkiyi pak hiwi ɗang.
3Ɓe kǝ pwari nakam, a bu-pwari tārú mana pwari pǝlǝna ka, sǝni kǝla lorǝo, sǝ lorǝo na ɗang. Sǝn mǝturonjar mala Ɓakuli aban yiu abani, yi ne wi ama, “Karnilus!”
4Yì ka, pǝlǝ mǝsǝì aban mǝturonjar nǝ rǝɓǝla, sǝ ɗiban ama, “Mana gir ni na, Ɓwamǝgule?”
Mǝturonjar ne wi ama, “Ahiwi mo andǝ aɓoro mo mǝnana a kǝ pe amǝtǝr ka, Ɓakuli angŋǝnia. 5Ado ka, tur aɓwana a Jopa, ɓǝa kya tunǝo ɓeɓwa nakam lullǝi ama Shiman, mǝnana à tunǝki ama Bitǝrus ka. 6Yì ka, sulǝo aɓala mala Shiman mǝbangsǝ-nggu, ɓala male na a kun nggeamur.”
7Lang mǝturonjar mǝnana ne Karnilus cau umna ka, Karnilus tunǝ ata amǝturo ɓala male ɓari, sǝ ɓe soje mwashat mǝgusǝlǝ Ɓakuli, aɓalǝ amǝgya ate. 8Anzǝm mana bǝlǝnia wia ɓacau kat mǝnana mǝturonjar banggi wi ka, sǝ tasǝia a Jopa.
Bitǝrus o aban Karnilus a Kaisariya
9Ban fana ka, aɓwana mana Karnilus tasǝia ka, à nda njar aban ká. À gbashina ban lê ka, pwari malanǝ yiu a ɓamuru. Bitǝrus gbal ka eauna a kurǝm murɓe nǝ̀ pak hiwi. 10Nzala yi wali, kǝ earce nǝ̀ li girlina, sǝ lang à nda arǝ pak girlina ka, kara Ɓakuli mǝn mǝsǝì. 11Sǝn kuli mǝn bwāng, sǝ sǝn ɓe kǝgir kǝla nggea lagir mǝtangŋe à sulǝni aban yiu a nzali nǝ anggur arǝ akuni ine. 12Aɓa mǝnia yì nggea lagir ka, koya mbalang girkusǝu ka, ndakam; amana à kǝ gya amur kusǝia ine ka, andǝ amana à kǝ nun bumia a nzali ka, andǝ anyal mana a bumkuli ka.
13Pǝlǝa ok giu aban ne wi ama, “Bitǝrus, lo, walo, sǝ wu she!”
14Pǝlǝa Bitǝrus bangŋa ama, “Awo, Mǝtalabangŋo! Ən malaká li kǝgir mǝnana Nggurcau nyesǝi mǝpǝndǝke na ko gir-ɓeami na ka ɗang.”
15Giu nyar ɓaria ama, “Gir mǝnana Ɓakuli gilǝkini ɓoarnansari ka, ce a tunǝi ama gir-ɓeami ɗang.”
16Mǝnia yì gir ka pa anggo kusǝ tārú, kara à nyesǝ nggea lagir mǝno a kuli.
17Lang Bitǝrus na aban ndali amur mana nda ɓa mǝnia yì gir mǝnana Ɓakuli mǝn mǝsǝì sǝni ka, aɓwana mana Karnilus tasǝia ka, à yina à ɗina ce ɓala mala Shiman, à yì camǝna a kunɓala. 18À pak kou, sǝ à ɗiban ko Shiman mǝnana à tunǝki ama Bitǝrus ka, a ɓalae sǝ sulǝo.
19Sǝ lang Bitǝrus na piu aban pak ɗenyicau amur mǝnia yì gir Ɓakuli mǝn mǝsǝì sǝni ka, Bangŋo mala Ɓakuli ne wi ama, “Shiman, aɓwana tārú à nda kǝ sǝn banio ka. 20Lo, sulǝo, wu kyan wunǝia, ce a ɓukibumo ɗang, acemǝnana mǝ́ nǝ̀ tasǝia.”
21Pǝlǝa Bitǝrus sulǝo kya kumia, sǝ nea wia ama, “Mǝ nda ɓwa mǝnana wu sǝnggiyi banì ka. Mana yiu nǝ wun ɗe?”
22À eare ama, “Ɓwamǝgule soje, yì Karnilus nǝ̀ tur sǝm. Ɓwa mǝɓafoe na, kǝ ɓanggi Ɓakuli. Aɓwana aɓa nzali mala amǝ Yahudi kat kǝ na mǝɓoarne amuri. Mǝturonjar mala Ɓakuli ne wi ama ɓǝ̀ no wu yiu a ɓala male, ace mǝnana ɓǝ̀ kya ok cau mǝnana a nǝ bang ngga.” 23Bitǝrus pǝlǝa warinia a ɓala, à pak abǝri male.
Ban fana ka, lo andǝia. Aɓea mǝkwaɗi mana a Jopa ka, à lo atea. 24Ɓe ban fana ka, à kya bwal Kaisariya. Karnilus ka nda aban kuli muria, angŋǝna dǝmbǝa tunǝna aɓǝla andǝ agyajam-nda male, à yina à yì rǝmǝna. 25Lang Bitǝrus nǝ̀ kutio a ɓala ani ka, Karnilus kara lo kya kpa kūndǝo a ɓadǝmbǝi, aban pe wi gulo. 26Pǝlǝa Bitǝrus loasǝi, ne wi ama, “Lo, mim gbal ka mǝ nda ɓwamǝpǝnde.”
27Bitǝrus na mur ne wi cau, sǝ kutio a ɓala kum ɓwapǝndǝa ramna kǝrkǝr. 28Pǝlǝa nea wia ama, “Wun ngga wu sǝlǝna ama, nggurcau ma'sǝm eare ama ɓwa Yahudi ɓǝ̀ kutio a ɓala mala aɓwana mana amǝ Yahudi na raka, ko ɓǝ̀ kǝgir dapia ɗang. Sǝ Ɓakuli lǝmndǝam ama, mǝ ngga tunǝ kǝɓwa ama ɓwa mǝɓane ko mǝɓeami ka ɗang. 29Nda gir mǝnana tsǝa, sǝ lang à turban atam ngga, ǝn yiu, ǝn ɓinǝ ɗang. Ado ka wu banggam, mana nda ɓa turban atam?”
30Karnilus eare ama:
Nongŋo tārú mǝno kuti ka, pwari na anggo kǝla mǝnia ka, a bu-pwari tārú mala pwarikpǝra, mǝ nda ban pak hiwi a ɓala mem, kara ɓeɓwa mana oasǝ agir-nggurǝu mǝlinzame ka, puro yi came a ɓadǝmbǝam. 31Na ama, “Karnilus, Ɓakuli ongŋǝna hiwi mo sǝ sǝnǝna aɓoro mǝnana a kǝ pe amǝtǝr ka. 32Turban a Jopa ata Shiman mana à tunǝki ama Bitǝrus ka. Nda a ɓala mala Shiman mǝbangsǝ-nggu, a kun nggeamur.”
33Nda sǝ ǝn gbara ǝn turban a to ka, sǝ ndya gbal a pê pepè a yiu ka. Ado ka sǝm ndya kat sǝm nggǝ kundǝo a ɓadǝm Ɓakuli, sǝm nǝ̀ ak cau mana Mǝtalabangŋo no ama wu na sǝm ngga.
Bitǝrus na cau a ɓala mala Karnilus
34Pǝlǝa Bitǝrus tita na cau ama:
Ado ka ǝn sǝlǝna ama ɓafo na Ɓakuli ka earce kǝɓwa kuti ɓe ɗang.#10:34 Ɓalli gbal aɓa: Nggur 10:17. 35A koya kun ngga, kǝ ak aɓwana mǝnana à kǝ peri abani, sǝ à kǝ pak gir mana kǝ pwasǝ bumi ka. 36Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.
37Wu sǝlǝna ce gir mana kum ban a nzali Yahudi, tite a nzali Galili anzǝm mana Yohana tinata hamnǝ cau male mala batisǝma ka. 38Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate. 39Sǝ sǝm, amǝ'mishan ngga, sǝm ndaka amǝnakun mala agir mana sǝm sǝn Yesu pea kat a nzali mala amǝ Yahudi andǝ ɓa Urǝshalima ka.
À wal-lui nǝ gbaliban amur nggun-gangndi. 40Sǝ Ɓakuli loasǝi a tāruia nongŋo, sǝ nyinggi dǝmbǝu ɓǝ̀ pusǝrǝi ɓǝa sǝni. 41Pusǝrǝi aban ɓwapǝndǝa kat ɗang, kǝ sǝm mana Ɓakuli ak dǝmbǝa tarki sǝm ama ɓǝ̀ sǝm duk amǝnakun male, yì sǝm mana anzǝm loapi ɓembe male, sǝm lili sǝnǝia, sǝm nu sǝnǝia ka, sǝm nda.
42Pǝlǝa tsǝk sǝm ɓǝ̀ sǝm hamnǝ Cau Amsǝban aban aɓwana sǝ ɓǝ̀ sǝm lǝmndǝia wia ama yì ka, nda mǝnana Ɓakuli twali ɓǝ̀ do mǝɓashi mala aɓwana mana nǝ yilǝmu andǝ amana à wuna ka. 43Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.
Bangŋo mala Ɓakuli sulǝo amur aɓwana mana amǝ Yahudi na raka
44Kun Bitǝrus malaká pwal ɗang, kara Bangŋo Mǝfele sulǝo amur aɓwana mǝnana kat à kǝ ok cau mana nakiyi ka. 45Amǝ Yahudi mǝnana amǝkwaɗi na, mana à yiu andǝ Bitǝrus nǝ Jopa ka, à ndali nǝ sulǝo mala Bangŋo Mǝfele amur aɓwana mana amǝ Yahudi na raka. 46Sǝ à oea aban naki acau nǝ aɓia kún sǝ à kǝ ɓwangsǝki Ɓakuli.
Bitǝrus pǝlǝa na ama, 47“Aɓwana mǝnia ka à kumǝna Bangŋo Mǝfele kǝla mana sǝm kum ngga, kǝɓwa nakam nǝ̀ gine ama ɓǝa kǝa pakkia wia batisǝma aɓa lullǝ Yesu raka le?” 48Pǝlǝa tsǝa ama ɓǝa pakkia wia batisǝma aɓa lullǝ Yesu Kǝrǝsti. Sǝ Karnilus zǝmbǝi wi ama ɓǝ̀ pakki aɓea anongŋo abania.
Currently Selected:
Amǝ Mishan 10: mbu
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016
Amǝ Mishan 10
10
Karnilus turban ata Bitǝrus
1A Kaisariya ka ɓeɓwa nakam lullǝi ama Karnilus. Yì ka, ɓwamǝgule soje na, amur asoje mala amǝ Roma mana à tunǝkia ama, “Asoje Italiya” a ɓinalea ka. 2Yì andǝ ɓala male kat à kǝ peri aban Ɓakuli, à kǝ gusǝlǝi, sǝ mǝ'ɓanggi Ɓakuli na. Kǝ pe amǝtǝr ɓoro kǝrkǝr, sǝ usǝlǝkiyi pak hiwi ɗang.
3Ɓe kǝ pwari nakam, a bu-pwari tārú mana pwari pǝlǝna ka, sǝni kǝla lorǝo, sǝ lorǝo na ɗang. Sǝn mǝturonjar mala Ɓakuli aban yiu abani, yi ne wi ama, “Karnilus!”
4Yì ka, pǝlǝ mǝsǝì aban mǝturonjar nǝ rǝɓǝla, sǝ ɗiban ama, “Mana gir ni na, Ɓwamǝgule?”
Mǝturonjar ne wi ama, “Ahiwi mo andǝ aɓoro mo mǝnana a kǝ pe amǝtǝr ka, Ɓakuli angŋǝnia. 5Ado ka, tur aɓwana a Jopa, ɓǝa kya tunǝo ɓeɓwa nakam lullǝi ama Shiman, mǝnana à tunǝki ama Bitǝrus ka. 6Yì ka, sulǝo aɓala mala Shiman mǝbangsǝ-nggu, ɓala male na a kun nggeamur.”
7Lang mǝturonjar mǝnana ne Karnilus cau umna ka, Karnilus tunǝ ata amǝturo ɓala male ɓari, sǝ ɓe soje mwashat mǝgusǝlǝ Ɓakuli, aɓalǝ amǝgya ate. 8Anzǝm mana bǝlǝnia wia ɓacau kat mǝnana mǝturonjar banggi wi ka, sǝ tasǝia a Jopa.
Bitǝrus o aban Karnilus a Kaisariya
9Ban fana ka, aɓwana mana Karnilus tasǝia ka, à nda njar aban ká. À gbashina ban lê ka, pwari malanǝ yiu a ɓamuru. Bitǝrus gbal ka eauna a kurǝm murɓe nǝ̀ pak hiwi. 10Nzala yi wali, kǝ earce nǝ̀ li girlina, sǝ lang à nda arǝ pak girlina ka, kara Ɓakuli mǝn mǝsǝì. 11Sǝn kuli mǝn bwāng, sǝ sǝn ɓe kǝgir kǝla nggea lagir mǝtangŋe à sulǝni aban yiu a nzali nǝ anggur arǝ akuni ine. 12Aɓa mǝnia yì nggea lagir ka, koya mbalang girkusǝu ka, ndakam; amana à kǝ gya amur kusǝia ine ka, andǝ amana à kǝ nun bumia a nzali ka, andǝ anyal mana a bumkuli ka.
13Pǝlǝa ok giu aban ne wi ama, “Bitǝrus, lo, walo, sǝ wu she!”
14Pǝlǝa Bitǝrus bangŋa ama, “Awo, Mǝtalabangŋo! Ən malaká li kǝgir mǝnana Nggurcau nyesǝi mǝpǝndǝke na ko gir-ɓeami na ka ɗang.”
15Giu nyar ɓaria ama, “Gir mǝnana Ɓakuli gilǝkini ɓoarnansari ka, ce a tunǝi ama gir-ɓeami ɗang.”
16Mǝnia yì gir ka pa anggo kusǝ tārú, kara à nyesǝ nggea lagir mǝno a kuli.
17Lang Bitǝrus na aban ndali amur mana nda ɓa mǝnia yì gir mǝnana Ɓakuli mǝn mǝsǝì sǝni ka, aɓwana mana Karnilus tasǝia ka, à yina à ɗina ce ɓala mala Shiman, à yì camǝna a kunɓala. 18À pak kou, sǝ à ɗiban ko Shiman mǝnana à tunǝki ama Bitǝrus ka, a ɓalae sǝ sulǝo.
19Sǝ lang Bitǝrus na piu aban pak ɗenyicau amur mǝnia yì gir Ɓakuli mǝn mǝsǝì sǝni ka, Bangŋo mala Ɓakuli ne wi ama, “Shiman, aɓwana tārú à nda kǝ sǝn banio ka. 20Lo, sulǝo, wu kyan wunǝia, ce a ɓukibumo ɗang, acemǝnana mǝ́ nǝ̀ tasǝia.”
21Pǝlǝa Bitǝrus sulǝo kya kumia, sǝ nea wia ama, “Mǝ nda ɓwa mǝnana wu sǝnggiyi banì ka. Mana yiu nǝ wun ɗe?”
22À eare ama, “Ɓwamǝgule soje, yì Karnilus nǝ̀ tur sǝm. Ɓwa mǝɓafoe na, kǝ ɓanggi Ɓakuli. Aɓwana aɓa nzali mala amǝ Yahudi kat kǝ na mǝɓoarne amuri. Mǝturonjar mala Ɓakuli ne wi ama ɓǝ̀ no wu yiu a ɓala male, ace mǝnana ɓǝ̀ kya ok cau mǝnana a nǝ bang ngga.” 23Bitǝrus pǝlǝa warinia a ɓala, à pak abǝri male.
Ban fana ka, lo andǝia. Aɓea mǝkwaɗi mana a Jopa ka, à lo atea. 24Ɓe ban fana ka, à kya bwal Kaisariya. Karnilus ka nda aban kuli muria, angŋǝna dǝmbǝa tunǝna aɓǝla andǝ agyajam-nda male, à yina à yì rǝmǝna. 25Lang Bitǝrus nǝ̀ kutio a ɓala ani ka, Karnilus kara lo kya kpa kūndǝo a ɓadǝmbǝi, aban pe wi gulo. 26Pǝlǝa Bitǝrus loasǝi, ne wi ama, “Lo, mim gbal ka mǝ nda ɓwamǝpǝnde.”
27Bitǝrus na mur ne wi cau, sǝ kutio a ɓala kum ɓwapǝndǝa ramna kǝrkǝr. 28Pǝlǝa nea wia ama, “Wun ngga wu sǝlǝna ama, nggurcau ma'sǝm eare ama ɓwa Yahudi ɓǝ̀ kutio a ɓala mala aɓwana mana amǝ Yahudi na raka, ko ɓǝ̀ kǝgir dapia ɗang. Sǝ Ɓakuli lǝmndǝam ama, mǝ ngga tunǝ kǝɓwa ama ɓwa mǝɓane ko mǝɓeami ka ɗang. 29Nda gir mǝnana tsǝa, sǝ lang à turban atam ngga, ǝn yiu, ǝn ɓinǝ ɗang. Ado ka wu banggam, mana nda ɓa turban atam?”
30Karnilus eare ama:
Nongŋo tārú mǝno kuti ka, pwari na anggo kǝla mǝnia ka, a bu-pwari tārú mala pwarikpǝra, mǝ nda ban pak hiwi a ɓala mem, kara ɓeɓwa mana oasǝ agir-nggurǝu mǝlinzame ka, puro yi came a ɓadǝmbǝam. 31Na ama, “Karnilus, Ɓakuli ongŋǝna hiwi mo sǝ sǝnǝna aɓoro mǝnana a kǝ pe amǝtǝr ka. 32Turban a Jopa ata Shiman mana à tunǝki ama Bitǝrus ka. Nda a ɓala mala Shiman mǝbangsǝ-nggu, a kun nggeamur.”
33Nda sǝ ǝn gbara ǝn turban a to ka, sǝ ndya gbal a pê pepè a yiu ka. Ado ka sǝm ndya kat sǝm nggǝ kundǝo a ɓadǝm Ɓakuli, sǝm nǝ̀ ak cau mana Mǝtalabangŋo no ama wu na sǝm ngga.
Bitǝrus na cau a ɓala mala Karnilus
34Pǝlǝa Bitǝrus tita na cau ama:
Ado ka ǝn sǝlǝna ama ɓafo na Ɓakuli ka earce kǝɓwa kuti ɓe ɗang.#10:34 Ɓalli gbal aɓa: Nggur 10:17. 35A koya kun ngga, kǝ ak aɓwana mǝnana à kǝ peri abani, sǝ à kǝ pak gir mana kǝ pwasǝ bumi ka. 36Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.
37Wu sǝlǝna ce gir mana kum ban a nzali Yahudi, tite a nzali Galili anzǝm mana Yohana tinata hamnǝ cau male mala batisǝma ka. 38Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate. 39Sǝ sǝm, amǝ'mishan ngga, sǝm ndaka amǝnakun mala agir mana sǝm sǝn Yesu pea kat a nzali mala amǝ Yahudi andǝ ɓa Urǝshalima ka.
À wal-lui nǝ gbaliban amur nggun-gangndi. 40Sǝ Ɓakuli loasǝi a tāruia nongŋo, sǝ nyinggi dǝmbǝu ɓǝ̀ pusǝrǝi ɓǝa sǝni. 41Pusǝrǝi aban ɓwapǝndǝa kat ɗang, kǝ sǝm mana Ɓakuli ak dǝmbǝa tarki sǝm ama ɓǝ̀ sǝm duk amǝnakun male, yì sǝm mana anzǝm loapi ɓembe male, sǝm lili sǝnǝia, sǝm nu sǝnǝia ka, sǝm nda.
42Pǝlǝa tsǝk sǝm ɓǝ̀ sǝm hamnǝ Cau Amsǝban aban aɓwana sǝ ɓǝ̀ sǝm lǝmndǝia wia ama yì ka, nda mǝnana Ɓakuli twali ɓǝ̀ do mǝɓashi mala aɓwana mana nǝ yilǝmu andǝ amana à wuna ka. 43Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.
Bangŋo mala Ɓakuli sulǝo amur aɓwana mana amǝ Yahudi na raka
44Kun Bitǝrus malaká pwal ɗang, kara Bangŋo Mǝfele sulǝo amur aɓwana mǝnana kat à kǝ ok cau mana nakiyi ka. 45Amǝ Yahudi mǝnana amǝkwaɗi na, mana à yiu andǝ Bitǝrus nǝ Jopa ka, à ndali nǝ sulǝo mala Bangŋo Mǝfele amur aɓwana mana amǝ Yahudi na raka. 46Sǝ à oea aban naki acau nǝ aɓia kún sǝ à kǝ ɓwangsǝki Ɓakuli.
Bitǝrus pǝlǝa na ama, 47“Aɓwana mǝnia ka à kumǝna Bangŋo Mǝfele kǝla mana sǝm kum ngga, kǝɓwa nakam nǝ̀ gine ama ɓǝa kǝa pakkia wia batisǝma aɓa lullǝ Yesu raka le?” 48Pǝlǝa tsǝa ama ɓǝa pakkia wia batisǝma aɓa lullǝ Yesu Kǝrǝsti. Sǝ Karnilus zǝmbǝi wi ama ɓǝ̀ pakki aɓea anongŋo abania.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016