Markus 10
10
Kanigir amur gau doɓala
(Matiu 19:1-2; Luka 16:8-20)
1Yesu ɗeki Kapanahum, wario a bu-nzali Yahudi, a nkaring Mur Jodan. Ɓwabunda yi ram ɗǝm abani à kàrǝì aɓalǝu, pǝlǝa kania wia gir kǝla mǝnana pàkkiyi ka.
2Aɓea amǝ Farisi yiu à yì karǝki nǝ ɗiban ama, “Nggurcau eare ama ɓǝ̀ ɓwa ɓǝ̀ pǝr mami le?”
3Yesu pǝlǝa earia wia nǝ ɗiban ama, “Mana ɗe Musa bangŋa aɓa nggurcau amur gau-doɓala?”
4À eare ama, “Musa eare ama, ɓǝ̀ ɓwa ɓǝ̀ gilǝî mɓwama takada gau doɓala, sǝ ɓǝ̀ tasǝ takwari ɓǝ̀ o.”#10:4 Ɓalli gbal aɓa: Nggur 24:1-4; Mat 5:31.
5Yesu nea wia ama, “Nda ace murcandǝa ma'wun sǝ Musa gilǝa wun mǝnia yì nggurcau ka. 6Sǝ mǝno ka nda njar mala Ɓakuli ɗang. A tita pusǝ ɓanza ka, ‘Ɓakuli pusǝ ɓwapǝndǝa, ɓwabura andǝ mɓwama,’ kǝla mana Malǝmce na ka.#10:6 Ɓalli gbal aɓa: Tite 1:27; 5:1,2. 7‘Ace mani ka, ɓwabura nǝ̀ nying tarrí andǝ ngge, nǝ̀ yia lanzǝa arǝ mami.#10:7 Ɓalli gbal aɓa: Tite 2:24. 8Yia ɓari ka à dumǝna nggūrǝu mǝ'mwashati.’ À pa ɗǝm ɓari ɗang, à nda mwashat. 9Ace mani ka, gir mǝnana Ɓakuli dapi ka, ɓǝ̀ ɓwa ɓǝ̀ kǝa gauwi ɗang.”
10Lang à nyarǝna a ɓala ka, alaggana mala Yesu ɗi amur mǝnia yì cau ka. 11Pǝlǝa nea wia ama, “Ɓǝ̀ koyana sǝ pǝr mami sǝ al ɓe mɓwama ka, nda rǝ pakki mɓwama mǝdǝmbe cauɓikea mala nongnǝban a nza nǝ doɓala nǝ ɓaria mɓwama.#10:11 Ɓalli gbal aɓa: Mat 5:32; 1Kor 7:10,11. 12Sǝ ɓǝ̀ mɓwama na gbal nying burri, sǝ kya al ɓe ɓwabura ka, nda rǝ pak cauɓikea mala nongnǝban a nza nǝ doɓala.”
Yesu tsǝki amuna bu
(Matiu 19:13-15; Luka 18:15-17)
13Aɓea ɓwana yiu nǝ amuna aban Yesu ɓǝ̀ tsǝkia bu, pǝlǝa alaggana male lo à sà a rǝia.
14Lang Yesu nǝ̀ sǝn mǝnia yì gir ka, bumi lullo arǝ alaggana male. Pǝlǝa nea wia ama, “Wu ɗekia amuna ɓǝa yiu abanam, wu kǝa pǝria ɗang. Acemǝnana domurǝm mala Ɓakuli ka, nda ace aɓwana mǝnana à nda kǝla amǝnia yia amuna ka. 15Ən nggǝ bangga wun ɓafo, ɓwa mǝnana pà nǝ̀ ak domurǝm mala Ɓakuli kǝla muna mǝkyauwe raka, pà nǝ̀ kuti kam ɗang.” 16Pǝlǝa twal amuna a kikili, sǝ tsǝk bui a ɓamur koyan atea ka, sǝ tsǝkia wia bu.
Lagga mǝkume
(Matiu 19:16-30; Luka 18:18-30)
17Lang Yesu longŋǝna nǝ̀ o ka, ɓeɓwa ɓangŋa ate kya kūndǝo a ɓadǝmbǝi, sǝ zǝmbǝi wi ama, “Malǝm mǝɓoarne, mana gir ni mǝ nǝ pa sǝ mǝ nǝ kum yilǝmu mǝnana málá male pà kàm raka?”
18Yesu ɗi ama, “Palang sǝ a tunǝam ama Malǝm mǝɓoarne? Kǝɓwa pà kàm mǝɓoarne na ɗang, kǝ Ɓakuli na nǝmurǝì ɓǝrɓǝr. 19A surǝ anzongcau mǝnia ka: ‘Kǝa wal lú ɗang, kǝa pak cauɓikea nongnǝban a nza nǝ doɓala ɗang, kǝa iun'i ɗang, kǝa na nyir ɗang, kǝa ɓǝmbǝriban ɗang, gusǝlǝ tárro andǝ nggo.’ ”#10:19 Ɓalli gbal aɓa: Pur 20:12-16; Nggur 5:16-20.
20Pǝlǝa ɓwabure na ama, “Malǝm, yale mǝ nda muna sǝ ǝn bwal amǝnia yì anzongcau ka.”
21Yesu sǝni sǝnban earcearǝu, pǝlǝa ne wi ama, “Gir mwashat sǝ a ɗwanyi, o, kya mak girkuma mo kat, sǝ wu gaki amǝtǝr boale, a nǝ kum gǝna a kuli. Sǝ wu yiu wu yi kpa atam.” 22Lang nǝ̀ ok mǝnia yì cau ka, nun nggur a dǝmbǝi. Pǝlǝ rǝì o nǝ ɓabumkiɗikea, acemǝnana yì ka, ndanǝ kume kǝrkǝr.
23Yesu pǝlǝ rǝì sǝnban, pǝlǝa ne alaggana male ama, “Amǝkume ka, nǝ kwanbia wia sǝ à nǝ̀ kutio a domurǝm mala Ɓakuli!”
24Cau male pakki alaggana male ndali. Pǝlǝa Yesu nea wia ama, “Wun amuna, kutio a domurǝm mala Ɓakuli ka kwano na a gir nì ɗang fa! 25Kutio mala mǝkume aɓa domurǝm mala Ɓakuli ka kwano kuti kutio mala kalakadambi a tūli nlerǝman.”
26Alaggana ndali kǝrkǝr. À ɗiki rǝarǝia ama, “Sǝ yana ado nǝ̀ au le?”
27Yesu sǝnia kyap-kyap, sǝ na ama, “Ɓǝ̀ mala ɓwapǝndǝa na ka, mǝ gandǝe pà kàm ɗang, sǝa ma pa anggo aban Ɓakuli ɗang. Aban Ɓakuli ka koman ngga nǝ̀ gandǝ pa.”
28Bitǝrus pǝlǝa kasǝi ama, “Sǝni, sǝm ɗekina koyagir ka, sǝm yiu a kpato!”
29Yesu pǝlǝi wi ama, “Ɓafo na, ǝn nggǝ na wun ngga, ɓǝ̀ ɓwa ɗeki ɓala, ko amǝ'eambǝi amuna-burana, andǝ amuna-mamǝna, ko ngge ko tarrí, ko amuna, ko aɓaban acem andǝ ce hamnǝ Cau Amsǝban ngga, 30nǝ̀ kum tangnakusǝi. A ɓanza mǝnia ka, nǝ̀ kum aɓala, amǝ'eambu aburana andǝ amamǝna, anggeau, amuna, andǝ aɓaban; amǝnana lakki malea nǝ̀ ká kusǝ gbǝman mala amǝnana ɗekia ka. Nǝ̀ kumia a tarǝia andǝ nutanni gbal. Sǝ a ɓanza mǝnana kǝ yiu ka nǝ̀ kum yilǝmu mǝnana málá male pà kàm raka. 31Aɓwana pas mǝnana à nda tyang-tyang ado ka, à nǝ̀ ngga buricea, sǝ amǝnana à buricea ado ka, à nǝ̀ ngga duk tyang-tyang.”#10:31 Ɓalli gbal aɓa: Mat 20:16; Luk 13:30.
Yesu na cau ɗǝm amur lú male
(Matiu 20:17-19; Luka 18:30-32)
32À nda aban o a Urǝshalima ka, Yesu ak dǝmbǝa kǝ ká sǝ alaggana male na ate. Alaggana male ndali kǝrkǝr, sǝ acili aɓwana mǝnana à kǝ yiu atea ka ɓangciu pakkia wia, acemǝnana a Urǝshalima ka, aɓwana na kam pas mǝnana à ɓinǝmǝsǝì ka. Pǝlǝa Yesu tunǝ alaggana male lum-nong-ɓari a giriban, sǝ banggia wia koyagir mǝnana nǝ̀ ngga kumi ka. 33Nea wia ama, “Sǝm ndya sǝm kǝ eauwe aban o a Urǝshalima ka. Muna mala Ɓwa ka à nǝ̀ ngga kurna kuro nǝi, aban agbani pǝris andǝ amǝkani Nggurcau mala Musa. À nǝ̀ kasǝi wi ɓashi lú, sǝ à nǝ̀ tasǝi a bu aɓwana mǝnana amǝ Yahudi na raka. 34Yia ka à nǝ̀ oali, à nǝ̀ tapi ntara a rǝì, à nǝ̀ kwe, sǝ à nǝ̀ wal-lui. Sǝa ma anzǝm anongŋo tārú ka nǝ̀ lo nǝ yilǝmu.”
Zǝmbǝa mala Jemis andǝ Yohana
(Matiu 20:20-28)
35À nǝ̀ nggǝ ká a njar ka, Jemis andǝ Yohana, amuna mala Zabadi, à yiu abani tu à yì ne wi ama, “Malǝm, sǝm nggǝ earce ama wu pakka sǝm gir mǝnana sǝm nǝ̀ zǝmbǝo wu pak ka!”
36Yesu pǝlǝa ɗia ama, “Mana wu earkiyice mǝ pakka wun?”
37À eari wi ama, “Pwari mǝnana a nǝ do a bunomurǝm mǝɓoarɓwe mo ka, ɓǝ̀ mwashat ata sǝm ɓǝ̀ do a buo mǝli, sǝ ɓeɓwa ɓǝ̀ do a buo mǝnggare aɓa ɓoarɓwa mo.”
38Yesu earia wia ama, “Wu surǝ gir mǝnana wu zǝmnggiyi ka ɗang. Wu nǝ̀ gandǝ nu aɓa kwap mala tanni mǝnana mala mǝ nǝ nu kam ngga, ko wu nǝ̀ gandǝ ak batisǝma mala walban lú kǝla mǝnana dumǝnam púp à nǝ̀ wal luem ngga le?”#10:38 Ɓalli gbal aɓa: Luk 12:50.
39À pǝlǝa à eare ama, “Sǝm nǝ̀ gandǝi.” Yesu nea wia ama, “Ɓafo na wu nǝ̀ nu aɓa kwap mǝnana dupǝnam púp mǝ nǝ nu kam ngga, sǝ à nǝ̀ pakka wun batisǝma mǝnana dumǝnam púp à nǝ̀ pakkam ngga. 40Sǝa ma, pa aɓa buam ɓǝn tsǝk ɓwa ɓǝ̀ do ata buam mǝli ko a buam mǝnggare ɗang. Ɓakuli gilǝki amǝno yì aban ngga ace aɓwana mǝnana tarkia ka.”
41Lang acilia alaggana mana lum nǝ̀ ok gir mǝno Jemis andǝ Yohana alkite ka, bumia lullo. 42Pǝlǝa Yesu tunǝia à yì rambǝa, sǝ nea wia ama, “Kǝla mana wu sǝlǝ ka, aɓwana mǝnana à surǝia ama à nda ka murǝma ko à nda ka ɓwana-mǝgule a ɓanza man ngga, à kǝ lǝmndǝ rǝcandǝa amur aɓwana mana à nda aɓatea ka. 43Sǝa ma ata wun ngga pà nǝ̀ pa anggo ɗang. Ɓwa mǝnana kǝ earce nǝ̀ duk ɓwamǝgule ata wun ngga, dumǝna púp nǝ̀ duk rítǎu mala acilia.#10:43 Ɓalli gbal aɓa: Luk 22:25,26. 44Sǝ ɓwa mǝnana earce ama nǝ̀ duk mǝ dǝmbǝa ka, dumǝna púp nǝ̀ duk guro mala aɓi kat. 45Ko nggearǝ Muna mala Ɓwa ka yiu ace mǝnana nǝ̀ do sǝ ɓǝ̀ aɓwana pakki wi turo ka ɗang. Yì ka, yiu ace mǝnana nǝ̀ pakki aɓwana turo, sǝ ɓǝ̀ pa yilǝmi ace amsǝ#10:45 amsǝ: Ko “akmúr” ɓwabunda pas.”
Nte Bartimawus kum sǝnban
(Matiu 20:29-34; Luka 18:35-43)
46Yesu andǝ alaggana male yi bik Jeriko. Lang a nda aban puri ɓa Jeriko ka, aɓwana pas kana atea. Ɓe nte na kam lullǝi ama Bartimawus, muna mala Timawus, dumǝna a girǝi njargula aban zǝmnggi agir. 47Lang nǝ̀ ok ama Yesu Ɓwa Nazarat na kǝ kuti ka, tita loasǝ gi kǝ na ama, “Yesu, Mǝkà Dauda, sǝn mǝsǝswatǝr mem!”
48Aɓwana pas loarǝi, à pyau wi ɓǝ̀ pwalo. Kara nyare loasǝ gi kam kpǝm ama, “Mǝkà Dauda, sǝn mǝsǝswatǝr mem!”
49Lang Yesu oe ka, pǝlǝ rǝì sǝ came, na ama, “Wu tunǝi ɓǝ̀ yiu.” Pǝlǝa à tunǝi yì nte, à ne wi ama, “Ɓǝ̀ banɓoaro, lo, nda kǝ tunǝo ka.” 50Kara túr girkumsǝo male anggo, lo pǝrpǝr yiu aban Yesu.
51Yesu ɗi ama, “Mana a earce ama mǝ pakko?” Nte man pǝlǝa ne wi ama, “Malǝm, ǝn nggǝ earce sǝnban!”
52Yesu ne wi ama, “Kyane, guliarǝu mo arǝ Ɓakuli twalǝno ban rǝkwana.” Àkǝ̀ banì kara sǝnban, pǝlǝa kpata Yesu aban o a njargula.
Currently Selected:
Markus 10: mbu
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016
Markus 10
10
Kanigir amur gau doɓala
(Matiu 19:1-2; Luka 16:8-20)
1Yesu ɗeki Kapanahum, wario a bu-nzali Yahudi, a nkaring Mur Jodan. Ɓwabunda yi ram ɗǝm abani à kàrǝì aɓalǝu, pǝlǝa kania wia gir kǝla mǝnana pàkkiyi ka.
2Aɓea amǝ Farisi yiu à yì karǝki nǝ ɗiban ama, “Nggurcau eare ama ɓǝ̀ ɓwa ɓǝ̀ pǝr mami le?”
3Yesu pǝlǝa earia wia nǝ ɗiban ama, “Mana ɗe Musa bangŋa aɓa nggurcau amur gau-doɓala?”
4À eare ama, “Musa eare ama, ɓǝ̀ ɓwa ɓǝ̀ gilǝî mɓwama takada gau doɓala, sǝ ɓǝ̀ tasǝ takwari ɓǝ̀ o.”#10:4 Ɓalli gbal aɓa: Nggur 24:1-4; Mat 5:31.
5Yesu nea wia ama, “Nda ace murcandǝa ma'wun sǝ Musa gilǝa wun mǝnia yì nggurcau ka. 6Sǝ mǝno ka nda njar mala Ɓakuli ɗang. A tita pusǝ ɓanza ka, ‘Ɓakuli pusǝ ɓwapǝndǝa, ɓwabura andǝ mɓwama,’ kǝla mana Malǝmce na ka.#10:6 Ɓalli gbal aɓa: Tite 1:27; 5:1,2. 7‘Ace mani ka, ɓwabura nǝ̀ nying tarrí andǝ ngge, nǝ̀ yia lanzǝa arǝ mami.#10:7 Ɓalli gbal aɓa: Tite 2:24. 8Yia ɓari ka à dumǝna nggūrǝu mǝ'mwashati.’ À pa ɗǝm ɓari ɗang, à nda mwashat. 9Ace mani ka, gir mǝnana Ɓakuli dapi ka, ɓǝ̀ ɓwa ɓǝ̀ kǝa gauwi ɗang.”
10Lang à nyarǝna a ɓala ka, alaggana mala Yesu ɗi amur mǝnia yì cau ka. 11Pǝlǝa nea wia ama, “Ɓǝ̀ koyana sǝ pǝr mami sǝ al ɓe mɓwama ka, nda rǝ pakki mɓwama mǝdǝmbe cauɓikea mala nongnǝban a nza nǝ doɓala nǝ ɓaria mɓwama.#10:11 Ɓalli gbal aɓa: Mat 5:32; 1Kor 7:10,11. 12Sǝ ɓǝ̀ mɓwama na gbal nying burri, sǝ kya al ɓe ɓwabura ka, nda rǝ pak cauɓikea mala nongnǝban a nza nǝ doɓala.”
Yesu tsǝki amuna bu
(Matiu 19:13-15; Luka 18:15-17)
13Aɓea ɓwana yiu nǝ amuna aban Yesu ɓǝ̀ tsǝkia bu, pǝlǝa alaggana male lo à sà a rǝia.
14Lang Yesu nǝ̀ sǝn mǝnia yì gir ka, bumi lullo arǝ alaggana male. Pǝlǝa nea wia ama, “Wu ɗekia amuna ɓǝa yiu abanam, wu kǝa pǝria ɗang. Acemǝnana domurǝm mala Ɓakuli ka, nda ace aɓwana mǝnana à nda kǝla amǝnia yia amuna ka. 15Ən nggǝ bangga wun ɓafo, ɓwa mǝnana pà nǝ̀ ak domurǝm mala Ɓakuli kǝla muna mǝkyauwe raka, pà nǝ̀ kuti kam ɗang.” 16Pǝlǝa twal amuna a kikili, sǝ tsǝk bui a ɓamur koyan atea ka, sǝ tsǝkia wia bu.
Lagga mǝkume
(Matiu 19:16-30; Luka 18:18-30)
17Lang Yesu longŋǝna nǝ̀ o ka, ɓeɓwa ɓangŋa ate kya kūndǝo a ɓadǝmbǝi, sǝ zǝmbǝi wi ama, “Malǝm mǝɓoarne, mana gir ni mǝ nǝ pa sǝ mǝ nǝ kum yilǝmu mǝnana málá male pà kàm raka?”
18Yesu ɗi ama, “Palang sǝ a tunǝam ama Malǝm mǝɓoarne? Kǝɓwa pà kàm mǝɓoarne na ɗang, kǝ Ɓakuli na nǝmurǝì ɓǝrɓǝr. 19A surǝ anzongcau mǝnia ka: ‘Kǝa wal lú ɗang, kǝa pak cauɓikea nongnǝban a nza nǝ doɓala ɗang, kǝa iun'i ɗang, kǝa na nyir ɗang, kǝa ɓǝmbǝriban ɗang, gusǝlǝ tárro andǝ nggo.’ ”#10:19 Ɓalli gbal aɓa: Pur 20:12-16; Nggur 5:16-20.
20Pǝlǝa ɓwabure na ama, “Malǝm, yale mǝ nda muna sǝ ǝn bwal amǝnia yì anzongcau ka.”
21Yesu sǝni sǝnban earcearǝu, pǝlǝa ne wi ama, “Gir mwashat sǝ a ɗwanyi, o, kya mak girkuma mo kat, sǝ wu gaki amǝtǝr boale, a nǝ kum gǝna a kuli. Sǝ wu yiu wu yi kpa atam.” 22Lang nǝ̀ ok mǝnia yì cau ka, nun nggur a dǝmbǝi. Pǝlǝ rǝì o nǝ ɓabumkiɗikea, acemǝnana yì ka, ndanǝ kume kǝrkǝr.
23Yesu pǝlǝ rǝì sǝnban, pǝlǝa ne alaggana male ama, “Amǝkume ka, nǝ kwanbia wia sǝ à nǝ̀ kutio a domurǝm mala Ɓakuli!”
24Cau male pakki alaggana male ndali. Pǝlǝa Yesu nea wia ama, “Wun amuna, kutio a domurǝm mala Ɓakuli ka kwano na a gir nì ɗang fa! 25Kutio mala mǝkume aɓa domurǝm mala Ɓakuli ka kwano kuti kutio mala kalakadambi a tūli nlerǝman.”
26Alaggana ndali kǝrkǝr. À ɗiki rǝarǝia ama, “Sǝ yana ado nǝ̀ au le?”
27Yesu sǝnia kyap-kyap, sǝ na ama, “Ɓǝ̀ mala ɓwapǝndǝa na ka, mǝ gandǝe pà kàm ɗang, sǝa ma pa anggo aban Ɓakuli ɗang. Aban Ɓakuli ka koman ngga nǝ̀ gandǝ pa.”
28Bitǝrus pǝlǝa kasǝi ama, “Sǝni, sǝm ɗekina koyagir ka, sǝm yiu a kpato!”
29Yesu pǝlǝi wi ama, “Ɓafo na, ǝn nggǝ na wun ngga, ɓǝ̀ ɓwa ɗeki ɓala, ko amǝ'eambǝi amuna-burana, andǝ amuna-mamǝna, ko ngge ko tarrí, ko amuna, ko aɓaban acem andǝ ce hamnǝ Cau Amsǝban ngga, 30nǝ̀ kum tangnakusǝi. A ɓanza mǝnia ka, nǝ̀ kum aɓala, amǝ'eambu aburana andǝ amamǝna, anggeau, amuna, andǝ aɓaban; amǝnana lakki malea nǝ̀ ká kusǝ gbǝman mala amǝnana ɗekia ka. Nǝ̀ kumia a tarǝia andǝ nutanni gbal. Sǝ a ɓanza mǝnana kǝ yiu ka nǝ̀ kum yilǝmu mǝnana málá male pà kàm raka. 31Aɓwana pas mǝnana à nda tyang-tyang ado ka, à nǝ̀ ngga buricea, sǝ amǝnana à buricea ado ka, à nǝ̀ ngga duk tyang-tyang.”#10:31 Ɓalli gbal aɓa: Mat 20:16; Luk 13:30.
Yesu na cau ɗǝm amur lú male
(Matiu 20:17-19; Luka 18:30-32)
32À nda aban o a Urǝshalima ka, Yesu ak dǝmbǝa kǝ ká sǝ alaggana male na ate. Alaggana male ndali kǝrkǝr, sǝ acili aɓwana mǝnana à kǝ yiu atea ka ɓangciu pakkia wia, acemǝnana a Urǝshalima ka, aɓwana na kam pas mǝnana à ɓinǝmǝsǝì ka. Pǝlǝa Yesu tunǝ alaggana male lum-nong-ɓari a giriban, sǝ banggia wia koyagir mǝnana nǝ̀ ngga kumi ka. 33Nea wia ama, “Sǝm ndya sǝm kǝ eauwe aban o a Urǝshalima ka. Muna mala Ɓwa ka à nǝ̀ ngga kurna kuro nǝi, aban agbani pǝris andǝ amǝkani Nggurcau mala Musa. À nǝ̀ kasǝi wi ɓashi lú, sǝ à nǝ̀ tasǝi a bu aɓwana mǝnana amǝ Yahudi na raka. 34Yia ka à nǝ̀ oali, à nǝ̀ tapi ntara a rǝì, à nǝ̀ kwe, sǝ à nǝ̀ wal-lui. Sǝa ma anzǝm anongŋo tārú ka nǝ̀ lo nǝ yilǝmu.”
Zǝmbǝa mala Jemis andǝ Yohana
(Matiu 20:20-28)
35À nǝ̀ nggǝ ká a njar ka, Jemis andǝ Yohana, amuna mala Zabadi, à yiu abani tu à yì ne wi ama, “Malǝm, sǝm nggǝ earce ama wu pakka sǝm gir mǝnana sǝm nǝ̀ zǝmbǝo wu pak ka!”
36Yesu pǝlǝa ɗia ama, “Mana wu earkiyice mǝ pakka wun?”
37À eari wi ama, “Pwari mǝnana a nǝ do a bunomurǝm mǝɓoarɓwe mo ka, ɓǝ̀ mwashat ata sǝm ɓǝ̀ do a buo mǝli, sǝ ɓeɓwa ɓǝ̀ do a buo mǝnggare aɓa ɓoarɓwa mo.”
38Yesu earia wia ama, “Wu surǝ gir mǝnana wu zǝmnggiyi ka ɗang. Wu nǝ̀ gandǝ nu aɓa kwap mala tanni mǝnana mala mǝ nǝ nu kam ngga, ko wu nǝ̀ gandǝ ak batisǝma mala walban lú kǝla mǝnana dumǝnam púp à nǝ̀ wal luem ngga le?”#10:38 Ɓalli gbal aɓa: Luk 12:50.
39À pǝlǝa à eare ama, “Sǝm nǝ̀ gandǝi.” Yesu nea wia ama, “Ɓafo na wu nǝ̀ nu aɓa kwap mǝnana dupǝnam púp mǝ nǝ nu kam ngga, sǝ à nǝ̀ pakka wun batisǝma mǝnana dumǝnam púp à nǝ̀ pakkam ngga. 40Sǝa ma, pa aɓa buam ɓǝn tsǝk ɓwa ɓǝ̀ do ata buam mǝli ko a buam mǝnggare ɗang. Ɓakuli gilǝki amǝno yì aban ngga ace aɓwana mǝnana tarkia ka.”
41Lang acilia alaggana mana lum nǝ̀ ok gir mǝno Jemis andǝ Yohana alkite ka, bumia lullo. 42Pǝlǝa Yesu tunǝia à yì rambǝa, sǝ nea wia ama, “Kǝla mana wu sǝlǝ ka, aɓwana mǝnana à surǝia ama à nda ka murǝma ko à nda ka ɓwana-mǝgule a ɓanza man ngga, à kǝ lǝmndǝ rǝcandǝa amur aɓwana mana à nda aɓatea ka. 43Sǝa ma ata wun ngga pà nǝ̀ pa anggo ɗang. Ɓwa mǝnana kǝ earce nǝ̀ duk ɓwamǝgule ata wun ngga, dumǝna púp nǝ̀ duk rítǎu mala acilia.#10:43 Ɓalli gbal aɓa: Luk 22:25,26. 44Sǝ ɓwa mǝnana earce ama nǝ̀ duk mǝ dǝmbǝa ka, dumǝna púp nǝ̀ duk guro mala aɓi kat. 45Ko nggearǝ Muna mala Ɓwa ka yiu ace mǝnana nǝ̀ do sǝ ɓǝ̀ aɓwana pakki wi turo ka ɗang. Yì ka, yiu ace mǝnana nǝ̀ pakki aɓwana turo, sǝ ɓǝ̀ pa yilǝmi ace amsǝ#10:45 amsǝ: Ko “akmúr” ɓwabunda pas.”
Nte Bartimawus kum sǝnban
(Matiu 20:29-34; Luka 18:35-43)
46Yesu andǝ alaggana male yi bik Jeriko. Lang a nda aban puri ɓa Jeriko ka, aɓwana pas kana atea. Ɓe nte na kam lullǝi ama Bartimawus, muna mala Timawus, dumǝna a girǝi njargula aban zǝmnggi agir. 47Lang nǝ̀ ok ama Yesu Ɓwa Nazarat na kǝ kuti ka, tita loasǝ gi kǝ na ama, “Yesu, Mǝkà Dauda, sǝn mǝsǝswatǝr mem!”
48Aɓwana pas loarǝi, à pyau wi ɓǝ̀ pwalo. Kara nyare loasǝ gi kam kpǝm ama, “Mǝkà Dauda, sǝn mǝsǝswatǝr mem!”
49Lang Yesu oe ka, pǝlǝ rǝì sǝ came, na ama, “Wu tunǝi ɓǝ̀ yiu.” Pǝlǝa à tunǝi yì nte, à ne wi ama, “Ɓǝ̀ banɓoaro, lo, nda kǝ tunǝo ka.” 50Kara túr girkumsǝo male anggo, lo pǝrpǝr yiu aban Yesu.
51Yesu ɗi ama, “Mana a earce ama mǝ pakko?” Nte man pǝlǝa ne wi ama, “Malǝm, ǝn nggǝ earce sǝnban!”
52Yesu ne wi ama, “Kyane, guliarǝu mo arǝ Ɓakuli twalǝno ban rǝkwana.” Àkǝ̀ banì kara sǝnban, pǝlǝa kpata Yesu aban o a njargula.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016