Luk 22
22
Yudamm nba lor a bin kpi Yisa biaŋinba
(Matiu 26.1-5; Mak 14.1-2; Jɔɔnn 11.45-53)
1Yoo nba din tan per nan bin tikir jaamm ki ŋman boroboro nba kaa datiŋ na, ki bi din yi jaamm maŋ yukitgar tiaru jaamm, 2ki Yennu jiantu yudamm nan sennu wannteeb din koor a bin la sɔnu nba ki bi sa kpi Yisa, ŋaan tiin niib na jaŋmaanii.
Judas nba sak nyii Yisa poor biaŋinba
(Matiu 26.14-16; Mak 14.10-11)
3Li yoo na ki Sintaanii kɔɔ Judas wunba din yi Iskariot ki bia din tee Yisa poorpoweiteeb piik nan bannlee na ni yenɔ. 4Ki ŋɔɔ Judas din saan ki saa pak nan Yennu jiantu yudamm nan bi lanjimanba yudamm biaŋinba ki u sa chabib ki bin soor Yisa. 5Ki bi ji din mɔk parpeenn ki gaar a bi sa pa Judas likirii. 6Ki u sak bi lor maŋ ki ji piin loon sɔnu nba ki u sa jii Yisa ki kubinɔ bi nuu ni yoo nba ki niib na ji kaa na.
Yisa nba tee siir a wun di yukitgar tiaru jeet biaŋinba
(Matiu 26.17-25; Mak 14.12-21; Jɔɔnn 13.21-30)
7Ki boroboro nba kaa datiŋ na jaamm daar nba ki bi yaa bin kpi pebis ki teen yukitgar tiaru jaamm jeet na, 8ki Yisa tun Piita nan Jɔɔnn doo na ni ki betib a “I saa man ki saa teen yukitgar tiaru jeet na siir ki turit ki tin di.”
9Ki bi boiɔ a “Lee ki a loon ki tin saan teen siiri?”
10Ki u betib a “Nnara, yoo nba ki i baat doo na ni, i sa la jasɔɔ ki u jii nyunsɔɔr. Yii waau nan ŋaak nba ki u sa kɔɔ; 11yin bet li ŋaak daanɔ a ‘Wanntɔɔ na yaa a ti boia a saamm diiuk nba ki ŋɔɔ nan u poorpoweiteeb yaa bin kɔɔ di yukitgar tiaru jaamm jeet na be lee?’ 12Ki u sa wanni ditɔɔtuk nba yab ki poŋ teen siir; ki yin teen jeet maŋ leŋ.” 13Ki bi din saan ki set saa la borkur kaman nan Yisa nba betib biaŋinba na; ki bi ji din teen jaamm maŋ jeet siir.
Ti Yomdaanɔ jeet dinu po
(Matiu 26.26-30; Mak 14.22-26; 1 Kor. 11.23-25)
14Jaamm jeet dinu na yoo nba tan baar, ki Yisa kar a wun di; ki u toomiinba piik nan bannlee na mun kar a bin di nanɔ. 15Ki u yetib a “Li mantik want n par ni nan min nan yimm-n lakin di yukitgar tiaru jaamm dinu daannewa ki fara-n tan lian baarin. 16N beerie, n ji kan mi ki di dinu na mɔkmɔk nan yoo nba ki barmɔnii dinu na tan sa teen Yennu naan ni.” 17Ŋanne ki u jii nyunyuŋmaŋ nan tilɔɔna nyun, ki tur Yennu niipoouk li paak, ŋaan yetib a “Gaat na man ki chent i leeb ki nyu. 18N beerie nan la jii dinna ki saa, n ji kan mi nyu tilɔɔna nyun na, see ki Yennu naan tan baar.”
19Ŋanne ki u jii boroboro ki tur Yennu niipoouk li paak, ki ŋmit ŋmit ki turib ŋaan yetib a “Nee tee n gbanant ki n yaa n tur ki bin kpir i paak na. Yii yɔɔ kii tee nna kii tian n po.” 20Ki dinu na poorpoe ki u bia jii nyunyuŋmaŋ na nan tilɔɔna nyun na, ŋaan yetib a “Tilɔɔna nyun na tee Yennu mɔsonn lorpaanne, linba ki n lor nan n sɔn, ki li luun i paak.
21“Gotir man, wunba yaa wun nyi n poor na, ŋɔɔe kar ki di nanin na. 22Min nisaarik Bik set yaa n kpo kaman nan Yennu nba senn biaŋinba nee, ŋaan bonbiir sii be wunba yaa wun nyi n poor na paak.”
23Ki bi ji din piin ki boi bi leeb ki yeen a “Ti ŋmapoe yaa wun tun linba na?”
Saakɔtuk paak mɔniɔk labaar
24Li yoo ki mɔniɔk din baar u poorpoweiteeb maŋ sinsuuk ni, ki bi din nɔi ki yeen a lamme chee leebi. 25Ki Yisa yetib a “Tingbouŋ na ŋaateeb kpanbara dia bi niib nan ninmɔnn, ki niib bia yi bi yudamm ‘bi sommteeb,’ 26ŋaan yimm ŋanin, li ki tee nna. Wunba tee nijaann i ni, see ki u teen kaman nan niwaarik na; ki yudaanɔ mun-n teen kaman nan daabir na. 27Tɔn, ŋmee tee nijaann ki gar u lɔɔ, wunba di jeet, amii wunba teene? Li ki tee wunba di na kaa-aa? Ŋaan min ŋanin be i sinsuuk ni kaman nan toontunnɔ nee.
28“Yimm poŋ yɔɔ be nanin n jinjammii ni yoo kur. 29N Baa Yennu nba gannin ki dinnin naan biaŋinba na, nnee mun ki n mun yaa n ganni 30ki yin di ki nyu nanin n naan ni, ki i tan sa kar naangbant paak ki bu Israel teeb booru piik nan bannlee na buut.”
Yisa nba yet a Piita tan sa nɔi a u ki miu biaŋinba
(Matiu 26.31-35; Mak 14.27-31; Jɔɔnn 13.36-38)
31Ki Yisa yet Simon Piita a “Simon, Simon, gbiintir, Sintaanii barin a wun la yaak nba ki u sa bikin i kur ki lenni kaman nan dii nba ki bi tuu leenn fouŋ na, ki laan i tee dii amii fouŋo. 32Ŋaan fin Simon, mine miar Yennu a paak, ki a yada daa baa; ki yoo nba ki a ji jen n boor ni, a tot a naa waas.”
33Ki Piita jiin yetɔ a “N Yomdaanɔ, li-i tee dansarik amii kuumie, n teen siira nan min nan fin-n saan.”
34Ki Yisa din betɔ a “Piita, n beerae, kojouk daa tan kan bui dinna sinsinn daanni ki a tan sa yet taar munntaa a a ki mimi.”
Ki jii bia?
35Ŋanne ki Yisa boib a “Ma din tumi doi ni na ki i din ki dia likibɔɔrii nan kaliit nan taasaat na, i din kɔŋ siari?”
Ki bi jiin yetɔ a “Aaii.”
36Ki u yetib a “Mɔtana jikira, wunba mɔk likibɔɔrik amii kaliiuk, wun jiir; ki wunba mun ki mɔk jukbanjiak, wun kɔi u liatir ki daa. 37Mine beeri na, li sɔb Yennu gbouŋ ni a ‘Bi jiiu ki pukinɔ sennu mɔyêtdamm sinsuuk ni.’ Ki bi set sa teenin nnee, kimaan linba kur ki bi sɔb ki jikit saa n po Yennu gbouŋ ni na, li set tee nan mɔniie.”
38Ki bi din yetɔ a “Ti Yomdaanɔ, gotir, jukbanjai ŋannlee na.”
Ki u yetib a “Ŋaant man.”
Yisa nba miar Yennu nan ninmɔnn biaŋinba
(Matiu 26.36-46; Mak 14.32-42)
39Ŋanne ki u nyii leŋ ki saan Olif Tiinii kunkonn paak, kaman nan wa poŋ tuu tee biaŋinba na, ki u poorpoweiteeb waau saa. 40Wa saa baar leŋ ki u betib a “I mei Yennu man ki i tan daa kɔɔ jinjammii ni.”
41Ŋanne ki u chat bi boor ni ki saan nan fa tuu jaa tann ki lin saan fɔkint biaŋinba na, ki saa gbaan tiŋ ni ki miar Yennu, 42ki yet a “N Baa, li-i tee a loomm, daa ŋaant ki n kɔɔ bonbiir nba baat n paak na ni; ŋaan ŋaant ki a loommo-n tun, ki li daa tee n loommu.” 43Ki malaka nyii sanpaapo ki tan dɔkit u paak ki totɔ. 44U din dii muksuk bonchiann ki miar Yennu nan u yaak kur, ki naauk tan pu u paak ki tan toot naan nan sɔn na.
45Ki u tan fiir Yenmiaru ni ki ŋmat u poorpoweiteeb na boor, ki saa la ki bi gɔɔnt, kimaan bi para nba biir biaŋinba na paak. 46Ki u boib a “Bee teen ki i gɔɔnti? Fiit kii mei Yennu man ki i tan daa kɔɔ jinjammii ni.”
Ba soor Yisa biaŋinba
(Matiu 26.47-56; Mak 14.43-50; Jɔɔnn 18.3-11)
47Wa din daa piak namm na, ki u la ki nibur baat. Ki Judas wunba tee u poorpoweiteeb piik nan bannlee na ni yenɔ, gar bi tɔɔnn, ki tan baar Yisa boor ni a wun mɔɔt u tankpinn. 48Ki Yisa boiɔ a “Judas, a mɔɔtir n tankpinn a a nyi min nisaarik Bik pooree?”
49Li yoo na ki u poorpoweiteeb na la linba yaa lin teen na, ki bi boi Yisa a “Ti Yomdaanɔ, ti kɔn namm nan jukbanjai-ii?” 50Ŋaan ki bi yenɔ taan kakit chɔɔ Yennu jiantu yudaanɔ daabir niidiitu po tubir ki pot.
51Ki Yisa betib a “Nyikin man,” ŋaan jîin tubir maŋ ki tabin li biaŋ.
52Ŋanne ki Yisa boi Yennu jiantu yudamm nan bi lanjimanba yudamm nan saakab binba baar a bin soorɔ na a “N tee fatitɔɔe ki i baar nan jukbanjai nan gbajara-aa? 53N poŋ tuu yɔɔ be nani daar kur Yennu jiantu ŋasaakak ni, ŋaan ki i ki somi. Tɔn, ŋaan yoo na lek tee i yare, nan bunbɔnn paŋ daanɔ yar.”
Piita nba din nɔi a u ki mi Yisa biaŋinba
(Matiu 26.57-58, 69-75; Mak 14.53-54, 66-72; Jɔɔnn 18.12-18, 25-27)
54Li yoo na ki bi ji din soor Yisa ki saan nanɔ Yennu jiantu yudaanɔ ŋaak ni; ki Piita ji saa waa u poorpo banfɔkira. 55Ŋaak maŋ ni, niib din joo muu dindɔunsinsuuk ni ki kar linta, ki Piita tan kɔɔ ki kar pukimm. 56Wa kar leŋ, ki toontunbipoyenɔ lau muu yentu na ni, ki tan gotɔ sirrr, ki yet a “Jɔɔ na tuu be nanɔ.”
57Ki Piita yetɔ a “Bonpobik, n ki miu.”
58La yann waaminna, ki jasɔɔ mun lau ki yetɔ a “Fini, a mun tee u poorpoweiteeb yenɔe.”
Ki Piita yetɔ a “Jɔɔ na, kai, li ki tee min kaa.”
59La bia yann waaminna, ki jalɔɔ nna mun bia yet a “Yaunwa, barmɔniie, jɔɔ na tuu be nanɔ, kimaan u mun bia tee Galilee nirɔe.”
60Ki Piita jiin yetɔ a “Jɔɔ na, min taan ki mi linba ki a yeen na kaawa.”
Wa daa piak nee ki kojouk fan bui li tonton na. 61Ki ti Yomdaanɔ Yisa jiant got la Piita; ki Piita ji tiar ŋɔɔ Yisa mɔbona na po, wa yet biaŋinba a “Kojouk daa tan kan bui dinna sinsinn daanni ki a tan sa nɔi taar munntaae a a ki mimi.” 62Ki Piita ji nyii ki bui bonbiir.
Ba woontir Yisa ki boou biaŋinba
(Matiu 26.67-68; Mak 14.65)
63Li poorpoe ki Yisa guuteeb na daanɔ nyatuk ki boou, 64ŋaan jii chinchenn ki bobin u numm po ŋaan faau ki bia jin yetɔ a “Bukitir wunba faa-a na.” 65Ki bi bia pak ki biir u sann bonchiann ki sukiiɔ.
Ba baar nan Yisa buut boor biaŋinba
(Matiu 26.59-66; Mak 14.55-64; Jɔɔnn 18.19-24)
66La yent sanyiɔk ni ki Juu teeb saakab nan Yennu jiantu yudamm nan sennu wannteeb din taan kar bi yudamm tituk kaanu; ki guuteeb na tan baar nan Yisa bi boor. 67Ki bi betɔ a “Fi-i set kii tee Yennu Niganntɔɔ Masiae, fan betit.”
Ki u jiin betib a “Mi-i beti, ŋaan i poŋ taan kan teenin yada gbaa, 68ŋaan mi-i munii biakii boi-i buboit, i kan sak jiinin buboit maŋi. 69La nyii mɔtana ki jii saa min nisaarik Bik tan sii kar Yabint Yennu nuudiitu po.”
70Ki bi kura boiɔ, “Ki ŋann fii tee Yennu Bija-aa?”
Ki u jiin ki yetib a “Nan ya kpan yaa na.”
71Ki bi yet bi leeb a “Ti poŋ ji loon siaradamm ba poe na? kimaan ti poŋ gbat u mɔŋ mɔmaama.”
Currently Selected:
Luk 22: BIM
Highlight
Share
Copy
Want to have your highlights saved across all your devices? Sign up or sign in
Luk 22
22
Yudamm nba lor a bin kpi Yisa biaŋinba
(Matiu 26.1-5; Mak 14.1-2; Jɔɔnn 11.45-53)
1Yoo nba din tan per nan bin tikir jaamm ki ŋman boroboro nba kaa datiŋ na, ki bi din yi jaamm maŋ yukitgar tiaru jaamm, 2ki Yennu jiantu yudamm nan sennu wannteeb din koor a bin la sɔnu nba ki bi sa kpi Yisa, ŋaan tiin niib na jaŋmaanii.
Judas nba sak nyii Yisa poor biaŋinba
(Matiu 26.14-16; Mak 14.10-11)
3Li yoo na ki Sintaanii kɔɔ Judas wunba din yi Iskariot ki bia din tee Yisa poorpoweiteeb piik nan bannlee na ni yenɔ. 4Ki ŋɔɔ Judas din saan ki saa pak nan Yennu jiantu yudamm nan bi lanjimanba yudamm biaŋinba ki u sa chabib ki bin soor Yisa. 5Ki bi ji din mɔk parpeenn ki gaar a bi sa pa Judas likirii. 6Ki u sak bi lor maŋ ki ji piin loon sɔnu nba ki u sa jii Yisa ki kubinɔ bi nuu ni yoo nba ki niib na ji kaa na.
Yisa nba tee siir a wun di yukitgar tiaru jeet biaŋinba
(Matiu 26.17-25; Mak 14.12-21; Jɔɔnn 13.21-30)
7Ki boroboro nba kaa datiŋ na jaamm daar nba ki bi yaa bin kpi pebis ki teen yukitgar tiaru jaamm jeet na, 8ki Yisa tun Piita nan Jɔɔnn doo na ni ki betib a “I saa man ki saa teen yukitgar tiaru jeet na siir ki turit ki tin di.”
9Ki bi boiɔ a “Lee ki a loon ki tin saan teen siiri?”
10Ki u betib a “Nnara, yoo nba ki i baat doo na ni, i sa la jasɔɔ ki u jii nyunsɔɔr. Yii waau nan ŋaak nba ki u sa kɔɔ; 11yin bet li ŋaak daanɔ a ‘Wanntɔɔ na yaa a ti boia a saamm diiuk nba ki ŋɔɔ nan u poorpoweiteeb yaa bin kɔɔ di yukitgar tiaru jaamm jeet na be lee?’ 12Ki u sa wanni ditɔɔtuk nba yab ki poŋ teen siir; ki yin teen jeet maŋ leŋ.” 13Ki bi din saan ki set saa la borkur kaman nan Yisa nba betib biaŋinba na; ki bi ji din teen jaamm maŋ jeet siir.
Ti Yomdaanɔ jeet dinu po
(Matiu 26.26-30; Mak 14.22-26; 1 Kor. 11.23-25)
14Jaamm jeet dinu na yoo nba tan baar, ki Yisa kar a wun di; ki u toomiinba piik nan bannlee na mun kar a bin di nanɔ. 15Ki u yetib a “Li mantik want n par ni nan min nan yimm-n lakin di yukitgar tiaru jaamm dinu daannewa ki fara-n tan lian baarin. 16N beerie, n ji kan mi ki di dinu na mɔkmɔk nan yoo nba ki barmɔnii dinu na tan sa teen Yennu naan ni.” 17Ŋanne ki u jii nyunyuŋmaŋ nan tilɔɔna nyun, ki tur Yennu niipoouk li paak, ŋaan yetib a “Gaat na man ki chent i leeb ki nyu. 18N beerie nan la jii dinna ki saa, n ji kan mi nyu tilɔɔna nyun na, see ki Yennu naan tan baar.”
19Ŋanne ki u jii boroboro ki tur Yennu niipoouk li paak, ki ŋmit ŋmit ki turib ŋaan yetib a “Nee tee n gbanant ki n yaa n tur ki bin kpir i paak na. Yii yɔɔ kii tee nna kii tian n po.” 20Ki dinu na poorpoe ki u bia jii nyunyuŋmaŋ na nan tilɔɔna nyun na, ŋaan yetib a “Tilɔɔna nyun na tee Yennu mɔsonn lorpaanne, linba ki n lor nan n sɔn, ki li luun i paak.
21“Gotir man, wunba yaa wun nyi n poor na, ŋɔɔe kar ki di nanin na. 22Min nisaarik Bik set yaa n kpo kaman nan Yennu nba senn biaŋinba nee, ŋaan bonbiir sii be wunba yaa wun nyi n poor na paak.”
23Ki bi ji din piin ki boi bi leeb ki yeen a “Ti ŋmapoe yaa wun tun linba na?”
Saakɔtuk paak mɔniɔk labaar
24Li yoo ki mɔniɔk din baar u poorpoweiteeb maŋ sinsuuk ni, ki bi din nɔi ki yeen a lamme chee leebi. 25Ki Yisa yetib a “Tingbouŋ na ŋaateeb kpanbara dia bi niib nan ninmɔnn, ki niib bia yi bi yudamm ‘bi sommteeb,’ 26ŋaan yimm ŋanin, li ki tee nna. Wunba tee nijaann i ni, see ki u teen kaman nan niwaarik na; ki yudaanɔ mun-n teen kaman nan daabir na. 27Tɔn, ŋmee tee nijaann ki gar u lɔɔ, wunba di jeet, amii wunba teene? Li ki tee wunba di na kaa-aa? Ŋaan min ŋanin be i sinsuuk ni kaman nan toontunnɔ nee.
28“Yimm poŋ yɔɔ be nanin n jinjammii ni yoo kur. 29N Baa Yennu nba gannin ki dinnin naan biaŋinba na, nnee mun ki n mun yaa n ganni 30ki yin di ki nyu nanin n naan ni, ki i tan sa kar naangbant paak ki bu Israel teeb booru piik nan bannlee na buut.”
Yisa nba yet a Piita tan sa nɔi a u ki miu biaŋinba
(Matiu 26.31-35; Mak 14.27-31; Jɔɔnn 13.36-38)
31Ki Yisa yet Simon Piita a “Simon, Simon, gbiintir, Sintaanii barin a wun la yaak nba ki u sa bikin i kur ki lenni kaman nan dii nba ki bi tuu leenn fouŋ na, ki laan i tee dii amii fouŋo. 32Ŋaan fin Simon, mine miar Yennu a paak, ki a yada daa baa; ki yoo nba ki a ji jen n boor ni, a tot a naa waas.”
33Ki Piita jiin yetɔ a “N Yomdaanɔ, li-i tee dansarik amii kuumie, n teen siira nan min nan fin-n saan.”
34Ki Yisa din betɔ a “Piita, n beerae, kojouk daa tan kan bui dinna sinsinn daanni ki a tan sa yet taar munntaa a a ki mimi.”
Ki jii bia?
35Ŋanne ki Yisa boib a “Ma din tumi doi ni na ki i din ki dia likibɔɔrii nan kaliit nan taasaat na, i din kɔŋ siari?”
Ki bi jiin yetɔ a “Aaii.”
36Ki u yetib a “Mɔtana jikira, wunba mɔk likibɔɔrik amii kaliiuk, wun jiir; ki wunba mun ki mɔk jukbanjiak, wun kɔi u liatir ki daa. 37Mine beeri na, li sɔb Yennu gbouŋ ni a ‘Bi jiiu ki pukinɔ sennu mɔyêtdamm sinsuuk ni.’ Ki bi set sa teenin nnee, kimaan linba kur ki bi sɔb ki jikit saa n po Yennu gbouŋ ni na, li set tee nan mɔniie.”
38Ki bi din yetɔ a “Ti Yomdaanɔ, gotir, jukbanjai ŋannlee na.”
Ki u yetib a “Ŋaant man.”
Yisa nba miar Yennu nan ninmɔnn biaŋinba
(Matiu 26.36-46; Mak 14.32-42)
39Ŋanne ki u nyii leŋ ki saan Olif Tiinii kunkonn paak, kaman nan wa poŋ tuu tee biaŋinba na, ki u poorpoweiteeb waau saa. 40Wa saa baar leŋ ki u betib a “I mei Yennu man ki i tan daa kɔɔ jinjammii ni.”
41Ŋanne ki u chat bi boor ni ki saan nan fa tuu jaa tann ki lin saan fɔkint biaŋinba na, ki saa gbaan tiŋ ni ki miar Yennu, 42ki yet a “N Baa, li-i tee a loomm, daa ŋaant ki n kɔɔ bonbiir nba baat n paak na ni; ŋaan ŋaant ki a loommo-n tun, ki li daa tee n loommu.” 43Ki malaka nyii sanpaapo ki tan dɔkit u paak ki totɔ. 44U din dii muksuk bonchiann ki miar Yennu nan u yaak kur, ki naauk tan pu u paak ki tan toot naan nan sɔn na.
45Ki u tan fiir Yenmiaru ni ki ŋmat u poorpoweiteeb na boor, ki saa la ki bi gɔɔnt, kimaan bi para nba biir biaŋinba na paak. 46Ki u boib a “Bee teen ki i gɔɔnti? Fiit kii mei Yennu man ki i tan daa kɔɔ jinjammii ni.”
Ba soor Yisa biaŋinba
(Matiu 26.47-56; Mak 14.43-50; Jɔɔnn 18.3-11)
47Wa din daa piak namm na, ki u la ki nibur baat. Ki Judas wunba tee u poorpoweiteeb piik nan bannlee na ni yenɔ, gar bi tɔɔnn, ki tan baar Yisa boor ni a wun mɔɔt u tankpinn. 48Ki Yisa boiɔ a “Judas, a mɔɔtir n tankpinn a a nyi min nisaarik Bik pooree?”
49Li yoo na ki u poorpoweiteeb na la linba yaa lin teen na, ki bi boi Yisa a “Ti Yomdaanɔ, ti kɔn namm nan jukbanjai-ii?” 50Ŋaan ki bi yenɔ taan kakit chɔɔ Yennu jiantu yudaanɔ daabir niidiitu po tubir ki pot.
51Ki Yisa betib a “Nyikin man,” ŋaan jîin tubir maŋ ki tabin li biaŋ.
52Ŋanne ki Yisa boi Yennu jiantu yudamm nan bi lanjimanba yudamm nan saakab binba baar a bin soorɔ na a “N tee fatitɔɔe ki i baar nan jukbanjai nan gbajara-aa? 53N poŋ tuu yɔɔ be nani daar kur Yennu jiantu ŋasaakak ni, ŋaan ki i ki somi. Tɔn, ŋaan yoo na lek tee i yare, nan bunbɔnn paŋ daanɔ yar.”
Piita nba din nɔi a u ki mi Yisa biaŋinba
(Matiu 26.57-58, 69-75; Mak 14.53-54, 66-72; Jɔɔnn 18.12-18, 25-27)
54Li yoo na ki bi ji din soor Yisa ki saan nanɔ Yennu jiantu yudaanɔ ŋaak ni; ki Piita ji saa waa u poorpo banfɔkira. 55Ŋaak maŋ ni, niib din joo muu dindɔunsinsuuk ni ki kar linta, ki Piita tan kɔɔ ki kar pukimm. 56Wa kar leŋ, ki toontunbipoyenɔ lau muu yentu na ni, ki tan gotɔ sirrr, ki yet a “Jɔɔ na tuu be nanɔ.”
57Ki Piita yetɔ a “Bonpobik, n ki miu.”
58La yann waaminna, ki jasɔɔ mun lau ki yetɔ a “Fini, a mun tee u poorpoweiteeb yenɔe.”
Ki Piita yetɔ a “Jɔɔ na, kai, li ki tee min kaa.”
59La bia yann waaminna, ki jalɔɔ nna mun bia yet a “Yaunwa, barmɔniie, jɔɔ na tuu be nanɔ, kimaan u mun bia tee Galilee nirɔe.”
60Ki Piita jiin yetɔ a “Jɔɔ na, min taan ki mi linba ki a yeen na kaawa.”
Wa daa piak nee ki kojouk fan bui li tonton na. 61Ki ti Yomdaanɔ Yisa jiant got la Piita; ki Piita ji tiar ŋɔɔ Yisa mɔbona na po, wa yet biaŋinba a “Kojouk daa tan kan bui dinna sinsinn daanni ki a tan sa nɔi taar munntaae a a ki mimi.” 62Ki Piita ji nyii ki bui bonbiir.
Ba woontir Yisa ki boou biaŋinba
(Matiu 26.67-68; Mak 14.65)
63Li poorpoe ki Yisa guuteeb na daanɔ nyatuk ki boou, 64ŋaan jii chinchenn ki bobin u numm po ŋaan faau ki bia jin yetɔ a “Bukitir wunba faa-a na.” 65Ki bi bia pak ki biir u sann bonchiann ki sukiiɔ.
Ba baar nan Yisa buut boor biaŋinba
(Matiu 26.59-66; Mak 14.55-64; Jɔɔnn 18.19-24)
66La yent sanyiɔk ni ki Juu teeb saakab nan Yennu jiantu yudamm nan sennu wannteeb din taan kar bi yudamm tituk kaanu; ki guuteeb na tan baar nan Yisa bi boor. 67Ki bi betɔ a “Fi-i set kii tee Yennu Niganntɔɔ Masiae, fan betit.”
Ki u jiin betib a “Mi-i beti, ŋaan i poŋ taan kan teenin yada gbaa, 68ŋaan mi-i munii biakii boi-i buboit, i kan sak jiinin buboit maŋi. 69La nyii mɔtana ki jii saa min nisaarik Bik tan sii kar Yabint Yennu nuudiitu po.”
70Ki bi kura boiɔ, “Ki ŋann fii tee Yennu Bija-aa?”
Ki u jiin ki yetib a “Nan ya kpan yaa na.”
71Ki bi yet bi leeb a “Ti poŋ ji loon siaradamm ba poe na? kimaan ti poŋ gbat u mɔŋ mɔmaama.”
Currently Selected:
:
Highlight
Share
Copy
Want to have your highlights saved across all your devices? Sign up or sign in