Mak 3
3
Nuukpeenn daanɔ paaku po
(Matiu 12.9-14; Luk 6.6-11)
1Ŋanne ki Yisa din bia kɔɔ Yenjiantu diiuk ni, ki jasɔɔ din be leŋ ki u nuu kpo. 2Ki nisiab din be leŋ ki gorii Yisa, a bin laan u sa te ki nuukpeenn daanɔ maŋ-n paak foon daarii, ki bin biirɔ. 3Ŋanne ki Yisa yiin nuukpeenn daanɔ na a “Baat nna,” 4ŋaan boi niib na a “Ti sennu chab a tii sommit niib foon daar amii ti biiribi? Ti fat niib ki lu amii ti kpibi?”
Ŋaan ki bi ji din ŋmina. 5Ki u got ki lintib nan wutoor, kimaan u par din biir bonchiann bi ninkoonii na paak; ki u ŋmant ki bet jɔɔ maŋ a “Tantir a nuu maŋ.” Ki u tant u nuu maŋ ki li la laafia. 6Li yoo na ki Farisiinba din ŋmat nyii, ki ŋamm nan Bat Herod poorpojɔɔmu din lor soor nan leeb ba sa teen biaŋinba ki kpi Yisa.
Niib bonchiann nba din waa Yisa poor biaŋinba
7Ki Yisa nan u poorpoweiteeb din fiir ki sik mɔkgbeŋŋir na kpiŋ, ki niburchiauŋ din waa u poor po, binba din nyii Galilee nan Judea 8nan Jerusalem nan Idumea nan Jɔɔdann mɔk-pootir, nan Taya nan Saidon tingbouŋ ni, ki bi yab bonchiann ki tikir u boor; ba din gbat nan u tuun toongbeŋŋa na paak, ki bi din baar u boor ni mɔkgbeŋŋir na kpiŋ. 9Ki u bet u poorpoweiteeb a bin la burgbetir turɔ a wun kɔɔ ki kar ki wann niib maŋ Yennu maan, a ki nibur na tan daa tutɔ, 10kimaan wa din te ki baatib bonchiann paak na paake din te ki binba kur yiar ji din nakii a bin siiu. 11Narinbiit nba din tuu lau yoonba kura din tuu baa u tɔɔnne ki faa wuyikiŋ ki yeen a “Fine tee Yennu Bija.”
12Ki u din kpaamm nan nunmɔnn a bi daa mɔɔntirɔ nan niibi.
Yisa nba din gann u toomiinba piik nan bannlee biaŋinba
(Matiu 10.1-4; Luk 6.12-16)
13Li poor po ki Yisa doo jɔɔr paak ŋaan yiin binba ki u loon bin baar na, ki bi baar u boor ni. 14Ki u gann niib piik nan bannlee, ki yib toomiinba, a bii be u boor ni, a wuu tuumm ki bii mɔɔntir u barŋanii, 15kii bia kii mɔk yikoo kii nyint narinbiit niib ni.
16Wa din gann niib nba piik nan bannlee na, bi sanae na: Simon, wunba ki Yisa din purɔ Piita na; 17Jems nan u naa bik Jɔɔnn binba din tee Sebedee waas na, binba ki Yisa din purib Boanejes, ki li paak tee satianii waas; 18nan Andru nan Filip, nan Batolomiu, nan Matiu, nan Tomas, nan Jems wunba din tee Alfeus bik, nan Tadeus, nan Simon wunba din loon ŋamm Juu teeb-ii yen bi mɔŋ, 19nan Judas wunba din tan nyii Yisa poor na.
Narinbiit bat Beelsebul labaar
(Matiu 12.22-32; Luk 11.14-23; 12.10)
20Li poor po ki Yisa kun; ki niburchiauŋ din tikir ŋɔɔ nan u poorpoweiteeb boor ni, ki bi tan kɔŋ yaak nan jeet dinu. 21U ŋaateeb nba din gbat nna, ki bi baar a bin soorɔ, kimaan niib din yeen a u waate.
22Ki Yennu sennu wanntesiab nba din nyii Jerusalem na mun din yet a “Narinbiit bat Beelsebul nae be u yur ni, ki u nyint narinbiit niib ni ŋɔɔ Beelsebul yikoo ni.”
23Ki Yisa din yiin wannteeb maŋ a bii baat na, ŋaan yimm barjokit ki boib a “Sintaanii sa sak nyinn u mɔŋii? 24Naan niib-i ŋmat ki kɔn tookit bi leebi, bi naan maŋ kan fit seti. 25Ki ŋaak niib-i ŋmat kɔn nan leebi, bi ŋaak maŋ kan fit seti. 26Ki Sintaanii-i ŋmat kɔn nan u mɔŋi, u kan fit seti, u joontu terike na.
Yisa nba fit ki biir Sintaanii paŋ biaŋinba
27“Sɔɔ kan fit kɔɔ paŋ daanɔ ŋaak ni ki saa jan u mɔkinti, see ki u dɔŋ ki lorɔ ŋaan yen ji fit biir u ŋaak maŋ.”
28Ki Yisa ŋamm yetib a “Barmɔniie ki n beeri na, Yennu sa nyik chab nifosaarii bi biit nan bi barbiit kura; 29ŋaan wunba kur piak barbiit ki teen Yennu Seyeeŋ, Yennu kan mi ki nyik chab li daanɔ faba nan yoo nba kaa gbennu.” 30Linba din te ki Yisa din pak nna maŋ tee nnae, kimaan ba din yet a “Narinbiiuk be u yur ni na.”
Yisa naa nan u waarii labaar
(Matiu 12.46-50; Luk 8.19-21)
31Li yoo na ki Yisa naa nan u waarii din baar ki see nanyer po, ŋaan tun sɔɔ a wun yiinɔ na. 32Ki niburchiauŋ din kar ki lintɔwa, ki u be sinsuuk ni; ki bi yetɔ a “A naa nan a waarii nan a niipoob be nanyer po ki loona.”
33Ki u boib a “Ŋmee daa tee n naa, ki lamme mun tee n waarii?” 34ŋaan got binba kar u boor ni na ki yet a, “N naa nan n waariie be nna na. 35Wunba kur tuun Yennu loomm, ŋɔɔe tee n waarɔ nan n niipoo nan n naa.”
Currently Selected:
Mak 3: BIM
Highlight
Share
Copy
Want to have your highlights saved across all your devices? Sign up or sign in
Mak 3
3
Nuukpeenn daanɔ paaku po
(Matiu 12.9-14; Luk 6.6-11)
1Ŋanne ki Yisa din bia kɔɔ Yenjiantu diiuk ni, ki jasɔɔ din be leŋ ki u nuu kpo. 2Ki nisiab din be leŋ ki gorii Yisa, a bin laan u sa te ki nuukpeenn daanɔ maŋ-n paak foon daarii, ki bin biirɔ. 3Ŋanne ki Yisa yiin nuukpeenn daanɔ na a “Baat nna,” 4ŋaan boi niib na a “Ti sennu chab a tii sommit niib foon daar amii ti biiribi? Ti fat niib ki lu amii ti kpibi?”
Ŋaan ki bi ji din ŋmina. 5Ki u got ki lintib nan wutoor, kimaan u par din biir bonchiann bi ninkoonii na paak; ki u ŋmant ki bet jɔɔ maŋ a “Tantir a nuu maŋ.” Ki u tant u nuu maŋ ki li la laafia. 6Li yoo na ki Farisiinba din ŋmat nyii, ki ŋamm nan Bat Herod poorpojɔɔmu din lor soor nan leeb ba sa teen biaŋinba ki kpi Yisa.
Niib bonchiann nba din waa Yisa poor biaŋinba
7Ki Yisa nan u poorpoweiteeb din fiir ki sik mɔkgbeŋŋir na kpiŋ, ki niburchiauŋ din waa u poor po, binba din nyii Galilee nan Judea 8nan Jerusalem nan Idumea nan Jɔɔdann mɔk-pootir, nan Taya nan Saidon tingbouŋ ni, ki bi yab bonchiann ki tikir u boor; ba din gbat nan u tuun toongbeŋŋa na paak, ki bi din baar u boor ni mɔkgbeŋŋir na kpiŋ. 9Ki u bet u poorpoweiteeb a bin la burgbetir turɔ a wun kɔɔ ki kar ki wann niib maŋ Yennu maan, a ki nibur na tan daa tutɔ, 10kimaan wa din te ki baatib bonchiann paak na paake din te ki binba kur yiar ji din nakii a bin siiu. 11Narinbiit nba din tuu lau yoonba kura din tuu baa u tɔɔnne ki faa wuyikiŋ ki yeen a “Fine tee Yennu Bija.”
12Ki u din kpaamm nan nunmɔnn a bi daa mɔɔntirɔ nan niibi.
Yisa nba din gann u toomiinba piik nan bannlee biaŋinba
(Matiu 10.1-4; Luk 6.12-16)
13Li poor po ki Yisa doo jɔɔr paak ŋaan yiin binba ki u loon bin baar na, ki bi baar u boor ni. 14Ki u gann niib piik nan bannlee, ki yib toomiinba, a bii be u boor ni, a wuu tuumm ki bii mɔɔntir u barŋanii, 15kii bia kii mɔk yikoo kii nyint narinbiit niib ni.
16Wa din gann niib nba piik nan bannlee na, bi sanae na: Simon, wunba ki Yisa din purɔ Piita na; 17Jems nan u naa bik Jɔɔnn binba din tee Sebedee waas na, binba ki Yisa din purib Boanejes, ki li paak tee satianii waas; 18nan Andru nan Filip, nan Batolomiu, nan Matiu, nan Tomas, nan Jems wunba din tee Alfeus bik, nan Tadeus, nan Simon wunba din loon ŋamm Juu teeb-ii yen bi mɔŋ, 19nan Judas wunba din tan nyii Yisa poor na.
Narinbiit bat Beelsebul labaar
(Matiu 12.22-32; Luk 11.14-23; 12.10)
20Li poor po ki Yisa kun; ki niburchiauŋ din tikir ŋɔɔ nan u poorpoweiteeb boor ni, ki bi tan kɔŋ yaak nan jeet dinu. 21U ŋaateeb nba din gbat nna, ki bi baar a bin soorɔ, kimaan niib din yeen a u waate.
22Ki Yennu sennu wanntesiab nba din nyii Jerusalem na mun din yet a “Narinbiit bat Beelsebul nae be u yur ni, ki u nyint narinbiit niib ni ŋɔɔ Beelsebul yikoo ni.”
23Ki Yisa din yiin wannteeb maŋ a bii baat na, ŋaan yimm barjokit ki boib a “Sintaanii sa sak nyinn u mɔŋii? 24Naan niib-i ŋmat ki kɔn tookit bi leebi, bi naan maŋ kan fit seti. 25Ki ŋaak niib-i ŋmat kɔn nan leebi, bi ŋaak maŋ kan fit seti. 26Ki Sintaanii-i ŋmat kɔn nan u mɔŋi, u kan fit seti, u joontu terike na.
Yisa nba fit ki biir Sintaanii paŋ biaŋinba
27“Sɔɔ kan fit kɔɔ paŋ daanɔ ŋaak ni ki saa jan u mɔkinti, see ki u dɔŋ ki lorɔ ŋaan yen ji fit biir u ŋaak maŋ.”
28Ki Yisa ŋamm yetib a “Barmɔniie ki n beeri na, Yennu sa nyik chab nifosaarii bi biit nan bi barbiit kura; 29ŋaan wunba kur piak barbiit ki teen Yennu Seyeeŋ, Yennu kan mi ki nyik chab li daanɔ faba nan yoo nba kaa gbennu.” 30Linba din te ki Yisa din pak nna maŋ tee nnae, kimaan ba din yet a “Narinbiiuk be u yur ni na.”
Yisa naa nan u waarii labaar
(Matiu 12.46-50; Luk 8.19-21)
31Li yoo na ki Yisa naa nan u waarii din baar ki see nanyer po, ŋaan tun sɔɔ a wun yiinɔ na. 32Ki niburchiauŋ din kar ki lintɔwa, ki u be sinsuuk ni; ki bi yetɔ a “A naa nan a waarii nan a niipoob be nanyer po ki loona.”
33Ki u boib a “Ŋmee daa tee n naa, ki lamme mun tee n waarii?” 34ŋaan got binba kar u boor ni na ki yet a, “N naa nan n waariie be nna na. 35Wunba kur tuun Yennu loomm, ŋɔɔe tee n waarɔ nan n niipoo nan n naa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in