Yoh 4
4
Yesus ban mininga Samaria
1Ayëm Yesus angayëm na bëfarisea bëyëm ya na Yesus adudu abui bëyègè, aduu fë bod alodo Yohannes 2-hë da Yesus emen angabë ki aduu, bëyègè boe mbò bëngabë bëduu- 3ndò akodo a Yudea, adugan kë a Galilea. 4Angabë enòdi na akii a Samaria#4,4Eyòṅ watye a Samaria na wakë a Yerusalem, zen enë tsigibi eyòṅ walod a Samaria, tò anë mbol abui Yuden bësaala nnam te.. 5Ndò azu kui a tisòn Samaria dzoe na Sikar, babi ai e si Yakob angavë mòn woe Yosèf. 6Etam Yakob engabë etere. Mbol Yesus angabë ntëgan ai dulu, ndò atòbò a nkom etam. Dzam bò a awola samëna. 7Ndò mininga ziṅ ya Samaria asò hm na azu lè mëndim. Yesus nyè ai nyè na: Vaa ma dzom ya anyu. 8Anë hm ha na, bëyègè boe bëngakë a tisòn na bakë kus dzom ya adi. 9Ndò mininga Samaritan adzo ai nyè na: Dze enë dzam bò na, wa, man Yuden, ongasili ma, ya mënë mininga Samaritan, e dzom ya anyu? (Amu Yuden bakalan ki dzom ziṅ ai bësamaritan). 10Yesus nyè ai nyè na: Ngë oyëmë efaè Zamba, ai e mod adzo ai wa na: Vaa ma e dzom ya anyu, ngë wa odzaa nyè ana, avëë fë wa mëndim më enyiṅ. 11Mininga nyè ai nyè na: A Nti, wabëlë ki tò nlonga, ndò fë etam enë edòg. Eyë wayi sò ai mëndim më enyiṅ ve? 12Dze, yë walod tara waan Yakòb ya angavë bia etam, emen anyuu fë mëndim ya ete, ai bòn boe, ai biyëm bie? 13Yesus nyè ai nyè na: E mod osë anyu e mëndim ma, ayi dugan wog ekode. 14E mod ki ayi nyu e mëndim ya mamen mayi nyè vë, ayi ki bad wog ekode tò eyòṅ, dzam da, e mëndim mayi nyè vë mayi vëṅan etam e mëndim masoe asu enyiṅ kòm. 15Mininga nyè ai nyè na: A Nti, vaa ma mëndim mëte, asu yë na të mabad wog ekode ngë asò lè mëndim. 16Nyè ai nyè na: Këlë ma loe nyò nnom, odugan zu va. 17Mininga nyè na: masëki ai nnom. Yesus nyè ai nyè na: Okòbò fò mbëṅ, wa na: mabëlë ki nnom. 18Amu obi ya fam etan, ndò e nyò obëlë etoa dzi asëki wa nnom. Okòbò fò e dili bëbëla. 19Mininga nyè ai nyè na: A Nti, mayen na onë profèt. 20Bëtara bëkadëga kogëlan a nkol hi#4,20: Nkol mininga adzo ai wa onë dzoe na Gerizim. Wasëki oyab ai etam Yakob, e hom Yesus alèègè ai mininga. A nkol te ngò Samaritan bëluugu Zamba., ndò mina miadzo na, e hom bayean kogëlan onë a Yerusalem. 21Yesus nyè ai nyè na: Yëbëgë e dzam makad wa, a mininga, na awola lazu, a miayi ki kogëlan ai Tara tò a nkol hi, tò a Yerusalem. 22Mina mialugu e dzi miayëm ki. Bia, bialugu e dzi biayëm, amu akode lasò a Yuden. 23Amu awola lazu, ndò ben hm di, a e bod balugu mfaṅ mfaṅ bayi kogëlan ai Zamba a nsisim ai a sosoo. Amu, akyaè bod bakogëlan ai nyè nala, mbò Tara adzëṅ. 24Zamba anë nsisim, ndò e ba bakogëlan ai nyè, bayean kogëlan a nsisim ai a bëbëla. 25Mininga nyè ai nyè na: Mayëm na Messias azu#4,25Samaritan bò fë bayanga Messias., a baloe na Kristus. Eyòṅ ayi sò, ayi bia timi mësë. 26Yesus nyè ai nyè na: E ma makòbò ai wa nyò, ma mënë nyè. 27Abog te, ndò bëyègè boe bazu, bëngakam dò na angabë alèègè ai mininga. Dzam da, tègè ai e mod adzo na: Dze wadzëṅ, ngë ki na: dze walèè ai nyè? 28Ndò mininga alig emvaṅ dzie, akëlë a tisòn, nyè ai bod na: 29Zaan yen mod ya akuli ma e mam mësë mëngabò ya; Yë ṅnyè anë Kristus ana? 30Ndò bakodo a tisòn, bëngakë abë nyè. 31A zaṅ ha, bëyègè bò ai nyè na: A Rabbi, dzaag. 32Nyè ai bò na: Ma mëbëlë bidi ya adi, a miayëm ki. 33Bëyègè bëngadzo a zaṅ bò a bò na: Yë mod ziṅ asò ai nyè e dzom ya adi ana nga? 34Yesus nyè ai bò na: Bidi biama binë na, mëbò ṅyian e nyò angalom ma, mëdzala fë esye dzie. 35Së mina bëben miakad dzo na: Ngòn eligi ya enyii osusua mëkoe a? Bëbëgan, makad mina na: Saman mis a yob, miyen anë mëfub mëngafum ya asu mëkoe. 36Nkoe-bidi ambëlë ya maan moe, ndò akoan bibuma asu enyiṅ kòm, asu yë na nkoe-bidi ai e mod abè bëtag a enyiṅ kòm. 37Amu ebug dzi yatoban bëbëla na: E mod amiè mvòṅ anë etam, e nyò akoe atoa etam. 38Mëngalom mina na mikë koe e dzi miandzëki wu ndzug ai dzò. Bod bëfë bëngawu ndzug, ndò miazu nyian a ndzug waban. 39Abui bësamaritan ya tisòn te bëngayëbë nyè ai mbol mininga angamëm na: Akad ma e dzi esë mëngabò ya. 40Eyòṅ hm bësamaritan bëngazu abë nyè, ndò bakogëlan ai nyè na atòbò abë bò. Ndò angatòbò hala mëlu mëbè. 41Ndò abui bod bëngayëbë asu ebug dzie, 42bò ai mininga na: biayëbë ki fë asu nkòbò woe, bia bëben biwog ya, ndò biayëm na ṅnyè anë nkode si mfaṅ.
Yesus abò mòn ndzoe ziṅ mvoè
Mt 8,5-13; Lk 7,1-10
43A mvus e mëlu mëbè ma, ndò akodo hala, akëlë a Galilea. 44Amu Yesus emen angakòbò na: profèt abëlë ki olugu a ayòṅ die. 45Eyòṅ hm angasuan a Galilea, bëngasoan ai nyè, ai ṅyenan bëngayen e mam mësë angabò a Yerusalem a abog, amu bò fë bëngabë a abog te. 46Ndò adugan kë a Kana ya Galilea, e hom angavëṅan mëndim mëntoa wayn. Mòn angabë akònò ndzoe ziṅ ya esamba nkukuma a Kafarnao. 47Eyòṅ angawog na Yesus asò a Yudea na akë a Galilea, ndò akë abë nyè, asili nyè na asigi nyè kë sye mòn, amu angabë awu ai enyiṅ ntye mbòg. 48Yesus nyè ai nyè na: Ngë miandzë yen ndëm ai biyëṅ bi mam, mina tègè yëbë. 49Ndzoe nyò, nyè ai nyè na: A Nti, siigi, osusua yë na mòn awu ma. 50Yesus nyè ai nyè na, këlëg, nyò mòn avëë. E mod nyò ayëbë ebug Yesus angakad nyè, ṅnyè akë nyò. 51Hala angënë asiigi, ndò bod bisye boe bazu toban ai nyè a zen, bò ai nyè na: Nyò mòn avëë. 52Ndò asili bò awola angawodan evovoe. Bò ai nyè na: Ongoge, a awola zamgbala, ndò fiba angaman nyè a nyòl. 53Esya ayëmë fò na a awola te ndò Yesus angadzo ai nyè na: Nyò mòn avëë. Ndò angayëbë, ai nyè, ai nda-bod dzie esë. 54E ndëm bèè nyi Yesus angabò eyòṅ angakë a Galilea, asòòg a Yudea.
Currently Selected:
Yoh 4: NTE12
Highlight
Share
Copy
Want to have your highlights saved across all your devices? Sign up or sign in
MKPAMAṄ AMVOE Nouveau Testament en langue Ewondo © Bible Society of Cameroon, 2012.
Yoh 4
4
Yesus ban mininga Samaria
1Ayëm Yesus angayëm na bëfarisea bëyëm ya na Yesus adudu abui bëyègè, aduu fë bod alodo Yohannes 2-hë da Yesus emen angabë ki aduu, bëyègè boe mbò bëngabë bëduu- 3ndò akodo a Yudea, adugan kë a Galilea. 4Angabë enòdi na akii a Samaria#4,4Eyòṅ watye a Samaria na wakë a Yerusalem, zen enë tsigibi eyòṅ walod a Samaria, tò anë mbol abui Yuden bësaala nnam te.. 5Ndò azu kui a tisòn Samaria dzoe na Sikar, babi ai e si Yakob angavë mòn woe Yosèf. 6Etam Yakob engabë etere. Mbol Yesus angabë ntëgan ai dulu, ndò atòbò a nkom etam. Dzam bò a awola samëna. 7Ndò mininga ziṅ ya Samaria asò hm na azu lè mëndim. Yesus nyè ai nyè na: Vaa ma dzom ya anyu. 8Anë hm ha na, bëyègè boe bëngakë a tisòn na bakë kus dzom ya adi. 9Ndò mininga Samaritan adzo ai nyè na: Dze enë dzam bò na, wa, man Yuden, ongasili ma, ya mënë mininga Samaritan, e dzom ya anyu? (Amu Yuden bakalan ki dzom ziṅ ai bësamaritan). 10Yesus nyè ai nyè na: Ngë oyëmë efaè Zamba, ai e mod adzo ai wa na: Vaa ma e dzom ya anyu, ngë wa odzaa nyè ana, avëë fë wa mëndim më enyiṅ. 11Mininga nyè ai nyè na: A Nti, wabëlë ki tò nlonga, ndò fë etam enë edòg. Eyë wayi sò ai mëndim më enyiṅ ve? 12Dze, yë walod tara waan Yakòb ya angavë bia etam, emen anyuu fë mëndim ya ete, ai bòn boe, ai biyëm bie? 13Yesus nyè ai nyè na: E mod osë anyu e mëndim ma, ayi dugan wog ekode. 14E mod ki ayi nyu e mëndim ya mamen mayi nyè vë, ayi ki bad wog ekode tò eyòṅ, dzam da, e mëndim mayi nyè vë mayi vëṅan etam e mëndim masoe asu enyiṅ kòm. 15Mininga nyè ai nyè na: A Nti, vaa ma mëndim mëte, asu yë na të mabad wog ekode ngë asò lè mëndim. 16Nyè ai nyè na: Këlë ma loe nyò nnom, odugan zu va. 17Mininga nyè na: masëki ai nnom. Yesus nyè ai nyè na: Okòbò fò mbëṅ, wa na: mabëlë ki nnom. 18Amu obi ya fam etan, ndò e nyò obëlë etoa dzi asëki wa nnom. Okòbò fò e dili bëbëla. 19Mininga nyè ai nyè na: A Nti, mayen na onë profèt. 20Bëtara bëkadëga kogëlan a nkol hi#4,20: Nkol mininga adzo ai wa onë dzoe na Gerizim. Wasëki oyab ai etam Yakob, e hom Yesus alèègè ai mininga. A nkol te ngò Samaritan bëluugu Zamba., ndò mina miadzo na, e hom bayean kogëlan onë a Yerusalem. 21Yesus nyè ai nyè na: Yëbëgë e dzam makad wa, a mininga, na awola lazu, a miayi ki kogëlan ai Tara tò a nkol hi, tò a Yerusalem. 22Mina mialugu e dzi miayëm ki. Bia, bialugu e dzi biayëm, amu akode lasò a Yuden. 23Amu awola lazu, ndò ben hm di, a e bod balugu mfaṅ mfaṅ bayi kogëlan ai Zamba a nsisim ai a sosoo. Amu, akyaè bod bakogëlan ai nyè nala, mbò Tara adzëṅ. 24Zamba anë nsisim, ndò e ba bakogëlan ai nyè, bayean kogëlan a nsisim ai a bëbëla. 25Mininga nyè ai nyè na: Mayëm na Messias azu#4,25Samaritan bò fë bayanga Messias., a baloe na Kristus. Eyòṅ ayi sò, ayi bia timi mësë. 26Yesus nyè ai nyè na: E ma makòbò ai wa nyò, ma mënë nyè. 27Abog te, ndò bëyègè boe bazu, bëngakam dò na angabë alèègè ai mininga. Dzam da, tègè ai e mod adzo na: Dze wadzëṅ, ngë ki na: dze walèè ai nyè? 28Ndò mininga alig emvaṅ dzie, akëlë a tisòn, nyè ai bod na: 29Zaan yen mod ya akuli ma e mam mësë mëngabò ya; Yë ṅnyè anë Kristus ana? 30Ndò bakodo a tisòn, bëngakë abë nyè. 31A zaṅ ha, bëyègè bò ai nyè na: A Rabbi, dzaag. 32Nyè ai bò na: Ma mëbëlë bidi ya adi, a miayëm ki. 33Bëyègè bëngadzo a zaṅ bò a bò na: Yë mod ziṅ asò ai nyè e dzom ya adi ana nga? 34Yesus nyè ai bò na: Bidi biama binë na, mëbò ṅyian e nyò angalom ma, mëdzala fë esye dzie. 35Së mina bëben miakad dzo na: Ngòn eligi ya enyii osusua mëkoe a? Bëbëgan, makad mina na: Saman mis a yob, miyen anë mëfub mëngafum ya asu mëkoe. 36Nkoe-bidi ambëlë ya maan moe, ndò akoan bibuma asu enyiṅ kòm, asu yë na nkoe-bidi ai e mod abè bëtag a enyiṅ kòm. 37Amu ebug dzi yatoban bëbëla na: E mod amiè mvòṅ anë etam, e nyò akoe atoa etam. 38Mëngalom mina na mikë koe e dzi miandzëki wu ndzug ai dzò. Bod bëfë bëngawu ndzug, ndò miazu nyian a ndzug waban. 39Abui bësamaritan ya tisòn te bëngayëbë nyè ai mbol mininga angamëm na: Akad ma e dzi esë mëngabò ya. 40Eyòṅ hm bësamaritan bëngazu abë nyè, ndò bakogëlan ai nyè na atòbò abë bò. Ndò angatòbò hala mëlu mëbè. 41Ndò abui bod bëngayëbë asu ebug dzie, 42bò ai mininga na: biayëbë ki fë asu nkòbò woe, bia bëben biwog ya, ndò biayëm na ṅnyè anë nkode si mfaṅ.
Yesus abò mòn ndzoe ziṅ mvoè
Mt 8,5-13; Lk 7,1-10
43A mvus e mëlu mëbè ma, ndò akodo hala, akëlë a Galilea. 44Amu Yesus emen angakòbò na: profèt abëlë ki olugu a ayòṅ die. 45Eyòṅ hm angasuan a Galilea, bëngasoan ai nyè, ai ṅyenan bëngayen e mam mësë angabò a Yerusalem a abog, amu bò fë bëngabë a abog te. 46Ndò adugan kë a Kana ya Galilea, e hom angavëṅan mëndim mëntoa wayn. Mòn angabë akònò ndzoe ziṅ ya esamba nkukuma a Kafarnao. 47Eyòṅ angawog na Yesus asò a Yudea na akë a Galilea, ndò akë abë nyè, asili nyè na asigi nyè kë sye mòn, amu angabë awu ai enyiṅ ntye mbòg. 48Yesus nyè ai nyè na: Ngë miandzë yen ndëm ai biyëṅ bi mam, mina tègè yëbë. 49Ndzoe nyò, nyè ai nyè na: A Nti, siigi, osusua yë na mòn awu ma. 50Yesus nyè ai nyè na, këlëg, nyò mòn avëë. E mod nyò ayëbë ebug Yesus angakad nyè, ṅnyè akë nyò. 51Hala angënë asiigi, ndò bod bisye boe bazu toban ai nyè a zen, bò ai nyè na: Nyò mòn avëë. 52Ndò asili bò awola angawodan evovoe. Bò ai nyè na: Ongoge, a awola zamgbala, ndò fiba angaman nyè a nyòl. 53Esya ayëmë fò na a awola te ndò Yesus angadzo ai nyè na: Nyò mòn avëë. Ndò angayëbë, ai nyè, ai nda-bod dzie esë. 54E ndëm bèè nyi Yesus angabò eyòṅ angakë a Galilea, asòòg a Yudea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
MKPAMAṄ AMVOE Nouveau Testament en langue Ewondo © Bible Society of Cameroon, 2012.