Mt 13
13
Nkana mbè mvòṅ
Mk 4,1-9; Lk 8,4-8
1Amos te, ndò Yesus angakodo a nda, akë tòbò a ntsag maṅ#13,1-53 Yesus aku bod minkana ebul, mityan ai edzoe ya yob.. 2Minkunda abui mihama abë nyè, e ndie yë na akë tòbò a mal, minkunda mitoa a kindig. 3Ndò angalèè bò abui mam a minkana, nyè na: Nsye mëfub angakui na akë amias mvòṅ. 4A angabë amiasa ha, fes ekuu a mgbag zen, anòn asòò, amana di. 5Fes fë ekuu a si mëkòg, tègè ai abui si ete, evolo a hm fò fèè, amu tègè ai edòg si. 6Nlo-dzobo afyè, ndò yamana dig, emana kot, amu tègè ai minkaṅ. 7Fes fë ekuu a biyòṅ, ndò biyò bingafaè, biwoe dzò. 8E nyi fòg ekuu a mbëmbë si, ewumu bibuma, e nyi ntèd, e nyi mëwom mësaman, e nyi fòg mëwom mëlè. 9E mod abëlë mëlò, awogo!
Asu dze Yesus aku bod minkana?
Mk 4,10-12; Lk 8,9. 10,23
10Ndò bëyègè bëngasubu babi, bò ai nyè na: A dze wakòbò ai bò a minkana? 11Ndò angafèd, nyè na: Amu mingavëëban ndimba mam ya yob. E bali, bandzëki dzò vëëban. 12Amu bayi vë e mod ambëlë ya, ambëlë abui. E mod abëlë ki, bayi nyè fadi tò e man abim abëlë. 13Asu te hm maku minkana eyòṅ makòbò ai bò; amu babëbë tègè yen, bëyaègi mëlò tègè wog, tègè soṅ. 14Ndò fë ebug profet Isaias yatoban abë bò na: Miayi wog ai mëlò, dzam da tègè soṅ, mibëbëgë ai mis, tègè yen. 15Amu ayòṅ di anë nnëm alèd, bëdibi mëlò, bëbudigi mis asu yë na bëza yen ai mis, ngë awog ai mëlò, ngë asoṅ a nnëm, asu yë na bëvëṅan, mëzu bò bò mvoè#13,15 Is 6,9.... 16Mfa waan, mis maan mënë mvòm amu mayen, mëlò maan mëwogo fë. 17Amu makad mina bëbëla na abui bëprofet ai bësosoo bë bod bëngayi du na bëyen e mam miayen ma, ndò bandzëki mò yen, ai na bëwog e mam miawog ma, tègè mò wog.
Yesus atimi nkana mbè mvòṅ
Mk 4,13-20; Lk 8,11-15
18Vogëlan hm mësuli më nkana e mod amias mvòṅ. 19E mod osë awog ebug ya edzoe, tègè dzò soṅ, mbë nsisim asò, amana tie e dzi ehë bë mmiasan a nnëm woe, e nyòlò te anë e fes ehë ku a mgbag ndzòṅ. 20E nyi yaku a si ngòg: E mod awog ebug, ayëbë fë dzò etye etye ai mintag, 21hë tègè ai minkaṅ, atoa mod ndon. Mindzug ngë efëma bingayi fë sòṅ etom ebug, ṅnyè aku mbëg nyò. 22E nyò a miasban a biyò: e nyòlò te awog ebug, hë da mëbobëla ya si ai mëdugan m'akuma biawoe ebug, entoa tègè wum bibuma. 23E nyò aku a mbëmbë si: nyè awog ebug, awogo dzò, angawum bibuma a taṅ ntèd, ngë mëwom mësaman, ngë mëwom melè.
Nkana mbë elòg nziziṅ ongabè a afub
24Ndò angaku bò nkana mfë na: Edzoe ya yob yafulan ai mod y'angabè mvòṅ a afub die. 25Bod bëtoa oyò, ndò nziziṅ woe ongasò, omana sòṅ bè mbë elòg a zaṅ mvòṅ, okë fë. 26Eyòṅ mvòṅ engatari na yanaṅ, ewumu fë, ndò mbë elòg ny'angakui fë. 27Bod bisye bëkë hm kad mod-afub, bò na: A Nti, waandzë bè mbëmbë mvòṅ a afub doe a? Eyë mbë mvòṅ akuli ve? 28Nyè ai bò na: Nziziṅ wama ngò obò nala. Bod bisye bò ai nyè na: Yë wayi na bimana dzò kë tie? 29Nyè na: Kokoa, miza tie mbëmbë mvòṅ mbamëna ai mbë elòg. 30Dzogan, bisë binaṅ, akëlë kui a abog mëkoe, eyòṅ te mayi kad bëkoe a abog mëkoe na: Tarigan koan mbë elog, mimana dzò wogo bibag asu yë na bëdigi dzò a ndoan; mikoan mbëmbë mvòṅ a angunda dama.
Nkana fes ndoṅ ai osësaṅ mbaṅëla
Mk 4,30-32; Lk 13,20
31Ndò angaku bò nkana mfë, nyè na: Edzoe ya yob yafulan ai fes ndoṅ ya mod anòṅ, abèè a afub die. 32Yalod fes esë ya si a abòd, dzam da, eyòṅ enen ya, engalod bibëbëga, entoa ele, e kan yë na anòn ya yob angazu tòbò a mintëm mie#13,32 Da 4,8..18; Ez 17,23. 33Ndò angaku bò nkana mfë: Edzoe ya yob yafulan ai osësaṅ mbaṅëla ya mininga anòṅ, abaman ai mëbom më ovug mëlè akëlë kui anë ovug osë wamana vus.
Yesus abëlan ai minkana
Mk 4,33
34Yesus angabë akòbògò ai minkunda e mam mësë ma h'a minkana; tègè kòbò ai bò së na aku nkana 35asu yë na ebug profet dzi etoban: Mayi yaè anyu dama a minkana. Mayi kulan ndimba mam akaègi a akomo-lë yob ai si#13,35 Bs 78,2.
Yesus atimi nkana mbë elòg
36Ndò angakëan ai bod, akëlë a nda. Ndò bëyègè boe bëngasubu nyè babi, bò na: Timiṅi bia nkana mbë elòg a afub. 37Nyè na: E mod abè mbëmbë mvòṅ anë Mòn mod. 38Afub anë si ndon; mbëmbë mvòṅ anë bòn bë edzoe. Mbë elòg anë bòn bë mbë nsisim. 39Nziziṅ wabè wò onë nsisim mëtom. Mëkoe mënë amana si. Bëkoe bënë benglès. 40Akyaè ya bakoan mbë elòg, bëwoa a ndoan, nala ngò fë wayi bò a mëmana më si. 41Mòn Mod ayi lom benglès boe, abog te bayi koan e dzom esë enë nkòt a ayòṅ die, ai e ba bësë bafug ezëṅ. 42Abog te bayi bò woa a ebe ndoan. Awe, hë miṅyon ai Nladan mëkëg. 43Eyòṅ te bësosoo bayi fyè anë nlo-dzobo a edzoe esya waban. E mod abëlë mëlò, awogo!
Minkana milè
44Edzoe ya yob enë anë etòg akuma ya esòlò a za afub. Mod asòmò dzò, adugan dzò sòli, ṅnyè akë nyò ai mintag misë, amana kë kuan ai e dzi esë abëlë, akusu afub te. 45Ndò fë edzoe ya yob yafulan ai nkus byem ya adzëṅ mimbëmbë minsanga. 46Akë yen nsanga onë nkus a yob abui, akë kuan ai e dzom esë abëlë, akusu wò. 47Edzoe ya yob yafulan fë ai mvunda ya bawoa a maṅ, engabi kòs mëkyaè mësë. 48Eyòṅ edzie ya, bëdudu a kindig, bëtòbò a si, bëngafial, nyi enë mbëṅ bëfudigi a minkun, e nyi enë abe, bëwoaga a fiè. 49Nala ngò wayi yenan a mëmana më si. Benglès bayi kui bëngafial bëbe ai bësosoo, 50bëngawoa bò a ebe ndoan. Awe, hë miṅyon ai Nladan mëkëg. 51Yë miatoan wog mam mëte mësë? Bò na: Owe. 52Nyè ai bò na: Asu te, ntil bëkalara osë ya ayègè mam ya edzoe ya yob, afulan ai mod-dzal ya akuli bisë etòg dzie, tò mimkpamaṅ, tò minnomo#13,52 Mateus ayi na man Yuden osë anòṅ minnomo (nnomo amvoe), abaman nyè ai mkpamaṅ amvoe..
Batimi Yesus a Nazaret
Mk 6,1-6; Lk 4,16-30
53Eyòṅ Yesus angamana e minkana mi, ndò angakodo ete. 54Ndò angakë a dzal die, angayëgëlë bò a nda-bikoan dzaban, bëngakam, bò na: E fëg esë nyi ai biyëṅ bi mam bi biasò nyèṅ ve? 55Së mòn kabinda nyò a? Nyia asë dzoe na Maria, babënyaṅ boe Yakob ai Yosef ai Simun ai Yudas a? 56Bëkal boe bësë bësë ai bia a? E mam mësë ma masò nyè ve? 57Fëg engadzaṅ bò! Yesus nyè ai bò na: Profet anë fò tègè ai olugu hë a dzal die ai a nda dzie. 58Andzëki bò abui mësimba we, asu bisoo biaban.
Currently Selected:
Mt 13: NTE12
Highlight
Share
Copy
Want to have your highlights saved across all your devices? Sign up or sign in
MKPAMAṄ AMVOE Nouveau Testament en langue Ewondo © Bible Society of Cameroon, 2012.
Mt 13
13
Nkana mbè mvòṅ
Mk 4,1-9; Lk 8,4-8
1Amos te, ndò Yesus angakodo a nda, akë tòbò a ntsag maṅ#13,1-53 Yesus aku bod minkana ebul, mityan ai edzoe ya yob.. 2Minkunda abui mihama abë nyè, e ndie yë na akë tòbò a mal, minkunda mitoa a kindig. 3Ndò angalèè bò abui mam a minkana, nyè na: Nsye mëfub angakui na akë amias mvòṅ. 4A angabë amiasa ha, fes ekuu a mgbag zen, anòn asòò, amana di. 5Fes fë ekuu a si mëkòg, tègè ai abui si ete, evolo a hm fò fèè, amu tègè ai edòg si. 6Nlo-dzobo afyè, ndò yamana dig, emana kot, amu tègè ai minkaṅ. 7Fes fë ekuu a biyòṅ, ndò biyò bingafaè, biwoe dzò. 8E nyi fòg ekuu a mbëmbë si, ewumu bibuma, e nyi ntèd, e nyi mëwom mësaman, e nyi fòg mëwom mëlè. 9E mod abëlë mëlò, awogo!
Asu dze Yesus aku bod minkana?
Mk 4,10-12; Lk 8,9. 10,23
10Ndò bëyègè bëngasubu babi, bò ai nyè na: A dze wakòbò ai bò a minkana? 11Ndò angafèd, nyè na: Amu mingavëëban ndimba mam ya yob. E bali, bandzëki dzò vëëban. 12Amu bayi vë e mod ambëlë ya, ambëlë abui. E mod abëlë ki, bayi nyè fadi tò e man abim abëlë. 13Asu te hm maku minkana eyòṅ makòbò ai bò; amu babëbë tègè yen, bëyaègi mëlò tègè wog, tègè soṅ. 14Ndò fë ebug profet Isaias yatoban abë bò na: Miayi wog ai mëlò, dzam da tègè soṅ, mibëbëgë ai mis, tègè yen. 15Amu ayòṅ di anë nnëm alèd, bëdibi mëlò, bëbudigi mis asu yë na bëza yen ai mis, ngë awog ai mëlò, ngë asoṅ a nnëm, asu yë na bëvëṅan, mëzu bò bò mvoè#13,15 Is 6,9.... 16Mfa waan, mis maan mënë mvòm amu mayen, mëlò maan mëwogo fë. 17Amu makad mina bëbëla na abui bëprofet ai bësosoo bë bod bëngayi du na bëyen e mam miayen ma, ndò bandzëki mò yen, ai na bëwog e mam miawog ma, tègè mò wog.
Yesus atimi nkana mbè mvòṅ
Mk 4,13-20; Lk 8,11-15
18Vogëlan hm mësuli më nkana e mod amias mvòṅ. 19E mod osë awog ebug ya edzoe, tègè dzò soṅ, mbë nsisim asò, amana tie e dzi ehë bë mmiasan a nnëm woe, e nyòlò te anë e fes ehë ku a mgbag ndzòṅ. 20E nyi yaku a si ngòg: E mod awog ebug, ayëbë fë dzò etye etye ai mintag, 21hë tègè ai minkaṅ, atoa mod ndon. Mindzug ngë efëma bingayi fë sòṅ etom ebug, ṅnyè aku mbëg nyò. 22E nyò a miasban a biyò: e nyòlò te awog ebug, hë da mëbobëla ya si ai mëdugan m'akuma biawoe ebug, entoa tègè wum bibuma. 23E nyò aku a mbëmbë si: nyè awog ebug, awogo dzò, angawum bibuma a taṅ ntèd, ngë mëwom mësaman, ngë mëwom melè.
Nkana mbë elòg nziziṅ ongabè a afub
24Ndò angaku bò nkana mfë na: Edzoe ya yob yafulan ai mod y'angabè mvòṅ a afub die. 25Bod bëtoa oyò, ndò nziziṅ woe ongasò, omana sòṅ bè mbë elòg a zaṅ mvòṅ, okë fë. 26Eyòṅ mvòṅ engatari na yanaṅ, ewumu fë, ndò mbë elòg ny'angakui fë. 27Bod bisye bëkë hm kad mod-afub, bò na: A Nti, waandzë bè mbëmbë mvòṅ a afub doe a? Eyë mbë mvòṅ akuli ve? 28Nyè ai bò na: Nziziṅ wama ngò obò nala. Bod bisye bò ai nyè na: Yë wayi na bimana dzò kë tie? 29Nyè na: Kokoa, miza tie mbëmbë mvòṅ mbamëna ai mbë elòg. 30Dzogan, bisë binaṅ, akëlë kui a abog mëkoe, eyòṅ te mayi kad bëkoe a abog mëkoe na: Tarigan koan mbë elog, mimana dzò wogo bibag asu yë na bëdigi dzò a ndoan; mikoan mbëmbë mvòṅ a angunda dama.
Nkana fes ndoṅ ai osësaṅ mbaṅëla
Mk 4,30-32; Lk 13,20
31Ndò angaku bò nkana mfë, nyè na: Edzoe ya yob yafulan ai fes ndoṅ ya mod anòṅ, abèè a afub die. 32Yalod fes esë ya si a abòd, dzam da, eyòṅ enen ya, engalod bibëbëga, entoa ele, e kan yë na anòn ya yob angazu tòbò a mintëm mie#13,32 Da 4,8..18; Ez 17,23. 33Ndò angaku bò nkana mfë: Edzoe ya yob yafulan ai osësaṅ mbaṅëla ya mininga anòṅ, abaman ai mëbom më ovug mëlè akëlë kui anë ovug osë wamana vus.
Yesus abëlan ai minkana
Mk 4,33
34Yesus angabë akòbògò ai minkunda e mam mësë ma h'a minkana; tègè kòbò ai bò së na aku nkana 35asu yë na ebug profet dzi etoban: Mayi yaè anyu dama a minkana. Mayi kulan ndimba mam akaègi a akomo-lë yob ai si#13,35 Bs 78,2.
Yesus atimi nkana mbë elòg
36Ndò angakëan ai bod, akëlë a nda. Ndò bëyègè boe bëngasubu nyè babi, bò na: Timiṅi bia nkana mbë elòg a afub. 37Nyè na: E mod abè mbëmbë mvòṅ anë Mòn mod. 38Afub anë si ndon; mbëmbë mvòṅ anë bòn bë edzoe. Mbë elòg anë bòn bë mbë nsisim. 39Nziziṅ wabè wò onë nsisim mëtom. Mëkoe mënë amana si. Bëkoe bënë benglès. 40Akyaè ya bakoan mbë elòg, bëwoa a ndoan, nala ngò fë wayi bò a mëmana më si. 41Mòn Mod ayi lom benglès boe, abog te bayi koan e dzom esë enë nkòt a ayòṅ die, ai e ba bësë bafug ezëṅ. 42Abog te bayi bò woa a ebe ndoan. Awe, hë miṅyon ai Nladan mëkëg. 43Eyòṅ te bësosoo bayi fyè anë nlo-dzobo a edzoe esya waban. E mod abëlë mëlò, awogo!
Minkana milè
44Edzoe ya yob enë anë etòg akuma ya esòlò a za afub. Mod asòmò dzò, adugan dzò sòli, ṅnyè akë nyò ai mintag misë, amana kë kuan ai e dzi esë abëlë, akusu afub te. 45Ndò fë edzoe ya yob yafulan ai nkus byem ya adzëṅ mimbëmbë minsanga. 46Akë yen nsanga onë nkus a yob abui, akë kuan ai e dzom esë abëlë, akusu wò. 47Edzoe ya yob yafulan fë ai mvunda ya bawoa a maṅ, engabi kòs mëkyaè mësë. 48Eyòṅ edzie ya, bëdudu a kindig, bëtòbò a si, bëngafial, nyi enë mbëṅ bëfudigi a minkun, e nyi enë abe, bëwoaga a fiè. 49Nala ngò wayi yenan a mëmana më si. Benglès bayi kui bëngafial bëbe ai bësosoo, 50bëngawoa bò a ebe ndoan. Awe, hë miṅyon ai Nladan mëkëg. 51Yë miatoan wog mam mëte mësë? Bò na: Owe. 52Nyè ai bò na: Asu te, ntil bëkalara osë ya ayègè mam ya edzoe ya yob, afulan ai mod-dzal ya akuli bisë etòg dzie, tò mimkpamaṅ, tò minnomo#13,52 Mateus ayi na man Yuden osë anòṅ minnomo (nnomo amvoe), abaman nyè ai mkpamaṅ amvoe..
Batimi Yesus a Nazaret
Mk 6,1-6; Lk 4,16-30
53Eyòṅ Yesus angamana e minkana mi, ndò angakodo ete. 54Ndò angakë a dzal die, angayëgëlë bò a nda-bikoan dzaban, bëngakam, bò na: E fëg esë nyi ai biyëṅ bi mam bi biasò nyèṅ ve? 55Së mòn kabinda nyò a? Nyia asë dzoe na Maria, babënyaṅ boe Yakob ai Yosef ai Simun ai Yudas a? 56Bëkal boe bësë bësë ai bia a? E mam mësë ma masò nyè ve? 57Fëg engadzaṅ bò! Yesus nyè ai bò na: Profet anë fò tègè ai olugu hë a dzal die ai a nda dzie. 58Andzëki bò abui mësimba we, asu bisoo biaban.
Currently Selected:
:
Highlight
Share
Copy
Want to have your highlights saved across all your devices? Sign up or sign in
MKPAMAṄ AMVOE Nouveau Testament en langue Ewondo © Bible Society of Cameroon, 2012.