Pi zi tiki 16
16
Wii na wiini Ismayel
1Sarai munini Abram te wa ahi gaini kai, bagaiɗi ktai na Egipte par te na fu yikiɗi ɓa Hagar. 2Sarai te miɗini wiini Abram: Tala, EPIƊ-ƊAI a ɗalaŋa aŋ wii, nɵa ku hala siɗi bagaiŋa haw ablaŋtaŋkai n'aga ku nava ahi ktai ɗi ɗa. Abram a yima miɗi na wiiɗi Sarai ɗa. 3Buza doogo, asakal n'Abram a sumna aha war Kanaan, Sarai na munini te yimiti Hagar bagaiɗi n'Egipte par buri te sitini aŋ muni wiini Abram na mofaɗi. 4A fana gaiɗi Hagar, te tika fel, won hlai na te tala siɗi te na ziya, te tiliti emini gezaɗi arɗi maini wala kadai nɵa. 5Sarai te miɗini wiini Abram: Tirki n'e ɗa tirkiŋa paŋ na ɗa a pɵa muduku, mu sutuku bagaiŋa mu ta, hlai na te tala siɗi te na ziya ɗa, mu tala arɗi maini wala kadai nɵa, EPIƊ-ƊAI a ziti sariya n'arba gaiku ɗa. 6Abram a wiyiɗi seŋ wiiɗi Sarai: Tala, bagaiku t'aŋ war spakku, za n'a tala arku pɗem siɗi. Sarai te ziɗi gir viya, haa Hagar te pra edi. 7Ɵeŋ na wiini EPIƊ-ƊAI a niviti edi war basga ɵimani hlai zi liiwi yem n'a na ɵimaɗi futi na Sur sek ɗa. 8A muɗa: Hagar, bagaiɗi Sarai, ku halasi wata par ɗa? Ku hala fu wata sek ɗa? Te wiyini seŋ: Mu prasi edi na ɗa wuzaɗi Sarai n'emini-geza. 9Ɵeŋ na wiini EPIƊ-ƊAI a miɗiɗi: Waya aha siɗi emin-gezaku ɗa, hiniti te zuku wiiɗi. 10ɵeŋ na wiini EPIƊ-ƊAI a miɗiɗi: Aga mu bunda pinzibaku viya haa e siɗi aŋ pɵi kai. 11Ɵeŋ na wiini EPIƊ-ƊAI a miɗiɗi: Tala, ku ziya tiyana, aga ku wa ahi na wus, aga ku sini yikini ɓa: Ismayel, a dara a muɗa: Alaw a ɵina buri EPIƊ-ƊAI a tala girku ya. 12Ahi hanɗa aga a za maini ablehö na basga nɵa, aga a hitima gaiɗi paŋ, ɗai paŋ e hitimi gaini ni paŋ, aga a sumna edi kiini siɗi tawalakaini par.
13Te sini yiki wiini EPIƊ-ƊAI n'a muɗa gaiɗi ɓa: El-Roy a dara a muɗa: Mu sɗa Alaw n'a talaŋa tiɓ ɗi? 14Pini hanɗa e yiki kalaŋ hanɗa ɓa: Kalaŋ na Lahai-Roy, a dara a muɗa: Kalaŋ na wiini Alaw na karni n'a talaŋa. A na arbaɗi Kades gaiɗi Bered. 15Hagar te wiini ahi wiini Abram su, Abram a sini yiki ɓa Ismayel wiini ahi hanɗa. 16Abram a za buza doogo doogo mitwis, won hlai na Hagar te wiini Ismayel ɗa.
Currently Selected:
Pi zi tiki 16: MUSGUM
Highlight
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
Pi zi tiki 16
16
Wii na wiini Ismayel
1Sarai munini Abram te wa ahi gaini kai, bagaiɗi ktai na Egipte par te na fu yikiɗi ɓa Hagar. 2Sarai te miɗini wiini Abram: Tala, EPIƊ-ƊAI a ɗalaŋa aŋ wii, nɵa ku hala siɗi bagaiŋa haw ablaŋtaŋkai n'aga ku nava ahi ktai ɗi ɗa. Abram a yima miɗi na wiiɗi Sarai ɗa. 3Buza doogo, asakal n'Abram a sumna aha war Kanaan, Sarai na munini te yimiti Hagar bagaiɗi n'Egipte par buri te sitini aŋ muni wiini Abram na mofaɗi. 4A fana gaiɗi Hagar, te tika fel, won hlai na te tala siɗi te na ziya, te tiliti emini gezaɗi arɗi maini wala kadai nɵa. 5Sarai te miɗini wiini Abram: Tirki n'e ɗa tirkiŋa paŋ na ɗa a pɵa muduku, mu sutuku bagaiŋa mu ta, hlai na te tala siɗi te na ziya ɗa, mu tala arɗi maini wala kadai nɵa, EPIƊ-ƊAI a ziti sariya n'arba gaiku ɗa. 6Abram a wiyiɗi seŋ wiiɗi Sarai: Tala, bagaiku t'aŋ war spakku, za n'a tala arku pɗem siɗi. Sarai te ziɗi gir viya, haa Hagar te pra edi. 7Ɵeŋ na wiini EPIƊ-ƊAI a niviti edi war basga ɵimani hlai zi liiwi yem n'a na ɵimaɗi futi na Sur sek ɗa. 8A muɗa: Hagar, bagaiɗi Sarai, ku halasi wata par ɗa? Ku hala fu wata sek ɗa? Te wiyini seŋ: Mu prasi edi na ɗa wuzaɗi Sarai n'emini-geza. 9Ɵeŋ na wiini EPIƊ-ƊAI a miɗiɗi: Waya aha siɗi emin-gezaku ɗa, hiniti te zuku wiiɗi. 10ɵeŋ na wiini EPIƊ-ƊAI a miɗiɗi: Aga mu bunda pinzibaku viya haa e siɗi aŋ pɵi kai. 11Ɵeŋ na wiini EPIƊ-ƊAI a miɗiɗi: Tala, ku ziya tiyana, aga ku wa ahi na wus, aga ku sini yikini ɓa: Ismayel, a dara a muɗa: Alaw a ɵina buri EPIƊ-ƊAI a tala girku ya. 12Ahi hanɗa aga a za maini ablehö na basga nɵa, aga a hitima gaiɗi paŋ, ɗai paŋ e hitimi gaini ni paŋ, aga a sumna edi kiini siɗi tawalakaini par.
13Te sini yiki wiini EPIƊ-ƊAI n'a muɗa gaiɗi ɓa: El-Roy a dara a muɗa: Mu sɗa Alaw n'a talaŋa tiɓ ɗi? 14Pini hanɗa e yiki kalaŋ hanɗa ɓa: Kalaŋ na Lahai-Roy, a dara a muɗa: Kalaŋ na wiini Alaw na karni n'a talaŋa. A na arbaɗi Kades gaiɗi Bered. 15Hagar te wiini ahi wiini Abram su, Abram a sini yiki ɓa Ismayel wiini ahi hanɗa. 16Abram a za buza doogo doogo mitwis, won hlai na Hagar te wiini Ismayel ɗa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964