JOHN 3
3
1Farasih a simi, a min Nikodimu, Judah mi hotu pakhat a um. 2Cupa cu zanah Jesuh sinah a ra i “Rabbi, Pathian sinin a rami cawnpiaktu na si kha kan hngalh, na tuahmi hmelchunhnâk hna hi Pathian umpi lo ahcun ahohmanh nih an tuah kho lai lo,” tiah a ti. 3Jesuh nih, “Biataktein, biataktein kan chimh, hrinṭhân a si lomi cu, Pathian pennâk a hmu kho lai lo,” tiah a ti. 4Nikodimu nih, “Mi a tar hnu ah zeitindah hrin cu a si khawh lai? A nu pawchungah lut ṭhân in hrin cu a si kho lai maw?” tiah a ti. 5Jesuh nih, “Biataktein, biataktein kan chimh. Thlarau le ti ah hrin lomi cu Pathian pennâk ah a lut kho lai lo. 6Taksa in hrin cu taksa a si, Thlarau in hrin cu thlarau a si. 7Na hrinṭhân hrimhrim lai kan timi hi na khuaruah har hlah. 8Thli cu a duhnâk pauhah a hrâng, a thawng na theih, asinain khawzei in dah a rat i khawzei ah dah a kal lai na chim kho lo. Cubantuk cu Thlarau in hrin cu a si,” tiah a ti. 9Nikodimu nih, “Zeitindah cucu a si khawh lai?” tiah a ti. 10Jesuh nih, “Israel cawnpiaktu na si i cucu na hngal lo maw? 11Biataktein, biataktein kan chimh, kan hngalhmi kha kan chim i, kan hmuhmi kha kan hngalhter, cun kan hngalhtermi nan cohlang duh lo. 12Vawlei thil ka chimmi hmanh na zumh lo ahcun, vanlei thil kan chimh tikah zeitindah na zumh khawh kun lai? 13Vanah a um i van in a rungṭummi Mi Fapa dah ti lo, ahohmanh vanah an kai bal lo. 14Cun Moses nih ram car i rul a tar bantuk khan, Mi Fapa zong tar a si hrimhrim lai, 15Amah a zummi pauh cu lotlau loin zungzal nunnâk an ngei lai. 16Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai. 17Zeitintiah vawlei sualphawt awkah Pathian nih a Fapa vawleiah a thlah lo, vawlei hi Amah thawngin khamh a si khawh nâkhnga a thlahmi a si. 18Amah a zummi pauh cu sualphawt an si lo; asinain Amah zum lomi pauh cu atu ah sualphawt a si cang, zeicatiah Pathian Fapa ngeihchun a min kha a zumh lo caah. 19Hihi sualphawtnâk cu a si, vawlei ah ceunâk a ra i minung nih ceunâk nâkin muihnâk an duh deuh, zeicatiah Ṭhatlonâk an tuah caah a si. 20Zeitintiah ṭhattlonâk a tuahtu pauh nih ceunâk an huat. Ceunâk zongah an ra lo. Culoahcun a tuahmi a lang lai. 21Asinain thildik a tuahtu pauh cu ceunâk ah an ra tawn, an tuahmi kha Pathian thawngin an tuah tiah a langh khawh nâkhnga,” tiah a ti. 22Cuhnu ah Jesuh le a lamkaltu kha Judia ramah an kal, cuka ah an sinah a um peng i baptisma a pêk tawn hna. 23Johan zong nih titamnâk hmun a si caah Ainon, Salim khua pawngah baptisma a pêk hna. Cun an ra i baptisma a pêk hna. 24Zeitintiah cu cân ahcun Johan cu thongah an thla rih lo. 25Johan zultu hna le Judah mi hna cu ṭawlthiannâk kongah an i êl. 26Johan sinah an ra i, “Rabai, Jordan varal i nan sinah a ummi, a kong na hngalhtermi nih khan baptsima a pêk hna i ngaihmanh mi vialte Amah sinah an kal thluahmah ko,” tiah an ti. 27Johan nih, “Van lei in pêk an si lo ahcun, minung nih zeihmanh an cohlang kho lo, 28Krih ka si lo, a hmai i thlahmi ka si, tiah ka chimmi aka theihpitu cu nanmah hi nan si. 29Mo ngeitu cu a ṭhitmi va a si, asinain mo ngeitu hawi, a bia a rak ngai zungzal tu nih mo ngeitu aw a theih tikah â lawm tawn. Cucaah kei zong kâ lawmhnâk a tling cang. 30Anih cu a ṭhangcho lai, kei tu cu ka ṭumchuk lai. 31Cunglei in a rami cu mi vialte nâkin cungnung bik a si. Lei in a chuakmi cu leimi a si i lei thil kong a chim tawn. Van in a rami cu zeizong vialte cung i a ummi a si. 32A hmuh le a hngalhmi kha a hngalhter tawn, asinain ahohmanh nih a hngalhtermi an zum lo. 33A hngalhtermi bia a zumtu nih Pathian cu a dikmi a si, tiah a fehter. 34Zeitintiah Pathian thlahmi nih cun Pathian bia kha a chim tawn, zeitintiah Pathian nih tah ciammam in Thlarau a pe lo. 35Pa nih Fapa a dawt i a kut ah zeizong vialte a pêk cang. 36Fapa a zummi pauh nih zungzal nunnâk a ngeih cang, Fapa zumlomi pauh nih nunnâk an hmu lai lo, an cungah Pathian thinhunnâk tu a hmun.
Currently Selected:
JOHN 3: HAKABSI
Highlight
Share
Copy
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
JOHN 3
3
1Farasih a simi, a min Nikodimu, Judah mi hotu pakhat a um. 2Cupa cu zanah Jesuh sinah a ra i “Rabbi, Pathian sinin a rami cawnpiaktu na si kha kan hngalh, na tuahmi hmelchunhnâk hna hi Pathian umpi lo ahcun ahohmanh nih an tuah kho lai lo,” tiah a ti. 3Jesuh nih, “Biataktein, biataktein kan chimh, hrinṭhân a si lomi cu, Pathian pennâk a hmu kho lai lo,” tiah a ti. 4Nikodimu nih, “Mi a tar hnu ah zeitindah hrin cu a si khawh lai? A nu pawchungah lut ṭhân in hrin cu a si kho lai maw?” tiah a ti. 5Jesuh nih, “Biataktein, biataktein kan chimh. Thlarau le ti ah hrin lomi cu Pathian pennâk ah a lut kho lai lo. 6Taksa in hrin cu taksa a si, Thlarau in hrin cu thlarau a si. 7Na hrinṭhân hrimhrim lai kan timi hi na khuaruah har hlah. 8Thli cu a duhnâk pauhah a hrâng, a thawng na theih, asinain khawzei in dah a rat i khawzei ah dah a kal lai na chim kho lo. Cubantuk cu Thlarau in hrin cu a si,” tiah a ti. 9Nikodimu nih, “Zeitindah cucu a si khawh lai?” tiah a ti. 10Jesuh nih, “Israel cawnpiaktu na si i cucu na hngal lo maw? 11Biataktein, biataktein kan chimh, kan hngalhmi kha kan chim i, kan hmuhmi kha kan hngalhter, cun kan hngalhtermi nan cohlang duh lo. 12Vawlei thil ka chimmi hmanh na zumh lo ahcun, vanlei thil kan chimh tikah zeitindah na zumh khawh kun lai? 13Vanah a um i van in a rungṭummi Mi Fapa dah ti lo, ahohmanh vanah an kai bal lo. 14Cun Moses nih ram car i rul a tar bantuk khan, Mi Fapa zong tar a si hrimhrim lai, 15Amah a zummi pauh cu lotlau loin zungzal nunnâk an ngei lai. 16Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai. 17Zeitintiah vawlei sualphawt awkah Pathian nih a Fapa vawleiah a thlah lo, vawlei hi Amah thawngin khamh a si khawh nâkhnga a thlahmi a si. 18Amah a zummi pauh cu sualphawt an si lo; asinain Amah zum lomi pauh cu atu ah sualphawt a si cang, zeicatiah Pathian Fapa ngeihchun a min kha a zumh lo caah. 19Hihi sualphawtnâk cu a si, vawlei ah ceunâk a ra i minung nih ceunâk nâkin muihnâk an duh deuh, zeicatiah Ṭhatlonâk an tuah caah a si. 20Zeitintiah ṭhattlonâk a tuahtu pauh nih ceunâk an huat. Ceunâk zongah an ra lo. Culoahcun a tuahmi a lang lai. 21Asinain thildik a tuahtu pauh cu ceunâk ah an ra tawn, an tuahmi kha Pathian thawngin an tuah tiah a langh khawh nâkhnga,” tiah a ti. 22Cuhnu ah Jesuh le a lamkaltu kha Judia ramah an kal, cuka ah an sinah a um peng i baptisma a pêk tawn hna. 23Johan zong nih titamnâk hmun a si caah Ainon, Salim khua pawngah baptisma a pêk hna. Cun an ra i baptisma a pêk hna. 24Zeitintiah cu cân ahcun Johan cu thongah an thla rih lo. 25Johan zultu hna le Judah mi hna cu ṭawlthiannâk kongah an i êl. 26Johan sinah an ra i, “Rabai, Jordan varal i nan sinah a ummi, a kong na hngalhtermi nih khan baptsima a pêk hna i ngaihmanh mi vialte Amah sinah an kal thluahmah ko,” tiah an ti. 27Johan nih, “Van lei in pêk an si lo ahcun, minung nih zeihmanh an cohlang kho lo, 28Krih ka si lo, a hmai i thlahmi ka si, tiah ka chimmi aka theihpitu cu nanmah hi nan si. 29Mo ngeitu cu a ṭhitmi va a si, asinain mo ngeitu hawi, a bia a rak ngai zungzal tu nih mo ngeitu aw a theih tikah â lawm tawn. Cucaah kei zong kâ lawmhnâk a tling cang. 30Anih cu a ṭhangcho lai, kei tu cu ka ṭumchuk lai. 31Cunglei in a rami cu mi vialte nâkin cungnung bik a si. Lei in a chuakmi cu leimi a si i lei thil kong a chim tawn. Van in a rami cu zeizong vialte cung i a ummi a si. 32A hmuh le a hngalhmi kha a hngalhter tawn, asinain ahohmanh nih a hngalhtermi an zum lo. 33A hngalhtermi bia a zumtu nih Pathian cu a dikmi a si, tiah a fehter. 34Zeitintiah Pathian thlahmi nih cun Pathian bia kha a chim tawn, zeitintiah Pathian nih tah ciammam in Thlarau a pe lo. 35Pa nih Fapa a dawt i a kut ah zeizong vialte a pêk cang. 36Fapa a zummi pauh nih zungzal nunnâk a ngeih cang, Fapa zumlomi pauh nih nunnâk an hmu lai lo, an cungah Pathian thinhunnâk tu a hmun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.