LUKA 1
1
1Tling tein kan sinah a phânmi kong kha mi tampi nih ṭial an timh. 2A hramthawk in mit i a hmutu hna le bia in rian a ṭuntu hna nih an kan chanhmi kha, 3hmaizahmi, Theofilus, a hramthawk in ṭha tein ka dothlat hnuah ningcang tein na caah ṭial hi a a ṭha tiah ka ruah. 4Cucu na rak theih cangmi kha a dikmi a si tiah na hngalhfian khawh nâkhnga. 5Judia ram i Herod a bawi lio ah, Abijah phu chung i tlângbawi pakhat Zakaria timi a rak um. A nupi cu Elizabet a si i Âron tefa chin a si. 6An pahnih in Pathian hmaiah miding an si, Bawipa nawlpêk le a phunglam vialte sawi awk um loin an zulh. 7Asinain Elizabet a cin ruangah fa an ngei lo, an pahnih in an tar ngai ngai cang. 8Cuticun an phu chung i an tuah tawn bangin Pathian hmai i tlângbawi rian a ṭuan lio ah, 9Bawipa ṭempal chungah lut in rimhmui khanghthawinâk tuah awkah camcawh fung an zuh tawnmi cu amah cungah a tla. 10Cun rimhmui khanghthawi lio ah mizapi kha lengah thla an rak cam. 11Bawipa vancungmi a sinah, rimhmui khanghnâk biakṭheng orhlei kamah â lang. 12Zakaria nih a hmuh tikah a awlawk a chong i ṭihnâk nih a tlaih. 13Asinain vanmi nih, “Zakariah, ṭih hlah, zeitintiah na thlacamnâk kha theih a si, na nupi Elyzabet nih fa an hrinpiak lai i a min ah Johan na sak lai. 14Lunglawm tha nuam tein na um lai, a chuah tikah mitampi an i lawm lai. 15Zeitintiah Bawipa hmai ah mingan a si lai i mitsur hang le zu a ding hrimhrim lai lo. Anu paw chung hmanh in Thiang Thlarau in a khat lai. 16Israel fale tampi kha Bawipa an Pathian lei ah a merter hna lai. 17Cuticun, ‘pale hna lungthin an fale hna sin i merter awk le nawlngai lomi kha mifim bang i umter awkah, Bawipa ca i mi hna rak timlam dingah Elijah thlarau le thiltikhawhnâk he Bawipa hmaiah a kal hmasa lai,” tiah a ti. 18Zakariah nih vanmi sinah, “Cucu zeitindah ka hngalh lai? kei cu putar ka si, ka nupi zong a tar cang,” tiah a ti. 19Vanmi nih, “Keimah cu Gabriel, Pathian hmai i a dir tawnmi ka si, nangmah chawnh le, hi lawmhnâk thawngṭha chim awkah thlahmi ka si. 20Asinain ngaihmanh, “A cân te ah a tling laimi, ka chimmi bia na zumh lo caah, cu thil a tlin hlan pauh cu, holh kho loin dai tein na um lai,” tiah a ti. 21Cun zapi nih Zakariah kha an rak hngah, ṭempal chung i sau nawn a um caah an khuaruah a har. 22Asinain a rak chuah tikah, an sinah bia a chim kho lo, holh kho loin akut lawng a cawlcangh termi an hmuh tikah ṭempal chungah langhnâk a hmu tiah an hngalh cawlh. 23Cun hitihin a si, a rianṭuannâk ni tlam a tlin hnu ah a innah a tlung. 24Ni zeimawzat hnu ah a nupi Elizabet cu nau a pawi i thla nga chung â thup. 25Hibangin zapi sin i ka min chiatnâk lakpiak awkah Bawipa nih vêl a ka ngeih i aka zohkhenh,” tiah a ti. 26Cun thla ruk hnu ah Pathian nih vanmi Gabriel kha Galili ram i khua pakhat Nazaret an timi i 27ngaknu thiang pakhat sinah a thlah, cu ngaknu cu David tefa chin Josef nupi hammi a si. Ngaknu thiang min cu Mary a si. 28A rak luh tikah vanmi nih, “I lawm tuah, thluachuak nu, Bawipa na sinah a um; nu hna lakah mithluachuak na si,” tiah a ti. 29Asinain amah a hmuh tikah, a chimmi bia ruangah a awlawk a chong, zeibantuk biakchonhnâk dah a si hnga? tiah a ruat. 30Vanmi nih, “Mary, ṭihhlah, Pathian lung na ton. 31Ngaihmanh, nau na pawi lai i fapa na hrin lai, a min ah JESUH na sak lai. 32Mi ngan a si lai i Cungnung bik Fapa an ti lai; Bawipa Pathian nih apa David ṭhutdanh kha a pêk lai. 33Jakob tefa kha zungzal in a pen hna lai; A pennâk cu a dong ti lai lo,” tiah a ti. 34Mary nih vami sinah, “Cucu zeitindah a si khawh lai, pa ka hngalh ṭung lo?” tiah a ti. 35Vanmi nih a sinah, “Thiang thlarau na sinah a phân lai i Cungnung bik thiltikhawhnâk nih an khuh lai; cucaah a Thiangmi fa a chuak hngami cu Pathian Fapa, ti a si lai. 36Ngaihmanh, na rulchan, Elizabet zong atar hnu ah nau pa a pawi, a cing an timi kha, atu hi thlaruknâk a si cang. 37Zeitintiah Pathian caah a si kho lomi zeihmanh a um lo,” tiah a ti. 38Mary nih, “Ngaihmanh Bawipa salnu ka si, na bia bangin si ko seh,” tiah a ti. Cun vanmi nih a kaltâk. 39Cu cân ah Mary cu a tho i khulrang in tlang cung i Judia ram khua pakhat ah a kal; 40Zakariah innah lutin Elizabet kha a kut a tlaih. 41Cun Mary nih Elizabet kut a tlaihnâk kha Elizabet nih a theih le cângkâ a paw chung i naute kha â hlawk i Elizabet cu Thiang thlarau in a khat. 42Cuticun thang ngaiin a au, “Nang cu nu hna lakah mithluachauk na si, na hrinmi zong mithluachuak a si. 43Ka Bawipa nu tu nih narak ka tlawnmi hi zeiruangahdah a si hnga. 44Zeitintiah na kut tlaihnâk aw thawng ka hna a phâk le cângkâ ka pawchung naute zong lunglawm in a hlawk ve dah kaw. 45Bawipa nih a chimmi a tling lai tiah a zumtu nu cu mithluachuak a si. 46Mary nih, “Ka nun nih Bawipa a thangṭhat i 47Ka thlarua zong ka khamhtu Pathian ah â lawm. 48Zeitintiah a salnu dir hmun niam ning a hmuh piak. Ngaihmanh, atu thawkin chanthar vialte nih thluachuaknu anka ti lai. 49Zeitintiah Miṭhawng nih khan thil lianngan aka tuahpiak, a min ah ‘thiang’ a si. 50Amah a ṭihtu kha chankhat hnu chankhat a zângfah hna. 51A bânnih a ṭhawnnâk a langhter, ruamkaimi kha an lung khuaruahnâk ah a ṭhek hna. 52Mi ṭhawng kha an bawiṭhutdan in a ṭhumh hna i a niammi kha a cawisan hna. 53Rawlṭâmmi kha thilṭha in a khimter hna i mirum kha kut lawngin a kirter hna. 54A zângfahnâk philhlonâk ah a sinum Israel kha a rak bomh. 55Hringtu kanpa Abraham le a tefa hna sinah zungzal in a rak chim cang bang khan,” tiah a ti. 56Cun Mary cu thlathum tiang a sinah a um i cu hnu ah inah a kir ṭhân. 57Elizabet nau ngeih cân kha a phân i fapa a hrin. 58Innpa hna le sahlawh hna nih an lawmhpi, zeicatiah Bawipa nih a nganmi a zângfahnâk a cungah a langhter caah. 59Cun niriat ni ah, cuarpar tan awk i an ratpi lio ah, apa min Zakariah in kawh an timh. 60Anu nih, si hlah ê, Johan tiah kawh deuh awk a si, tiah a ti. 61Annih nih, “Na rualchan hna lakah cubantuk min a ngeimi ahohmanh an um lo,” tiah an ti. 62Apa kha kut in an hei langhter i zeibantuk min dah sak a duh kha an hal. 63Anih nih ṭialnâk dingah catlap a hal hna, “Amin ah Johan a si,” tiah a ṭial. An dihlak in an khuaruah a har ngai ngai. 64Hmakkhatteah a lei le a kâ cu â phoih i Pathian thangṭhat in a rak holh cawlh. 65Cuticun pawngkam mi vialte cungah ṭihnâk a tlung. Cu kong cu Judia ram mi vialte nih an ceih. 66Cu kong a theitu hna nih an lungthin ah an riahter i zeibantuk minung dah hi hngakchia hi a si te lai? tiah an ti. Cun Bawipa kut nih a umpi. 67Cubangin apa Zakariah cu Thiang Thlarau in a khat i hitihin bia a phuan, 68Bawipa Israel Pathian cu thangṭhat in um ko seh, zeitintiah a mile a veh i a tlanh hna. 69A sal David chungkhar chungin khamhnâk ki a chuahter. 70Vawlei thawhka tein a thiangmi a profet hna kâ in a rak chim cang. 71Kan ral hna le a kan huatu vialte hna chungin kan himnâk dingah. 72Kan pupa hna sin i a kamhmi zângfahnâk langhter ding le, a thiangmi a biakam philhlonâk ah. 73Kan pa Abraham sin i chiat a rak i serh cangmi cu, 74`ihlo tein a rian kan ṭuan khawh nâkhnga, kan ral hna chungin khamhnâk ding bia a si. 75Kan nun chung vialte a hmaiah thiang te le ding te i um dingin. 76Asi, pate, nang hi Cungnung bik profet an in ti lai. Zeitintiah a lam rak timtuah dingah a hmaiah na rak kal lai. 77An sualnâk ngaithiam ding le, Ami le caah khamhnâk bia theihter dingin. 78Duh a nungmi kan Pathian zângfahnâk ruangah, 79Muihnâk le thihnâk thladem tang i a ṭhumi hna ceuh awkah daihnâk lam i kan ke a kal khawh nâkhnga, cunglei ni ceu dawh nih a kan zuan hnawh. 80Cuticun ngakchia cu a ṭhang i thlarau in a ṭhawng chin lengmang, Israel mihna sin i a langh hlan tiang ramcar ah a um.
Currently Selected:
LUKA 1: HAKABSI
Highlight
Share
Copy
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
LUKA 1
1
1Tling tein kan sinah a phânmi kong kha mi tampi nih ṭial an timh. 2A hramthawk in mit i a hmutu hna le bia in rian a ṭuntu hna nih an kan chanhmi kha, 3hmaizahmi, Theofilus, a hramthawk in ṭha tein ka dothlat hnuah ningcang tein na caah ṭial hi a a ṭha tiah ka ruah. 4Cucu na rak theih cangmi kha a dikmi a si tiah na hngalhfian khawh nâkhnga. 5Judia ram i Herod a bawi lio ah, Abijah phu chung i tlângbawi pakhat Zakaria timi a rak um. A nupi cu Elizabet a si i Âron tefa chin a si. 6An pahnih in Pathian hmaiah miding an si, Bawipa nawlpêk le a phunglam vialte sawi awk um loin an zulh. 7Asinain Elizabet a cin ruangah fa an ngei lo, an pahnih in an tar ngai ngai cang. 8Cuticun an phu chung i an tuah tawn bangin Pathian hmai i tlângbawi rian a ṭuan lio ah, 9Bawipa ṭempal chungah lut in rimhmui khanghthawinâk tuah awkah camcawh fung an zuh tawnmi cu amah cungah a tla. 10Cun rimhmui khanghthawi lio ah mizapi kha lengah thla an rak cam. 11Bawipa vancungmi a sinah, rimhmui khanghnâk biakṭheng orhlei kamah â lang. 12Zakaria nih a hmuh tikah a awlawk a chong i ṭihnâk nih a tlaih. 13Asinain vanmi nih, “Zakariah, ṭih hlah, zeitintiah na thlacamnâk kha theih a si, na nupi Elyzabet nih fa an hrinpiak lai i a min ah Johan na sak lai. 14Lunglawm tha nuam tein na um lai, a chuah tikah mitampi an i lawm lai. 15Zeitintiah Bawipa hmai ah mingan a si lai i mitsur hang le zu a ding hrimhrim lai lo. Anu paw chung hmanh in Thiang Thlarau in a khat lai. 16Israel fale tampi kha Bawipa an Pathian lei ah a merter hna lai. 17Cuticun, ‘pale hna lungthin an fale hna sin i merter awk le nawlngai lomi kha mifim bang i umter awkah, Bawipa ca i mi hna rak timlam dingah Elijah thlarau le thiltikhawhnâk he Bawipa hmaiah a kal hmasa lai,” tiah a ti. 18Zakariah nih vanmi sinah, “Cucu zeitindah ka hngalh lai? kei cu putar ka si, ka nupi zong a tar cang,” tiah a ti. 19Vanmi nih, “Keimah cu Gabriel, Pathian hmai i a dir tawnmi ka si, nangmah chawnh le, hi lawmhnâk thawngṭha chim awkah thlahmi ka si. 20Asinain ngaihmanh, “A cân te ah a tling laimi, ka chimmi bia na zumh lo caah, cu thil a tlin hlan pauh cu, holh kho loin dai tein na um lai,” tiah a ti. 21Cun zapi nih Zakariah kha an rak hngah, ṭempal chung i sau nawn a um caah an khuaruah a har. 22Asinain a rak chuah tikah, an sinah bia a chim kho lo, holh kho loin akut lawng a cawlcangh termi an hmuh tikah ṭempal chungah langhnâk a hmu tiah an hngalh cawlh. 23Cun hitihin a si, a rianṭuannâk ni tlam a tlin hnu ah a innah a tlung. 24Ni zeimawzat hnu ah a nupi Elizabet cu nau a pawi i thla nga chung â thup. 25Hibangin zapi sin i ka min chiatnâk lakpiak awkah Bawipa nih vêl a ka ngeih i aka zohkhenh,” tiah a ti. 26Cun thla ruk hnu ah Pathian nih vanmi Gabriel kha Galili ram i khua pakhat Nazaret an timi i 27ngaknu thiang pakhat sinah a thlah, cu ngaknu cu David tefa chin Josef nupi hammi a si. Ngaknu thiang min cu Mary a si. 28A rak luh tikah vanmi nih, “I lawm tuah, thluachuak nu, Bawipa na sinah a um; nu hna lakah mithluachuak na si,” tiah a ti. 29Asinain amah a hmuh tikah, a chimmi bia ruangah a awlawk a chong, zeibantuk biakchonhnâk dah a si hnga? tiah a ruat. 30Vanmi nih, “Mary, ṭihhlah, Pathian lung na ton. 31Ngaihmanh, nau na pawi lai i fapa na hrin lai, a min ah JESUH na sak lai. 32Mi ngan a si lai i Cungnung bik Fapa an ti lai; Bawipa Pathian nih apa David ṭhutdanh kha a pêk lai. 33Jakob tefa kha zungzal in a pen hna lai; A pennâk cu a dong ti lai lo,” tiah a ti. 34Mary nih vami sinah, “Cucu zeitindah a si khawh lai, pa ka hngalh ṭung lo?” tiah a ti. 35Vanmi nih a sinah, “Thiang thlarau na sinah a phân lai i Cungnung bik thiltikhawhnâk nih an khuh lai; cucaah a Thiangmi fa a chuak hngami cu Pathian Fapa, ti a si lai. 36Ngaihmanh, na rulchan, Elizabet zong atar hnu ah nau pa a pawi, a cing an timi kha, atu hi thlaruknâk a si cang. 37Zeitintiah Pathian caah a si kho lomi zeihmanh a um lo,” tiah a ti. 38Mary nih, “Ngaihmanh Bawipa salnu ka si, na bia bangin si ko seh,” tiah a ti. Cun vanmi nih a kaltâk. 39Cu cân ah Mary cu a tho i khulrang in tlang cung i Judia ram khua pakhat ah a kal; 40Zakariah innah lutin Elizabet kha a kut a tlaih. 41Cun Mary nih Elizabet kut a tlaihnâk kha Elizabet nih a theih le cângkâ a paw chung i naute kha â hlawk i Elizabet cu Thiang thlarau in a khat. 42Cuticun thang ngaiin a au, “Nang cu nu hna lakah mithluachauk na si, na hrinmi zong mithluachuak a si. 43Ka Bawipa nu tu nih narak ka tlawnmi hi zeiruangahdah a si hnga. 44Zeitintiah na kut tlaihnâk aw thawng ka hna a phâk le cângkâ ka pawchung naute zong lunglawm in a hlawk ve dah kaw. 45Bawipa nih a chimmi a tling lai tiah a zumtu nu cu mithluachuak a si. 46Mary nih, “Ka nun nih Bawipa a thangṭhat i 47Ka thlarua zong ka khamhtu Pathian ah â lawm. 48Zeitintiah a salnu dir hmun niam ning a hmuh piak. Ngaihmanh, atu thawkin chanthar vialte nih thluachuaknu anka ti lai. 49Zeitintiah Miṭhawng nih khan thil lianngan aka tuahpiak, a min ah ‘thiang’ a si. 50Amah a ṭihtu kha chankhat hnu chankhat a zângfah hna. 51A bânnih a ṭhawnnâk a langhter, ruamkaimi kha an lung khuaruahnâk ah a ṭhek hna. 52Mi ṭhawng kha an bawiṭhutdan in a ṭhumh hna i a niammi kha a cawisan hna. 53Rawlṭâmmi kha thilṭha in a khimter hna i mirum kha kut lawngin a kirter hna. 54A zângfahnâk philhlonâk ah a sinum Israel kha a rak bomh. 55Hringtu kanpa Abraham le a tefa hna sinah zungzal in a rak chim cang bang khan,” tiah a ti. 56Cun Mary cu thlathum tiang a sinah a um i cu hnu ah inah a kir ṭhân. 57Elizabet nau ngeih cân kha a phân i fapa a hrin. 58Innpa hna le sahlawh hna nih an lawmhpi, zeicatiah Bawipa nih a nganmi a zângfahnâk a cungah a langhter caah. 59Cun niriat ni ah, cuarpar tan awk i an ratpi lio ah, apa min Zakariah in kawh an timh. 60Anu nih, si hlah ê, Johan tiah kawh deuh awk a si, tiah a ti. 61Annih nih, “Na rualchan hna lakah cubantuk min a ngeimi ahohmanh an um lo,” tiah an ti. 62Apa kha kut in an hei langhter i zeibantuk min dah sak a duh kha an hal. 63Anih nih ṭialnâk dingah catlap a hal hna, “Amin ah Johan a si,” tiah a ṭial. An dihlak in an khuaruah a har ngai ngai. 64Hmakkhatteah a lei le a kâ cu â phoih i Pathian thangṭhat in a rak holh cawlh. 65Cuticun pawngkam mi vialte cungah ṭihnâk a tlung. Cu kong cu Judia ram mi vialte nih an ceih. 66Cu kong a theitu hna nih an lungthin ah an riahter i zeibantuk minung dah hi hngakchia hi a si te lai? tiah an ti. Cun Bawipa kut nih a umpi. 67Cubangin apa Zakariah cu Thiang Thlarau in a khat i hitihin bia a phuan, 68Bawipa Israel Pathian cu thangṭhat in um ko seh, zeitintiah a mile a veh i a tlanh hna. 69A sal David chungkhar chungin khamhnâk ki a chuahter. 70Vawlei thawhka tein a thiangmi a profet hna kâ in a rak chim cang. 71Kan ral hna le a kan huatu vialte hna chungin kan himnâk dingah. 72Kan pupa hna sin i a kamhmi zângfahnâk langhter ding le, a thiangmi a biakam philhlonâk ah. 73Kan pa Abraham sin i chiat a rak i serh cangmi cu, 74`ihlo tein a rian kan ṭuan khawh nâkhnga, kan ral hna chungin khamhnâk ding bia a si. 75Kan nun chung vialte a hmaiah thiang te le ding te i um dingin. 76Asi, pate, nang hi Cungnung bik profet an in ti lai. Zeitintiah a lam rak timtuah dingah a hmaiah na rak kal lai. 77An sualnâk ngaithiam ding le, Ami le caah khamhnâk bia theihter dingin. 78Duh a nungmi kan Pathian zângfahnâk ruangah, 79Muihnâk le thihnâk thladem tang i a ṭhumi hna ceuh awkah daihnâk lam i kan ke a kal khawh nâkhnga, cunglei ni ceu dawh nih a kan zuan hnawh. 80Cuticun ngakchia cu a ṭhang i thlarau in a ṭhawng chin lengmang, Israel mihna sin i a langh hlan tiang ramcar ah a um.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.