THILTHAWHAI 9
9
Saula piengtharna
(Tt 22.6-16; 26.12-18)
1Saula ruok chun, Lalpa in- chûktirhai a vau thu le that a tum thu chu a la sâksuok ta rawp a.
2Thiempu Laltak kuomah a fe a, Damaskaa inkhâwmna in po poa mihai kuoma pêk dingin lekha a hnih a, chu Lama mi chu tukhawm a hmu chun, nuhmei khawm, pasal khawm, Jerusalema khuop puma hung ṭhuoi theina dingin.
3Chun, a fe laiin, Damaska a tlung tâwmin, kârloin var vâna inthawkin a vêlah a hung var phut a.
4Chun, hnuoiah a tluh a, a kuomah, “Saula, Saula, nangin iengdinga i mi suknawmna am a na?” tiin rawl a hriet a.
5Chun, ama chun, “Tû am i na, Lalpa?” a ta.
6Lalpa chun, “Isu i suknawmnat hi ka nih; nisienlakhawm, tho la, khuoah lût rawh, chuongchun, i thaw ding lo hril an ti che,” a ta.
7Chun, ama le fehai chu hril ding hre loin an ngir a, rawl chu an hriet a chu tukhawm an hmu si nawh.
8Chun, Saula chu hnuoia inthawk chun a tho a; chun, a hang meng a, iengkhawm a hmu thei ta nawh a; chuongchun, a kutah an kei a, Damaskaa chun an ṭhuoi lût a.
9Ni thum khaw hmu loin a um a, iengkhawm a fâkin a dâwn nawh a.
10Chun, Damaskaa chun inchûk- tir pakhat a hming Anania a um a. Lalpa chun a mang angin a kuomah, “Anania,” a ta. Chun, ama chun, “Lalpa, en ta, hitaka hin ka um,” a ta.
11Lalpa chun a kuomah, “Tho la, kawtthlêr, ‘Tlûn’ an tia chun fe la, Juda inah, Tarsa khuoa mi, a hming Saula indawn suok rawh; ngai ta, a ṭawngṭai zing a nih,
12a hming Anania mi pakhat lûta, a mit sukvar dingin a chunga kut innghatin a hmu tah,” a ta.
13Chun, Anania chun, “Lalpa, chu mipa chu Jerusalema i mi inthieng- hai chunga a suksuol tamzie thu mi tamtak baua inthawkin ka hriet a nih.
14Hitaka khawm i hming lam taphawt chu khuop dingin thiempu lalhaia inthawkin thu a hmu zing annâwm,” a ta, a dawn a.
15Nisienlakhawm, Lalpa chun a kuomah, “Fe el rawh, Jentailhai, lalhai, Israel thlahai kuoma ka hming put lûtna dinga ka bêl ruot a nih.
16Ka hming leiin rinum ieng anga nasa am a tuor ding a kuomah lân hriettir ka tih,” a ta.
17Chun, Anania chu a va feh a, ina chun a lût a; a chungah kut ân nghat a, “Unau Saula, i mit varna ding le Thlarau Inthieng sipa i um theina dingin, Lalpa, i hungna lampuia i kuoma inlâr Isu khan a mi hung tir a nih,” a ta.
18Chun, kârloin a mita inthawk chun phuhlip ang ieng amanih a tla nghâl tah a, a mit a var nâwk tah a; chun, a tho a, baptisma a chang tah a.
19Chun, bu a fâk a, a har nâwk tah a. Chun, Damaskaa inchûktir umhai kuoma chun ni iengzat amanih a um a.
Damaskaa Saula thuhril
20Inkhâwmna inhaia chun Isu chu Pathien Naupa a nizie thu a khêkpui nghâl tah a.
21Chun, a thu hretuhai po po chun mak an ti hleh a; “Hi mipa hi Jerusalema hi hming lamtuhai suknawmna hlaktu kha a ni naw am a nih? Chuong mihai chu thiempu lalhai kuoma khuop puma ṭhuoi, a hung san a ni kha,” an ta.
22Saula ruok chu a hung hrât nâwk zuol a, ama chu Krista a ni takzet ti a hrilfieh a, Damaskaa Juda umhai chu a sêldawng rawp hlak a.
Judahaia inthawka Saula ân relhmang
23 #
2 Kor 11.32-33 Chun, ni sâwt tak hnunga chun Saula sukhlum dingin Judahai chu an inrawn a;
24nisienlakhawm, ama chun an thurawt chu a lo hriet tah a. Sukhlum dingin kul kawtkhâr tina chun a sûn a zânin an inchân hlak a.
25Nisienlakhawm, a închûktir- haiin ama chu an ṭhuoi a, zânah kul tukverah bâwmin an thlâk thla tah a.
Jerusalema Saula chanchin
26Chun, Saula chun Jerusalem a tlung phingleh inchûktirhai chu pâwl a tum a; anni ruok chun an rêngin ama chu an ṭih a, inchûktir a ni ve ti an ring nawh a.
27Barnaba ruok chun ama chu a ṭhuoi a, tirkohai kuoma chun a hungpui a, lampuia Lalpa a hmua a biekzie dâm, Damaskaa Isu hminga huoitaka a thu a hrilzie dâm khawm chu an kuomah a hril tah a.
28Chuongchun, Saula chu Jeru- salema chun an kuoma lût hlak suok hlakin a um tah a, Lalpa hmingin huoitakin thu a hril hlak a.
29Chun, Grik ṭawng hmang Judahai lai thu a hril a, a sêl a; anni ruok chun ama chu sukhlum an tum a.
30Chun, unauhai chun chu chu an hrietin, Kaisari khuoah an ṭhuoi thlâk a, Tarsa khuoah an tir ta dai a.
31Chuongchun, kohranhai chu Judai ram vêla dâm, Galili ram vêla dâm, Samari ram vêla dâm chun an det deu deu a, muongtakin an um tah a; chun, Lalpa ṭi dêkin, Thlarau Inthieng ithlamuongin an um a, an hung pung ta deu deu a.
Peterin Ainia a sukdam
32Chun, Peterin khawvêl a fang malamin, Ludda khuoa mi inthieng umhai kuomah a zu fe bawk a.
33Chutaka chun mi pakhat, a hming Ainia a zeng leia kum riet khuma zâl zing a hmuh a.
34Chun, Peter chun a kuomah, “Ainia, Isu Krista chun a sukdam che; tho la i puonpha ziel rawh,” a ta. Chuongchun, a tho nghâl tah a.
35Chun, Ludda khuo le Saron phaia um po pohai chun Ainia chu an hmuh a, Lalpa tieng an ngha tâwl tah a.
Dorka sukhring nawka a um thu
36Chun, Joppa khuoah a hming Tabitha, inchûktir pakhat a um a, (Tabitha umzie chu Dorka a nih); chu nuhmei chun thil thawṭhat le thilpêk a hau hleh a.
37Chun, chuong lai chun a damnawh a, a thi tah a; chun an insil fai a, pindan chunghnungah an inzâl a.
38Chun, Ludda khuo chu Joppa khaw kâwl a ni leiin, inchûktirhai chun Peter chutaka chun a um ti an hriet a, “Sâwt riel loin kan kuomah hung rawh,” tia ngên dingin a kuomah mi pahni an tir a.
39Chun, Peter chu a tho a, anni leh a fe ve tah a. Chun, a tlung phingleh pindan chunghnunga chun an ṭhuoi a; hmeithai po po chu a kâwla ngîrin, Dorka an kuoma a um laia a zakuo siemhai, a puon siemhai inentir pumin an ṭap tâwl a.
40Nisienlakhawm, Peter chun an rêngin ân suoktir vawng a, a dingṭhaṭhuon a, a ṭawngṭai tah a; chun, ruong tieng chu a nghah a, “Tabitha, tho rawh,” a ta. Chuong- chun, a mit a hung meng a, Peter chu a hmu phingleh a ṭhung tah a.
41Chun, Peter chun a kut a pêk a, a keitho tah a; chun, mi inthienghai le hmeithaihai chu a ko a, damin a khîkhmuh a.
42Chun, chu chu Joppa khuo po po chun an hriet ta vawng a; mi tamtakin Lalpa chu an ring tah a.
43Chun, Peter chu ni tamtak Joppa khuoa Simon, savun siemtu inah a châm zing a.
Currently Selected:
THILTHAWHAI 9: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
THILTHAWHAI 9
9
Saula piengtharna
(Tt 22.6-16; 26.12-18)
1Saula ruok chun, Lalpa in- chûktirhai a vau thu le that a tum thu chu a la sâksuok ta rawp a.
2Thiempu Laltak kuomah a fe a, Damaskaa inkhâwmna in po poa mihai kuoma pêk dingin lekha a hnih a, chu Lama mi chu tukhawm a hmu chun, nuhmei khawm, pasal khawm, Jerusalema khuop puma hung ṭhuoi theina dingin.
3Chun, a fe laiin, Damaska a tlung tâwmin, kârloin var vâna inthawkin a vêlah a hung var phut a.
4Chun, hnuoiah a tluh a, a kuomah, “Saula, Saula, nangin iengdinga i mi suknawmna am a na?” tiin rawl a hriet a.
5Chun, ama chun, “Tû am i na, Lalpa?” a ta.
6Lalpa chun, “Isu i suknawmnat hi ka nih; nisienlakhawm, tho la, khuoah lût rawh, chuongchun, i thaw ding lo hril an ti che,” a ta.
7Chun, ama le fehai chu hril ding hre loin an ngir a, rawl chu an hriet a chu tukhawm an hmu si nawh.
8Chun, Saula chu hnuoia inthawk chun a tho a; chun, a hang meng a, iengkhawm a hmu thei ta nawh a; chuongchun, a kutah an kei a, Damaskaa chun an ṭhuoi lût a.
9Ni thum khaw hmu loin a um a, iengkhawm a fâkin a dâwn nawh a.
10Chun, Damaskaa chun inchûk- tir pakhat a hming Anania a um a. Lalpa chun a mang angin a kuomah, “Anania,” a ta. Chun, ama chun, “Lalpa, en ta, hitaka hin ka um,” a ta.
11Lalpa chun a kuomah, “Tho la, kawtthlêr, ‘Tlûn’ an tia chun fe la, Juda inah, Tarsa khuoa mi, a hming Saula indawn suok rawh; ngai ta, a ṭawngṭai zing a nih,
12a hming Anania mi pakhat lûta, a mit sukvar dingin a chunga kut innghatin a hmu tah,” a ta.
13Chun, Anania chun, “Lalpa, chu mipa chu Jerusalema i mi inthieng- hai chunga a suksuol tamzie thu mi tamtak baua inthawkin ka hriet a nih.
14Hitaka khawm i hming lam taphawt chu khuop dingin thiempu lalhaia inthawkin thu a hmu zing annâwm,” a ta, a dawn a.
15Nisienlakhawm, Lalpa chun a kuomah, “Fe el rawh, Jentailhai, lalhai, Israel thlahai kuoma ka hming put lûtna dinga ka bêl ruot a nih.
16Ka hming leiin rinum ieng anga nasa am a tuor ding a kuomah lân hriettir ka tih,” a ta.
17Chun, Anania chu a va feh a, ina chun a lût a; a chungah kut ân nghat a, “Unau Saula, i mit varna ding le Thlarau Inthieng sipa i um theina dingin, Lalpa, i hungna lampuia i kuoma inlâr Isu khan a mi hung tir a nih,” a ta.
18Chun, kârloin a mita inthawk chun phuhlip ang ieng amanih a tla nghâl tah a, a mit a var nâwk tah a; chun, a tho a, baptisma a chang tah a.
19Chun, bu a fâk a, a har nâwk tah a. Chun, Damaskaa inchûktir umhai kuoma chun ni iengzat amanih a um a.
Damaskaa Saula thuhril
20Inkhâwmna inhaia chun Isu chu Pathien Naupa a nizie thu a khêkpui nghâl tah a.
21Chun, a thu hretuhai po po chun mak an ti hleh a; “Hi mipa hi Jerusalema hi hming lamtuhai suknawmna hlaktu kha a ni naw am a nih? Chuong mihai chu thiempu lalhai kuoma khuop puma ṭhuoi, a hung san a ni kha,” an ta.
22Saula ruok chu a hung hrât nâwk zuol a, ama chu Krista a ni takzet ti a hrilfieh a, Damaskaa Juda umhai chu a sêldawng rawp hlak a.
Judahaia inthawka Saula ân relhmang
23 #
2 Kor 11.32-33 Chun, ni sâwt tak hnunga chun Saula sukhlum dingin Judahai chu an inrawn a;
24nisienlakhawm, ama chun an thurawt chu a lo hriet tah a. Sukhlum dingin kul kawtkhâr tina chun a sûn a zânin an inchân hlak a.
25Nisienlakhawm, a închûktir- haiin ama chu an ṭhuoi a, zânah kul tukverah bâwmin an thlâk thla tah a.
Jerusalema Saula chanchin
26Chun, Saula chun Jerusalem a tlung phingleh inchûktirhai chu pâwl a tum a; anni ruok chun an rêngin ama chu an ṭih a, inchûktir a ni ve ti an ring nawh a.
27Barnaba ruok chun ama chu a ṭhuoi a, tirkohai kuoma chun a hungpui a, lampuia Lalpa a hmua a biekzie dâm, Damaskaa Isu hminga huoitaka a thu a hrilzie dâm khawm chu an kuomah a hril tah a.
28Chuongchun, Saula chu Jeru- salema chun an kuoma lût hlak suok hlakin a um tah a, Lalpa hmingin huoitakin thu a hril hlak a.
29Chun, Grik ṭawng hmang Judahai lai thu a hril a, a sêl a; anni ruok chun ama chu sukhlum an tum a.
30Chun, unauhai chun chu chu an hrietin, Kaisari khuoah an ṭhuoi thlâk a, Tarsa khuoah an tir ta dai a.
31Chuongchun, kohranhai chu Judai ram vêla dâm, Galili ram vêla dâm, Samari ram vêla dâm chun an det deu deu a, muongtakin an um tah a; chun, Lalpa ṭi dêkin, Thlarau Inthieng ithlamuongin an um a, an hung pung ta deu deu a.
Peterin Ainia a sukdam
32Chun, Peterin khawvêl a fang malamin, Ludda khuoa mi inthieng umhai kuomah a zu fe bawk a.
33Chutaka chun mi pakhat, a hming Ainia a zeng leia kum riet khuma zâl zing a hmuh a.
34Chun, Peter chun a kuomah, “Ainia, Isu Krista chun a sukdam che; tho la i puonpha ziel rawh,” a ta. Chuongchun, a tho nghâl tah a.
35Chun, Ludda khuo le Saron phaia um po pohai chun Ainia chu an hmuh a, Lalpa tieng an ngha tâwl tah a.
Dorka sukhring nawka a um thu
36Chun, Joppa khuoah a hming Tabitha, inchûktir pakhat a um a, (Tabitha umzie chu Dorka a nih); chu nuhmei chun thil thawṭhat le thilpêk a hau hleh a.
37Chun, chuong lai chun a damnawh a, a thi tah a; chun an insil fai a, pindan chunghnungah an inzâl a.
38Chun, Ludda khuo chu Joppa khaw kâwl a ni leiin, inchûktirhai chun Peter chutaka chun a um ti an hriet a, “Sâwt riel loin kan kuomah hung rawh,” tia ngên dingin a kuomah mi pahni an tir a.
39Chun, Peter chu a tho a, anni leh a fe ve tah a. Chun, a tlung phingleh pindan chunghnunga chun an ṭhuoi a; hmeithai po po chu a kâwla ngîrin, Dorka an kuoma a um laia a zakuo siemhai, a puon siemhai inentir pumin an ṭap tâwl a.
40Nisienlakhawm, Peter chun an rêngin ân suoktir vawng a, a dingṭhaṭhuon a, a ṭawngṭai tah a; chun, ruong tieng chu a nghah a, “Tabitha, tho rawh,” a ta. Chuong- chun, a mit a hung meng a, Peter chu a hmu phingleh a ṭhung tah a.
41Chun, Peter chun a kut a pêk a, a keitho tah a; chun, mi inthienghai le hmeithaihai chu a ko a, damin a khîkhmuh a.
42Chun, chu chu Joppa khuo po po chun an hriet ta vawng a; mi tamtakin Lalpa chu an ring tah a.
43Chun, Peter chu ni tamtak Joppa khuoa Simon, savun siemtu inah a châm zing a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.