KI KAM 11
11
Ka jingïathuh u Petros ha ka Balang ha Jerusalem
1Ki Apostol bad kiwei pat ki riewngeit ha kylleng ka Judia ki la ïohsngew ba ki Jentil ruh ki la pdiang ïa ka ktien U Blei. 2Haba u Petros u la leit sha Jerusalem, kito kiba ïashah ba dei ban otsher ïa ki Jentil ki la wohnia ïa u, da kaba ong, 3“Me la long u nongshong basa ha ka ïing jong ki Jentil kiba khlem otsher, bad me da ïabam lem bad ki!” 4Kumta u Petros u la ai ha ki ka jingïathuh bniah ïa kaei kaba la jia naduh kaba sdang hi.
5“Katba nga dang duwai ha ka nongbah Joppa, nga la ïoh ka jingïohipaw. Nga la ïohi ïa kaei re kaei kaba wan hiar na bneng kaba i kum ka jaiñ siang kaba heh ïa kaba la pynhiar na ki saw tylli ki dong jong ka, bad ka la sangeh hajan jong nga. 6Nga la khmih bniah shapoh bad nga la ïohi ïa ki jingri bad ki mradkhlaw, ki kynja bapar, bad ki sim khlaw. 7Nangta nga la ïohsngew ïa ka sur kaba ong ha nga, ‘Ïeng joit, ko Petros, to pynïap bad to bam!’ 8Hynrei nga la ong, ‘Da lei lei ruh em, ko Trai! Ym don kano kano ka jingbam ka bymkhuid kat kum ka jinglehniam lane kaba sang kaba la ju rung ha ka shyntur jong nga.’ 9Ka sur ka la kren biang na bneng, ‘Wat ñiew bymkhuid ïa kano kano kaba U Blei u la pynbna ba ka long kaba khuid.’ 10Kane ka la jia lai sien, bad khatduh ïa kata baroh kawei la tan pat sha bneng. 11Ha kata ka khyllipmat ki lai ngut ki rangbah ïa kiba la phah sha nga na Kaisaria ki la wan poi ha ka ïing ha kaba nga la sah. 12U Mynsiem u la bthah ïa nga ban leit bad ki khlem pynslem. Kine ki hynriew ngut ki parabangeit na Joppa ki la synran ïa nga sha Kaisaria, bad baroh ngi la ïaleit sha ka ïing jong u Kornelios. 13U la ïathuh ïa ngi kumno ba u la ïohi ïa u angel uba ïeng ha ka ïing jong u, bad uba la ong ha u, ‘Phah ïano ïano sha Joppa bad leit shem ïa u briew uba ka kyrteng pura ka long u Simon Petros. 14Un kren ki kyntien ha phi da kaba ma phi bad baroh ka longïing phin ïohlait im.’ 15Bad haba nga la sdang ban kren, U Mynsiem Bakhuid u la wan hiar halor jong ki kumba ka la long halor jong ngi ha kaba sdang. 16#Ki Kam. 1:5Te nga la kynmaw ïa kaei kaba U Trai u la lah ong, ‘U Ïoannis u la pynbaptis da ka um, hynrei ïa phi yn pynbaptis da U Mynsiem Bakhuid.’ 17Ka long kaba shai ba U Blei u la ai ïa kito ki Jentil ïa kajuh ka jingai kaba u la ai ha ngi myn haba ngi la ngeit ha U Jisu Khrist uba U Trai; nga long uei, te, ban pyrshang ban pynsangeh ïa U Blei!”
18Haba ki la ïohsngew ïa kane, ki la sangeh ïa ka jingwoh nia jong ki bad ki la ïaroh ïa U Blei, da kaba ong, “Te U Blei u la ai ruh ha ki Jentil ïa la lad ban kylla-kaba-mut bad ban lait im!”
Ka Balang ha Antiokh
19 #
Ki Kam. 8:1-4
Katto katne ngut ki parabangeit ïa kiba la pynsakma da ka jingshah pynshitom beiñ kaba la jia myn haba la pynïap ïa u Stephan, ka la pur shaduh sha Phoenisia, Sypros, bad Antiokh, da kaba ïathuh ïa ka khubor tang ha ki Jiw. 20Hynrei kiwei pat ki parabangeit, kiba na Sypros bad Kyrini, ki la leit sha Antiokh bad ki la pynbna ïa ka khubor ha ki Jentil ruh, da kaba ïathuh ha ki ïa ka Khubor Babha shaphang U Trai Jisu. 21Ka bor jong U Trai ka la long lem bad ki, bad kiba bun ki briew ki la ngeit bad ki la phai sha U Trai.
22Ka khubor shaphang kane ka la poi ha ka Balang ha Jerusalem, kumta ki la phah ïa u Barnabas sha Antiokh. 23Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh. 24U Barnabas u la long u briew uba bha, uba dap da U Mynsiem Bakhuid bad da ka jingngeit, bad bun ki briew la wallam sha U Trai.
25Nangta u Barnabas u la leit sha Tarsos ban wad ïa u Saul. 26Haba u la shem ïa u, u la ïalam ïa u sha Antiokh, bad baroh shisnem kine ar ngut ki la ïakynduh ïa ki briew ka balang bad ki la hikai ïa ka kynhun kaba heh. Ka la long ha Antiokh ba ïa ki parabangeit la khot nyngkong eh “Ki Khristan”.
27Hamar kata ka por katto katne ngut ki nongïathuhlypa ki la leit na Jerusalem sha Antiokh. 28#Ki Kam. 21:10Uwei na ki, uba kyrteng u Agabos, u la ïeng joit bad da ka bor jong U Mynsiem u la ïathuh lypa ba ka 'nemsniew bajur kan sa wan ha ka pyrthei baroh kawei. (Ka la wan jia mynba u Klaudius u la long u Patsha.) 29Ki synran ki la kut jingmut ba uwei pa uwei na ki un phah katba lah bor ban ïarap ïa ki parabangeit kiba shong basah ha Judia. 30Te ki la leh ïa kane, bad ki la phah ïa ka pisa sha ki tymmen basan jong ka balang lyngba u Barnabas bad u Saul.
Currently Selected:
KI KAM 11: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
KI KAM 11
11
Ka jingïathuh u Petros ha ka Balang ha Jerusalem
1Ki Apostol bad kiwei pat ki riewngeit ha kylleng ka Judia ki la ïohsngew ba ki Jentil ruh ki la pdiang ïa ka ktien U Blei. 2Haba u Petros u la leit sha Jerusalem, kito kiba ïashah ba dei ban otsher ïa ki Jentil ki la wohnia ïa u, da kaba ong, 3“Me la long u nongshong basa ha ka ïing jong ki Jentil kiba khlem otsher, bad me da ïabam lem bad ki!” 4Kumta u Petros u la ai ha ki ka jingïathuh bniah ïa kaei kaba la jia naduh kaba sdang hi.
5“Katba nga dang duwai ha ka nongbah Joppa, nga la ïoh ka jingïohipaw. Nga la ïohi ïa kaei re kaei kaba wan hiar na bneng kaba i kum ka jaiñ siang kaba heh ïa kaba la pynhiar na ki saw tylli ki dong jong ka, bad ka la sangeh hajan jong nga. 6Nga la khmih bniah shapoh bad nga la ïohi ïa ki jingri bad ki mradkhlaw, ki kynja bapar, bad ki sim khlaw. 7Nangta nga la ïohsngew ïa ka sur kaba ong ha nga, ‘Ïeng joit, ko Petros, to pynïap bad to bam!’ 8Hynrei nga la ong, ‘Da lei lei ruh em, ko Trai! Ym don kano kano ka jingbam ka bymkhuid kat kum ka jinglehniam lane kaba sang kaba la ju rung ha ka shyntur jong nga.’ 9Ka sur ka la kren biang na bneng, ‘Wat ñiew bymkhuid ïa kano kano kaba U Blei u la pynbna ba ka long kaba khuid.’ 10Kane ka la jia lai sien, bad khatduh ïa kata baroh kawei la tan pat sha bneng. 11Ha kata ka khyllipmat ki lai ngut ki rangbah ïa kiba la phah sha nga na Kaisaria ki la wan poi ha ka ïing ha kaba nga la sah. 12U Mynsiem u la bthah ïa nga ban leit bad ki khlem pynslem. Kine ki hynriew ngut ki parabangeit na Joppa ki la synran ïa nga sha Kaisaria, bad baroh ngi la ïaleit sha ka ïing jong u Kornelios. 13U la ïathuh ïa ngi kumno ba u la ïohi ïa u angel uba ïeng ha ka ïing jong u, bad uba la ong ha u, ‘Phah ïano ïano sha Joppa bad leit shem ïa u briew uba ka kyrteng pura ka long u Simon Petros. 14Un kren ki kyntien ha phi da kaba ma phi bad baroh ka longïing phin ïohlait im.’ 15Bad haba nga la sdang ban kren, U Mynsiem Bakhuid u la wan hiar halor jong ki kumba ka la long halor jong ngi ha kaba sdang. 16#Ki Kam. 1:5Te nga la kynmaw ïa kaei kaba U Trai u la lah ong, ‘U Ïoannis u la pynbaptis da ka um, hynrei ïa phi yn pynbaptis da U Mynsiem Bakhuid.’ 17Ka long kaba shai ba U Blei u la ai ïa kito ki Jentil ïa kajuh ka jingai kaba u la ai ha ngi myn haba ngi la ngeit ha U Jisu Khrist uba U Trai; nga long uei, te, ban pyrshang ban pynsangeh ïa U Blei!”
18Haba ki la ïohsngew ïa kane, ki la sangeh ïa ka jingwoh nia jong ki bad ki la ïaroh ïa U Blei, da kaba ong, “Te U Blei u la ai ruh ha ki Jentil ïa la lad ban kylla-kaba-mut bad ban lait im!”
Ka Balang ha Antiokh
19 #
Ki Kam. 8:1-4
Katto katne ngut ki parabangeit ïa kiba la pynsakma da ka jingshah pynshitom beiñ kaba la jia myn haba la pynïap ïa u Stephan, ka la pur shaduh sha Phoenisia, Sypros, bad Antiokh, da kaba ïathuh ïa ka khubor tang ha ki Jiw. 20Hynrei kiwei pat ki parabangeit, kiba na Sypros bad Kyrini, ki la leit sha Antiokh bad ki la pynbna ïa ka khubor ha ki Jentil ruh, da kaba ïathuh ha ki ïa ka Khubor Babha shaphang U Trai Jisu. 21Ka bor jong U Trai ka la long lem bad ki, bad kiba bun ki briew ki la ngeit bad ki la phai sha U Trai.
22Ka khubor shaphang kane ka la poi ha ka Balang ha Jerusalem, kumta ki la phah ïa u Barnabas sha Antiokh. 23Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh. 24U Barnabas u la long u briew uba bha, uba dap da U Mynsiem Bakhuid bad da ka jingngeit, bad bun ki briew la wallam sha U Trai.
25Nangta u Barnabas u la leit sha Tarsos ban wad ïa u Saul. 26Haba u la shem ïa u, u la ïalam ïa u sha Antiokh, bad baroh shisnem kine ar ngut ki la ïakynduh ïa ki briew ka balang bad ki la hikai ïa ka kynhun kaba heh. Ka la long ha Antiokh ba ïa ki parabangeit la khot nyngkong eh “Ki Khristan”.
27Hamar kata ka por katto katne ngut ki nongïathuhlypa ki la leit na Jerusalem sha Antiokh. 28#Ki Kam. 21:10Uwei na ki, uba kyrteng u Agabos, u la ïeng joit bad da ka bor jong U Mynsiem u la ïathuh lypa ba ka 'nemsniew bajur kan sa wan ha ka pyrthei baroh kawei. (Ka la wan jia mynba u Klaudius u la long u Patsha.) 29Ki synran ki la kut jingmut ba uwei pa uwei na ki un phah katba lah bor ban ïarap ïa ki parabangeit kiba shong basah ha Judia. 30Te ki la leh ïa kane, bad ki la phah ïa ka pisa sha ki tymmen basan jong ka balang lyngba u Barnabas bad u Saul.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.