EKSODOS 8
8
Ki jakoid
1Nangta U Trai u la ong ha u Moses, “Khie leit sha u Pharaoh bad ïathuh ha u ba U Trai u ong, ‘Shah ïa ki briew jong nga ban leit, khnang ba ki lah ban mane ïa nga. 2Lada me kyntait, ngan pynshitom ïa ka ri jong me da kaba pyndap ïa ka da ki jakoid. 3Ka wah Nile kan jyllei da ki jakoid kat haduh ba kin kynthih na wah bad rung shapoh ïingsyiem jong me, sha kamra thiah jong me bad halor jingthiah jong me, sha ki ïing jong ki rangbah synshar bad ki briew jong me, bad wat ha ki jaka shet kpu jong me bad ki khiew shet kpu jong me. 4Kin rynsied ha me, ha ki briew jong me, bad ha ki rangbah synshar jong me baroh.’ ”
5U Trai u la ong ha u Moses, “Ong ïa u Aaron ba un rah ïa la u diengduh halor ki wah, halor ki nur-um, bad halor ki pung-um, bad pynmih ïa ki jakoid ba kin pyndap ïa ka ri Ijipt.” 6Kumta u Aaron u rah ïa la u diengduh halor kita ki um; te ki jakoid ki ïamih bad ki tap lin ïa kata ka ri. 7Hynrei kita ki nongleh myntor ki ïaleh kumjuh da ki buit myntor jong ki, bad ki ruh ki pynmih ïa ki jakoid ha ka ri.
8U Pharaoh u la phah khot ïa u Moses bad ïa u Aaron, bad u ong, “To kyrpad ïa U Trai ba un shim noh ïa kine ki jakoid, bad ngan sa pyllait ïa ki briew jong phi ba kin ïoh kñia ainguh ha U Trai.”
9U Moses u phai ktien, “Ngan da sngewbha eh ban duwai na ka bynta jong phi. Buh da ka por lano nga dei ban kyrpad na ka bynta jong phi, na ka bynta ki rangbah pynïaidkam jong phi, bad na bynta ki briew jong phi. Te phin sa lait na kine ki jakoid, bad kin ym don shuh hangno hangno lait sa tang ha ka wah Nile.”
10U Pharaoh u jubab, “Duwai na ka bynta jong nga la shai.”
U Moses u ong, “Ngan leh kumba phi ong, ba phin ïoh tip ba ym don mano mano ruh uba kum U Trai U Blei jong ngi. 11Ma phi, ki rangbah pynïaidkam jong phi, bad ki briew jong phi, phin sa lait na kine ki jakoid, bad kin ym don shuh hangno hangno lait sa tang ha ka wah Nile.” 12Kumta u Moses bad u Aaron ki ïamihnoh na u Pharaoh, bad u Moses u kyrpad eh ïa U Trai ba un shim noh ïa kita ki jakoid kiba u la wallam ha u Pharaoh. 13U Trai u leh kumba u Moses u kyrpad, bad kita ki jakoid kiba don hapoh ïing, ha phyllaw ïing, bad ha lum ruh, ki ïap lut phar. 14Ki nong Ijipt ki la lum thup ïa ki shi jaka jaka haduh ba la iwtung lut ka ri baroh kawei. 15Hynrei haba u Pharaoh u ïohi ba kita ki jakoid ki la ïap, u la kylla mutlop biang, bad kumba U Trai u la lah ong, u Pharaoh um shym la shahshkor ïa u Moses bad u Aaron.
Ki mait#8:15-16 Ki Mait: Kine ki dei ki skain rit kiba dait. Ki ïapher shibun na ki pyrjong.
16U Trai u la ong ha u Moses, “Ong ïa u Aaron ban shoh ïa ka khyndew da u diengduh, ba u pui pui ha ka ri Ijipt baroh kawei un kylla mait.” 17Kumta u Aaron u shoh ïa ka khyndew da la u diengduh; te u pui pui baroh ha Ijipt u kylla mait, bad kumta la boi da u mait ha u briew bad ha u mrad. 18Kita ki nongleh myntor ki pyrshang ban pyndonkam ïa ki buit myntor jong ki ban pynmih mait, hynrei kim lah. Bad kat shaba leit don tang ki mait suda. 19#Luk. 11:20Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.
Ki skain
20U Trai u la ong ha u Moses, “Lashai dang step phyrngab, khie leit ap ïa u Pharaoh katba u dang leit sha ka wah, bad ïathuh ha u ba U Trai u ong, ‘Pyllait ïa ki briew jong nga ba kin ïoh mane ïa nga. 21Lada mem treh, ngan pynshitom ïa me da kaba phah ïa ki skain sha me, sha ki rangbah synshar jong me, bad sha ki briew jong me. Ki ïing jong ki nong Ijipt bad ka madan madiah baroh kin dap da ki skain suda. 22Hynrei ngan pyllait ïa ka ri Goshen, ha kaba ki briew jong nga ki shong, ba kumta yn ym don skain hangta. Ngan leh ïa kane ba men tip ba nga U Trai nga trei ha kane ka ri. 23Ngan pynïapher hapdeng ki briew jong nga bad ki briew jong me. Kane ka kambah kan jia lashai.’ ” 24Bad U Trai u leh kumta; ki skain da ki kynhun bah ki wan rung hapoh ïing jong u Pharaoh bad hapoh ïing jong ki rangbah synshar jong u. Ka ri Ijipt baroh kawei ka julor ha kita ki skain.
25Te u Pharaoh u la phah khot ïa u Moses bad u Aaron, bad u la ong, “Khie leit bad ai jingkñia ha U Blei jong phi hangne ha kane ka ri.”
26Hynrei u Moses u jubab, “Kam long kaba dei ba ngin leh kumta, namar ki nong Ijipt kin thut haba ngin kñia ïa ki mrad kiba ngi ai sha U Trai U Blei jong ngi. Lada ngi pyndonkam ïa kine ki mrad bad pynmong ïa ki nong Ijipt da kaba kñia ïa kine ki jingri ha ka jaka ba ki lah ban ïohi, kin sa lynthem maw ïa ngi. 27Ngi dei ban leit lai sngi lynti sha ka ri shyiap ban kñia ainguh ha U Trai U Blei jong ngi, kumba u la hukum ïa ngi.”
28U Pharaoh u ong, “Ngan shah ba phin ïaleit ban ai jingkñia ha U Trai U Blei jong phi ha ka ri shyiap; lada phim leit jngai than. Duwai na ka bynta jong nga.”
29U Moses u jubab, “Nga tang shu mih nangne, ngan kyrpad ïa U Trai ba la shai ka sngi ki skain kin phet noh na phi, na ki rangbah synshar jong phi, bad na ki briew jong phi. Hynrei phim dei ban shukor shuh ïa ngi bad khang ïa ki briew ban leit kñia ha U Trai.”
30U Moses u mihnoh na u Pharaoh, bad u kyrpad ïa U Trai, 31bad U Trai ruh u leh kumba u Moses u la kyrpad. Ki skain ki phet noh na u Pharaoh, na ki rangbah synshar jong u, bad na ki briew jong u; wat tang uwei ruh um sah shuh. 32Hynrei wat ha kane ka kynti ruh, u Pharaoh u la kylla long mutlop, bad um shym shah ïa u paidbah ban leit.
Currently Selected:
EKSODOS 8: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
EKSODOS 8
8
Ki jakoid
1Nangta U Trai u la ong ha u Moses, “Khie leit sha u Pharaoh bad ïathuh ha u ba U Trai u ong, ‘Shah ïa ki briew jong nga ban leit, khnang ba ki lah ban mane ïa nga. 2Lada me kyntait, ngan pynshitom ïa ka ri jong me da kaba pyndap ïa ka da ki jakoid. 3Ka wah Nile kan jyllei da ki jakoid kat haduh ba kin kynthih na wah bad rung shapoh ïingsyiem jong me, sha kamra thiah jong me bad halor jingthiah jong me, sha ki ïing jong ki rangbah synshar bad ki briew jong me, bad wat ha ki jaka shet kpu jong me bad ki khiew shet kpu jong me. 4Kin rynsied ha me, ha ki briew jong me, bad ha ki rangbah synshar jong me baroh.’ ”
5U Trai u la ong ha u Moses, “Ong ïa u Aaron ba un rah ïa la u diengduh halor ki wah, halor ki nur-um, bad halor ki pung-um, bad pynmih ïa ki jakoid ba kin pyndap ïa ka ri Ijipt.” 6Kumta u Aaron u rah ïa la u diengduh halor kita ki um; te ki jakoid ki ïamih bad ki tap lin ïa kata ka ri. 7Hynrei kita ki nongleh myntor ki ïaleh kumjuh da ki buit myntor jong ki, bad ki ruh ki pynmih ïa ki jakoid ha ka ri.
8U Pharaoh u la phah khot ïa u Moses bad ïa u Aaron, bad u ong, “To kyrpad ïa U Trai ba un shim noh ïa kine ki jakoid, bad ngan sa pyllait ïa ki briew jong phi ba kin ïoh kñia ainguh ha U Trai.”
9U Moses u phai ktien, “Ngan da sngewbha eh ban duwai na ka bynta jong phi. Buh da ka por lano nga dei ban kyrpad na ka bynta jong phi, na ka bynta ki rangbah pynïaidkam jong phi, bad na bynta ki briew jong phi. Te phin sa lait na kine ki jakoid, bad kin ym don shuh hangno hangno lait sa tang ha ka wah Nile.”
10U Pharaoh u jubab, “Duwai na ka bynta jong nga la shai.”
U Moses u ong, “Ngan leh kumba phi ong, ba phin ïoh tip ba ym don mano mano ruh uba kum U Trai U Blei jong ngi. 11Ma phi, ki rangbah pynïaidkam jong phi, bad ki briew jong phi, phin sa lait na kine ki jakoid, bad kin ym don shuh hangno hangno lait sa tang ha ka wah Nile.” 12Kumta u Moses bad u Aaron ki ïamihnoh na u Pharaoh, bad u Moses u kyrpad eh ïa U Trai ba un shim noh ïa kita ki jakoid kiba u la wallam ha u Pharaoh. 13U Trai u leh kumba u Moses u kyrpad, bad kita ki jakoid kiba don hapoh ïing, ha phyllaw ïing, bad ha lum ruh, ki ïap lut phar. 14Ki nong Ijipt ki la lum thup ïa ki shi jaka jaka haduh ba la iwtung lut ka ri baroh kawei. 15Hynrei haba u Pharaoh u ïohi ba kita ki jakoid ki la ïap, u la kylla mutlop biang, bad kumba U Trai u la lah ong, u Pharaoh um shym la shahshkor ïa u Moses bad u Aaron.
Ki mait#8:15-16 Ki Mait: Kine ki dei ki skain rit kiba dait. Ki ïapher shibun na ki pyrjong.
16U Trai u la ong ha u Moses, “Ong ïa u Aaron ban shoh ïa ka khyndew da u diengduh, ba u pui pui ha ka ri Ijipt baroh kawei un kylla mait.” 17Kumta u Aaron u shoh ïa ka khyndew da la u diengduh; te u pui pui baroh ha Ijipt u kylla mait, bad kumta la boi da u mait ha u briew bad ha u mrad. 18Kita ki nongleh myntor ki pyrshang ban pyndonkam ïa ki buit myntor jong ki ban pynmih mait, hynrei kim lah. Bad kat shaba leit don tang ki mait suda. 19#Luk. 11:20Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.
Ki skain
20U Trai u la ong ha u Moses, “Lashai dang step phyrngab, khie leit ap ïa u Pharaoh katba u dang leit sha ka wah, bad ïathuh ha u ba U Trai u ong, ‘Pyllait ïa ki briew jong nga ba kin ïoh mane ïa nga. 21Lada mem treh, ngan pynshitom ïa me da kaba phah ïa ki skain sha me, sha ki rangbah synshar jong me, bad sha ki briew jong me. Ki ïing jong ki nong Ijipt bad ka madan madiah baroh kin dap da ki skain suda. 22Hynrei ngan pyllait ïa ka ri Goshen, ha kaba ki briew jong nga ki shong, ba kumta yn ym don skain hangta. Ngan leh ïa kane ba men tip ba nga U Trai nga trei ha kane ka ri. 23Ngan pynïapher hapdeng ki briew jong nga bad ki briew jong me. Kane ka kambah kan jia lashai.’ ” 24Bad U Trai u leh kumta; ki skain da ki kynhun bah ki wan rung hapoh ïing jong u Pharaoh bad hapoh ïing jong ki rangbah synshar jong u. Ka ri Ijipt baroh kawei ka julor ha kita ki skain.
25Te u Pharaoh u la phah khot ïa u Moses bad u Aaron, bad u la ong, “Khie leit bad ai jingkñia ha U Blei jong phi hangne ha kane ka ri.”
26Hynrei u Moses u jubab, “Kam long kaba dei ba ngin leh kumta, namar ki nong Ijipt kin thut haba ngin kñia ïa ki mrad kiba ngi ai sha U Trai U Blei jong ngi. Lada ngi pyndonkam ïa kine ki mrad bad pynmong ïa ki nong Ijipt da kaba kñia ïa kine ki jingri ha ka jaka ba ki lah ban ïohi, kin sa lynthem maw ïa ngi. 27Ngi dei ban leit lai sngi lynti sha ka ri shyiap ban kñia ainguh ha U Trai U Blei jong ngi, kumba u la hukum ïa ngi.”
28U Pharaoh u ong, “Ngan shah ba phin ïaleit ban ai jingkñia ha U Trai U Blei jong phi ha ka ri shyiap; lada phim leit jngai than. Duwai na ka bynta jong nga.”
29U Moses u jubab, “Nga tang shu mih nangne, ngan kyrpad ïa U Trai ba la shai ka sngi ki skain kin phet noh na phi, na ki rangbah synshar jong phi, bad na ki briew jong phi. Hynrei phim dei ban shukor shuh ïa ngi bad khang ïa ki briew ban leit kñia ha U Trai.”
30U Moses u mihnoh na u Pharaoh, bad u kyrpad ïa U Trai, 31bad U Trai ruh u leh kumba u Moses u la kyrpad. Ki skain ki phet noh na u Pharaoh, na ki rangbah synshar jong u, bad na ki briew jong u; wat tang uwei ruh um sah shuh. 32Hynrei wat ha kane ka kynti ruh, u Pharaoh u la kylla long mutlop, bad um shym shah ïa u paidbah ban leit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.