JENESIS 14
14
U Abram u pyllait im ïa u Lot
1Saw ngut ki syiem, u Amraphel jong ka Babilonia, u Ariokh jong ka Ellasar, u Khedorlaomer jong ka Elam, bad u Tidal jong ka Goiim, 2ki la leit ïaleh thma pyrshah ïa ki san ngut kiwei pat ki syiem: u Bera jong ka Sodom, u Birsha jong ka Gomorrah, u Shinab jong ka Admah, u Shemeber jong ka Seboiim, bad u syiem jong ka Bela (lane Soar). 3Kine ki san ngut ki syiem ki la pynlong ka jingïateh lok bad ki la ïasoh lang kum kawei ka kynhun shipai ha ka Them Siddim, kaba long mynta ka Duriaw Baïap. 4Ki lah don hapoh ka jingsynshar u Khedorlaomer haduh khat-ar snem, hynrei ha ka snem kaba khatlai ki la ïeng ïaleh pyrshah ïa u. 5Ha ka snem kaba khatsaw, u Khedorlaomer lem bad kita ki syiem kiba don ha ka liang jong u ki la wan ryngkat bad la ki shipai bad jop ïa ki Rephaim ha Ashteroth Karnaim, ïa ki Susim ha Ham, ïa ki Emim ha ka pyntha jong ka Kiriathaim, 6bad ïa ki Hor ha ki lumbah jong ka Edom, bad ki thwet ïa ki haduh Elparan kaba harud ka ri shyiap. 7Nangta ki phai dien bad ki wan poi biang sha Kadesh (kaba la tip mynshuwa kum ka Enmishpat). Ki la jop ïa ka ri baroh jong ki Amalek, bad ki la jop ïa ki Amor ruh kiba shong basah ha Hasason Tamar.
8Nangta ki syiem jong ka Sodom, ka Gomorrah, ka Admah, ka Seboiim, bad ka Bela ki la khreh ïa la ki shipai na ka bynta ka thma ha ka them Siddim bad ki la ïaleh pyrshah 9ïa ki syiem jong ka Elam, ka Goiim, ka Babilonia bad ka Ellasar, ki san ngut ki syiem pyrshah ïa ki saw ngut ki syiem. 10Ka them ka la dap da ki thliew bsiang; bad haba ki syiem jong ka Sodom bad ka Gomorrah ki la pyrshang ban phet ïap na ka thma, ki la hap ha kita ki thliew; hynrei ki lai ngut kiwei pat ki syiem ki la phet ïap sha ki lumbah. 11Kita ki saw ngut ki syiem ki la shim lut khoit kat kaba don ha Sodom bad Gomorrah, kaba kynthup ruh ïa ka jingbam bad ki la leit noh. 12U Lot, u pyrsa jong u Abram, u la shong la sah ha Sodom, kumta ki la shim ïa u lem bad ïa ki jingdon jingem jong u baroh.
13Te uwei uba la ïohlait u wan ïathuh ïa kane baroh ha u Abram, u Hebru, uba la shong la sah hajan ki dieng kyntang jong u Mamre u kynja Amor. U Mamre bad ki para shynrang jong u, u Eshkol bad u Aber, ki dei ki paralok u Abram. 14Haba u Abram u la ïohsngew ba la kem koidi ïa u pyrsa jong u, u khot lang ïa ki nongïapom kiba don hapoh ka dara jong u, baroh ki long laispah khatphra ngut, bad u la thwet ïa ki saw ngut ki syiem haduh Dan. 15Hangta u pynbynta kynhun kynhun ïa la ki briew, u tur pyrshah ïa ki nongshun mynmiet, bad u jop ïa ki. U beh ruh ïa ki haduh Hobah, kaba shaphang shatei jong ka Damaskos, bad u la ïoh pat ruh ïa kat kaba ki la lute. 16U wan ïalam pat ruh ïa u Lot, u pyrsa jong u lem bad ïa ki jingdon jingem jong u, ryngkat ruh bad ïa ki kynthei bad ïa kiwei pat ki koidi.
U Melkhisedek u kyrkhu ïa u Abram
17Haba u Abram u la wan phai na ka jingjop ïa u Khedorlaomer bad ïa kita kiwei pat ki syiem, u syiem jong ka Sodom u leit ban ïashem ïa u ha ka them Shabeh (ïa kaba la khot ruh ka Them u Syiem). 18#Heb. 7:1-10Bad u Melkhisedek, uba long u syiem jong ka Salem bad uba long ruh u lyngdoh jong U Blei Bahakhlieh Tam Eh, u la wallam ïa u kpu bad ka waiñ ha u Abram, 19u la kyrkhu ïa u, bad u ong, “To U Blei Bahakhlieh Tam Eh, u nongthaw ïa ka bneng bad ïa ka khyndew, un kyrkhu ïa u Abram! 20bad to kan long ka jingïaroh ïa U Blei Bahakhlieh Tam Eh uba ai ha phi ïa ka jingjop halor ki nongshun jong phi!” Bad u Abram u ai ha u Melkhisedek ïa kaba shiphew na ka jinglute kaba u la lah pynïoh pat.
21U syiem jong ka Sodom u ong ha u Abram, “Bat ïa kaba la ïoh lute, hynrei pynphai noh ïa ki briew jong nga baroh.”
22U Abram u ong, “Nga la smai ha khmat U Trai, U Blei Bahakhlieh Tam Eh, u Nongthaw ïa ka bneng bad ïa ka khyndew, ba ngan ym bat ei ei ïa kaba dei ka jong me, wat ïa u 'sai juti ruh. 23Te men ym ïoh ong, ‘Dei ma nga uba la pynriewspah ïa u Abram.’ 24Ngan ym shim ei ei na ka bynta ïa lade; ngan pdiang tang ïa kata kaba ki briew jong nga ki la pyndonkam. Hynrei shah ba ki paralok jong nga, u Aner, u Eshkol, bad u Mamre ba kin shim ïa la ka bynta.”
Currently Selected:
JENESIS 14: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
JENESIS 14
14
U Abram u pyllait im ïa u Lot
1Saw ngut ki syiem, u Amraphel jong ka Babilonia, u Ariokh jong ka Ellasar, u Khedorlaomer jong ka Elam, bad u Tidal jong ka Goiim, 2ki la leit ïaleh thma pyrshah ïa ki san ngut kiwei pat ki syiem: u Bera jong ka Sodom, u Birsha jong ka Gomorrah, u Shinab jong ka Admah, u Shemeber jong ka Seboiim, bad u syiem jong ka Bela (lane Soar). 3Kine ki san ngut ki syiem ki la pynlong ka jingïateh lok bad ki la ïasoh lang kum kawei ka kynhun shipai ha ka Them Siddim, kaba long mynta ka Duriaw Baïap. 4Ki lah don hapoh ka jingsynshar u Khedorlaomer haduh khat-ar snem, hynrei ha ka snem kaba khatlai ki la ïeng ïaleh pyrshah ïa u. 5Ha ka snem kaba khatsaw, u Khedorlaomer lem bad kita ki syiem kiba don ha ka liang jong u ki la wan ryngkat bad la ki shipai bad jop ïa ki Rephaim ha Ashteroth Karnaim, ïa ki Susim ha Ham, ïa ki Emim ha ka pyntha jong ka Kiriathaim, 6bad ïa ki Hor ha ki lumbah jong ka Edom, bad ki thwet ïa ki haduh Elparan kaba harud ka ri shyiap. 7Nangta ki phai dien bad ki wan poi biang sha Kadesh (kaba la tip mynshuwa kum ka Enmishpat). Ki la jop ïa ka ri baroh jong ki Amalek, bad ki la jop ïa ki Amor ruh kiba shong basah ha Hasason Tamar.
8Nangta ki syiem jong ka Sodom, ka Gomorrah, ka Admah, ka Seboiim, bad ka Bela ki la khreh ïa la ki shipai na ka bynta ka thma ha ka them Siddim bad ki la ïaleh pyrshah 9ïa ki syiem jong ka Elam, ka Goiim, ka Babilonia bad ka Ellasar, ki san ngut ki syiem pyrshah ïa ki saw ngut ki syiem. 10Ka them ka la dap da ki thliew bsiang; bad haba ki syiem jong ka Sodom bad ka Gomorrah ki la pyrshang ban phet ïap na ka thma, ki la hap ha kita ki thliew; hynrei ki lai ngut kiwei pat ki syiem ki la phet ïap sha ki lumbah. 11Kita ki saw ngut ki syiem ki la shim lut khoit kat kaba don ha Sodom bad Gomorrah, kaba kynthup ruh ïa ka jingbam bad ki la leit noh. 12U Lot, u pyrsa jong u Abram, u la shong la sah ha Sodom, kumta ki la shim ïa u lem bad ïa ki jingdon jingem jong u baroh.
13Te uwei uba la ïohlait u wan ïathuh ïa kane baroh ha u Abram, u Hebru, uba la shong la sah hajan ki dieng kyntang jong u Mamre u kynja Amor. U Mamre bad ki para shynrang jong u, u Eshkol bad u Aber, ki dei ki paralok u Abram. 14Haba u Abram u la ïohsngew ba la kem koidi ïa u pyrsa jong u, u khot lang ïa ki nongïapom kiba don hapoh ka dara jong u, baroh ki long laispah khatphra ngut, bad u la thwet ïa ki saw ngut ki syiem haduh Dan. 15Hangta u pynbynta kynhun kynhun ïa la ki briew, u tur pyrshah ïa ki nongshun mynmiet, bad u jop ïa ki. U beh ruh ïa ki haduh Hobah, kaba shaphang shatei jong ka Damaskos, bad u la ïoh pat ruh ïa kat kaba ki la lute. 16U wan ïalam pat ruh ïa u Lot, u pyrsa jong u lem bad ïa ki jingdon jingem jong u, ryngkat ruh bad ïa ki kynthei bad ïa kiwei pat ki koidi.
U Melkhisedek u kyrkhu ïa u Abram
17Haba u Abram u la wan phai na ka jingjop ïa u Khedorlaomer bad ïa kita kiwei pat ki syiem, u syiem jong ka Sodom u leit ban ïashem ïa u ha ka them Shabeh (ïa kaba la khot ruh ka Them u Syiem). 18#Heb. 7:1-10Bad u Melkhisedek, uba long u syiem jong ka Salem bad uba long ruh u lyngdoh jong U Blei Bahakhlieh Tam Eh, u la wallam ïa u kpu bad ka waiñ ha u Abram, 19u la kyrkhu ïa u, bad u ong, “To U Blei Bahakhlieh Tam Eh, u nongthaw ïa ka bneng bad ïa ka khyndew, un kyrkhu ïa u Abram! 20bad to kan long ka jingïaroh ïa U Blei Bahakhlieh Tam Eh uba ai ha phi ïa ka jingjop halor ki nongshun jong phi!” Bad u Abram u ai ha u Melkhisedek ïa kaba shiphew na ka jinglute kaba u la lah pynïoh pat.
21U syiem jong ka Sodom u ong ha u Abram, “Bat ïa kaba la ïoh lute, hynrei pynphai noh ïa ki briew jong nga baroh.”
22U Abram u ong, “Nga la smai ha khmat U Trai, U Blei Bahakhlieh Tam Eh, u Nongthaw ïa ka bneng bad ïa ka khyndew, ba ngan ym bat ei ei ïa kaba dei ka jong me, wat ïa u 'sai juti ruh. 23Te men ym ïoh ong, ‘Dei ma nga uba la pynriewspah ïa u Abram.’ 24Ngan ym shim ei ei na ka bynta ïa lade; ngan pdiang tang ïa kata kaba ki briew jong nga ki la pyndonkam. Hynrei shah ba ki paralok jong nga, u Aner, u Eshkol, bad u Mamre ba kin shim ïa la ka bynta.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.