JENESIS 48
48
U Jakob u kyrkhu ïa u Ephraim bad ïa u Manasseh
1Hadien katto katne por, la ïathuh ha u Joseph ba u kpa jong u, u pang. Kumta u ïalam ïa ki khun shynrang jong u ar ngut, u Manasseh bad u Ephraim, ban ïaleit khmih ïa u Jakob. 2Haba la ïathuh ha u Jakob ba u Joseph u khun jong u, u wan jngoh ïa u, u pyneh katba lah ban shong ha la jingthiah. 3#Jen. 28:13,14U Jakob u ong ha u Joseph, “U Blei Badonbor Baroh u la wan mihpaw ha nga ha Lus ha ka ri Kanaan, bad u la kyrkhu ïa nga. 4U la ong ha nga, ‘Ngan ai ha me bun ki khun ki ksiew ba kumta ki nongmih pateng jong me kin sa long ki jaitbynriew kiba bun. Ngan ai ïa kane ka ri ha ki khun ki ksiew jong me ba kan long ka ri kynti jong ki junom.’ ”
5U Jakob u bteng, “Joseph, ki khun shynrang jong me ar ngut kiba me la ïoh ha Ijipt shuwa ba ngan wan hangne ki dei ki jong nga; u Ephraim bad u Manasseh ki long ki khun jong nga kumba long u Reuben bad u Simeon. 6Lada men dang ïoh khun shuh nalor jong ki, kita kin ym dei ki jong nga; kano kano ka bynta kaba kin ïohpateng kan wan na u Ephraim bad u Manasseh. 7#Jen. 35:16-19Dei na ka bynta ka Rakhel ka kmie jong me ba nga leh ïa kane. Nga sngewsih eh ba ka la ïap noh ha ri Kanaan, hajan Ephrath, katba ngi dang ïawan phai na Mesopotamia. Nga la tep ïa ka hangta harud ka lynti kaba leit sha Ephrath.” (Ïa ka Ephrath la tip mynta kum ka Bethlehem.)
8Haba u Jakob u ïohi ïa ki khun u Joseph, u kylli, “Kiei kine ki khynnah?”
9U Joseph u jubab, “Kine ki dei ki khun jong nga kiba U Blei u la ai ïa nga hangne ha Ijipt.” U Jakob u ong, “Wan ïalam ïa ki sha nga ba ngan ïoh kyrkhu ïa ki.” 10U Jakob, namar ba u la tymmen, u la byr-ïe ki khmat, bad um imat bha shuh. U Joseph u ïalam ïa ki hajan jong u; u ruh u piam u kdup ïa ki bad u doh de ïa ki. 11U Jakob u ong ha u Joseph, “Ngam shym poi pyrkhat ba ngan dang ïohi biang ïa ka khmat jong me; pynban U Blei u la shah ba ngan ïohi sa ïa ki khun jong me ruh.” 12Nangta u Joseph u shim noh ïa ki na u, bad u nguh u dem ïa u haduh madan.
13U Joseph u buh ïa u Ephraim ha ka liang kadiang jong u Jakob bad ïa u Manasseh ha ka liang kamon jong u. 14U Jakob u phna ïa la ki kti bad u buh ïa ka kti kamon ha ka khlieh u Ephraim, wat la u long uba kham rit, bad ïa ka kti kadiang ha ka khlieh u Manasseh, uba kham san. 15Nangta u kyrkhu ïa u Joseph u da ong,
“To U Blei uba ki kpa jong nga,
U Abraham bad u Isaak, ki la shakri,
Un kyrkhu ïa kine ki khun!
To U Blei uba la ïalam ïa nga
haduh kane ka sngi,
un kyrkhu ïa ki!
16To u angel uba la pyllait ïa nga na ka jingsniew baroh, un kyrkhu ïa ki!
To ka kyrteng jong nga, bad ka jong ki kpa jong nga,
u Abraham bad u Isaak,
Kan ïai im lyngba kine ki khun!
To kin don bun ki khun ki kti bad ki khun ki ksiew kiba bun!”
17U Joseph um sngewtynnat haba u ïohi ïa u kpa jong u ba u buh ïa la ka kti kamon ha ka khlieh u Ephraim; kumta u bat ïa ka kti u kpa jong u ban pynkynriah ïa ka na ka khlieh u Ephraim sha ka khlieh u Manasseh. 18U ong ha la u kpa, “Pa, ym dei kumto. Une uba nyngkong; buh ïa ka kti kamon jong phi ha ka khlieh jong u.”
19Hynrei u kpa jong u, u kyrngah, bad u ong, “Nga tip, khun; nga tip. Ki khun ki ksiew jong u Manasseh ruh kin sa kylla long ka jaitbynriew kaba khraw. Hynrei u para jong u un kham khraw ban ïa u, bad ki khun ki ksiew jong u kin kylla long ki jaitbynriew kiba khraw.”
20 #
Heb. 11:21
Kumta u kyrkhu ïa ki ha kata ka sngi, u da ong, “Ki Israel kin sa shim ïa ki kyrteng jong phi haba ki kyrkhu kyrdoh ïano ïano. Kin ïa-ong, ‘To U Blei un pynlong ïa phi kum u Ephraim bad kum u Manasseh.’ ” Da kumta u la buh ïa u Ephraim ha shuwa u Manasseh.
21Nangta u Jakob u ong ha u Joseph, “Kumba phi ïohi, nga la jan ïap, hynrei U Blei un don ryngkat bad me, bad un sa ïalam pat ïa me sha ka ri ki kpa tymmen jong me. 22Dei ha me, ym ha ki hynmen jong me, ba nga ai ïa ka Shekhem, kata ka jaka kaba seisoh ba nga la ïohknieh na ki Amor da ka waitlam bad ka ryntieh jong nga.”
Currently Selected:
JENESIS 48: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
JENESIS 48
48
U Jakob u kyrkhu ïa u Ephraim bad ïa u Manasseh
1Hadien katto katne por, la ïathuh ha u Joseph ba u kpa jong u, u pang. Kumta u ïalam ïa ki khun shynrang jong u ar ngut, u Manasseh bad u Ephraim, ban ïaleit khmih ïa u Jakob. 2Haba la ïathuh ha u Jakob ba u Joseph u khun jong u, u wan jngoh ïa u, u pyneh katba lah ban shong ha la jingthiah. 3#Jen. 28:13,14U Jakob u ong ha u Joseph, “U Blei Badonbor Baroh u la wan mihpaw ha nga ha Lus ha ka ri Kanaan, bad u la kyrkhu ïa nga. 4U la ong ha nga, ‘Ngan ai ha me bun ki khun ki ksiew ba kumta ki nongmih pateng jong me kin sa long ki jaitbynriew kiba bun. Ngan ai ïa kane ka ri ha ki khun ki ksiew jong me ba kan long ka ri kynti jong ki junom.’ ”
5U Jakob u bteng, “Joseph, ki khun shynrang jong me ar ngut kiba me la ïoh ha Ijipt shuwa ba ngan wan hangne ki dei ki jong nga; u Ephraim bad u Manasseh ki long ki khun jong nga kumba long u Reuben bad u Simeon. 6Lada men dang ïoh khun shuh nalor jong ki, kita kin ym dei ki jong nga; kano kano ka bynta kaba kin ïohpateng kan wan na u Ephraim bad u Manasseh. 7#Jen. 35:16-19Dei na ka bynta ka Rakhel ka kmie jong me ba nga leh ïa kane. Nga sngewsih eh ba ka la ïap noh ha ri Kanaan, hajan Ephrath, katba ngi dang ïawan phai na Mesopotamia. Nga la tep ïa ka hangta harud ka lynti kaba leit sha Ephrath.” (Ïa ka Ephrath la tip mynta kum ka Bethlehem.)
8Haba u Jakob u ïohi ïa ki khun u Joseph, u kylli, “Kiei kine ki khynnah?”
9U Joseph u jubab, “Kine ki dei ki khun jong nga kiba U Blei u la ai ïa nga hangne ha Ijipt.” U Jakob u ong, “Wan ïalam ïa ki sha nga ba ngan ïoh kyrkhu ïa ki.” 10U Jakob, namar ba u la tymmen, u la byr-ïe ki khmat, bad um imat bha shuh. U Joseph u ïalam ïa ki hajan jong u; u ruh u piam u kdup ïa ki bad u doh de ïa ki. 11U Jakob u ong ha u Joseph, “Ngam shym poi pyrkhat ba ngan dang ïohi biang ïa ka khmat jong me; pynban U Blei u la shah ba ngan ïohi sa ïa ki khun jong me ruh.” 12Nangta u Joseph u shim noh ïa ki na u, bad u nguh u dem ïa u haduh madan.
13U Joseph u buh ïa u Ephraim ha ka liang kadiang jong u Jakob bad ïa u Manasseh ha ka liang kamon jong u. 14U Jakob u phna ïa la ki kti bad u buh ïa ka kti kamon ha ka khlieh u Ephraim, wat la u long uba kham rit, bad ïa ka kti kadiang ha ka khlieh u Manasseh, uba kham san. 15Nangta u kyrkhu ïa u Joseph u da ong,
“To U Blei uba ki kpa jong nga,
U Abraham bad u Isaak, ki la shakri,
Un kyrkhu ïa kine ki khun!
To U Blei uba la ïalam ïa nga
haduh kane ka sngi,
un kyrkhu ïa ki!
16To u angel uba la pyllait ïa nga na ka jingsniew baroh, un kyrkhu ïa ki!
To ka kyrteng jong nga, bad ka jong ki kpa jong nga,
u Abraham bad u Isaak,
Kan ïai im lyngba kine ki khun!
To kin don bun ki khun ki kti bad ki khun ki ksiew kiba bun!”
17U Joseph um sngewtynnat haba u ïohi ïa u kpa jong u ba u buh ïa la ka kti kamon ha ka khlieh u Ephraim; kumta u bat ïa ka kti u kpa jong u ban pynkynriah ïa ka na ka khlieh u Ephraim sha ka khlieh u Manasseh. 18U ong ha la u kpa, “Pa, ym dei kumto. Une uba nyngkong; buh ïa ka kti kamon jong phi ha ka khlieh jong u.”
19Hynrei u kpa jong u, u kyrngah, bad u ong, “Nga tip, khun; nga tip. Ki khun ki ksiew jong u Manasseh ruh kin sa kylla long ka jaitbynriew kaba khraw. Hynrei u para jong u un kham khraw ban ïa u, bad ki khun ki ksiew jong u kin kylla long ki jaitbynriew kiba khraw.”
20 #
Heb. 11:21
Kumta u kyrkhu ïa ki ha kata ka sngi, u da ong, “Ki Israel kin sa shim ïa ki kyrteng jong phi haba ki kyrkhu kyrdoh ïano ïano. Kin ïa-ong, ‘To U Blei un pynlong ïa phi kum u Ephraim bad kum u Manasseh.’ ” Da kumta u la buh ïa u Ephraim ha shuwa u Manasseh.
21Nangta u Jakob u ong ha u Joseph, “Kumba phi ïohi, nga la jan ïap, hynrei U Blei un don ryngkat bad me, bad un sa ïalam pat ïa me sha ka ri ki kpa tymmen jong me. 22Dei ha me, ym ha ki hynmen jong me, ba nga ai ïa ka Shekhem, kata ka jaka kaba seisoh ba nga la ïohknieh na ki Amor da ka waitlam bad ka ryntieh jong nga.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.