तइरकर 9
9
सउलस मसी आलस मन्दस
(तइ 22:6-16; 26:12-18)
1सउलस अक्कु गूटी हूँ उर्बासी चेलारिन एल्कत'अना अरा पिटा गे निसा रहचा। आस कोहाँ नैगस गुसन केरस ती 2दमसकोस नगरे ता गोड़हा एड़पा गुट्ठी ही नामे नू चिठी गुट्ठी नॆचस। ख़ने आस मसीसी डहरे नू ईकू मुक्कर महले मॆतारिन असन ख़क्खोस होले, आरिन हें'ओस ती येरुसलॆम ओन्द्र'आ ओंगोस।
3अक्कु आस कानुम कानुम दमसकोस गुसन अंड़सियस ख़ने, आचका ही मेर्ख़ा ती ओन्टा बिल्ली आसी चरियो तरा बिल्चिया। 4ख़ने आस ख़ॆख़ेल नू खत्तरस अरा आस ओन्टा ब'अनन मेंजस, “सउल, सउल, नीन एंगन एन्देरगे सताब'आलदय?” 5ख़ने आस बाचस, “उर्बायो, नीन एका ओर्तय?” ख़ने आ ब'अना आसिन बाचा, “ऎन येसु हिकदन, नॆकन नीन सताब'आलदय। 6अक्कु चो'आ ती नगरे नू कला, निंगा एन्देर नन्ना र'ई आद तेंगतार'ओ।” 7आसी गने डहरे ईकू आलर अनभूल इज्जर केरर, आर ब'अनन गा मेना लगियर, लिकिन नॆकन हूँ मल ईरियर। 8सउलस चॊचस ती ख़न्न चलख़स, लिकिन आस एन्द्रन हूँ ऎरा पोल्लस। औंगे आर आसी ख़ेक्खन धरचर ती दमसकोस होच्चर। 9आस तीन उल्ला गूटी अन्धहा मंजका रहचस अरा मल ओंडस मोक्खस।
10दमसकोस नू हनानिया नामे ओन्टा चेला रहचस। उर्बस आस गे ऎथ्रस ती बाचस, “हनानिया!” अरा आस आनाकिर्ताचस, “उर्बायो, ऎन र'अदन।” 11उर्बस आसिन बाचस, “चो'आ अरा उजगो नामे गली नू कला। अरा यूदसी एड़पन बेद्दा अरा सउल नामे तरसोस नगरे ता आलासिन मेना। आस असन अक्कु गोहरार'आ लगदस। 12आस देखार नू ईरकादस का हनानिया नामे आलस बरदस ती आसी मइय्याँ ख़ेक्खा उइय्दस। ख़ने आस ऎरा ओंग्दस।” 13लिकिन हनानियास आनाकिर्ताचस, “उर्बायो! ऎन कैनो बग्गे आलर ती मेंजकादन का ईस येरुसलॆम नू निंग्है नेम्हा आलारिन नगदे डाहचकाचस। 14आस इसन हूँ एकार निंगन ऒड़ लग्गनर आरिन हें'आ हो'आ गे मुध नैगर तरती अदिया ख़क्खकादस।”
15लिकिन उर्बस हनानियासिन बाचस, “कला, आस गा नन-यहूदी आलर अरा बॆलर अरा इस्राऎल आलर नू एंग्है पत्त नू तेंगा गे ऎन चज्जिका आलस हिकदस। 16ऎन आसिन तेंगोन का एंग्है नामे चड्डे आस गे एका बग्गे दुक्खे सारना र'ई।”
17तहाँ हनानियास उरखस ती यूदसी एड़पा कोरचस। अरा आस सउलसी मइय्याँ ख़ेक्खन उइय्यस ती बाचस, “अना भई सउल, उर्बा येसुस नॆ निंगन इसन बर'ओ बारी डहरे नू ऎथ्रकाचस, आस एंगन तइय्कादस का नीन अउर ऎरा ओंगोय, अरा नीन नेम्हा बॊलतस ती नीन्द'ओय क'ओय।” 18लेथेम आसी ख़न्न ती चोपला लेक्खा खत्तरा। ख़ने आस अउर ऎरा ऊंगियस। तहाँ आस चॊचस अरा नॊड़रस। 19अरा आस मंडी ओंडस ती पया ख़क्खियस।
दमसकोस नू सउलसी दौ कत्था तेंगा कुद्दना
सउलस जोक्क उल्ला गूटी दमसकोस नू चेलर गने रहचस। 20आस लॆम गोड़हा एड़पा गुट्ठी नू येसुसी पत्त नू तेंगा हेलरस का, “येसुस धर्मेसी ख़द्दस हिकदस।” 21अरा ओर्मा मिनू आलर अनचकरर अरा बाचर, “ईस आसिम हिकदस, एकास येरुसलॆम नू येसुसी नामे नू महबा ननुरिन पिटा लगियस। अरा ईस इसन हूँ अदगेम बरचस का येसुसी चॊंख़्र'उरिन हें'ओस ती मुध नैगर गुसन हो'आ गे बरचकादस।” 22लिकिन सउलसी पया बड़ियर मन्नुम काला लगिया। अरा सबुती ती येसुस दिम मसी हिकदस एन्ने ब'अरकी दमसकोस ता यहूदी आलर ही बइय्यन खप्पा बाचस चिच्चस।
23एन्ने एन्ने नू नगदे उल्ला मंजका ख़ॊख़ा, यहूदी आलर आसिन पिटा गे चिताबुता ओड्डर। 24लिकिन सउलस गे अदही अरो ख़क्खरा। आर आसिन पिटा गे उल्ला माख़ा नगरे ही बकड़े गुसन जोहचका र'आ लगियर। 25लिकिन जोक्क चेलर आसिन माख़ा होच्चर ती आसिन कोहाँ ढक्की नू ओकताचर ती आसिन नगरे ही मेच्छा कोहाँ पगड़ ही भोंका ती किय्या एत्ताचर चिच्चर।#2कोरि 11:32,33
सउलसी येरुसलॆम काना
26सउलस येरुसलॆम अंड़सियस ती पत्त'उर ही खोंड़हा नू मेसर'आ गे चिहुट नंजस। लिकिन अबड़ा ओर्मर आसिन एल्चा लगियर, एन्देरगेका आर मल पत्त'आ लगियर का आस मानिम नू येसुसी पत्त'ऊ आलस मंज ख़च्चिकादस। 27लिकिन बरनबास सउलसिन इंझ्रस ती आसिन तइरकर गुसन होच्चस ती तिंगियस का उर्बस डहरे नू सउलस गे ऎथ्रस अरा उर्बस आसी गने कछनख्रकाचस अरा सउलस एकासे दमसकोस नू डिढ ती येसुसी दौ कत्थन तिंका रहचस।
28इदही ख़ॊख़ा सउलस येरुसलॆम नू आर गने काला बर'आ हेलरस अरा डिढ ती उर्बासी नामे ती दौ कत्थन तेंगा लगियस। 29अरा आस युनानी भखा कछनख्र'ऊ यहूदी आलर गने कछनख्र'आ अरा आनानख्र'आ लगियस। आर गा आसिन पिटा गे चिहुट नना लगियर। 30पत्त'ऊ भईर इदन अक्खर ख़ने, आर सउलसिन कैसरेया होच्चर ती तरसोस नगरे तइय्यर।
31आ उल्ला सौंसे यूदेया गलिलेया अरा समारिया नू कलीसिया नू सान्ति ख़क्खरा अरा बड़ियर मन्नुम केरा। अरा पत्त'उर उर्बासी एल्चना नू उज्जा लगियर। अरा आर नेम्हा बॊलतासी जिया सालना ख़क्खियर ती गन्ती नू परदनुम काला लगियर।
लुद्दा अरा योप्पॆ नू पतरसी हैकट नलख
32पतरस जम्मा अड्डा नू कुद्दनुम कुद्दनुम उन्दुल लुद्दा नगरे नू र'ऊ नेम्हा आलर गुसन हूँ केरस। 33असन आस ऐनेयास नामे आठ बछर ती पिटरी नू बिड़रका ओन्टा लकवा बेमरहा आलासिन ख़क्खियस। 34पतरस आसिन बाचस, “ऐनेयास, येसु मसीस निंगन कोड़े नन्दस, चो'आ ती निंग्है पिटरिन तेरमा।” लॆम आस चॊचस ती इज्जस। 35ख़ने लुद्दा अरा सरॊन नगरे ता उर्मी आलर आसिन ईरियर। अरा अबड़र उर्बा येसुसिन पत्ताचर।
36अक्कु योप्पॆ नगरे नू तबिता नामे ओन्टा पत्त'ऊ आली रहचा। युनानी भखा नू इदही नामे दोरका हवे। आद नगदे दौ नलख नना लगिया अरा कीड़र गे संगरा नना लगिया। 37अबड़ा उल्ला नू आद बेमार मंजा ती केच्चा केरा। अदही मरिन एमताचर ती मचा नू कीदर चिच्चर। 38लुद्दा गा योप्पॆ ती हेद्दे रहचा, ख़ने पत्त'ऊ आलर मेंजर का पतरस असन र'अदस। औंगे आर ऎंड़ आलारिन तइय्यर ती आसिन मीख़ियर का नीन एम्है गुसन लॆम बरा। 39ख़ने पतरस चॊचस ती आर ही गने केरस। आस योप्पॆ अंड़सियस ख़ने, आलर आसिन मचा कुटली नू होच्चर। असन उर्मी रड़ियाहीर चींख़नुम आसी गुसन बरचर ती इज्जर ती अबड़ा किचरी गुट्ठिन ऎद'आ लगियर, एकदन दोरका आर ही गने रहचा ख़ने कमचकी रहचा। 40पतरस ओर्मारिन बहरी तइय्यस अरा मूकलिद्रस ती गोहरारस। अदही ख़ॊख़ा आस मरी तरा ईरियस ती बाचस, “तबिता चो'अय!” आद ख़न्नन चलख़ा अरा पतरसिन ईरिया ती चॊचा ती उक्किया। 41पतरस तंग्है ख़ेक्खा ती अदिन चॊदस। अरा आस पत्त'ऊ आलारिन अरा रड़ियाहीरिन मीख़ियस ती अदिन आर गे उज्जना ऎदस। 42ई कत्था योप्पॆ नू बींड़रा केरा अरा ढ़ॆर आलर उर्बा येसुसिन पत्ताचर। 43अरा पतरस बग्गे उल्ला योप्पॆ नू सिमॊन नामे ओन्टा चमरस गुसन रहचस।
Currently Selected:
तइरकर 9: KURUXBSI
Highlight
Share
Copy
Want to have your highlights saved across all your devices? Sign up or sign in
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.
तइरकर 9
9
सउलस मसी आलस मन्दस
(तइ 22:6-16; 26:12-18)
1सउलस अक्कु गूटी हूँ उर्बासी चेलारिन एल्कत'अना अरा पिटा गे निसा रहचा। आस कोहाँ नैगस गुसन केरस ती 2दमसकोस नगरे ता गोड़हा एड़पा गुट्ठी ही नामे नू चिठी गुट्ठी नॆचस। ख़ने आस मसीसी डहरे नू ईकू मुक्कर महले मॆतारिन असन ख़क्खोस होले, आरिन हें'ओस ती येरुसलॆम ओन्द्र'आ ओंगोस।
3अक्कु आस कानुम कानुम दमसकोस गुसन अंड़सियस ख़ने, आचका ही मेर्ख़ा ती ओन्टा बिल्ली आसी चरियो तरा बिल्चिया। 4ख़ने आस ख़ॆख़ेल नू खत्तरस अरा आस ओन्टा ब'अनन मेंजस, “सउल, सउल, नीन एंगन एन्देरगे सताब'आलदय?” 5ख़ने आस बाचस, “उर्बायो, नीन एका ओर्तय?” ख़ने आ ब'अना आसिन बाचा, “ऎन येसु हिकदन, नॆकन नीन सताब'आलदय। 6अक्कु चो'आ ती नगरे नू कला, निंगा एन्देर नन्ना र'ई आद तेंगतार'ओ।” 7आसी गने डहरे ईकू आलर अनभूल इज्जर केरर, आर ब'अनन गा मेना लगियर, लिकिन नॆकन हूँ मल ईरियर। 8सउलस चॊचस ती ख़न्न चलख़स, लिकिन आस एन्द्रन हूँ ऎरा पोल्लस। औंगे आर आसी ख़ेक्खन धरचर ती दमसकोस होच्चर। 9आस तीन उल्ला गूटी अन्धहा मंजका रहचस अरा मल ओंडस मोक्खस।
10दमसकोस नू हनानिया नामे ओन्टा चेला रहचस। उर्बस आस गे ऎथ्रस ती बाचस, “हनानिया!” अरा आस आनाकिर्ताचस, “उर्बायो, ऎन र'अदन।” 11उर्बस आसिन बाचस, “चो'आ अरा उजगो नामे गली नू कला। अरा यूदसी एड़पन बेद्दा अरा सउल नामे तरसोस नगरे ता आलासिन मेना। आस असन अक्कु गोहरार'आ लगदस। 12आस देखार नू ईरकादस का हनानिया नामे आलस बरदस ती आसी मइय्याँ ख़ेक्खा उइय्दस। ख़ने आस ऎरा ओंग्दस।” 13लिकिन हनानियास आनाकिर्ताचस, “उर्बायो! ऎन कैनो बग्गे आलर ती मेंजकादन का ईस येरुसलॆम नू निंग्है नेम्हा आलारिन नगदे डाहचकाचस। 14आस इसन हूँ एकार निंगन ऒड़ लग्गनर आरिन हें'आ हो'आ गे मुध नैगर तरती अदिया ख़क्खकादस।”
15लिकिन उर्बस हनानियासिन बाचस, “कला, आस गा नन-यहूदी आलर अरा बॆलर अरा इस्राऎल आलर नू एंग्है पत्त नू तेंगा गे ऎन चज्जिका आलस हिकदस। 16ऎन आसिन तेंगोन का एंग्है नामे चड्डे आस गे एका बग्गे दुक्खे सारना र'ई।”
17तहाँ हनानियास उरखस ती यूदसी एड़पा कोरचस। अरा आस सउलसी मइय्याँ ख़ेक्खन उइय्यस ती बाचस, “अना भई सउल, उर्बा येसुस नॆ निंगन इसन बर'ओ बारी डहरे नू ऎथ्रकाचस, आस एंगन तइय्कादस का नीन अउर ऎरा ओंगोय, अरा नीन नेम्हा बॊलतस ती नीन्द'ओय क'ओय।” 18लेथेम आसी ख़न्न ती चोपला लेक्खा खत्तरा। ख़ने आस अउर ऎरा ऊंगियस। तहाँ आस चॊचस अरा नॊड़रस। 19अरा आस मंडी ओंडस ती पया ख़क्खियस।
दमसकोस नू सउलसी दौ कत्था तेंगा कुद्दना
सउलस जोक्क उल्ला गूटी दमसकोस नू चेलर गने रहचस। 20आस लॆम गोड़हा एड़पा गुट्ठी नू येसुसी पत्त नू तेंगा हेलरस का, “येसुस धर्मेसी ख़द्दस हिकदस।” 21अरा ओर्मा मिनू आलर अनचकरर अरा बाचर, “ईस आसिम हिकदस, एकास येरुसलॆम नू येसुसी नामे नू महबा ननुरिन पिटा लगियस। अरा ईस इसन हूँ अदगेम बरचस का येसुसी चॊंख़्र'उरिन हें'ओस ती मुध नैगर गुसन हो'आ गे बरचकादस।” 22लिकिन सउलसी पया बड़ियर मन्नुम काला लगिया। अरा सबुती ती येसुस दिम मसी हिकदस एन्ने ब'अरकी दमसकोस ता यहूदी आलर ही बइय्यन खप्पा बाचस चिच्चस।
23एन्ने एन्ने नू नगदे उल्ला मंजका ख़ॊख़ा, यहूदी आलर आसिन पिटा गे चिताबुता ओड्डर। 24लिकिन सउलस गे अदही अरो ख़क्खरा। आर आसिन पिटा गे उल्ला माख़ा नगरे ही बकड़े गुसन जोहचका र'आ लगियर। 25लिकिन जोक्क चेलर आसिन माख़ा होच्चर ती आसिन कोहाँ ढक्की नू ओकताचर ती आसिन नगरे ही मेच्छा कोहाँ पगड़ ही भोंका ती किय्या एत्ताचर चिच्चर।#2कोरि 11:32,33
सउलसी येरुसलॆम काना
26सउलस येरुसलॆम अंड़सियस ती पत्त'उर ही खोंड़हा नू मेसर'आ गे चिहुट नंजस। लिकिन अबड़ा ओर्मर आसिन एल्चा लगियर, एन्देरगेका आर मल पत्त'आ लगियर का आस मानिम नू येसुसी पत्त'ऊ आलस मंज ख़च्चिकादस। 27लिकिन बरनबास सउलसिन इंझ्रस ती आसिन तइरकर गुसन होच्चस ती तिंगियस का उर्बस डहरे नू सउलस गे ऎथ्रस अरा उर्बस आसी गने कछनख्रकाचस अरा सउलस एकासे दमसकोस नू डिढ ती येसुसी दौ कत्थन तिंका रहचस।
28इदही ख़ॊख़ा सउलस येरुसलॆम नू आर गने काला बर'आ हेलरस अरा डिढ ती उर्बासी नामे ती दौ कत्थन तेंगा लगियस। 29अरा आस युनानी भखा कछनख्र'ऊ यहूदी आलर गने कछनख्र'आ अरा आनानख्र'आ लगियस। आर गा आसिन पिटा गे चिहुट नना लगियर। 30पत्त'ऊ भईर इदन अक्खर ख़ने, आर सउलसिन कैसरेया होच्चर ती तरसोस नगरे तइय्यर।
31आ उल्ला सौंसे यूदेया गलिलेया अरा समारिया नू कलीसिया नू सान्ति ख़क्खरा अरा बड़ियर मन्नुम केरा। अरा पत्त'उर उर्बासी एल्चना नू उज्जा लगियर। अरा आर नेम्हा बॊलतासी जिया सालना ख़क्खियर ती गन्ती नू परदनुम काला लगियर।
लुद्दा अरा योप्पॆ नू पतरसी हैकट नलख
32पतरस जम्मा अड्डा नू कुद्दनुम कुद्दनुम उन्दुल लुद्दा नगरे नू र'ऊ नेम्हा आलर गुसन हूँ केरस। 33असन आस ऐनेयास नामे आठ बछर ती पिटरी नू बिड़रका ओन्टा लकवा बेमरहा आलासिन ख़क्खियस। 34पतरस आसिन बाचस, “ऐनेयास, येसु मसीस निंगन कोड़े नन्दस, चो'आ ती निंग्है पिटरिन तेरमा।” लॆम आस चॊचस ती इज्जस। 35ख़ने लुद्दा अरा सरॊन नगरे ता उर्मी आलर आसिन ईरियर। अरा अबड़र उर्बा येसुसिन पत्ताचर।
36अक्कु योप्पॆ नगरे नू तबिता नामे ओन्टा पत्त'ऊ आली रहचा। युनानी भखा नू इदही नामे दोरका हवे। आद नगदे दौ नलख नना लगिया अरा कीड़र गे संगरा नना लगिया। 37अबड़ा उल्ला नू आद बेमार मंजा ती केच्चा केरा। अदही मरिन एमताचर ती मचा नू कीदर चिच्चर। 38लुद्दा गा योप्पॆ ती हेद्दे रहचा, ख़ने पत्त'ऊ आलर मेंजर का पतरस असन र'अदस। औंगे आर ऎंड़ आलारिन तइय्यर ती आसिन मीख़ियर का नीन एम्है गुसन लॆम बरा। 39ख़ने पतरस चॊचस ती आर ही गने केरस। आस योप्पॆ अंड़सियस ख़ने, आलर आसिन मचा कुटली नू होच्चर। असन उर्मी रड़ियाहीर चींख़नुम आसी गुसन बरचर ती इज्जर ती अबड़ा किचरी गुट्ठिन ऎद'आ लगियर, एकदन दोरका आर ही गने रहचा ख़ने कमचकी रहचा। 40पतरस ओर्मारिन बहरी तइय्यस अरा मूकलिद्रस ती गोहरारस। अदही ख़ॊख़ा आस मरी तरा ईरियस ती बाचस, “तबिता चो'अय!” आद ख़न्नन चलख़ा अरा पतरसिन ईरिया ती चॊचा ती उक्किया। 41पतरस तंग्है ख़ेक्खा ती अदिन चॊदस। अरा आस पत्त'ऊ आलारिन अरा रड़ियाहीरिन मीख़ियस ती अदिन आर गे उज्जना ऎदस। 42ई कत्था योप्पॆ नू बींड़रा केरा अरा ढ़ॆर आलर उर्बा येसुसिन पत्ताचर। 43अरा पतरस बग्गे उल्ला योप्पॆ नू सिमॊन नामे ओन्टा चमरस गुसन रहचस।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.