NASEPTE 1
1
Thumakai
1Theophilus aw, tuma a ka laigelh ah, Jesu thilhih leh a thuhilh pattung tengteng thu ka gelh hi. 2Kha Siangthou tawn a a sawltak telte kiang a thupiak tampi a piakkhit a van a pitouh a a omni tan a thute ahi. 3Huai sawltakte kiang ah gimna a thuaknung in theihna zuaulou tampi in hing in a kimusak a, ni sawmli hial a kiang uah a kilak a, Pathian gam thu a gen hi. 4Huan a omkhawm uh a kithuahpih a, “Jerusalem khua paisan kei un, Pa thilchiam ka gen na zak uh ngak un, a chi chiltel hi. 5Johan in tui in a baptist zel a, himahleh, ni sawtlou nung in Kha Siangthou a baptist in na om ding uh” a chi hi.
Jesu Vankahna
(Mk. 16.19-20; Lk. 24.50-53)
6Huan amau a hong kikhop un a kiang ah, “Toupa, tuin hia Israelte kiang a lalgam na piaknawn ding?” chi in a dong uhi.
7Aman a kiang uah, “Pa in a hun leh a ni amah thuthu a om dia a seh, nou theih ding ahi kei hi. 8Himahleh, Kha Siangthou na tung ua a hongtun chiang in thilhihtheihna na nei ding uh; huchi in, Jerusalem ah, Judia leh Samaria gam teng leh kawlmong pha in ka theihpihte na hi ding uh” a chi hi. 9Huai thu a genkhit in a muh laipi un, van a pitouh in a omta a, meipi in a muh phaklouh uah a pitouta hi.
10Huan a paitouh lai a vanlam a et nilouh lai un, ngai in, mi nih, puanngou silh in, a kiang uah a hongding uhi. 11Huai mite’n, “Galili gam a mite aw, bangdia vanlam en a ding? Hiai Jesu na kiang ua kipan a van a pitouha om, van a a paitou na muh bang un amahmah a hong kiknawn ding” a chi uhi.
Nungzuite Kithuahkhawmna
12Huan Olive tang a chih ua kipat Jerusalem khua ah a kiknawnta uhi. Huai tang Jerusalem khaw kiang ahi a, khawlni a hohna hunlel ahi. 13Huan a lut un, a omna dantan tungnung uah a paitou ua, Peter leh Johan, Jakob leh Andru, Philip leh Thomas, Bartholomai leh Matthai, Alphai tapa Jakob, Simon Zelot Pawl a leh Jakob tapa Judas toh ahi uh. 14Huai tengteng numei kuate hiam leh Jesu nu Mari toh, Jesu unaute toh, lungsim munkhat a, phatuamngaitak a thum in a om nilouh uhi.
Mathia Sehna
(Matt. 27.7-8)
15Huan huai ni’n unaute lak ah Peter ading a, avek un za leh sawmnih ahi uhi. 16“Unaute aw, Kha Siangthou in, David kam a, Jesu mante makai Judas thu a genkholh Laisiangthou thu a hongtung ding him ahi.” 17Amah zaw i lak ua sim tel ahi a, hiai nasepna ah tan leng a neisam hi.
18Himahleh huai min a khelhna man in mun khat a lei a, a khup in a kia a, a lai in a puakkham a, a gil tengteng a lawtvek hi.
19Huai thu Jerusalem khua a omte tengteng in a naza uhi; huchi in huai mun amau pau in, Akeldama, a chi ua, huai Sisan Mun, chihna ahi.
20“Sam Laibu ah hiai thu gelh ahi.
‘A omna mun hihgam in om hen,
asung ah kuamah omkei hen,’
‘huan a heutu hihna
midang in tang hen’ chih ahi.
21Huchi in Toupa Jesu i lak ua lutzel pawt zel a a omsung teng a, 22Johan baptisma nungsiah, i lak ua kipan van a pitouh a a om ni tan hiai hon kithuahpihpihte lak a mi khat a thohnawnna theihpih ding in a om ding ahi” a chi hi.
23Huan mi nih a sepkhia ua, khat Joseph Barnaba ahi a, a min khem Justa leh midang khat Mathia ahi.
24Huan a thum ua, “Toupa, Nang, mihing tengteng lungtang thei, hiai nihte a kua zaw ahia na tel honhilh in, 25Judas in amah omna a pai ding in hiai nasepna leh sawltakna a kiaksan sik ading in” a chi uhi. 26Huan ai a sansak ua, a aisan uh Mathia tung ah a tu a; huchi in amah sawltak sawmlehkhatte lak a sim tel ahita hi.
Currently Selected:
NASEPTE 1: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
NASEPTE 1
1
Thumakai
1Theophilus aw, tuma a ka laigelh ah, Jesu thilhih leh a thuhilh pattung tengteng thu ka gelh hi. 2Kha Siangthou tawn a a sawltak telte kiang a thupiak tampi a piakkhit a van a pitouh a a omni tan a thute ahi. 3Huai sawltakte kiang ah gimna a thuaknung in theihna zuaulou tampi in hing in a kimusak a, ni sawmli hial a kiang uah a kilak a, Pathian gam thu a gen hi. 4Huan a omkhawm uh a kithuahpih a, “Jerusalem khua paisan kei un, Pa thilchiam ka gen na zak uh ngak un, a chi chiltel hi. 5Johan in tui in a baptist zel a, himahleh, ni sawtlou nung in Kha Siangthou a baptist in na om ding uh” a chi hi.
Jesu Vankahna
(Mk. 16.19-20; Lk. 24.50-53)
6Huan amau a hong kikhop un a kiang ah, “Toupa, tuin hia Israelte kiang a lalgam na piaknawn ding?” chi in a dong uhi.
7Aman a kiang uah, “Pa in a hun leh a ni amah thuthu a om dia a seh, nou theih ding ahi kei hi. 8Himahleh, Kha Siangthou na tung ua a hongtun chiang in thilhihtheihna na nei ding uh; huchi in, Jerusalem ah, Judia leh Samaria gam teng leh kawlmong pha in ka theihpihte na hi ding uh” a chi hi. 9Huai thu a genkhit in a muh laipi un, van a pitouh in a omta a, meipi in a muh phaklouh uah a pitouta hi.
10Huan a paitouh lai a vanlam a et nilouh lai un, ngai in, mi nih, puanngou silh in, a kiang uah a hongding uhi. 11Huai mite’n, “Galili gam a mite aw, bangdia vanlam en a ding? Hiai Jesu na kiang ua kipan a van a pitouha om, van a a paitou na muh bang un amahmah a hong kiknawn ding” a chi uhi.
Nungzuite Kithuahkhawmna
12Huan Olive tang a chih ua kipat Jerusalem khua ah a kiknawnta uhi. Huai tang Jerusalem khaw kiang ahi a, khawlni a hohna hunlel ahi. 13Huan a lut un, a omna dantan tungnung uah a paitou ua, Peter leh Johan, Jakob leh Andru, Philip leh Thomas, Bartholomai leh Matthai, Alphai tapa Jakob, Simon Zelot Pawl a leh Jakob tapa Judas toh ahi uh. 14Huai tengteng numei kuate hiam leh Jesu nu Mari toh, Jesu unaute toh, lungsim munkhat a, phatuamngaitak a thum in a om nilouh uhi.
Mathia Sehna
(Matt. 27.7-8)
15Huan huai ni’n unaute lak ah Peter ading a, avek un za leh sawmnih ahi uhi. 16“Unaute aw, Kha Siangthou in, David kam a, Jesu mante makai Judas thu a genkholh Laisiangthou thu a hongtung ding him ahi.” 17Amah zaw i lak ua sim tel ahi a, hiai nasepna ah tan leng a neisam hi.
18Himahleh huai min a khelhna man in mun khat a lei a, a khup in a kia a, a lai in a puakkham a, a gil tengteng a lawtvek hi.
19Huai thu Jerusalem khua a omte tengteng in a naza uhi; huchi in huai mun amau pau in, Akeldama, a chi ua, huai Sisan Mun, chihna ahi.
20“Sam Laibu ah hiai thu gelh ahi.
‘A omna mun hihgam in om hen,
asung ah kuamah omkei hen,’
‘huan a heutu hihna
midang in tang hen’ chih ahi.
21Huchi in Toupa Jesu i lak ua lutzel pawt zel a a omsung teng a, 22Johan baptisma nungsiah, i lak ua kipan van a pitouh a a om ni tan hiai hon kithuahpihpihte lak a mi khat a thohnawnna theihpih ding in a om ding ahi” a chi hi.
23Huan mi nih a sepkhia ua, khat Joseph Barnaba ahi a, a min khem Justa leh midang khat Mathia ahi.
24Huan a thum ua, “Toupa, Nang, mihing tengteng lungtang thei, hiai nihte a kua zaw ahia na tel honhilh in, 25Judas in amah omna a pai ding in hiai nasepna leh sawltakna a kiaksan sik ading in” a chi uhi. 26Huan ai a sansak ua, a aisan uh Mathia tung ah a tu a; huchi in amah sawltak sawmlehkhatte lak a sim tel ahita hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.