GENESIS 12
12
Pathian In Abram Asam
1Huan Toupa'n Abram kiang ah, “Na khua a kipan leh na tanaute a kipan leh na pa inn a kipan pawt inla, ka hon etsak ding gam ah pai in. 2Chi thupi mahmah in ka hon bawl dia, ka hon vualzawl ding a, na min ka hih thupi ding. Nang vualzawlna na hi ding hi.
3“Nang hon vualzawl peuhmah ka vualzawl ding a,
hon hamsiat peuhmah ka hamsiat ding.
Nang ah leitung a nam chih vualzawl in
a-om ding uh,” achi hi.
4 Toupa'n akiang a agen bang in Abram akuankheta a; Lot in azui hi. Haran a kipan Abram apawt lai in kum sawmsagih-le-nga a upa ahi.
5Abram in azi Sarai leh asanggampa' tapa Lot leh athil kaihkhawm tengteng uh leh Haran khua a, ami neih tengteng uh api a; Kanaan gam a teng ding in apawt ua; Kanaan gam atung uhi.
6Abram huai gam a Shekem mun pha in, Moreh tosaw tan in apai zel hi. Huai lai in, huai gam ah Kanaante ateng uhi. 7Abram kiang ah Toupa akilak a, “Na suante kiang ah hiai gam ka pe ding,” achi hi. Huai ah akiang a kilak Toupa a ding in maitam adoh hi. 8Huai a kipan Bethel suahlam a tanggam ah akisuan a, huai ah apuanin akai hi. Atumlam ah Bethel a-om a, asuahlam ah Ai khua a-om hi. Huai ah Toupa a ding in maitam adoh nawn a, Toupa min alou hi. 9Sim gam lam zuan in Abram akisuan lai hi.
Aigupta Ah Abram
10Huai gam ah kial akia a; huai gam anak kial mahmah ziak in, Aigupta gam a om tadih ding in Abram apaisuk hi. 11Huan hichi ahong hi a, Aigupta gam lut ding a akisak lai un, azi Sarai kiang ah, “Ngai in, numei melhoihtak na hi, chih ka thei hi. 12Huan hichi ahi ding a, Aiguptate'n nang ahon muh chiang un, ‘Hiai azi ahi,’ achi ding ua; kei hon that in, nang ahon hawi ding uh. 13Nang ziak a hoihtak a ka omtheihna ding in leh nang vang a ka hintheihna ding in, hehpih in asanggamnu ka hi chi zel in,” achi hi. 14Huan hichi ahong hi a, Aigupta a Abram alutleh, Aiguptate'n numei amu ua, amel hoih ana sa mahmah uhi. 15Pharaoh miliante'n leng amu ua, Pharaoh kiang ah ahoihdan agen uhi. Huchi in numei Pharaoh inn ah apilutta uhi. 16Ama'n Sarai ziak in Abram hoihtak in abawl a; belamte, bawngte, sabengtungpate, sikhapate, sikhanute, sabengtungnute leh sangawngsaute aneihloh hial hi. 17Toupa'n Abram zi Sarai ziak in Pharaoh leh a-inkuante tung ah hipi khawktak atungsak hi.
18Pharaoh in Abram asam a, “Ka tung a na thilhih bangchidan amai a? Na zi ahi chih bangziak a hon hilh lou na hia? Bangziak a, ‘Ka sanggamnu ahi,’ chi na hia? 19Huaiziak akei maw, ka zi ding a ka na neih hial, huaiziak in, tu'n en in, na zi pi inla, paimang in,” achi hi. 20Pharaoh in atungthu ah mi kiang ah thu apia a, azi leh aneih tengteng toh asawlkhia hi.
Currently Selected:
GENESIS 12: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 12
12
Pathian In Abram Asam
1Huan Toupa'n Abram kiang ah, “Na khua a kipan leh na tanaute a kipan leh na pa inn a kipan pawt inla, ka hon etsak ding gam ah pai in. 2Chi thupi mahmah in ka hon bawl dia, ka hon vualzawl ding a, na min ka hih thupi ding. Nang vualzawlna na hi ding hi.
3“Nang hon vualzawl peuhmah ka vualzawl ding a,
hon hamsiat peuhmah ka hamsiat ding.
Nang ah leitung a nam chih vualzawl in
a-om ding uh,” achi hi.
4 Toupa'n akiang a agen bang in Abram akuankheta a; Lot in azui hi. Haran a kipan Abram apawt lai in kum sawmsagih-le-nga a upa ahi.
5Abram in azi Sarai leh asanggampa' tapa Lot leh athil kaihkhawm tengteng uh leh Haran khua a, ami neih tengteng uh api a; Kanaan gam a teng ding in apawt ua; Kanaan gam atung uhi.
6Abram huai gam a Shekem mun pha in, Moreh tosaw tan in apai zel hi. Huai lai in, huai gam ah Kanaante ateng uhi. 7Abram kiang ah Toupa akilak a, “Na suante kiang ah hiai gam ka pe ding,” achi hi. Huai ah akiang a kilak Toupa a ding in maitam adoh hi. 8Huai a kipan Bethel suahlam a tanggam ah akisuan a, huai ah apuanin akai hi. Atumlam ah Bethel a-om a, asuahlam ah Ai khua a-om hi. Huai ah Toupa a ding in maitam adoh nawn a, Toupa min alou hi. 9Sim gam lam zuan in Abram akisuan lai hi.
Aigupta Ah Abram
10Huai gam ah kial akia a; huai gam anak kial mahmah ziak in, Aigupta gam a om tadih ding in Abram apaisuk hi. 11Huan hichi ahong hi a, Aigupta gam lut ding a akisak lai un, azi Sarai kiang ah, “Ngai in, numei melhoihtak na hi, chih ka thei hi. 12Huan hichi ahi ding a, Aiguptate'n nang ahon muh chiang un, ‘Hiai azi ahi,’ achi ding ua; kei hon that in, nang ahon hawi ding uh. 13Nang ziak a hoihtak a ka omtheihna ding in leh nang vang a ka hintheihna ding in, hehpih in asanggamnu ka hi chi zel in,” achi hi. 14Huan hichi ahong hi a, Aigupta a Abram alutleh, Aiguptate'n numei amu ua, amel hoih ana sa mahmah uhi. 15Pharaoh miliante'n leng amu ua, Pharaoh kiang ah ahoihdan agen uhi. Huchi in numei Pharaoh inn ah apilutta uhi. 16Ama'n Sarai ziak in Abram hoihtak in abawl a; belamte, bawngte, sabengtungpate, sikhapate, sikhanute, sabengtungnute leh sangawngsaute aneihloh hial hi. 17Toupa'n Abram zi Sarai ziak in Pharaoh leh a-inkuante tung ah hipi khawktak atungsak hi.
18Pharaoh in Abram asam a, “Ka tung a na thilhih bangchidan amai a? Na zi ahi chih bangziak a hon hilh lou na hia? Bangziak a, ‘Ka sanggamnu ahi,’ chi na hia? 19Huaiziak akei maw, ka zi ding a ka na neih hial, huaiziak in, tu'n en in, na zi pi inla, paimang in,” achi hi. 20Pharaoh in atungthu ah mi kiang ah thu apia a, azi leh aneih tengteng toh asawlkhia hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.