GENESIS 16
16
Hagar Leh Ishmael
1Huan Abram zi, Sarai in ta aneihsak kei hi. Sarai in Aigupta mi sikhanu khat anei a, amin Hagar ahi. 2Sarai in Abram kiang ah, “Ngai dih ve, Toupa'n lah ta ka neih hon phal lou a; hehpih in ka sikhanu kithuahpih in. Amah a pan tate ka neih khakleh,” achi hi. Huchi in Abram in Sarai thu azuita hi. 3Kanaan gam a Abram kum sawm a-om nung in, Abram zi Sarai in asikhanu Aigupta mi api a, apasal Abram kiang ah azi ding in apia hi. 4Hagar athei a, huan agaita hi. Agai chih akitheihtak in, api asimmoh maimah hi.
5Sarai in Abram kiang ah, “Ka thil thuak amoh nang pua in. Ka sikhanu na kawi ding in ka hon pia a; agai chih akitheihtak in, hon simmoh maimah hi. Toupa'n nang leh kei kikal ngaihtuah hen,” achi hi. 6Abram in Sarai kiang ah, “Ngai in, na sikhanu na khut a om ahi, nang pha na sak bang in atung ah hih in,” achi hi. Sarai in ahihgentheih mahmah tak in ataimangsanta hi.
7 Toupa angel in gamdai a tuikhuk kiang a, Shur zotna lampi a tuikhuk kiang ah ana mu hi. 8Akiang ah, “Hagar, Sarai sikhanu aw, koi a kipan hong pai a, koi a hoh dia kisa na hia?” achi hi. Ama'n, “Ka pi Sarai kiang a kipan taimang ka hi,” achi hi.
9 Toupa angel in akiang ah, “Na pi kiang ah kik nawn inla, athuthu in om in,” achi hi. 10Toupa angel in akiang ah, “Na suante sim seng louh khop hial a tam in ka pungsak ding,” achi nawn hi. 11Toupa angel mah in akiang ah, “Ngai in, nau na paita, tapa na nei ding a; Toupa'n na gimthuakna azak ziak in amin Ishmael na sak ding ahi. 12Amah gam-sabiltung bang ahi ding a; michih adou ding a, michih in leng amah adou ding uh. Asanggamte a kipan atuam ten ding,” achi nawn hi.
13Hagar in amah houpih Toupa min, “Nang muthei Pathian na hi,” chih asa hi. “Pathian mu a, hing lai ka hi maw?” achi ngal a. 14Huaiziak in huai tuikhuk Beer-lahai-roi sak ahita. Ngai in, huai Kadesh leh Bered kho kikal a om ahi.
15Hagar in Abram tapa aneihsak a; Abram in atapa, Hagar in aneihsak min Ishmael asata hi. 16Hagar in Abram a ding a Ishmael aneihsak lai in Abram kum sawmgiat-le-guk a upa ahi.
Currently Selected:
GENESIS 16: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 16
16
Hagar Leh Ishmael
1Huan Abram zi, Sarai in ta aneihsak kei hi. Sarai in Aigupta mi sikhanu khat anei a, amin Hagar ahi. 2Sarai in Abram kiang ah, “Ngai dih ve, Toupa'n lah ta ka neih hon phal lou a; hehpih in ka sikhanu kithuahpih in. Amah a pan tate ka neih khakleh,” achi hi. Huchi in Abram in Sarai thu azuita hi. 3Kanaan gam a Abram kum sawm a-om nung in, Abram zi Sarai in asikhanu Aigupta mi api a, apasal Abram kiang ah azi ding in apia hi. 4Hagar athei a, huan agaita hi. Agai chih akitheihtak in, api asimmoh maimah hi.
5Sarai in Abram kiang ah, “Ka thil thuak amoh nang pua in. Ka sikhanu na kawi ding in ka hon pia a; agai chih akitheihtak in, hon simmoh maimah hi. Toupa'n nang leh kei kikal ngaihtuah hen,” achi hi. 6Abram in Sarai kiang ah, “Ngai in, na sikhanu na khut a om ahi, nang pha na sak bang in atung ah hih in,” achi hi. Sarai in ahihgentheih mahmah tak in ataimangsanta hi.
7 Toupa angel in gamdai a tuikhuk kiang a, Shur zotna lampi a tuikhuk kiang ah ana mu hi. 8Akiang ah, “Hagar, Sarai sikhanu aw, koi a kipan hong pai a, koi a hoh dia kisa na hia?” achi hi. Ama'n, “Ka pi Sarai kiang a kipan taimang ka hi,” achi hi.
9 Toupa angel in akiang ah, “Na pi kiang ah kik nawn inla, athuthu in om in,” achi hi. 10Toupa angel in akiang ah, “Na suante sim seng louh khop hial a tam in ka pungsak ding,” achi nawn hi. 11Toupa angel mah in akiang ah, “Ngai in, nau na paita, tapa na nei ding a; Toupa'n na gimthuakna azak ziak in amin Ishmael na sak ding ahi. 12Amah gam-sabiltung bang ahi ding a; michih adou ding a, michih in leng amah adou ding uh. Asanggamte a kipan atuam ten ding,” achi nawn hi.
13Hagar in amah houpih Toupa min, “Nang muthei Pathian na hi,” chih asa hi. “Pathian mu a, hing lai ka hi maw?” achi ngal a. 14Huaiziak in huai tuikhuk Beer-lahai-roi sak ahita. Ngai in, huai Kadesh leh Bered kho kikal a om ahi.
15Hagar in Abram tapa aneihsak a; Abram in atapa, Hagar in aneihsak min Ishmael asata hi. 16Hagar in Abram a ding a Ishmael aneihsak lai in Abram kum sawmgiat-le-guk a upa ahi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.