GENESIS 24
24
Isak Zineihna
1Abraham upa in ahong tek mahmahta a, Toupa'n thil bangkim ah Abraham avualzawl hi. 2Abraham in asikha, a-inn a upapen, aneih tengteng tung a thuneipa kiang ah, “Hehpih in ka pheipi nuai ah na khut golh in, 3Toupa, van Pathian leh lei Pathian min lou in, ka tenna Kanaan mite nungak lak a mi ka tapa zi ding a neihsak lou ding in, ka hon kichiamsak ding. 4Ka gam lam a ka tanaute kiang ah hoh inla, ka tapa Isak zi na pisak ding ahi,” achi hi.
5Sikha in akiang ah, “Numei in hiai gam lam ah hon zui nuam kei taleh, na tapa na hong pawtna gam a pikik nawn ding ka hi diam?” achi hi.
6Abraham in akiang ah, “Huai a ka tapa pikik nawn lou ding in pilvang in. 7Toupa, van Pathian, ka pa inn a kipan leh ka pianna gam a kipan hon pikhepa leh hon houpihpa leh hiai gam na suante kiang ah ka pe ding, chi a ka kiang a kichiampa'n, amah ngei in na ma ah a-angel apaisak ding a, huai a kipan ka tapa zi na pisak ding ahi. 8Numei in hon zuih nop keileh, ka kiang a na kichiamna thu ah na siang ding. Akoi abang hitaleh, huai ah zaw ka tapa na pikik nawn ding ahi kei,” achi hi. 9Sikha in apu Abraham pheipi nuai ah akhut agolh a, akiang ah huai thu ah akichiamta hi.
10Sikha in apu sangawngsaute lak ah sangawngsau sawm akai a, apu thil hoih chiteng tawi in, apawtkheta hi. Athou a, Mesopotamia gam a Nahor khopi lam ah akipankheta hi. 11Nitaklam a tui tawi dia numeite akuan hun laitak un, dainawl a tuileh kiang ah asangawngsaute akhukdinsak hi. 12“Aw Toupa, ka pu Abraham' Pathian, hehpih in tuni in hon lohchingsak in, ka pu Abraham tung ah hehpihna langsak in. 13En in, tuikhuk kiang ah ka dingh a, khua a mite tanute tui tawi ding in ahong kuan uhi. 14Huan hichi hi henla, nungak kuapeuh kiang a, ‘Hehpih in ka dawn ding in na tuibel niamsak dih ve,’ ka chih a, ama'n, ‘Dawn in, na sangawngsaute leng dawn ding ka pe ding,’ chi peuhmah, huai mi ngei na sikha Isak zi ding a na miseh hi hen. Hiai ah ka pu tung ah hehpihna na langsak, chih ka thei ding,” achi hi.
15Huan hichi ahong hi a, agen khit ma in, ngai in, Abraham nau Nahor zi Milkah tapa Bethuel tanu Rebekah, aliangzang a tuibel pua in ahong kuan hi. 16Huai nungak amel hoih mahmah, nungak siangthou ahi a, pasal himhim akithuahpih ngei kei hi. Tuikhuk ah apaisuk a, atuibel adimsak a, apaitou nawn hi. 17Amah tuak ding in sikhapa atai a, “Hehpih in na tuibel a tui tawmchik hon dawnsak dih ve,” achi hi.
18Ama'n, “Dawn in, ka toupa,” achi a; kintak in akhut in atuibel adomkhesuk a, adawnsak hi. 19Adawn nung in, “Na sangawngsaute a ding leng, adawnkham masiah uh ka tawi ding,” achi hi. 20Kintak in gankuang ah atuibel atei a, tui tawi ding in tuileh lam ah atai nawn a, asangawngsau tengteng a ding leng atawisak hi. 21Sikha in alohchingsak leh sak louh theihna ding in adai dide hi.
22Huan hichi ahong hi a, sangawngsaute'n adawnkhamtak un, sikha in dangka-eng bilbah shekel kimkhat a gik leh akhut a ding dangka-eng tau nih shekel sawm a gik asuahkhia hi. 23Akiang ah, “Kua tanu na hia? Hehpih in hon hilh in. Na pa inn ah ka giahna ding uh mun a-om diam?” achi hi.
24Ama'n akiang ah, “Bethuel, Milkah tapa, Nahor a ding a aneihsaknu tanu ka hi,” achi hi. 25Amah mah in akiang ah, “Buhpawl leh gan an ka hau tuak ua, giahna mun leng ka nei uh,” achi hi.
26Sikha in alu akunsak a, Toupa abia hi. 27“Ka pu tung ngei a azahngaihna leh athutakna tawp ngei lou, Toupa, ka pu Abraham' Pathian phat in om hen. Kei leng, Toupa'n ka pu unaute inn lam a hon na pi ahi ve,” achi hi.
28Nungak atai a, huai thute anu inkuanpihte ava hilh hi. 29Rebekah in sanggam pasal anei a, amin Laban ahi. Laban apawtkhia a, tuikhuk lam ah huai mi kiang ah ava tai hi. 30Huan hichi ahong hi a, bilbah leh asanggamnu khut a taute amu a, huai mi'n, “Huchi khachi in ahon chi,” chi a, asanggamnu Rebekah thugente azaktak in, huai mi kiang ah ahohta hi. Ngai in, amah tuikhuk ah sangawngsaute kiang ah ana dingh gige hi. 31Laban in, “Nang, Toupa vualzawlpa, hong inla, ka inn uah hong lut in. Bangziak a inpua a dingh nilouh? Inn leh mun sangawngsaute a ding in ka bawl khinta,” achi hi.
32Huchi in inn ah alut a, Laban in sangawngsau van aphel a; sangawngsaute a ding in buhpawl leh gan an apia a, akhe leh alawmte khe silna ding tui apia hi. 33Abraham sikha ma ah nek ding alui a; himahleh ama'n, “Ka hong hohna san thu ka gen mateng ka ne kei ding,” achi hi. Ama'n, “Gen ve le,” achi hi. 34Ama'n, “Kei Abraham sikha ka hi. 35Toupa'n ka pu nakpitak in avualzawl a, miliantak ahong hita. Toupa'n akiang ah belamhon, bawnghon, dangka, dangka-eng, sikhapate, sikhanute, sangawngsaute leh sabiltungte leng apia hi. 36Ka pu zi Sarah in tek nungpi in ka pu a ding in tapa aneihsak a; akiang ah aneih tengteng ape vek hi. 37Ka pu in, ka tenna gam a Kanaante nungak lak a ka tapa zi ding a na neihsak ding ahi kei. 38Ka pa inn lam ah, ka tanaute kiang ah hoh inla, ka tapa zi na pisak zaw ding ahi, chi in ahon kichiamsak hi.” 39Ke'n ka pu kiang ah, “Numei in hon zui nuam kei kha ding,” ka chi hi. 40Ama'n, ka kiang ah, “Toupa ama a ka om zelnapa'n na kiang ah a-angel ahon sawl ding a; na hohna ding ah hon lohchingsak ding. Ka tapa a ding in ka tanaute leh ka pa inkote lak a zi na neisak ding ahi. 41Ka tanaute kiang ngei na tun chiang in, ka kiang a na kichiamna a kipan na siang ding. Nungak ahon piak kei uleh ka kiang a na kichiamna a kipan na siang ding,” achi hi.
42“Tuni in tuikhuk ka hong tung a, ‘Aw, Toupa, ka pu Abraham' Pathian, ka paina a na hon lohchinsak dingleh, en in, tuikhuk kiang ah ka dingh hi.’ 43Hichi hi henla, tui tawi ding a nungak hong kuan kuapeuh kiang a, ‘Hehpih in dawn ding na tuibel a tui tawmchik hon pia in,’ ka chih a, 44ama'n ka kiang a, ‘Dawn in, na sangawngsaute a ding leng ka tawi ding, chi peuhmah, huai mi ngeingei ka pu tapa a ding a Toupa numei seh hi hen,’ ka chi hi. 45Ka lungsim a ka gen khit ma in, ngai in, Rebekah, atuibel pua in ahong kuan a; tuikhuk ah apaisuk a; tui atawi a; akiang ah, ‘Hehpih in tui hon dawnsak dih ve,’ ka na chi hi. 46Ama'n kintak in aliangzang a kipan tuibel adomkhia a, ‘Dawn in, na sangawngsaute leng dawn ding ka pe ding,’ achi hi. Ka dawn a, sangawngsaute leng adawnsak hi. 47Ke'n, ‘Kua tanu na hia?’ chi in ka dong a; ama'n, ‘Nahor tapa, Milkah in aneihsakpa Bethuel tanu ka hi,’ achi hi. Abil ah bilbah ka batsak a, taute leng akhut ah ka bunsak hi.
48“Ka lu ka kunsak a, Toupa ka bia a, Toupa, ka pu Abraham' Pathian, ka pu sanggampa tanu ngei, atapa a dia azi ding a pisak ding a lampi diktak a hon pipa ka phat hi. 49Tu in ka pu na hehpih ua, atung a chihtak pet a na hih ding uleh hon hilh un. Na hih kei ding uleh leng hon hilh un. Taklam hiam, veilam hiam, ka nga thei ding,” achi hi.
50Laban leh Bethuel in adawng ua, “Hiai thil Toupa a kipan a pawt ahi. Kou na kiang ah asia-apha bangmah ka gen thei kei uh. 51En in, na ma ah Rebekah a-om, pi inla, paipih in, Toupa'n agensa bang in na pu tapa zi ding in om hen,” achi uh. 52Huan hichi ahong hi a, Abraham sikha in athu uh azaktak in lei si in Toupa abia hi. 53Abraham sikha in dangka suang kizepnate, dangka-eng kizepnate leh silh-le-ten alakhia a, Rebekah apia a; asanggampa leh anu kiang ah leng thil manpha pipi apia hi.
54Amah leh alawmte'n ne in adawn ua, huai ah agiakta uh. Zingsang in athou ua, “Ka pu kiang ah hon paisakta un,” achi hi.
55Asanggampa leh anu'n, “Nungak ni sawt lou chik, ni sawm lel bek, ka kiang uah om tadih hen. Huai khit in ahong pai na ding,” achi uhi.
56Ama'n akiang uah, “Hon zekaisak kei dih ua, Toupa'n lah ka hohna ah ahon lohchingsakta ngal a. Ka pu kiang a ka paitheihna ding in, hon sawl zaw mai ve ua,” achi hi.
57Amau, “Nungak ka sam ding ua, ama kam mahmah kidongleh,” achi uhi. 58Rebekah asam ua akiang ah, “Hiai mipa kiang ah na pai nuam maw?” achi ua. Ama'n, “Pai nuam ve ning e,” achi hi.
59Asanggamnu uh Rebekah leh adonnu leh Abraham sikha leh amite akhakheta uhi. 60Huan Rebekah avualzawl ua, akiang ah,
“Ka sanggamnu uh aw, nang,
sing ngenta sang tampite nu
hong hi in!
Na suante'n amau
hote kulh kongkhak
neihsak uhen!” achi uhi.
61Rebekah athou a, asikhanute toh sangawngsaute tung ah atuang ua, huai mi azuita uhi. Abraham sikha in Rebekah api a, apaita uhi.
62Huan Beer-lahai-roi tuikhuk lam a kipan Isak ahong a, amah sim gam a teng ahi. 63Nitaklam in loubuk ah kingaihtuah ding in Isak apawtkhia hi. Adak a, a-en a, ngai in, sangawngsau hong paite amu hi. 64Rebekah adak a, Isak amuhtak in sangawngsau tung a kipan akumkhia hi. 65Sikhapa kiang ah, “Gamlak a hon dawn ding a hong pai kua ahia?” achi a; sikha in, “Ka pu ahi,” achi hi. Kikhuhna puan ala a, akikhuhta hi. 66Sikha in athilhih tengteng Isak ahilh hi. 67Isak in anu Sarah puanin ah apilut a, Rebekah ala a, azi ahong hita hi. Amah a-it a, anu sih nung Isak khamuang in a-omta hi.
Currently Selected:
GENESIS 24: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 24
24
Isak Zineihna
1Abraham upa in ahong tek mahmahta a, Toupa'n thil bangkim ah Abraham avualzawl hi. 2Abraham in asikha, a-inn a upapen, aneih tengteng tung a thuneipa kiang ah, “Hehpih in ka pheipi nuai ah na khut golh in, 3Toupa, van Pathian leh lei Pathian min lou in, ka tenna Kanaan mite nungak lak a mi ka tapa zi ding a neihsak lou ding in, ka hon kichiamsak ding. 4Ka gam lam a ka tanaute kiang ah hoh inla, ka tapa Isak zi na pisak ding ahi,” achi hi.
5Sikha in akiang ah, “Numei in hiai gam lam ah hon zui nuam kei taleh, na tapa na hong pawtna gam a pikik nawn ding ka hi diam?” achi hi.
6Abraham in akiang ah, “Huai a ka tapa pikik nawn lou ding in pilvang in. 7Toupa, van Pathian, ka pa inn a kipan leh ka pianna gam a kipan hon pikhepa leh hon houpihpa leh hiai gam na suante kiang ah ka pe ding, chi a ka kiang a kichiampa'n, amah ngei in na ma ah a-angel apaisak ding a, huai a kipan ka tapa zi na pisak ding ahi. 8Numei in hon zuih nop keileh, ka kiang a na kichiamna thu ah na siang ding. Akoi abang hitaleh, huai ah zaw ka tapa na pikik nawn ding ahi kei,” achi hi. 9Sikha in apu Abraham pheipi nuai ah akhut agolh a, akiang ah huai thu ah akichiamta hi.
10Sikha in apu sangawngsaute lak ah sangawngsau sawm akai a, apu thil hoih chiteng tawi in, apawtkheta hi. Athou a, Mesopotamia gam a Nahor khopi lam ah akipankheta hi. 11Nitaklam a tui tawi dia numeite akuan hun laitak un, dainawl a tuileh kiang ah asangawngsaute akhukdinsak hi. 12“Aw Toupa, ka pu Abraham' Pathian, hehpih in tuni in hon lohchingsak in, ka pu Abraham tung ah hehpihna langsak in. 13En in, tuikhuk kiang ah ka dingh a, khua a mite tanute tui tawi ding in ahong kuan uhi. 14Huan hichi hi henla, nungak kuapeuh kiang a, ‘Hehpih in ka dawn ding in na tuibel niamsak dih ve,’ ka chih a, ama'n, ‘Dawn in, na sangawngsaute leng dawn ding ka pe ding,’ chi peuhmah, huai mi ngei na sikha Isak zi ding a na miseh hi hen. Hiai ah ka pu tung ah hehpihna na langsak, chih ka thei ding,” achi hi.
15Huan hichi ahong hi a, agen khit ma in, ngai in, Abraham nau Nahor zi Milkah tapa Bethuel tanu Rebekah, aliangzang a tuibel pua in ahong kuan hi. 16Huai nungak amel hoih mahmah, nungak siangthou ahi a, pasal himhim akithuahpih ngei kei hi. Tuikhuk ah apaisuk a, atuibel adimsak a, apaitou nawn hi. 17Amah tuak ding in sikhapa atai a, “Hehpih in na tuibel a tui tawmchik hon dawnsak dih ve,” achi hi.
18Ama'n, “Dawn in, ka toupa,” achi a; kintak in akhut in atuibel adomkhesuk a, adawnsak hi. 19Adawn nung in, “Na sangawngsaute a ding leng, adawnkham masiah uh ka tawi ding,” achi hi. 20Kintak in gankuang ah atuibel atei a, tui tawi ding in tuileh lam ah atai nawn a, asangawngsau tengteng a ding leng atawisak hi. 21Sikha in alohchingsak leh sak louh theihna ding in adai dide hi.
22Huan hichi ahong hi a, sangawngsaute'n adawnkhamtak un, sikha in dangka-eng bilbah shekel kimkhat a gik leh akhut a ding dangka-eng tau nih shekel sawm a gik asuahkhia hi. 23Akiang ah, “Kua tanu na hia? Hehpih in hon hilh in. Na pa inn ah ka giahna ding uh mun a-om diam?” achi hi.
24Ama'n akiang ah, “Bethuel, Milkah tapa, Nahor a ding a aneihsaknu tanu ka hi,” achi hi. 25Amah mah in akiang ah, “Buhpawl leh gan an ka hau tuak ua, giahna mun leng ka nei uh,” achi hi.
26Sikha in alu akunsak a, Toupa abia hi. 27“Ka pu tung ngei a azahngaihna leh athutakna tawp ngei lou, Toupa, ka pu Abraham' Pathian phat in om hen. Kei leng, Toupa'n ka pu unaute inn lam a hon na pi ahi ve,” achi hi.
28Nungak atai a, huai thute anu inkuanpihte ava hilh hi. 29Rebekah in sanggam pasal anei a, amin Laban ahi. Laban apawtkhia a, tuikhuk lam ah huai mi kiang ah ava tai hi. 30Huan hichi ahong hi a, bilbah leh asanggamnu khut a taute amu a, huai mi'n, “Huchi khachi in ahon chi,” chi a, asanggamnu Rebekah thugente azaktak in, huai mi kiang ah ahohta hi. Ngai in, amah tuikhuk ah sangawngsaute kiang ah ana dingh gige hi. 31Laban in, “Nang, Toupa vualzawlpa, hong inla, ka inn uah hong lut in. Bangziak a inpua a dingh nilouh? Inn leh mun sangawngsaute a ding in ka bawl khinta,” achi hi.
32Huchi in inn ah alut a, Laban in sangawngsau van aphel a; sangawngsaute a ding in buhpawl leh gan an apia a, akhe leh alawmte khe silna ding tui apia hi. 33Abraham sikha ma ah nek ding alui a; himahleh ama'n, “Ka hong hohna san thu ka gen mateng ka ne kei ding,” achi hi. Ama'n, “Gen ve le,” achi hi. 34Ama'n, “Kei Abraham sikha ka hi. 35Toupa'n ka pu nakpitak in avualzawl a, miliantak ahong hita. Toupa'n akiang ah belamhon, bawnghon, dangka, dangka-eng, sikhapate, sikhanute, sangawngsaute leh sabiltungte leng apia hi. 36Ka pu zi Sarah in tek nungpi in ka pu a ding in tapa aneihsak a; akiang ah aneih tengteng ape vek hi. 37Ka pu in, ka tenna gam a Kanaante nungak lak a ka tapa zi ding a na neihsak ding ahi kei. 38Ka pa inn lam ah, ka tanaute kiang ah hoh inla, ka tapa zi na pisak zaw ding ahi, chi in ahon kichiamsak hi.” 39Ke'n ka pu kiang ah, “Numei in hon zui nuam kei kha ding,” ka chi hi. 40Ama'n, ka kiang ah, “Toupa ama a ka om zelnapa'n na kiang ah a-angel ahon sawl ding a; na hohna ding ah hon lohchingsak ding. Ka tapa a ding in ka tanaute leh ka pa inkote lak a zi na neisak ding ahi. 41Ka tanaute kiang ngei na tun chiang in, ka kiang a na kichiamna a kipan na siang ding. Nungak ahon piak kei uleh ka kiang a na kichiamna a kipan na siang ding,” achi hi.
42“Tuni in tuikhuk ka hong tung a, ‘Aw, Toupa, ka pu Abraham' Pathian, ka paina a na hon lohchinsak dingleh, en in, tuikhuk kiang ah ka dingh hi.’ 43Hichi hi henla, tui tawi ding a nungak hong kuan kuapeuh kiang a, ‘Hehpih in dawn ding na tuibel a tui tawmchik hon pia in,’ ka chih a, 44ama'n ka kiang a, ‘Dawn in, na sangawngsaute a ding leng ka tawi ding, chi peuhmah, huai mi ngeingei ka pu tapa a ding a Toupa numei seh hi hen,’ ka chi hi. 45Ka lungsim a ka gen khit ma in, ngai in, Rebekah, atuibel pua in ahong kuan a; tuikhuk ah apaisuk a; tui atawi a; akiang ah, ‘Hehpih in tui hon dawnsak dih ve,’ ka na chi hi. 46Ama'n kintak in aliangzang a kipan tuibel adomkhia a, ‘Dawn in, na sangawngsaute leng dawn ding ka pe ding,’ achi hi. Ka dawn a, sangawngsaute leng adawnsak hi. 47Ke'n, ‘Kua tanu na hia?’ chi in ka dong a; ama'n, ‘Nahor tapa, Milkah in aneihsakpa Bethuel tanu ka hi,’ achi hi. Abil ah bilbah ka batsak a, taute leng akhut ah ka bunsak hi.
48“Ka lu ka kunsak a, Toupa ka bia a, Toupa, ka pu Abraham' Pathian, ka pu sanggampa tanu ngei, atapa a dia azi ding a pisak ding a lampi diktak a hon pipa ka phat hi. 49Tu in ka pu na hehpih ua, atung a chihtak pet a na hih ding uleh hon hilh un. Na hih kei ding uleh leng hon hilh un. Taklam hiam, veilam hiam, ka nga thei ding,” achi hi.
50Laban leh Bethuel in adawng ua, “Hiai thil Toupa a kipan a pawt ahi. Kou na kiang ah asia-apha bangmah ka gen thei kei uh. 51En in, na ma ah Rebekah a-om, pi inla, paipih in, Toupa'n agensa bang in na pu tapa zi ding in om hen,” achi uh. 52Huan hichi ahong hi a, Abraham sikha in athu uh azaktak in lei si in Toupa abia hi. 53Abraham sikha in dangka suang kizepnate, dangka-eng kizepnate leh silh-le-ten alakhia a, Rebekah apia a; asanggampa leh anu kiang ah leng thil manpha pipi apia hi.
54Amah leh alawmte'n ne in adawn ua, huai ah agiakta uh. Zingsang in athou ua, “Ka pu kiang ah hon paisakta un,” achi hi.
55Asanggampa leh anu'n, “Nungak ni sawt lou chik, ni sawm lel bek, ka kiang uah om tadih hen. Huai khit in ahong pai na ding,” achi uhi.
56Ama'n akiang uah, “Hon zekaisak kei dih ua, Toupa'n lah ka hohna ah ahon lohchingsakta ngal a. Ka pu kiang a ka paitheihna ding in, hon sawl zaw mai ve ua,” achi hi.
57Amau, “Nungak ka sam ding ua, ama kam mahmah kidongleh,” achi uhi. 58Rebekah asam ua akiang ah, “Hiai mipa kiang ah na pai nuam maw?” achi ua. Ama'n, “Pai nuam ve ning e,” achi hi.
59Asanggamnu uh Rebekah leh adonnu leh Abraham sikha leh amite akhakheta uhi. 60Huan Rebekah avualzawl ua, akiang ah,
“Ka sanggamnu uh aw, nang,
sing ngenta sang tampite nu
hong hi in!
Na suante'n amau
hote kulh kongkhak
neihsak uhen!” achi uhi.
61Rebekah athou a, asikhanute toh sangawngsaute tung ah atuang ua, huai mi azuita uhi. Abraham sikha in Rebekah api a, apaita uhi.
62Huan Beer-lahai-roi tuikhuk lam a kipan Isak ahong a, amah sim gam a teng ahi. 63Nitaklam in loubuk ah kingaihtuah ding in Isak apawtkhia hi. Adak a, a-en a, ngai in, sangawngsau hong paite amu hi. 64Rebekah adak a, Isak amuhtak in sangawngsau tung a kipan akumkhia hi. 65Sikhapa kiang ah, “Gamlak a hon dawn ding a hong pai kua ahia?” achi a; sikha in, “Ka pu ahi,” achi hi. Kikhuhna puan ala a, akikhuhta hi. 66Sikha in athilhih tengteng Isak ahilh hi. 67Isak in anu Sarah puanin ah apilut a, Rebekah ala a, azi ahong hita hi. Amah a-it a, anu sih nung Isak khamuang in a-omta hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.