JOHAN 17
17
Jesu Thumna
1Huai thute Jesu'n agen khit in van lam nga in, “Pa ahun atungta, Tapa in nang ahon pahtawi theihna ding in na Tapa pahtawi in; 2huchi a mi tengteng tung a thunei a na bawl in, akiang a na piak peuhmahte tangtawn hinna apiaktheihna ding in. 3Hiai tangtawn hinna ahi, nang Pathian tak kia leh na sawl Jesu Khrist theih. 4Nang thilhih ding na hon piakte ka hih khinta a, khovel ah ka hon pahtawita hi. 5Pa aw, khovel om ma a na kiang a thupina ka neih in, tu in nangmah kiang ngei ah hon pahtawi in.
6“Nang khovel a kipan a mi, kei na hon piakte kiang ah na min ka hihlangta; amau nang a ahi ua, nang amaute kei na hon piak ahi uh; amau lah na thu azuita uhi. 7Nang kei na hon piak tengteng nang a kipan ahi chih atheita uhi. 8Nang thu na hon piakte akiang uah ka peta a; huaite akem ua, nang a kipan ka hi chih diktak in atheita uh, nang na hon sawl chih leng agingta uhi.
9“Amaute a ding a ngetsak ka hi. Khovel a dia ngetsak ka hi kei, nang na hon piakte a ding ahi zaw, nang a ahi uhi. 10Thil tengteng kei a peuhmah nang a ahi a, nang a lah kei a ahi a; amau ziak in pahtawi in ka om hi. 11Huan kei zaw khovel ah ka omta kei ding, hiaite bel khovel ah a-om ding uh; kei na kiang ah ka hong paidekta hi. Pa Siangthou aw, nang kei na hon piakte na min in hum in pum khat ahihtheihna ding un, eimah pum khat i hih bang in. 12Akiang ua ka om sung in, nang kei na hon piakte na min in ka hum a; amau ka don a, alak ua khat leng amangthang kei hi, mangthang tapa lou ngal, Laisiangthou atangtun theihna ding in. 13Himahleh tu in na kiang ah ka hong paidekta; khovel ah hiai thute ka gen ahi, ka kipahna amau ua aneih kimna ding un. 14Na thu akiang uah ka peta hi; khovel in amau ahua a, khovel a ahih louh ziak un, kei khovel a ka hih louh mah bang in. 15Nang amaute khovel a kipan na lakkhiak ding ngen ka hi kei a, migilou lak ah na hum ding ka chi ahi zaw hi. 16Amau khovel a ahi kei uh, kei khovel a ka hih louh mah bang in. 17Amau thutak in hihsiangthou in, na thu thutak ahi. 18Nang khovel a kei na hon sawl bang in, khovel ah amaute ka sawl hi. 19Amau ziak in ka kihihsiangthou a, amaute leng thutak a asianthouna ding un.
20“Hiaite a ding kia a ngetsak ka hi kei, athugen ziak ua kei hon gingta lai dingte a ding in leng ka ngetsak hi; avek ua pum khat ahihna ding un; 21Pa, nang keimah a na om leh kei nangmah a ka om bang in, amau leng eimah a a-omna ding un; nang kei na hon sawl chih khovel in ataksan theihna ding in. 22Huan nang thupina na hon piak ke'n amau ka peta; amau pum khat ahihtheihna ding un, ei pum khat i hih mah bang in. 23Kei amau ah, nang kei ah, amau pum khat a a-om ua abukim theihna ding un; nang kei na hon sawl chih leh na hon it bang in amaute na it chih khovel in atheihtheihna ding in.
24“Pa, nang kei na hon piakte, ka omna a ka kiang a om ding in ka deih; leilung pian ma a itna a nang na hon piak ka thupina amuhtheihna ding un. 25Pa diktat aw, khovel in nang hon thei kei mahleh, ke'n zaw ka hon thei hi; hiaite'n leng nang kei na hon sawl chih athei uhi. 26Huan akiang uah na min ka theisakta a, ka theisak lai ding, nang kei na hon itna bangbang na itna amau a a-om a, kei leng amau a ka omtheihna ding in,” achi hi.
Currently Selected:
JOHAN 17: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
JOHAN 17
17
Jesu Thumna
1Huai thute Jesu'n agen khit in van lam nga in, “Pa ahun atungta, Tapa in nang ahon pahtawi theihna ding in na Tapa pahtawi in; 2huchi a mi tengteng tung a thunei a na bawl in, akiang a na piak peuhmahte tangtawn hinna apiaktheihna ding in. 3Hiai tangtawn hinna ahi, nang Pathian tak kia leh na sawl Jesu Khrist theih. 4Nang thilhih ding na hon piakte ka hih khinta a, khovel ah ka hon pahtawita hi. 5Pa aw, khovel om ma a na kiang a thupina ka neih in, tu in nangmah kiang ngei ah hon pahtawi in.
6“Nang khovel a kipan a mi, kei na hon piakte kiang ah na min ka hihlangta; amau nang a ahi ua, nang amaute kei na hon piak ahi uh; amau lah na thu azuita uhi. 7Nang kei na hon piak tengteng nang a kipan ahi chih atheita uhi. 8Nang thu na hon piakte akiang uah ka peta a; huaite akem ua, nang a kipan ka hi chih diktak in atheita uh, nang na hon sawl chih leng agingta uhi.
9“Amaute a ding a ngetsak ka hi. Khovel a dia ngetsak ka hi kei, nang na hon piakte a ding ahi zaw, nang a ahi uhi. 10Thil tengteng kei a peuhmah nang a ahi a, nang a lah kei a ahi a; amau ziak in pahtawi in ka om hi. 11Huan kei zaw khovel ah ka omta kei ding, hiaite bel khovel ah a-om ding uh; kei na kiang ah ka hong paidekta hi. Pa Siangthou aw, nang kei na hon piakte na min in hum in pum khat ahihtheihna ding un, eimah pum khat i hih bang in. 12Akiang ua ka om sung in, nang kei na hon piakte na min in ka hum a; amau ka don a, alak ua khat leng amangthang kei hi, mangthang tapa lou ngal, Laisiangthou atangtun theihna ding in. 13Himahleh tu in na kiang ah ka hong paidekta; khovel ah hiai thute ka gen ahi, ka kipahna amau ua aneih kimna ding un. 14Na thu akiang uah ka peta hi; khovel in amau ahua a, khovel a ahih louh ziak un, kei khovel a ka hih louh mah bang in. 15Nang amaute khovel a kipan na lakkhiak ding ngen ka hi kei a, migilou lak ah na hum ding ka chi ahi zaw hi. 16Amau khovel a ahi kei uh, kei khovel a ka hih louh mah bang in. 17Amau thutak in hihsiangthou in, na thu thutak ahi. 18Nang khovel a kei na hon sawl bang in, khovel ah amaute ka sawl hi. 19Amau ziak in ka kihihsiangthou a, amaute leng thutak a asianthouna ding un.
20“Hiaite a ding kia a ngetsak ka hi kei, athugen ziak ua kei hon gingta lai dingte a ding in leng ka ngetsak hi; avek ua pum khat ahihna ding un; 21Pa, nang keimah a na om leh kei nangmah a ka om bang in, amau leng eimah a a-omna ding un; nang kei na hon sawl chih khovel in ataksan theihna ding in. 22Huan nang thupina na hon piak ke'n amau ka peta; amau pum khat ahihtheihna ding un, ei pum khat i hih mah bang in. 23Kei amau ah, nang kei ah, amau pum khat a a-om ua abukim theihna ding un; nang kei na hon sawl chih leh na hon it bang in amaute na it chih khovel in atheihtheihna ding in.
24“Pa, nang kei na hon piakte, ka omna a ka kiang a om ding in ka deih; leilung pian ma a itna a nang na hon piak ka thupina amuhtheihna ding un. 25Pa diktat aw, khovel in nang hon thei kei mahleh, ke'n zaw ka hon thei hi; hiaite'n leng nang kei na hon sawl chih athei uhi. 26Huan akiang uah na min ka theisakta a, ka theisak lai ding, nang kei na hon itna bangbang na itna amau a a-om a, kei leng amau a ka omtheihna ding in,” achi hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.