JOHAN 4
4
Jesu Leh Samari Numei
1Johan sang in Jesu'n nungzui tamzaw abawl a, tam abaptis zaw chih Pharisaite'n aza uh chih Toupa'n atheih in, 2(Jesu hial in zaw abaptis kei a, anungzuite'n abaptis zaw zel uh), 3Judia gam paisan in, Galili gam ah akik nawnta hi. 4Huchi in Samaria gam tawn a pai akul hi.
5Huchi in Samaria gam khua khat, Saikar achih uh, Jakob in atapa Joseph kiang a mun apiakna kiang ahong tung hi. 6Huai ah Jakob tuileh a-om hi. Huchi in Jesu apaigim ziak in tuileh gei ah atu a; huai hun dak gukna khawng ahi.
7Huchi in Samari numei khat tui tawi in ahong kuan a, Jesu'n akiang ah, “Dawn ding hon pia in,” achi hi. 8(Anungzuite lah nek ding lei in khua ah ahoh ngal ua).
9Huchi in Samari numei in akiang ah, “Nang Juda mi hi chin a, kei Samari numei hi ing a, bangchidan a ka kiang a dawn ding hon ngen na hia? achi hi. Judate'n lah Samari mite bangmah in angai ngal kei ua,” achi hi.
10Jesu'n adawng a, akiang ah, “Pathian thilthawnpiak leh dawn ding hon pia in, na kiang a chipa thei leteh zaw nang akiang a ngen zaw ding hi chin a, ama'n tuihing hon pe ding hiven,” achi hi.
11Huan numei in akiang ah, “Pu, akhaikhiakna ding bangmah lah na nei kei a, tuileh athukthuk toh, koi a kipan in ahia huai tuihing na muh ding? 12Ka pu uh Jakob sang in na thupizaw a hia? Ama'n hiai tuileh hon pia a, amah leh atate leh agante'n leng adawn uhi,” achi hi.
13Huan Jesu'n akiang ah, “Kuapeuh hiai tui dawn adangtak nawn ding uh,” chi in adawng hi. 14“Kuapeuh akiang a ka piak ding tui dawn bel, dangtak nawn ngei lou ding a; akiang a tui ka piak ding pen amah ah tui nak ahong phulkhe ding a, tangtawn hinpha a kikhohtou ding ahi,” achi hi.
15Huan numei in akiang ah, “Pu, huai tui hon pe ve, ka dangtak nawnlouhna ding leh hiai tantan a tui tawi ding a ka hong kuanlouhna ding in,” achi hi. 16Jesu'n akiang ah, “Pai inla, na pasal va sam inla, hiai ah hong kik nawn in,” achi hi. 17Numei in akiang ah, “Pasal ka nei sam a,” chi in adawng hi. Jesu'n akiang ah, “Pasal ka nei sam a, na chih zaw, na chi dik ve; 18pasal nga na neita a, tua na neihpa pen na pasal ahi kei him ahi, hiai thu na chi dik ve,” achi hi.
19Numei in akiang ah, “Pu, zawlnei na hi chih ka thei hi. 20Kou pipute'n hiai tang ah Pathian abe zel ua; nou bel mihing in Pathian abiakna mun ding Jerusalem khua ahi, na chi sese ua,” achi hi.
21Huan Jesu'n akiang ah, “Numei, kei hon gingta in, hiai tang chitchiat lou leh Jerusalem khua chitchiat lou ah leng Pa na biak hun uh atungta hi. 22Nou na theih louhpi uh na be nak ua, kou zaw ka theih uh ka bia uh; hotdamna lah Judate a kipan ahi ngal a. 23Himahleh Pathian be taktakte'n kha leh thutak a Pa abiak hun uh tung ding ahita, tu in leng atung lel hi, Pa'n huchibang mi abemi ding in azong hi. 24Pathian zaw Kha ahi a, abemite'n kha leh thutak a abiak ngeingei ding uh ahi,” achi hi.
25Numei in akiang ah, “Messia, Khrist akichi, ahong pai ding chih ka thei, amah ahong pai chiang in bangkim ahon hilh ding,” achi hi.
26Jesu'n, “Keimah nang hon houpihpa, huai amah ka hi,” achi hi.
Nungzuite Thuhilhna
27Huan huai lai in anungzuite ahong pai ua, numei ahoupih lamdang asa mahmah uhi; himahleh kuamah in, “Bang zong na hia? Bangziak a numei houpih?” achi kei uh.
28Numei in atuibel apaisan a, khua ah ava pai a, mite kiang ah, 29“Ka thilhih peuh hon hilh zel mi khat a-om, hong unla, en dih uh; Khrist ahihtheih tuak na hiam?” achi hi. 30Amaute khua a kipan ahong pawt ua, akiang lam azuanta uhi. 31Huai kal in nungzuite'n akiang ah, “Sinsakpa, ne in,” achi uhi. 32Himahleh ama'n akiang uah, “Na theih louh uh nek ding an ka nei,” achi hi. 33Huan nungzuite akihou ua, “Anek ding mi'n ahon tawi ua eita maw?” akichi uhi.
34Jesu'n akiang uah agen a, “Hon sawlpa deihlam hihleh, ama nna sep zoh ding ka an ahi. 35Nou, buhlakna ding kha li a-om lai, na chi uh hilou hia? Ngai un ka hon hilh ahi, dak unla loute en un, tu mahmah in lak ding in amin ahi. 36Alapa'n loh amu a, tangtawn hinna ding in gah ala hi, huchi a atuhpa leh alapa akipah tuaktheihna ding un. 37Khat in atuh a, midang in ala chih thu hiai ah adik hi. 38Na sepgim louh uh at dia hon sawl ka hi; midang in asem ua, nou asepsa uh na sunzom uh ahi,” achi hi.
Samarite Thuhilhna
39Huan numei in, “Ka thilhih peuh hon hilh zel,” chi a atheihsak thu ziak in huai khua a om Samari mi tampi in Jesu agingta uhi. 40Huchi in Jesu kiang ah Samari mite ahong pai ua, akiang ua om ding in akhou ngutngut ua; huchi in huai ah ni nih ataam hi. 41Huan midang tampi in amah thu ziak in agingta samta uhi. 42Amau numei kiang ah, “Tu in zaw na thugen ziak a gingta ka hi kei uh; koumau ngei in athu ka za ua, hiai mipa Khrist, khovel Hondampa ngei ahi chih ka theita uh,” achi uhi.
Kapernaum Khua A Kumpi Milian Tapa Hihdamna
43Huan ni nih nung in huai a pan pawt in, Galili gam ah apaita hi. 44Jesu ngei in, zawlnei zaw ama kholam ah pahtawi in a-om ngei kei chih atheihpih hi. 45Huchi in Galili gam ahong tun in Galili gam mite'n ana kipahpih ua, Jerusalem a ankuanglui lai a athilhih tengteng amuh tak ziak un; amau mah leng ankuangluina ah ahoh sam uhi.
46Galili gam a Kana khua, tui uain asuahsakna mun ahong tung nawnta hi. Kumpi milian kuahiam a-om a, Kapernaum ah atapa achina hi. 47Judia gam a kipan Galili gam ah Jesu ahong chih azak in akiang ah ahohtou a, va hohsuk a atapa si dekdek hihdam ding in achial hi. 48Jesu'n akiang ah, “Chiamtehnate leh thillamdangte na muh kei uleh na gingta kei hial ding uh,” achi hi. 49Huan Kumpi milian in akiang ah, “Pu, ka ta asih ma in hong suk mai in,” achi hi. 50Jesu'n akiang ah, “Pai nawnta in, na tapa adamta,” achi hi. Huai mipa'n, Jesu'n akiang a thu agen agingta a, apaita hi. 51Apaisuk lai in asikhate'n ana dawn ua, “Na tapa adamta,” ana chi uhi.
52Ama'n akiang uah adam tung lai adong hi. Amau akiang ah, “Zan in dak sagihna ah akhosik ahong daita hi,” achi uhi. 53Naupang pa'n Jesu'n akiang a, “Na tapa adamta hi,” achih lai ahi chih atheita a; amah leh a-inkuanpihte'n avek un, agingtata uhi. 54Hiai Judia gam a kipan Galili gam a ahong a Jesu thillamdang hih anihveina ahi.
Currently Selected:
JOHAN 4: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
JOHAN 4
4
Jesu Leh Samari Numei
1Johan sang in Jesu'n nungzui tamzaw abawl a, tam abaptis zaw chih Pharisaite'n aza uh chih Toupa'n atheih in, 2(Jesu hial in zaw abaptis kei a, anungzuite'n abaptis zaw zel uh), 3Judia gam paisan in, Galili gam ah akik nawnta hi. 4Huchi in Samaria gam tawn a pai akul hi.
5Huchi in Samaria gam khua khat, Saikar achih uh, Jakob in atapa Joseph kiang a mun apiakna kiang ahong tung hi. 6Huai ah Jakob tuileh a-om hi. Huchi in Jesu apaigim ziak in tuileh gei ah atu a; huai hun dak gukna khawng ahi.
7Huchi in Samari numei khat tui tawi in ahong kuan a, Jesu'n akiang ah, “Dawn ding hon pia in,” achi hi. 8(Anungzuite lah nek ding lei in khua ah ahoh ngal ua).
9Huchi in Samari numei in akiang ah, “Nang Juda mi hi chin a, kei Samari numei hi ing a, bangchidan a ka kiang a dawn ding hon ngen na hia? achi hi. Judate'n lah Samari mite bangmah in angai ngal kei ua,” achi hi.
10Jesu'n adawng a, akiang ah, “Pathian thilthawnpiak leh dawn ding hon pia in, na kiang a chipa thei leteh zaw nang akiang a ngen zaw ding hi chin a, ama'n tuihing hon pe ding hiven,” achi hi.
11Huan numei in akiang ah, “Pu, akhaikhiakna ding bangmah lah na nei kei a, tuileh athukthuk toh, koi a kipan in ahia huai tuihing na muh ding? 12Ka pu uh Jakob sang in na thupizaw a hia? Ama'n hiai tuileh hon pia a, amah leh atate leh agante'n leng adawn uhi,” achi hi.
13Huan Jesu'n akiang ah, “Kuapeuh hiai tui dawn adangtak nawn ding uh,” chi in adawng hi. 14“Kuapeuh akiang a ka piak ding tui dawn bel, dangtak nawn ngei lou ding a; akiang a tui ka piak ding pen amah ah tui nak ahong phulkhe ding a, tangtawn hinpha a kikhohtou ding ahi,” achi hi.
15Huan numei in akiang ah, “Pu, huai tui hon pe ve, ka dangtak nawnlouhna ding leh hiai tantan a tui tawi ding a ka hong kuanlouhna ding in,” achi hi. 16Jesu'n akiang ah, “Pai inla, na pasal va sam inla, hiai ah hong kik nawn in,” achi hi. 17Numei in akiang ah, “Pasal ka nei sam a,” chi in adawng hi. Jesu'n akiang ah, “Pasal ka nei sam a, na chih zaw, na chi dik ve; 18pasal nga na neita a, tua na neihpa pen na pasal ahi kei him ahi, hiai thu na chi dik ve,” achi hi.
19Numei in akiang ah, “Pu, zawlnei na hi chih ka thei hi. 20Kou pipute'n hiai tang ah Pathian abe zel ua; nou bel mihing in Pathian abiakna mun ding Jerusalem khua ahi, na chi sese ua,” achi hi.
21Huan Jesu'n akiang ah, “Numei, kei hon gingta in, hiai tang chitchiat lou leh Jerusalem khua chitchiat lou ah leng Pa na biak hun uh atungta hi. 22Nou na theih louhpi uh na be nak ua, kou zaw ka theih uh ka bia uh; hotdamna lah Judate a kipan ahi ngal a. 23Himahleh Pathian be taktakte'n kha leh thutak a Pa abiak hun uh tung ding ahita, tu in leng atung lel hi, Pa'n huchibang mi abemi ding in azong hi. 24Pathian zaw Kha ahi a, abemite'n kha leh thutak a abiak ngeingei ding uh ahi,” achi hi.
25Numei in akiang ah, “Messia, Khrist akichi, ahong pai ding chih ka thei, amah ahong pai chiang in bangkim ahon hilh ding,” achi hi.
26Jesu'n, “Keimah nang hon houpihpa, huai amah ka hi,” achi hi.
Nungzuite Thuhilhna
27Huan huai lai in anungzuite ahong pai ua, numei ahoupih lamdang asa mahmah uhi; himahleh kuamah in, “Bang zong na hia? Bangziak a numei houpih?” achi kei uh.
28Numei in atuibel apaisan a, khua ah ava pai a, mite kiang ah, 29“Ka thilhih peuh hon hilh zel mi khat a-om, hong unla, en dih uh; Khrist ahihtheih tuak na hiam?” achi hi. 30Amaute khua a kipan ahong pawt ua, akiang lam azuanta uhi. 31Huai kal in nungzuite'n akiang ah, “Sinsakpa, ne in,” achi uhi. 32Himahleh ama'n akiang uah, “Na theih louh uh nek ding an ka nei,” achi hi. 33Huan nungzuite akihou ua, “Anek ding mi'n ahon tawi ua eita maw?” akichi uhi.
34Jesu'n akiang uah agen a, “Hon sawlpa deihlam hihleh, ama nna sep zoh ding ka an ahi. 35Nou, buhlakna ding kha li a-om lai, na chi uh hilou hia? Ngai un ka hon hilh ahi, dak unla loute en un, tu mahmah in lak ding in amin ahi. 36Alapa'n loh amu a, tangtawn hinna ding in gah ala hi, huchi a atuhpa leh alapa akipah tuaktheihna ding un. 37Khat in atuh a, midang in ala chih thu hiai ah adik hi. 38Na sepgim louh uh at dia hon sawl ka hi; midang in asem ua, nou asepsa uh na sunzom uh ahi,” achi hi.
Samarite Thuhilhna
39Huan numei in, “Ka thilhih peuh hon hilh zel,” chi a atheihsak thu ziak in huai khua a om Samari mi tampi in Jesu agingta uhi. 40Huchi in Jesu kiang ah Samari mite ahong pai ua, akiang ua om ding in akhou ngutngut ua; huchi in huai ah ni nih ataam hi. 41Huan midang tampi in amah thu ziak in agingta samta uhi. 42Amau numei kiang ah, “Tu in zaw na thugen ziak a gingta ka hi kei uh; koumau ngei in athu ka za ua, hiai mipa Khrist, khovel Hondampa ngei ahi chih ka theita uh,” achi uhi.
Kapernaum Khua A Kumpi Milian Tapa Hihdamna
43Huan ni nih nung in huai a pan pawt in, Galili gam ah apaita hi. 44Jesu ngei in, zawlnei zaw ama kholam ah pahtawi in a-om ngei kei chih atheihpih hi. 45Huchi in Galili gam ahong tun in Galili gam mite'n ana kipahpih ua, Jerusalem a ankuanglui lai a athilhih tengteng amuh tak ziak un; amau mah leng ankuangluina ah ahoh sam uhi.
46Galili gam a Kana khua, tui uain asuahsakna mun ahong tung nawnta hi. Kumpi milian kuahiam a-om a, Kapernaum ah atapa achina hi. 47Judia gam a kipan Galili gam ah Jesu ahong chih azak in akiang ah ahohtou a, va hohsuk a atapa si dekdek hihdam ding in achial hi. 48Jesu'n akiang ah, “Chiamtehnate leh thillamdangte na muh kei uleh na gingta kei hial ding uh,” achi hi. 49Huan Kumpi milian in akiang ah, “Pu, ka ta asih ma in hong suk mai in,” achi hi. 50Jesu'n akiang ah, “Pai nawnta in, na tapa adamta,” achi hi. Huai mipa'n, Jesu'n akiang a thu agen agingta a, apaita hi. 51Apaisuk lai in asikhate'n ana dawn ua, “Na tapa adamta,” ana chi uhi.
52Ama'n akiang uah adam tung lai adong hi. Amau akiang ah, “Zan in dak sagihna ah akhosik ahong daita hi,” achi uhi. 53Naupang pa'n Jesu'n akiang a, “Na tapa adamta hi,” achih lai ahi chih atheita a; amah leh a-inkuanpihte'n avek un, agingtata uhi. 54Hiai Judia gam a kipan Galili gam a ahong a Jesu thillamdang hih anihveina ahi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.