JOHAN 6
6
Mipi Sangnga Vakna
(Mat 14.13-21; Mar 6.30-44; Luk 9.1-17)
1Huai thilte khit in, Galili dil, Tiberias tuipi kichi gallam ah Jesu apai hi. 2Damloute tung a thillamdang ahihte amuh ziak un mipi tampi in amah azui uhi. 3Jesu tang ah ahohtou a, huai ah anungzuite kiang ah atu hi. 4Huan Paikan Ankuangluina, Judate ankuangluina anaita hi. 5Jesu adak a, mipi tampi in akiang lam hon zuan in amu a, Philip kiang ah, “Hiaite nek ding tanghou koi a lei ding i hi ua?” achi hi. 6Huai thu amah ze-etna ding a agen ahi, ahih ding lah ama'n athei ngal a.
7Philip in akiang ah, “Michih in tawmchik a atan chiat ding uh leng, makhai zanih man tanghou in adaih kei ding,” chi in adawng hi.
8Huan anungzuite lak a khat, Simon Peter unau Andru in akiang ah, 9“Barli buh tanghou phel nga leh ngasa nih nei pasal naupang khat hiai ah a-om, himahleh mi hiai zah lawmlawm lak ah bang tham hizou ding ahia?” achi hi.
10Jesu'n, “Mite tusak un,” achi hi. Huai ah loupa tampi a-om hi. Huchi in pichingte atusuk ua, atamlam uh sangnga vel ahi. 11Jesu'n tanghou phelte ala a, kipahthu agen khit in atute kiang ah ahawm a, huchi mah bang in ngasate leng adeih hun un ahawm sam hi. 12Huan akham nung un, anungzuite kiang ah, “Bangmah mang lou ding in anente luak un,” achi hi. 13Huchi in aluak ua, barli buh tanghou phel nga nete nek bang nente bawm sawm-le-nih ahihdim uhi.
14Mite'n athillamdang hih amuhtak un, “Hiai mi, zawlnei, khovel a hong dingpa ana hi ngei e,” achi uhi. 15Huchi in amah kumpipa dia bawl ding a mat teitei tum in ahong kuan ding uh, chih Jesu'n athei a, tang ah amah kia in apaituam nawnta hi.
Tui Tung Ah Khe In Jesu Apai
(Mat 14.22-33; Mar 6.45-52)
16Huan nitaklam in anungzuite tuipi ah apaisuk uhi. 17Long ah atuang ua, tuipi ah Kapernaum azuan uhi. Khua amialta a, Jesu lah akiang uah ahong tung nai kei hi. 18Huihpi hattak anun ziak in tuikihot asang hulhul hi. 19Ching sawmnih leh ching nga hiam, ching sawmthum hiam akalh nung un, tuipi tung a khe a Jesu pai a, long lam hon naih in amu ua, alauta uhi. 20Himahleh ama'n akiang uah, “Keimah ka hi, lau kei un,” achi hi. 21Huchi in kilawptak in long ah Jesu atuangsakta ua, huchi in along uh azotna gam uah atung pah hi.
Mipite'n Jesu Azong Uh
22Azing in dil gal lehlam a mipi dinghte'n, long khat lou ngal long dang a-om kei a, anungzuite toh long ah Jesu atuang ton kei a, anungzuite amau kia in apai uh chih athei uhi. 23Himahleh Toupa'n kipahthu agen nung a, tanghou anekna kiang uh, Tiberias a kipan long neu chikchik ahong tung uhi. 24Huchi in mipi'n Jesu leh anungzuite a-omta kei uh chih atheih un, amau leng long neute a tuang in, Jesu zong in Kapernaum khua ahong tung uhi.
Jesu, Hinna Tanghou
25Huan tuipi gal a ahong muh un akiang ah, “Rabbi, chik in ahia hiai lam na hong tun?” achi uhi. 26Jesu'n akiang uah, “Chihtaktak in, chihtaktak in ka hon hilh ahi, thillamdangte na muh ziak ua hon zong na hi kei ua, tanghou phel na nekvah ziak uh ahi zaw. 27An mang thei phet zong in phiaphia kei un, himahleh an, tangtawn hinpha a om gige ding, Mihing Tapa hon piak ding pen zong in phe zaw un; Pa Pathian in amah achiamtehta hi,” chi in adawng hi.
28Amau akiang ah, “Pathian nna ka septheihna ding un bang ahia ka hih ding uh?” achi uhi.
29Jesu'n akiang uah, “Pathian nasep hiai ahi, amisawl gingta le uchin,” chi in adawng hi.
30Amau akiang ah, “Chiamtehna bang ahia na hih ding, ka muh ua nang ka hon gintak theihna ding un? Thil bang ahia na hih ding? 31Van a kipan akiang uah amau tanghou nek ding apia chih gelh bang in, ka pipute un gamdai ah manna ane uh,” achi uhi.
32Jesu'n akiang uah, “Chihtaktak in, chihtaktak in ka hon hilh ahi, van a kipan a tanghou na muh pen uh Mosi hon piak ahi kei, ka Pa'n van a kipan tanghoutak noute ahon piak ahi zaw. 33Pathian tanghou van a kipan in ahong paisuk a, khovel kiang a hinna pepa ahi,” achi hi.
34Amau, “Toupa, huai tanghou hon pe gige in,” achi uhi. 35Jesu'n akiang uah, “Keimah hinna tanghou ka hi; kuapeuh ka kiang a hong pai agilkial kei ding, kuapeuh kei hon gingta chik mah chiang in adangtak kei ding. 36Himahleh nou na hon muh un leng na hon gingta kei uh chih ka hon hilhta ve. 37Pa'n hon piak peuhmah ka kiang ah ahong pai vek ding uh; kuapeuh ka kiang a hong pai ka delhkhe ngei kei ding hi. 38Kei deihlam hih ding a van a kipan a hong paisuk ka hi kei, hon sawlpa deihlam hih ding a hong paisuk ka hi zaw hi. 39Hiai ahon sawlpa deihlam ahi, ama'n hon piak tengteng bangmah mangsak lou in, nitawp ni chiang in kaithou zaw leng. 40Kuapeuh Tapa mu a gingta in tangtawn hinna aneih a, nitawp ni chiang a amah ka kaihthoh ding ka Pa deihlam ahih ziak in,” achi hi.
41Van a kipan a tanghou hong paisuk ka hi, achih ziak in, atung ah Judate aphun uhi. 42“Hiai mi Joseph tapa Jesu ahi kei a hia, anu leh apa leng i theih? Van a kipan a hong paisuk ka hi, bangchi chih a chi ahia?” achi uhi.
43Jesu'n akiang uah, “Phunphun dah un. 44Pa hon sawlpa'n ahip keileh kuamah ka kiang ah ahong pai thei kei. Ke'n ahong pai mi nitawp ni chiah ka kaithou ding. 45Zawlneite laibu ah ‘Pathian hilh in a-om ding uh,’ chih gelh ahi. Michih Pa thu za a thei peuhmah ka kiang ah ahong pai uhi. 46Pathian a kipan pen lou ngal in kuamah in Pa amu ngei kei, ama'n zaw Pa amu hi. 47Chihtaktak in, chihtaktak in ka hon hilh ahi, kuapeuh agingta in tangtawn hinna anei. 48Keimah hinna tanghou ka hi. 49Na pipute un gamdai ah manna ane ua, huchi in asi uhi. 50Hiai tanghou i chih pen van a kipan a hong paisuk ahi, mi'n anek ua asihlouhna ding un. 51Keimah van a kipan a tanghou hing hong paisuk ka hi, kuapeuh in hiai tanghou anekleh tangtawn in ahing gige ding; ahi, khovel hinna dia ka piak ding tanghou ka sa ahi,” achi hi.
52Huchi in Judate akisel ua, “Hiai mi'n bangchi in asa nek ding in hon pe thei ding ahia?” achi uhi.
53Jesu'n akiang uah, “Chihtaktak in, chihtaktak in ka hon hilh ahi, Mihing Tapa sa na nek ua, asisan na dawn kei uleh noumau in hinna nei lou hi ve uchin. 54Kuapeuh ka sa ne a, ka sisan dawn in tangtawn hinna anei; huan, nitawp ni chiang in amah ka kaithou ding. 55Ka sa zaw an taktak ahi a, ka sisan leng dawn tak taktak ahi. 56Kuapeuh ka sa ne a, ka sisan dawnmi, keimah ah a-om gige a, kei leng amah ah ka om gige hi. 57Pa hing in hon sawl a, Pa ziak a hing ka hih mah bang in, kuapeuh kei hon nete keimah ziak in amah leng ahing ding hi. 58Hiai van a kipan a tanghou hong paisuk ahi; na pipute un tanghou anek ua, asih bang uh zaw ahi kei; kuapeuh hiai tanghou ne tangtawn in ahing gige ding,” achi hi.
59Huai thute Kapernaum a sinagog a thu ahilh lai a agen ahi.
Ginglah Nungzuite
60Huchi in anungzuite akhen tampi in huai azak un, “Hiai thuhaksa ahi, kua'n angaikhe thei dia?” achi uhi.
61Huai thu ah anungzuite aphun uh chih Jesu'n alungsim a atheih in, akiang uah, “Hiai thu in hon hih lunghi lou hia? 62Mihing Tapa tuma lam a a-omna ngei a kahtou mu le uchin, bang na chi ding ua? 63Hinna pia zaw kha ahi a, sa zaw bangmah ding in aphatuam kei; na kiang ua thu ka gente kha ahi a, hinna leng ahi. 64Himahleh na lak uah akhen gingta lou om na hi uh,” achi hi. Jesu'n atung a kipan in agingtaloute leh amansak dingpa atheigige ngal a. 65Huan ama'n, huaiziak in ahi na kiang ua, “Pa in apiak keileh kuamah ka kiang ah ahong pai thei kei, ka chih,” achi hi. 66Hiai nung in anungzuite akhen tampi akinunghei ua, amah akithuahpih nawnta kei uhi.
Peter In Khrist Gupna
67Jesu'n sawm-le-nihte kiang ah, “Nou leng paimang sam na ut uhia?” achi a. 68Simon Peter in, “Toupa, kua kiang ah ahia ka pai tuan ding uh? Nangma'n tangtawn hinna thu na nei hi. 69Nangmah Pathian Mi Siangthou na hi chih ka taksangta ua, theih leng ka thei uh,” chi in adawng hi.
70Huan Jesu'n akiang uah, “Nou sawm-le-nihte keimah hon tel hilou na hi uh maw? Na lak ua mi khat diabol ahih laitei toh,” achi hi. 71Iskariot, Simon tapa Judas, sawm-le-nihte lak a tel sam, huai thu agen ahi, amah zuausan a mansakpa ding ahi.
Currently Selected:
JOHAN 6: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
JOHAN 6
6
Mipi Sangnga Vakna
(Mat 14.13-21; Mar 6.30-44; Luk 9.1-17)
1Huai thilte khit in, Galili dil, Tiberias tuipi kichi gallam ah Jesu apai hi. 2Damloute tung a thillamdang ahihte amuh ziak un mipi tampi in amah azui uhi. 3Jesu tang ah ahohtou a, huai ah anungzuite kiang ah atu hi. 4Huan Paikan Ankuangluina, Judate ankuangluina anaita hi. 5Jesu adak a, mipi tampi in akiang lam hon zuan in amu a, Philip kiang ah, “Hiaite nek ding tanghou koi a lei ding i hi ua?” achi hi. 6Huai thu amah ze-etna ding a agen ahi, ahih ding lah ama'n athei ngal a.
7Philip in akiang ah, “Michih in tawmchik a atan chiat ding uh leng, makhai zanih man tanghou in adaih kei ding,” chi in adawng hi.
8Huan anungzuite lak a khat, Simon Peter unau Andru in akiang ah, 9“Barli buh tanghou phel nga leh ngasa nih nei pasal naupang khat hiai ah a-om, himahleh mi hiai zah lawmlawm lak ah bang tham hizou ding ahia?” achi hi.
10Jesu'n, “Mite tusak un,” achi hi. Huai ah loupa tampi a-om hi. Huchi in pichingte atusuk ua, atamlam uh sangnga vel ahi. 11Jesu'n tanghou phelte ala a, kipahthu agen khit in atute kiang ah ahawm a, huchi mah bang in ngasate leng adeih hun un ahawm sam hi. 12Huan akham nung un, anungzuite kiang ah, “Bangmah mang lou ding in anente luak un,” achi hi. 13Huchi in aluak ua, barli buh tanghou phel nga nete nek bang nente bawm sawm-le-nih ahihdim uhi.
14Mite'n athillamdang hih amuhtak un, “Hiai mi, zawlnei, khovel a hong dingpa ana hi ngei e,” achi uhi. 15Huchi in amah kumpipa dia bawl ding a mat teitei tum in ahong kuan ding uh, chih Jesu'n athei a, tang ah amah kia in apaituam nawnta hi.
Tui Tung Ah Khe In Jesu Apai
(Mat 14.22-33; Mar 6.45-52)
16Huan nitaklam in anungzuite tuipi ah apaisuk uhi. 17Long ah atuang ua, tuipi ah Kapernaum azuan uhi. Khua amialta a, Jesu lah akiang uah ahong tung nai kei hi. 18Huihpi hattak anun ziak in tuikihot asang hulhul hi. 19Ching sawmnih leh ching nga hiam, ching sawmthum hiam akalh nung un, tuipi tung a khe a Jesu pai a, long lam hon naih in amu ua, alauta uhi. 20Himahleh ama'n akiang uah, “Keimah ka hi, lau kei un,” achi hi. 21Huchi in kilawptak in long ah Jesu atuangsakta ua, huchi in along uh azotna gam uah atung pah hi.
Mipite'n Jesu Azong Uh
22Azing in dil gal lehlam a mipi dinghte'n, long khat lou ngal long dang a-om kei a, anungzuite toh long ah Jesu atuang ton kei a, anungzuite amau kia in apai uh chih athei uhi. 23Himahleh Toupa'n kipahthu agen nung a, tanghou anekna kiang uh, Tiberias a kipan long neu chikchik ahong tung uhi. 24Huchi in mipi'n Jesu leh anungzuite a-omta kei uh chih atheih un, amau leng long neute a tuang in, Jesu zong in Kapernaum khua ahong tung uhi.
Jesu, Hinna Tanghou
25Huan tuipi gal a ahong muh un akiang ah, “Rabbi, chik in ahia hiai lam na hong tun?” achi uhi. 26Jesu'n akiang uah, “Chihtaktak in, chihtaktak in ka hon hilh ahi, thillamdangte na muh ziak ua hon zong na hi kei ua, tanghou phel na nekvah ziak uh ahi zaw. 27An mang thei phet zong in phiaphia kei un, himahleh an, tangtawn hinpha a om gige ding, Mihing Tapa hon piak ding pen zong in phe zaw un; Pa Pathian in amah achiamtehta hi,” chi in adawng hi.
28Amau akiang ah, “Pathian nna ka septheihna ding un bang ahia ka hih ding uh?” achi uhi.
29Jesu'n akiang uah, “Pathian nasep hiai ahi, amisawl gingta le uchin,” chi in adawng hi.
30Amau akiang ah, “Chiamtehna bang ahia na hih ding, ka muh ua nang ka hon gintak theihna ding un? Thil bang ahia na hih ding? 31Van a kipan akiang uah amau tanghou nek ding apia chih gelh bang in, ka pipute un gamdai ah manna ane uh,” achi uhi.
32Jesu'n akiang uah, “Chihtaktak in, chihtaktak in ka hon hilh ahi, van a kipan a tanghou na muh pen uh Mosi hon piak ahi kei, ka Pa'n van a kipan tanghoutak noute ahon piak ahi zaw. 33Pathian tanghou van a kipan in ahong paisuk a, khovel kiang a hinna pepa ahi,” achi hi.
34Amau, “Toupa, huai tanghou hon pe gige in,” achi uhi. 35Jesu'n akiang uah, “Keimah hinna tanghou ka hi; kuapeuh ka kiang a hong pai agilkial kei ding, kuapeuh kei hon gingta chik mah chiang in adangtak kei ding. 36Himahleh nou na hon muh un leng na hon gingta kei uh chih ka hon hilhta ve. 37Pa'n hon piak peuhmah ka kiang ah ahong pai vek ding uh; kuapeuh ka kiang a hong pai ka delhkhe ngei kei ding hi. 38Kei deihlam hih ding a van a kipan a hong paisuk ka hi kei, hon sawlpa deihlam hih ding a hong paisuk ka hi zaw hi. 39Hiai ahon sawlpa deihlam ahi, ama'n hon piak tengteng bangmah mangsak lou in, nitawp ni chiang in kaithou zaw leng. 40Kuapeuh Tapa mu a gingta in tangtawn hinna aneih a, nitawp ni chiang a amah ka kaihthoh ding ka Pa deihlam ahih ziak in,” achi hi.
41Van a kipan a tanghou hong paisuk ka hi, achih ziak in, atung ah Judate aphun uhi. 42“Hiai mi Joseph tapa Jesu ahi kei a hia, anu leh apa leng i theih? Van a kipan a hong paisuk ka hi, bangchi chih a chi ahia?” achi uhi.
43Jesu'n akiang uah, “Phunphun dah un. 44Pa hon sawlpa'n ahip keileh kuamah ka kiang ah ahong pai thei kei. Ke'n ahong pai mi nitawp ni chiah ka kaithou ding. 45Zawlneite laibu ah ‘Pathian hilh in a-om ding uh,’ chih gelh ahi. Michih Pa thu za a thei peuhmah ka kiang ah ahong pai uhi. 46Pathian a kipan pen lou ngal in kuamah in Pa amu ngei kei, ama'n zaw Pa amu hi. 47Chihtaktak in, chihtaktak in ka hon hilh ahi, kuapeuh agingta in tangtawn hinna anei. 48Keimah hinna tanghou ka hi. 49Na pipute un gamdai ah manna ane ua, huchi in asi uhi. 50Hiai tanghou i chih pen van a kipan a hong paisuk ahi, mi'n anek ua asihlouhna ding un. 51Keimah van a kipan a tanghou hing hong paisuk ka hi, kuapeuh in hiai tanghou anekleh tangtawn in ahing gige ding; ahi, khovel hinna dia ka piak ding tanghou ka sa ahi,” achi hi.
52Huchi in Judate akisel ua, “Hiai mi'n bangchi in asa nek ding in hon pe thei ding ahia?” achi uhi.
53Jesu'n akiang uah, “Chihtaktak in, chihtaktak in ka hon hilh ahi, Mihing Tapa sa na nek ua, asisan na dawn kei uleh noumau in hinna nei lou hi ve uchin. 54Kuapeuh ka sa ne a, ka sisan dawn in tangtawn hinna anei; huan, nitawp ni chiang in amah ka kaithou ding. 55Ka sa zaw an taktak ahi a, ka sisan leng dawn tak taktak ahi. 56Kuapeuh ka sa ne a, ka sisan dawnmi, keimah ah a-om gige a, kei leng amah ah ka om gige hi. 57Pa hing in hon sawl a, Pa ziak a hing ka hih mah bang in, kuapeuh kei hon nete keimah ziak in amah leng ahing ding hi. 58Hiai van a kipan a tanghou hong paisuk ahi; na pipute un tanghou anek ua, asih bang uh zaw ahi kei; kuapeuh hiai tanghou ne tangtawn in ahing gige ding,” achi hi.
59Huai thute Kapernaum a sinagog a thu ahilh lai a agen ahi.
Ginglah Nungzuite
60Huchi in anungzuite akhen tampi in huai azak un, “Hiai thuhaksa ahi, kua'n angaikhe thei dia?” achi uhi.
61Huai thu ah anungzuite aphun uh chih Jesu'n alungsim a atheih in, akiang uah, “Hiai thu in hon hih lunghi lou hia? 62Mihing Tapa tuma lam a a-omna ngei a kahtou mu le uchin, bang na chi ding ua? 63Hinna pia zaw kha ahi a, sa zaw bangmah ding in aphatuam kei; na kiang ua thu ka gente kha ahi a, hinna leng ahi. 64Himahleh na lak uah akhen gingta lou om na hi uh,” achi hi. Jesu'n atung a kipan in agingtaloute leh amansak dingpa atheigige ngal a. 65Huan ama'n, huaiziak in ahi na kiang ua, “Pa in apiak keileh kuamah ka kiang ah ahong pai thei kei, ka chih,” achi hi. 66Hiai nung in anungzuite akhen tampi akinunghei ua, amah akithuahpih nawnta kei uhi.
Peter In Khrist Gupna
67Jesu'n sawm-le-nihte kiang ah, “Nou leng paimang sam na ut uhia?” achi a. 68Simon Peter in, “Toupa, kua kiang ah ahia ka pai tuan ding uh? Nangma'n tangtawn hinna thu na nei hi. 69Nangmah Pathian Mi Siangthou na hi chih ka taksangta ua, theih leng ka thei uh,” chi in adawng hi.
70Huan Jesu'n akiang uah, “Nou sawm-le-nihte keimah hon tel hilou na hi uh maw? Na lak ua mi khat diabol ahih laitei toh,” achi hi. 71Iskariot, Simon tapa Judas, sawm-le-nihte lak a tel sam, huai thu agen ahi, amah zuausan a mansakpa ding ahi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.