LUKA 19
19
Jesu Leh Zakai
1Jeriko ah Jesu alut a, paisuak ding in akisa hi. 2Ngai in, mi khat amin Zakai a-om a; huai mi tuh siahkhon heutu ahi; amah ahausa ngial hi. 3Jesu mi bangchibang hiam chi in muh atum a; amah lah aniam ngal a, mipi ziak in amu thei kei hi. 4Huchi in amatai a, a-en ding in theipi kung ah akal a; huai lampi ahon tot ding ahi ngal a. 5Jesu, huai mun atun in adak a, akiang ah, “Zakai, hong kum meng in; tuni in na inn a hong tung ding ka hi,” achi hi.
6Huan kintak in akum a, kipaktak in amah azintunta hi. 7Huai amuhtak un avek un, “Mikhialte kiang a tung ding in alutta ve,” chi in aphun uhi.
8Zakai adingh a, Toupa kiang ah, “Ngai in, Toupa, ka sum kimkhat tagahte kiang ah ka pe ding a; kua lak ah leng thil bangpeuh na negu taleng, aleh li in ka din ding,” achi hi.
9Jesu'n akiang ah, “Tuni in hiai inn ah hotdamna ahong tungta; amah leng Abraham tapa ahi ngal a. 10Mangthangte zong a hondam ding in Mihing Tapa hong pai ahi him hi,” achi hi.
Dangka-eng Sum Gentehna
(Mat 25.14-30)
11Huan huai thute angaihkhiak lai un, Jerusalem anaih tak ziak leh Pathian lalgam hong lang pah ding hi a angaihtuah ziak un gentehna agen hi. 12Huchi in hiai thu agen hi. “Milian kuahiam gamukna thu la a hong kik nawn ding in kho gamlatak ah ahoh hi. 13Ahoh ding in asikhate sawm asam a, akiang uah dangka sawm apia a, ka hong tun nawn masiah hiai in sum na sin un, chi in. 14Himahleh akhua-le-tuite'n ahua ua, hiai mi ka tung ua vaihawm ding in ka deih kei uh, chi in anung ah thu akhak uhi.
15“Huan hichi ahong hi a, lalgam la zou, ahong kik nawn in asikha sum apiakte, apeipundan uh theihna ding in asamsak hi. 16Amasapen ahong pai a, ‘Toupa, na dangka sawm in apung,’ achi hi. 17Ama'n akiang ah, ‘Sikha hoih, na hihhoih e; tawmchik tung a na ginom ziak in kho sawm tung ah heutu in om in’ achi hi. 18Anihna ahong pai a, ‘Toupa, na dangka nga in apung e,’ achi hi. 19Amah kiang ah leng, ‘Nang leng kho nga tung ah heutu in om in,’ achi hi.
20“Huan midang ahong pai a, ‘Toupa en in, hiai na dangka, kho-ul nulna puan in ka kem kinken hi. 21Mimawktat na hih ziak in ka hon lau hi; na koih louh leng na la a, na tuh louh leng na at ngal a,’ achi hi. 22Huan ama'n akiang ah, ‘Sikha gilou, na paukam suak ngei in ka hon siam louh ding. Mimawktat ka hih a, ka koih louh leng ka lak a, ka tuh louh leng ka at na thei maw? 23Huchi ahihleh bangziak a sumbuk a ka dangka na koih mai louh; huchi a ka hong pai chiang a apung toh ka lak ding hi a?’ achi hi.
24“Huan akiang a dinghte kiang ah, ‘Asum laksak unla, dangka sawm neipa kiang ah pia un,’ achi hi. 25Amau akiang ah, ‘Toupa, ama'n sum sawm anei aka,’ achi uhi. 26K'on chi ahi, ‘Anei peuh piak behlap ahi ding a, anei lou aneihsun leng laksak ahi ding hi. 27Himahleh hiai ka galte atung ua vaihawm dia hon deih lou, hon pi unla, ka ma ah that un,’ ” achi hi.
Jesu Vualzou A Jerusalem Lutna
(Mat 21.1-11; Mar 11.1-11; Joh 12.12-19)
28Hiai thu agen khit in Jerusalem kholam naihtou in ma akai hi. 29Huan hichi ahong hi a, Bethphage leh Bethani kho kiang, Olive tang kichi atun in, nungzuite lak a mi nih asawl hi. 30“Na mazawn khua uah va hoh unla; huai ah na lut tung un sabiltungnou kikhih, kuamah tuan ngei nailouhna, na va mu ding ua, huai hon phel unla, hon kai un. 31Huan kuapeuh in ‘Bangziak a phel?’ chi a ahon dot uleh ‘Toupa'n adeih a ahi,’ chi un,” achi hi.
32Huan amisawlte apaita ua, akiang ua agen bang in ava mu uhi. 33Sabiltungnou aphel lai un, aneite'n akiang uah, “Sabiltungnou bangziak a phel?” achi uhi.
34Amau, “Toupa'n adeih a ahi,” achi uhi. 35Huchi in Jesu kiang ah ahon kai ua; huan sabiltungnou tung ah apuante uh aphah ua, atung ah Jesu atuangsak uhi. 36Huan apaina ding lampi ah apuante uh aphah uhi. 37Huan atun kuan in, Olive tang kumsukna dingtak ah, anungzui mihonpi tengteng in athil thupi hih tengteng amuh ziak un akipak ua, aw ngaihtak in Pathian aphat ua,
38“Toupa min a kumpipa hong pai ahampha e;
van ah lemthu leng henla,
tungnungpen ah thupina om hen,” chi in.
39Huan mipi lak a Pharisai khenkhat in akiang ah, “Sinsakpa, na nungzuite tai in,” achi uhi. 40Ama'n bel ka hon hilh ahi, “Hiaite adaih uleh suangte bek akikou ding uh,” chi in adawng hi.
Jerusalem Khopi Jesu'n Akahkhum
(Mat 23.37-39)
41Huan atun kuan in, khua amu a, akahkhum a, 42“Aw, nang tel in tu sung in khamuanna thei leteh aw; himahleh tu'n zaw na muhlouhna ding in akiselta ngal a. 43Na galte'n na kimvel ah leikulh akhoh ding ua, ahon um ding ua, na kimvel ah pawt theih louh in ahon opkhum ding ua, huchibang nite na tung ah ahong tung ding hi. 44Na sung a na ta, na naute, nangmah toh lei ah ahon pai ek ding ua; na sung ah suang kichiang himhim ahawi kei ding uh; veh a na om ni na theih louh ziak in,” chi in.
Jesu'n Tempul Ahah Siangthou
(Mat 21.12-17; Mar 11.15-19; Joh 2.13-22)
45Huan tempul ah ava lut a, bangpeuh zuakte adelhkhia a, akiang uah,
46“Ka inn thumna inn ahi ding,
chih gelh ahi;
nou bel suamhatte khuk in na bawl zaw uh,” achi hi.
47Huan niteng in tempul ah thu ahilh zel hi. Siampu liante, laigelhmite leh vantang lak a heutu deuhte'n amah hihman atum uhi. 48Himahleh mipi'n phatuamngaitak a athugen angaihkhiak ziak un, ahihdan ding athei tuan kei uhi.
Currently Selected:
LUKA 19: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 19
19
Jesu Leh Zakai
1Jeriko ah Jesu alut a, paisuak ding in akisa hi. 2Ngai in, mi khat amin Zakai a-om a; huai mi tuh siahkhon heutu ahi; amah ahausa ngial hi. 3Jesu mi bangchibang hiam chi in muh atum a; amah lah aniam ngal a, mipi ziak in amu thei kei hi. 4Huchi in amatai a, a-en ding in theipi kung ah akal a; huai lampi ahon tot ding ahi ngal a. 5Jesu, huai mun atun in adak a, akiang ah, “Zakai, hong kum meng in; tuni in na inn a hong tung ding ka hi,” achi hi.
6Huan kintak in akum a, kipaktak in amah azintunta hi. 7Huai amuhtak un avek un, “Mikhialte kiang a tung ding in alutta ve,” chi in aphun uhi.
8Zakai adingh a, Toupa kiang ah, “Ngai in, Toupa, ka sum kimkhat tagahte kiang ah ka pe ding a; kua lak ah leng thil bangpeuh na negu taleng, aleh li in ka din ding,” achi hi.
9Jesu'n akiang ah, “Tuni in hiai inn ah hotdamna ahong tungta; amah leng Abraham tapa ahi ngal a. 10Mangthangte zong a hondam ding in Mihing Tapa hong pai ahi him hi,” achi hi.
Dangka-eng Sum Gentehna
(Mat 25.14-30)
11Huan huai thute angaihkhiak lai un, Jerusalem anaih tak ziak leh Pathian lalgam hong lang pah ding hi a angaihtuah ziak un gentehna agen hi. 12Huchi in hiai thu agen hi. “Milian kuahiam gamukna thu la a hong kik nawn ding in kho gamlatak ah ahoh hi. 13Ahoh ding in asikhate sawm asam a, akiang uah dangka sawm apia a, ka hong tun nawn masiah hiai in sum na sin un, chi in. 14Himahleh akhua-le-tuite'n ahua ua, hiai mi ka tung ua vaihawm ding in ka deih kei uh, chi in anung ah thu akhak uhi.
15“Huan hichi ahong hi a, lalgam la zou, ahong kik nawn in asikha sum apiakte, apeipundan uh theihna ding in asamsak hi. 16Amasapen ahong pai a, ‘Toupa, na dangka sawm in apung,’ achi hi. 17Ama'n akiang ah, ‘Sikha hoih, na hihhoih e; tawmchik tung a na ginom ziak in kho sawm tung ah heutu in om in’ achi hi. 18Anihna ahong pai a, ‘Toupa, na dangka nga in apung e,’ achi hi. 19Amah kiang ah leng, ‘Nang leng kho nga tung ah heutu in om in,’ achi hi.
20“Huan midang ahong pai a, ‘Toupa en in, hiai na dangka, kho-ul nulna puan in ka kem kinken hi. 21Mimawktat na hih ziak in ka hon lau hi; na koih louh leng na la a, na tuh louh leng na at ngal a,’ achi hi. 22Huan ama'n akiang ah, ‘Sikha gilou, na paukam suak ngei in ka hon siam louh ding. Mimawktat ka hih a, ka koih louh leng ka lak a, ka tuh louh leng ka at na thei maw? 23Huchi ahihleh bangziak a sumbuk a ka dangka na koih mai louh; huchi a ka hong pai chiang a apung toh ka lak ding hi a?’ achi hi.
24“Huan akiang a dinghte kiang ah, ‘Asum laksak unla, dangka sawm neipa kiang ah pia un,’ achi hi. 25Amau akiang ah, ‘Toupa, ama'n sum sawm anei aka,’ achi uhi. 26K'on chi ahi, ‘Anei peuh piak behlap ahi ding a, anei lou aneihsun leng laksak ahi ding hi. 27Himahleh hiai ka galte atung ua vaihawm dia hon deih lou, hon pi unla, ka ma ah that un,’ ” achi hi.
Jesu Vualzou A Jerusalem Lutna
(Mat 21.1-11; Mar 11.1-11; Joh 12.12-19)
28Hiai thu agen khit in Jerusalem kholam naihtou in ma akai hi. 29Huan hichi ahong hi a, Bethphage leh Bethani kho kiang, Olive tang kichi atun in, nungzuite lak a mi nih asawl hi. 30“Na mazawn khua uah va hoh unla; huai ah na lut tung un sabiltungnou kikhih, kuamah tuan ngei nailouhna, na va mu ding ua, huai hon phel unla, hon kai un. 31Huan kuapeuh in ‘Bangziak a phel?’ chi a ahon dot uleh ‘Toupa'n adeih a ahi,’ chi un,” achi hi.
32Huan amisawlte apaita ua, akiang ua agen bang in ava mu uhi. 33Sabiltungnou aphel lai un, aneite'n akiang uah, “Sabiltungnou bangziak a phel?” achi uhi.
34Amau, “Toupa'n adeih a ahi,” achi uhi. 35Huchi in Jesu kiang ah ahon kai ua; huan sabiltungnou tung ah apuante uh aphah ua, atung ah Jesu atuangsak uhi. 36Huan apaina ding lampi ah apuante uh aphah uhi. 37Huan atun kuan in, Olive tang kumsukna dingtak ah, anungzui mihonpi tengteng in athil thupi hih tengteng amuh ziak un akipak ua, aw ngaihtak in Pathian aphat ua,
38“Toupa min a kumpipa hong pai ahampha e;
van ah lemthu leng henla,
tungnungpen ah thupina om hen,” chi in.
39Huan mipi lak a Pharisai khenkhat in akiang ah, “Sinsakpa, na nungzuite tai in,” achi uhi. 40Ama'n bel ka hon hilh ahi, “Hiaite adaih uleh suangte bek akikou ding uh,” chi in adawng hi.
Jerusalem Khopi Jesu'n Akahkhum
(Mat 23.37-39)
41Huan atun kuan in, khua amu a, akahkhum a, 42“Aw, nang tel in tu sung in khamuanna thei leteh aw; himahleh tu'n zaw na muhlouhna ding in akiselta ngal a. 43Na galte'n na kimvel ah leikulh akhoh ding ua, ahon um ding ua, na kimvel ah pawt theih louh in ahon opkhum ding ua, huchibang nite na tung ah ahong tung ding hi. 44Na sung a na ta, na naute, nangmah toh lei ah ahon pai ek ding ua; na sung ah suang kichiang himhim ahawi kei ding uh; veh a na om ni na theih louh ziak in,” chi in.
Jesu'n Tempul Ahah Siangthou
(Mat 21.12-17; Mar 11.15-19; Joh 2.13-22)
45Huan tempul ah ava lut a, bangpeuh zuakte adelhkhia a, akiang uah,
46“Ka inn thumna inn ahi ding,
chih gelh ahi;
nou bel suamhatte khuk in na bawl zaw uh,” achi hi.
47Huan niteng in tempul ah thu ahilh zel hi. Siampu liante, laigelhmite leh vantang lak a heutu deuhte'n amah hihman atum uhi. 48Himahleh mipi'n phatuamngaitak a athugen angaihkhiak ziak un, ahihdan ding athei tuan kei uhi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.