LUKA 2
2
Jesu Pianna
(Mat 1.18-25)
1Huai lai in hichi ahong hi a, Kaisar Augustas in khovel tengteng min khum ding thu apia hi. 2Huai tuh Siria gam a gam-ukpa Kurini ahih lai a minkhumna masapen ahi. 3Huchi in mi tengteng amin uh khum ding in akhua chiat uah ahoh uhi.
4Huan Joseph leng, David inkuante leh asuan ahihman in Galili gam a Nazaret a kipan in, Judia gam a David khua Bethlehem ah ahoh hi. 5Azikham Mari gaisan lai toh, min khum ding in. 6Huan hichi ahong hi a, huai a a-om lai un, anau neih ahong hun hi. 7Huan ata masa in pasal aneikhia a; puan in atuam a, khualbuk a atak louh ziak un gan anpiakna ah asial hi.
Belamchingte' Vehna
8Huan huai gam mah ah belamchingte a-om ua, gamlak ah zan in abelamhonte uh aching uhi. 9Toupa angel khat akiang uah ahong dingh a, Toupa thupina in akim uh atanvak a; huchi in alauta mahmah uhi. 10Huan angel in akiang uah, “Lau kei unla, ngai un, michih a ding in tanchinhoih kipahhuai mahmah ka hon tut ahi. 11Tuni in nou a ding in David khua ah Hondampa apiangta, amah Khrist Toupa ahi. 12Hiai nou a ding in chiamtehna ding ahi; naungek puan a tuam, gan anpiakna kuang a lum na mu ding uh,” achi hi.
13Huan angel kiang ah van mipihon ahong omkhawm guih ua, Pathian aphat ua;
14“Tungnungpen ah Pathian thupi henla, leitung a akipahpih mahmah mihingte lak ah lemthu leng hen,” achi uhi.
15Huan hichi ahong hi a, angelte'n van a apaisantak un, belamchingte'n, “Tu'n ah Bethlehem kho pha in pai lehang, Toupa'n thu ahon hilh hong tung i en ding uh,” akichi uhi.
16Huchi in apai mengmeng ua, Mari toh, Joseph toh, gan anpiakna kuang a naungek lum ava mu uhi. 17Ava muh un hiai naungek tanchin angel in ahilh agenthangta uhi. 18Aza peuhmah in belamchingte thugen lamdang asa mahmah uhi. 19Mari in thugen tengteng alungtang in angaihtuah a, avom gige hi. 20Belamchingte'n angel hilh bang ngei a bangkim amuh ua azak ziak un, Pathian pahtawi leh phat kawm zel in akik nawnta uhi.
Jesu Min Phuahna Leh Latna
21Huan azeksum ni ding ni giat ahong chin in, amin ding in, sul a a-om ma a angel in agensa, Jesu asa uhi. 22Mosi Dan bang a akisiansakna ni uh ahong tun in, Jerusalem ah amah ava tonpihtou uh; Toupa kiang a amah lan ding in. 23Toupa thu a, “Ta pasal sul hong peuhmah Toupa a ding a sehtuam achi ding uh,” chi a gelh ahih bang in. 24Toupa Dan gen bang a vakhu kop khat hiam vapalnou nih hiam kithoihna lan ding in.
Simeon Kipahthu Genna La
25Huan ngai in, Jerusalem ah mi khat amin Simeon a-om a; huai mi midiktat leh Pathian limsak ahi a, Israelte khamuanpa ding angak gige a, atung ah Kha Siangthou a-om hi. 26Toupa Khrist amuh masiah zaw asi kei ding chih Kha Siangthou in ana theisak him ahi. 27Kha theihsak in tempul ah ava lut a; naungek Jesu, anu leh apa'n dan ngeina bang a atung a hihsak ding a ahon pilut lai un, 28ama'n ana angpom a, Pathian aphat hi,
29“Toupa, tu'n ah zaw na thu bang zel in,
na sikha khamuangtak in na paisak ding a;
30na hotdamna ka mit in amuh tak ziak in,
31huai michih muh dia na bawl tak;
32Zentelte kiang a kilakna vak leh na mi Israelte thupina ding,” achi hi.
33Huan naungek thu agen anu leh apa'n lamdang asa mahmah uhi. 34Simeon in amau avualzawl a, anu Mari kiang ah, “Ngai in, hiai naupang Israel lak a mi tampi pukna ding leh dinkhiakna ding a seh ahi, gensiat a om chiamtehna hi ding in leng. 35Ahi, nang lungtang leng namsau in adawt pailet ding a; huchi a mi tampi in alungtang ua angaihtuahte uh alatna ding in,” achi hi.
Anna Phatna
36Huan mi khat, amin, Anna, zawlnei, Phanuel Tanu, Asher nam a mi a-om a; amah tektak ahi a, anungak tawp nungsiah apasal kiang ah kum sagih a-om hi. 37Kum sawmgiat-le-li ahih tanpha meithai in a-om a, ama'n tempul paisan lou in asun-azan in an ngawl a thum in Pathian abe zel hi. 38Huchih laitak in amah ahong pai a, Pathian kiang ah kipahthu agen a, Jerusalem tatna lamen peuhmahte kiang ah Jesu tanchin agen hi.
Nazaret Khua A Kikna
39Huan Toupa dan bang zel a thil tengteng ahihzoh un, Galili gam a, amau khua Nazaret ah akik nawnta uhi. 40Naungek ahong khanglian deuhdeuh a, ahong hat hiaihiai a, pilna in adimta a, atung ah Pathian deihsakna a-om hi.
Tempul Ah Naupang Jesu
41Huan kum teng in, Paikan Ankuanglui hun in, anu leh apa Jerusalem ah ahoh zel uhi. 42Amah kum sawm-le-nih ahih in dan ngeina in ahohtou uhi. 43Ankuanglui zoh a akik nawn lai un, Jerusalem ah naupang Jesu a-om lai a, anu leh pa'n athei kei uhi. 44Huchi in apawlte lak ua om hi na'nteh achi ua, ni khat lam apai khin ua, asanggamte uh leh ameltheihte uh lak ah azong uhi. 45Amuh louh ziak un zong kawmkawm in Jerusalem ah akik nawnta uhi. 46Huan hichi ahong hi a, ani thum nung in, tempul ah, sinsak mite lak a tu a, athu uh na ngaikhia a, amaute thudong in, ava mu uhi. 47Athu zate'n atheihdan leh adawndan lamdang asa mahmah uh. 48Anu leh apa'n amah amuh un, lamdang asa mahmah ua; anu'n, akiang ah, “Tapa aw, bangziak a hichibang a hon hih na hia? Ngai in, na pa leh ke'n lungkhamtak in ka hon zong ua,” achi hi.
49Ama'n akiang uah, “Bangziak a hon zong na hi ua? Ka Pa inn a ka om ding na thei kei ua hia?” achi hi. 50Huan akiang ua athugen atheisiam kei uhi.
51Huan amau azuisuk a, Nazaret khua ahong tung ua, athu uh mang in a-om hi. Anu'n huai thil tengteng alungtang ah avom gige hi. 52Jesu apil deuhdeuh a, ahong lian hiaihiai a, Pathian leh mihing deihsak in a-om deuhdeuhta hi.
Currently Selected:
LUKA 2: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 2
2
Jesu Pianna
(Mat 1.18-25)
1Huai lai in hichi ahong hi a, Kaisar Augustas in khovel tengteng min khum ding thu apia hi. 2Huai tuh Siria gam a gam-ukpa Kurini ahih lai a minkhumna masapen ahi. 3Huchi in mi tengteng amin uh khum ding in akhua chiat uah ahoh uhi.
4Huan Joseph leng, David inkuante leh asuan ahihman in Galili gam a Nazaret a kipan in, Judia gam a David khua Bethlehem ah ahoh hi. 5Azikham Mari gaisan lai toh, min khum ding in. 6Huan hichi ahong hi a, huai a a-om lai un, anau neih ahong hun hi. 7Huan ata masa in pasal aneikhia a; puan in atuam a, khualbuk a atak louh ziak un gan anpiakna ah asial hi.
Belamchingte' Vehna
8Huan huai gam mah ah belamchingte a-om ua, gamlak ah zan in abelamhonte uh aching uhi. 9Toupa angel khat akiang uah ahong dingh a, Toupa thupina in akim uh atanvak a; huchi in alauta mahmah uhi. 10Huan angel in akiang uah, “Lau kei unla, ngai un, michih a ding in tanchinhoih kipahhuai mahmah ka hon tut ahi. 11Tuni in nou a ding in David khua ah Hondampa apiangta, amah Khrist Toupa ahi. 12Hiai nou a ding in chiamtehna ding ahi; naungek puan a tuam, gan anpiakna kuang a lum na mu ding uh,” achi hi.
13Huan angel kiang ah van mipihon ahong omkhawm guih ua, Pathian aphat ua;
14“Tungnungpen ah Pathian thupi henla, leitung a akipahpih mahmah mihingte lak ah lemthu leng hen,” achi uhi.
15Huan hichi ahong hi a, angelte'n van a apaisantak un, belamchingte'n, “Tu'n ah Bethlehem kho pha in pai lehang, Toupa'n thu ahon hilh hong tung i en ding uh,” akichi uhi.
16Huchi in apai mengmeng ua, Mari toh, Joseph toh, gan anpiakna kuang a naungek lum ava mu uhi. 17Ava muh un hiai naungek tanchin angel in ahilh agenthangta uhi. 18Aza peuhmah in belamchingte thugen lamdang asa mahmah uhi. 19Mari in thugen tengteng alungtang in angaihtuah a, avom gige hi. 20Belamchingte'n angel hilh bang ngei a bangkim amuh ua azak ziak un, Pathian pahtawi leh phat kawm zel in akik nawnta uhi.
Jesu Min Phuahna Leh Latna
21Huan azeksum ni ding ni giat ahong chin in, amin ding in, sul a a-om ma a angel in agensa, Jesu asa uhi. 22Mosi Dan bang a akisiansakna ni uh ahong tun in, Jerusalem ah amah ava tonpihtou uh; Toupa kiang a amah lan ding in. 23Toupa thu a, “Ta pasal sul hong peuhmah Toupa a ding a sehtuam achi ding uh,” chi a gelh ahih bang in. 24Toupa Dan gen bang a vakhu kop khat hiam vapalnou nih hiam kithoihna lan ding in.
Simeon Kipahthu Genna La
25Huan ngai in, Jerusalem ah mi khat amin Simeon a-om a; huai mi midiktat leh Pathian limsak ahi a, Israelte khamuanpa ding angak gige a, atung ah Kha Siangthou a-om hi. 26Toupa Khrist amuh masiah zaw asi kei ding chih Kha Siangthou in ana theisak him ahi. 27Kha theihsak in tempul ah ava lut a; naungek Jesu, anu leh apa'n dan ngeina bang a atung a hihsak ding a ahon pilut lai un, 28ama'n ana angpom a, Pathian aphat hi,
29“Toupa, tu'n ah zaw na thu bang zel in,
na sikha khamuangtak in na paisak ding a;
30na hotdamna ka mit in amuh tak ziak in,
31huai michih muh dia na bawl tak;
32Zentelte kiang a kilakna vak leh na mi Israelte thupina ding,” achi hi.
33Huan naungek thu agen anu leh apa'n lamdang asa mahmah uhi. 34Simeon in amau avualzawl a, anu Mari kiang ah, “Ngai in, hiai naupang Israel lak a mi tampi pukna ding leh dinkhiakna ding a seh ahi, gensiat a om chiamtehna hi ding in leng. 35Ahi, nang lungtang leng namsau in adawt pailet ding a; huchi a mi tampi in alungtang ua angaihtuahte uh alatna ding in,” achi hi.
Anna Phatna
36Huan mi khat, amin, Anna, zawlnei, Phanuel Tanu, Asher nam a mi a-om a; amah tektak ahi a, anungak tawp nungsiah apasal kiang ah kum sagih a-om hi. 37Kum sawmgiat-le-li ahih tanpha meithai in a-om a, ama'n tempul paisan lou in asun-azan in an ngawl a thum in Pathian abe zel hi. 38Huchih laitak in amah ahong pai a, Pathian kiang ah kipahthu agen a, Jerusalem tatna lamen peuhmahte kiang ah Jesu tanchin agen hi.
Nazaret Khua A Kikna
39Huan Toupa dan bang zel a thil tengteng ahihzoh un, Galili gam a, amau khua Nazaret ah akik nawnta uhi. 40Naungek ahong khanglian deuhdeuh a, ahong hat hiaihiai a, pilna in adimta a, atung ah Pathian deihsakna a-om hi.
Tempul Ah Naupang Jesu
41Huan kum teng in, Paikan Ankuanglui hun in, anu leh apa Jerusalem ah ahoh zel uhi. 42Amah kum sawm-le-nih ahih in dan ngeina in ahohtou uhi. 43Ankuanglui zoh a akik nawn lai un, Jerusalem ah naupang Jesu a-om lai a, anu leh pa'n athei kei uhi. 44Huchi in apawlte lak ua om hi na'nteh achi ua, ni khat lam apai khin ua, asanggamte uh leh ameltheihte uh lak ah azong uhi. 45Amuh louh ziak un zong kawmkawm in Jerusalem ah akik nawnta uhi. 46Huan hichi ahong hi a, ani thum nung in, tempul ah, sinsak mite lak a tu a, athu uh na ngaikhia a, amaute thudong in, ava mu uhi. 47Athu zate'n atheihdan leh adawndan lamdang asa mahmah uh. 48Anu leh apa'n amah amuh un, lamdang asa mahmah ua; anu'n, akiang ah, “Tapa aw, bangziak a hichibang a hon hih na hia? Ngai in, na pa leh ke'n lungkhamtak in ka hon zong ua,” achi hi.
49Ama'n akiang uah, “Bangziak a hon zong na hi ua? Ka Pa inn a ka om ding na thei kei ua hia?” achi hi. 50Huan akiang ua athugen atheisiam kei uhi.
51Huan amau azuisuk a, Nazaret khua ahong tung ua, athu uh mang in a-om hi. Anu'n huai thil tengteng alungtang ah avom gige hi. 52Jesu apil deuhdeuh a, ahong lian hiaihiai a, Pathian leh mihing deihsak in a-om deuhdeuhta hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.