KUITIR 23
23
1Hatuka Paul ha ruirilna tiang chang anhoia asadima ei ti, “O parual ngai! Avian tenpei rui tina mandon asa Pathian mi angtak kei anmanga kei hong om.” 2Hanke Chaizung Lian Anania han akola anding ngai rang ha a maikhang va ben u ta ei ti na chong apek. 3Hanke Paulin ama ha ei ti pe, “Nang bang anpelena lung apolpa, Pathianin na ben inti Dan anga ka rui aril ranga nei ansut hatuka Dan aleta anan ben ranga chong nei pek!” #Mt 23.27-28
4Hava han a kola anding ngai han, “Pathian a Chaizung Lian neia ngo thei mo!” ei ti u.
5Paulin, “O parual ngai ama hi Chaizung Lian a tina kei riat nok, asik chu anziak a om, ‘Na nam mi ngai ulian ha chonga sia arila ango no ro.’ “ #Ant 22.28
6Tenchu Paulin anbak Saduki anbak Pharisi atina ariata hanke ruirilna na anring sabaka, “O parual ngai koi hi Pharisi ka ni hanuk Pharisi ngai nai athi ngai sabei na le anthuiret rui sika ka rui ei anril ani zei hi!” ei ti. #Kts 26.5; Phil 3.5
7Aman hiva chong aril le Pharisi le Saduki ngai ansual u na ruirilna na ansempak u na bak anni chang u. 8Asik chu Saduki ngaiin anthuiret mak vanpalai le ratha om ngai mak ten Pharisi ngaiin aninin a oma ei pom. #Mt 22.23; Mk 12.18; Lk 20.27 9Hanke achan anpon u zei hanuk Pharisi tianga minchu ngai bila mi senkhat anthuia andinga ankhal u na: “Koinin hi mi ei siatna ngal mu mak me! Rathan mo ole vanpalaiin mo ama kom chong aril pui ngalam imo ni zei!”
10Hantin han ansual sabaka Paul ha abong abonga san chit u ni ti achi na asang a ruaipun sipai ngai ha ei chuma ei se u na abil u ata Paul ha va pota rakul sunga atuang ranga chong ei pek.
11Hava sua zana ret Puma ha Paul akom andinga, “Ngam ro asik chu ka ruia Jerusalema nei ril anga hantin den Romam rilin na ti,” ati pe.
Paul That rang Atho U
12Sun ani le Juda ngaiin zia atho u na khomak ansam u na Paul hi na that nok maseng nek sak tho no mani ati u. 13Mi sommanli neka atam munkhata khomak ansama hantin han zia ei tho u. 14Hangai ha amani han chaizung ngai le atar ngai kom ei se u na, “Koini hi khomak alianpa le nei ansama ankhit ke na ni zei hava ha Paul na that nok maseng pei chu ite marim ngal la no mani ati u. 15Hantin han nangnin atun ruirilna na asang aruaipu kom va zong u ro aman na kom u na ama ha hong tuang rase hintin ti u ro koinin asadima a rui ril sa inti tina hatuka ana hong depa ana honga suak u man a leia that ranga nan sin.”
16Tenchu Paul asapan amani ha ei mansuk u chong ha ariata rakul sunga asena ava luta Paul ha ava manthei. 17Hanke Paulin raza ruaipa khat ha akom apai a, “Hiva ruathar hi asang a ruaipu kom tuang ro asik chu ama kom ei ril rangte a om,” ati pe. 18Hanke aman abila a tuanga asang a ruaipu kom a sena ei ril, “Ankhit han ana paia hia ruathar hi a tuang ranga ana mathem asik chu na kom ei ril lak rang a om,” ati na.
19Hanke asang a ruaipun akut a sura a kil khata atuanga maruka ei rakel, “Ka kom imo nei ril rang?” ati na.
20Aman ei ti, “Juda ngaiin na kom hintin hin a zong ranga ansin u nangtuk asadima Paul ha arui aril sa ranga ama ha ruirilna na a tuang ranga. 21Hasik han ahe u tel no ro asik chu hangai bila sommanli neka tam mi ama ranga chong antin u amani ha khomak khat le ei ansam u na aninga ei anthung u Paul ha a that u nok maseng pei chu sak nek tho u no ni, atun ansin u na nang nei zot anruanga ei om u.”
22Hanke asang a ruaipun ha ruathar rang ha, “Nei na ril ngai ha tute manthei no ro,” ati pe na a mathan.
Paul Pheliks Matona
23Hava suale raza ruaipu anni akom a kuia, “Kaisaria tenpei ase rang zan dar anthuma sipai razanni le somsari, sakora chuang sipai razanni, khendai asur mi mansin u ro. 24Hatuka aman Paul ei chuanga antakna buia ram a oppu Pheliks akom ei tung theina rang sate en a mansuk u ro,” ati pe. 25Hatuka aman hava sika lekha khat a maziak: 26“Ka pu sakhit ram a oppu Pheliks akom Klaudia Lusia chibai. 27Juda ngaiin hiva mi hi asura athat rang a tho u le sipai ngai le ka va suaka ama hi kei mazok asik chu kei riat Rom mi ati na. 28Hanke amanin imo ama hi ei masiat u na a riat ranga amani ruirilna na ama hi kei tuang. 29Hava ha kei riat chu amani dan ruia hongzatte na mo ei ansual u sika ama chunga ei masiat u, tenchu thina khop le ankhitna khop asia sika ama raminga ei hong andar u ni mak. 30Hiva mi chunga ei val u ti ka riat le anrapa na kom kei hong mathuan ama chunga atak asi ngai ha na kom ama chunga nei ril rang a om u ten va ril u ro tina chong kei pek.”
31Hava suale sipai ngaiin chong ei man u anga Paul a tuang u na zana Antipatri na ase u. 32Zing khua vara sakor a chuang ngai ha abil u na ase ranga asiak u na amani ha rakulbinga a kira ahong u. 33Amani ha Kaisarina ava suak u na Ram ulianpu kuta lekha apek u na Paul ham ama kom ama suak u. 34Aman lekha apore na a rakela ama hi hova biala mi mo ati na hanke aman, Kilikia biala mi ti ariata. 35Hatuka aman: “Na chunga asia anan lo ngai ahong atung u tik le na rui hi la mandon ret rong,” ati na. Hatuka Herod sipai omna inpuia asiak ranga chong apek.
Currently Selected:
KUITIR 23: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
KUITIR 23
23
1Hatuka Paul ha ruirilna tiang chang anhoia asadima ei ti, “O parual ngai! Avian tenpei rui tina mandon asa Pathian mi angtak kei anmanga kei hong om.” 2Hanke Chaizung Lian Anania han akola anding ngai rang ha a maikhang va ben u ta ei ti na chong apek. 3Hanke Paulin ama ha ei ti pe, “Nang bang anpelena lung apolpa, Pathianin na ben inti Dan anga ka rui aril ranga nei ansut hatuka Dan aleta anan ben ranga chong nei pek!” #Mt 23.27-28
4Hava han a kola anding ngai han, “Pathian a Chaizung Lian neia ngo thei mo!” ei ti u.
5Paulin, “O parual ngai ama hi Chaizung Lian a tina kei riat nok, asik chu anziak a om, ‘Na nam mi ngai ulian ha chonga sia arila ango no ro.’ “ #Ant 22.28
6Tenchu Paulin anbak Saduki anbak Pharisi atina ariata hanke ruirilna na anring sabaka, “O parual ngai koi hi Pharisi ka ni hanuk Pharisi ngai nai athi ngai sabei na le anthuiret rui sika ka rui ei anril ani zei hi!” ei ti. #Kts 26.5; Phil 3.5
7Aman hiva chong aril le Pharisi le Saduki ngai ansual u na ruirilna na ansempak u na bak anni chang u. 8Asik chu Saduki ngaiin anthuiret mak vanpalai le ratha om ngai mak ten Pharisi ngaiin aninin a oma ei pom. #Mt 22.23; Mk 12.18; Lk 20.27 9Hanke achan anpon u zei hanuk Pharisi tianga minchu ngai bila mi senkhat anthuia andinga ankhal u na: “Koinin hi mi ei siatna ngal mu mak me! Rathan mo ole vanpalaiin mo ama kom chong aril pui ngalam imo ni zei!”
10Hantin han ansual sabaka Paul ha abong abonga san chit u ni ti achi na asang a ruaipun sipai ngai ha ei chuma ei se u na abil u ata Paul ha va pota rakul sunga atuang ranga chong ei pek.
11Hava sua zana ret Puma ha Paul akom andinga, “Ngam ro asik chu ka ruia Jerusalema nei ril anga hantin den Romam rilin na ti,” ati pe.
Paul That rang Atho U
12Sun ani le Juda ngaiin zia atho u na khomak ansam u na Paul hi na that nok maseng nek sak tho no mani ati u. 13Mi sommanli neka atam munkhata khomak ansama hantin han zia ei tho u. 14Hangai ha amani han chaizung ngai le atar ngai kom ei se u na, “Koini hi khomak alianpa le nei ansama ankhit ke na ni zei hava ha Paul na that nok maseng pei chu ite marim ngal la no mani ati u. 15Hantin han nangnin atun ruirilna na asang aruaipu kom va zong u ro aman na kom u na ama ha hong tuang rase hintin ti u ro koinin asadima a rui ril sa inti tina hatuka ana hong depa ana honga suak u man a leia that ranga nan sin.”
16Tenchu Paul asapan amani ha ei mansuk u chong ha ariata rakul sunga asena ava luta Paul ha ava manthei. 17Hanke Paulin raza ruaipa khat ha akom apai a, “Hiva ruathar hi asang a ruaipu kom tuang ro asik chu ama kom ei ril rangte a om,” ati pe. 18Hanke aman abila a tuanga asang a ruaipu kom a sena ei ril, “Ankhit han ana paia hia ruathar hi a tuang ranga ana mathem asik chu na kom ei ril lak rang a om,” ati na.
19Hanke asang a ruaipun akut a sura a kil khata atuanga maruka ei rakel, “Ka kom imo nei ril rang?” ati na.
20Aman ei ti, “Juda ngaiin na kom hintin hin a zong ranga ansin u nangtuk asadima Paul ha arui aril sa ranga ama ha ruirilna na a tuang ranga. 21Hasik han ahe u tel no ro asik chu hangai bila sommanli neka tam mi ama ranga chong antin u amani ha khomak khat le ei ansam u na aninga ei anthung u Paul ha a that u nok maseng pei chu sak nek tho u no ni, atun ansin u na nang nei zot anruanga ei om u.”
22Hanke asang a ruaipun ha ruathar rang ha, “Nei na ril ngai ha tute manthei no ro,” ati pe na a mathan.
Paul Pheliks Matona
23Hava suale raza ruaipu anni akom a kuia, “Kaisaria tenpei ase rang zan dar anthuma sipai razanni le somsari, sakora chuang sipai razanni, khendai asur mi mansin u ro. 24Hatuka aman Paul ei chuanga antakna buia ram a oppu Pheliks akom ei tung theina rang sate en a mansuk u ro,” ati pe. 25Hatuka aman hava sika lekha khat a maziak: 26“Ka pu sakhit ram a oppu Pheliks akom Klaudia Lusia chibai. 27Juda ngaiin hiva mi hi asura athat rang a tho u le sipai ngai le ka va suaka ama hi kei mazok asik chu kei riat Rom mi ati na. 28Hanke amanin imo ama hi ei masiat u na a riat ranga amani ruirilna na ama hi kei tuang. 29Hava ha kei riat chu amani dan ruia hongzatte na mo ei ansual u sika ama chunga ei masiat u, tenchu thina khop le ankhitna khop asia sika ama raminga ei hong andar u ni mak. 30Hiva mi chunga ei val u ti ka riat le anrapa na kom kei hong mathuan ama chunga atak asi ngai ha na kom ama chunga nei ril rang a om u ten va ril u ro tina chong kei pek.”
31Hava suale sipai ngaiin chong ei man u anga Paul a tuang u na zana Antipatri na ase u. 32Zing khua vara sakor a chuang ngai ha abil u na ase ranga asiak u na amani ha rakulbinga a kira ahong u. 33Amani ha Kaisarina ava suak u na Ram ulianpu kuta lekha apek u na Paul ham ama kom ama suak u. 34Aman lekha apore na a rakela ama hi hova biala mi mo ati na hanke aman, Kilikia biala mi ti ariata. 35Hatuka aman: “Na chunga asia anan lo ngai ahong atung u tik le na rui hi la mandon ret rong,” ati na. Hatuka Herod sipai omna inpuia asiak ranga chong apek.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.