JOHONIN 5
5
Tindil Kola Adam Mikhat
1Hava suale Isua chu Jerusalema Juda ngai panta na asena. 2Jerusalem bera suakkhar kola tindil khat a oma, hava ha Hebrai chonga Bethsaida ati u na, hava han tham ranga a oma. 3Hava han ana, acho, akhor, le azeng atampa ei zal u chachakna. Amani ngai ha tin sok a ngak ei ni u. 4Asik chu hohon mo Puma vanpalai khat hava tindila ei hong chuma ti ei hong sok chachak. Tin sok lai taka achum mansa tak pei ha rikhua ata ei dam u chachak. 5Hava han kum somanthum le kum ariat ana mi khat a oma; 6Isuan hava han ei zal amu na hatuka nikhua sotpa ei om ani zei ti ariata, a koma, “Na dam mo zot?” ati na a rakela.
7Ana pa han, “Ka pu ti ansok lai tak, tindila anan sum rang mi abui, ka chum kakar miteiin ana lei khel ret chachak,” ati na a masanga.
8Isuan akoma, “Anthui tan, na munpha luak tan se ta ro,” ati na. 9Hatuka anlaiseka hava mi ha a honga dama a munpha a luaka kal achoia asena. Hava nikhua ha Pongansana ei lei ni. 10Hasik han Juda mi ngaiin adampa rang, “Avian Pongansana nikhua, na munpha luaka ase hi na Danin phal mak,” ati pe u na. #Neh 13.19; Jer 17.21
11Tenchu aman, “A nan dampa han na munpha luak tan kal choia se ro ei na ti keng,” ati pe na.
12Amani han, “Na munpha luak tan la kal choia se ro ana ti pu ha tumo?” ati na arakel u na.
13Tenchu adampu han Isua hi tumo atina ei riat nimak, hava han mi tampa ei om sika Isua chu antol chiana ase na.
14Hava suale Isuan ama ha Biakina ava mu reta akoma, “Enta, na dam zei, hasik han asia tho lai no ro, hanok anten na chunga asia ala chul ret thei,” ati pe na.
15Hatuka ama ha asena Juda milian ngai koma, ama andampu chu Isua ani, ati na ava rila. 16Pongansana nikhuana hava ngai dora ei tho sika han Juda mi ngaiin Isua chu asin sak u na. 17Tenchu Isuan, “Ka Pan atun tenpei sin ei la tho chian, koi um kei la tho chian ala ni,” ati pe na.
18Hava ual han Juda mi ngaiin athat rang ei val riam u na, Pongansana nikhua rong ni lai mak ei masiat tenchu Pathian hi ama a Pa ei manchanga hatuka ama aninga Pathian le anruala ei anbe keng ani zei ati u na.
Naipasal Ningneina
19Isuan akom u na, “Atak taka keina ril ani u zei, Naipasalin ka ninga ite kei tho thei om mak, Pa han ei tho kei mu rong ha keng kei tho, asik chu Pa han ei tho tho keng Naipasalin um hantin han ei tho. 20Asik chu Pa han Naipasal chu adita, ei tho ngai dora ama ha a man muna, hava neka sin alian laman munti na, nangni ngai na chang ei dong u na ranga. 21Asik chu Pa han athi ngai ei mathuia damna ei pek anga, Naipasalin um ei zot tak koma damna ei pek keng. 22Asik chu Pa in tute rui ril mak, tenchu aloma rui ril dora Naipasal koma ei pek keng. 23Pa lalchi ei tho u anga, Naipasal um lalchi ei ruai theina ranga. Naipasal lalchi tho lui chu, Pa a na honga tirpu ham lalchi tho lui keng.
24“Atak taka kei na ril ani u zei, ka chong anngaia, ana honga tirpu a iam tak pei chu taituan damna achang sua zei, hatuka ruiril nana hong lai no nia, haneka thina ata damna na ankan sua keng ani zei. 25Atak taka keina ril ani u zei, hun chu ahong tir keng ani zei, atun len um ahonga tung sua keng ani zei, athi ngaiin Pathian Sapa he la riat unti, havana ariat ngai dora chu la hong dam kiar unti. 26Pa in aninga damna ei nei anga, Naipasal tak chungam aninga damna anei theina ei pek. 27Hatuka ama ha Miring Sapa ei ni sika han ruiril theina ningneina ei pek keng. 28Hiva hin na chang mandong u na no ro asik chu ahun ahonga suak rang ani zei, hava tika han than khura a om ngai doran ahe la riat unti a, 29hatuka than khur ata la hong suak unti. Sin asa tho ngai chu damna achang rang lan thui ret unti a, asia tho ngai chu asian lo ranga la hong suak ret unti. #Dan 12.2
Isua Ruia Ariatpu
30“Koi ka ninga ite kei tho thei om mak kuara kei riat anga rui kei ril ka ruiril um anzik asik chu kei zot atho ratin tung ranga aval nima kung tenchu ana hong atirpu ei zot anga ratin tung rang ha keng kei val.
31“Hatuka ka ninga ka rui kei ril aniten kei ril ha adik atia anpom no ni. 32Ka rui ariatpu chu mi tei ret ani, aman ka ruia ei ril ha, hava riatna chu atak ani ti ka riat nget. 33Nangnin Johon akoma mi nei tir u hatuka ama han atak ruia ei lei manriat. #Jn 1.19-27; 3.27-30 34Miring kom ata riatpuina kei man nimak, tenchu nangnin damna nei chang thei u na ranga hiva chong ngai hi kei ril keng. 35Johon ha lem anga achuang le a el ania, hatuka ama ra-anga hun alakte ranga raisan ansak rang nei zot u. 36Koi ka ruia ariatpu hi Johon ei riatpui neka alian keng. Pain sin azui ranga ei na pek hatuka ka sin tho ngai nget han Pain ei na tir ti ei na manriat pe na ani. 37Hatuka pa ana honga tirpu han ka rui ei man riatna ani. Nangnin ahe la re u ngai mak chena, a mel um la mu u ngai mak che. #Mt 3.17; Mk 1.11; Lk 3.22 38Ama ei hong tirpu nei iam u nok sika han ama a chong um na malung u na ei om nokna ani. 39Lekhabu chu achan nei thun u hatuka hava Lekhabu han taituan damna a om atina nei mandon u ani, tenchu hava Lekhabu tak ha ka rui ariatpu ani. 40Tenchu damna nei manthei u na ranga ka koma hong zot u mak che.
41“Miring ngai kom ata anpaka om rang an van ni makung. 42Tenchu na malung u na Pathian anditna don u mak che ti ka na riat u. 43Ka pa ningneina le ahong ka ni na, tenchu nangnin na lei pom u mak chena. Mi khat pei ama aninga ahong nisela chu nei lei pom u rang ni inti. 44Nangni le nangni chu anpak na zot u na, hantin chu hontinmo nei na iam u rang? Pathian kom ata anpakna chu arok lem u mak chena. 45Koiin ka Pa koma asia anan lo u ranga mandon u no ro. Asia anan lo u rang chu mi khat a om, ama ha Mosi, nangnin nei anngam pui u ha. 46Mosi na iam u ten koi um nei na iam u rang anina, asik chu koi ka rui keng ei maziak. 47Aman ei maziak ngai ha hong iam u lai mak che ten, hontinmo koi ka chong vang chu nei iam thei u rang,” ati na.
Currently Selected:
JOHONIN 5: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
JOHONIN 5
5
Tindil Kola Adam Mikhat
1Hava suale Isua chu Jerusalema Juda ngai panta na asena. 2Jerusalem bera suakkhar kola tindil khat a oma, hava ha Hebrai chonga Bethsaida ati u na, hava han tham ranga a oma. 3Hava han ana, acho, akhor, le azeng atampa ei zal u chachakna. Amani ngai ha tin sok a ngak ei ni u. 4Asik chu hohon mo Puma vanpalai khat hava tindila ei hong chuma ti ei hong sok chachak. Tin sok lai taka achum mansa tak pei ha rikhua ata ei dam u chachak. 5Hava han kum somanthum le kum ariat ana mi khat a oma; 6Isuan hava han ei zal amu na hatuka nikhua sotpa ei om ani zei ti ariata, a koma, “Na dam mo zot?” ati na a rakela.
7Ana pa han, “Ka pu ti ansok lai tak, tindila anan sum rang mi abui, ka chum kakar miteiin ana lei khel ret chachak,” ati na a masanga.
8Isuan akoma, “Anthui tan, na munpha luak tan se ta ro,” ati na. 9Hatuka anlaiseka hava mi ha a honga dama a munpha a luaka kal achoia asena. Hava nikhua ha Pongansana ei lei ni. 10Hasik han Juda mi ngaiin adampa rang, “Avian Pongansana nikhua, na munpha luaka ase hi na Danin phal mak,” ati pe u na. #Neh 13.19; Jer 17.21
11Tenchu aman, “A nan dampa han na munpha luak tan kal choia se ro ei na ti keng,” ati pe na.
12Amani han, “Na munpha luak tan la kal choia se ro ana ti pu ha tumo?” ati na arakel u na.
13Tenchu adampu han Isua hi tumo atina ei riat nimak, hava han mi tampa ei om sika Isua chu antol chiana ase na.
14Hava suale Isuan ama ha Biakina ava mu reta akoma, “Enta, na dam zei, hasik han asia tho lai no ro, hanok anten na chunga asia ala chul ret thei,” ati pe na.
15Hatuka ama ha asena Juda milian ngai koma, ama andampu chu Isua ani, ati na ava rila. 16Pongansana nikhuana hava ngai dora ei tho sika han Juda mi ngaiin Isua chu asin sak u na. 17Tenchu Isuan, “Ka Pan atun tenpei sin ei la tho chian, koi um kei la tho chian ala ni,” ati pe na.
18Hava ual han Juda mi ngaiin athat rang ei val riam u na, Pongansana nikhua rong ni lai mak ei masiat tenchu Pathian hi ama a Pa ei manchanga hatuka ama aninga Pathian le anruala ei anbe keng ani zei ati u na.
Naipasal Ningneina
19Isuan akom u na, “Atak taka keina ril ani u zei, Naipasalin ka ninga ite kei tho thei om mak, Pa han ei tho kei mu rong ha keng kei tho, asik chu Pa han ei tho tho keng Naipasalin um hantin han ei tho. 20Asik chu Pa han Naipasal chu adita, ei tho ngai dora ama ha a man muna, hava neka sin alian laman munti na, nangni ngai na chang ei dong u na ranga. 21Asik chu Pa han athi ngai ei mathuia damna ei pek anga, Naipasalin um ei zot tak koma damna ei pek keng. 22Asik chu Pa in tute rui ril mak, tenchu aloma rui ril dora Naipasal koma ei pek keng. 23Pa lalchi ei tho u anga, Naipasal um lalchi ei ruai theina ranga. Naipasal lalchi tho lui chu, Pa a na honga tirpu ham lalchi tho lui keng.
24“Atak taka kei na ril ani u zei, ka chong anngaia, ana honga tirpu a iam tak pei chu taituan damna achang sua zei, hatuka ruiril nana hong lai no nia, haneka thina ata damna na ankan sua keng ani zei. 25Atak taka keina ril ani u zei, hun chu ahong tir keng ani zei, atun len um ahonga tung sua keng ani zei, athi ngaiin Pathian Sapa he la riat unti, havana ariat ngai dora chu la hong dam kiar unti. 26Pa in aninga damna ei nei anga, Naipasal tak chungam aninga damna anei theina ei pek. 27Hatuka ama ha Miring Sapa ei ni sika han ruiril theina ningneina ei pek keng. 28Hiva hin na chang mandong u na no ro asik chu ahun ahonga suak rang ani zei, hava tika han than khura a om ngai doran ahe la riat unti a, 29hatuka than khur ata la hong suak unti. Sin asa tho ngai chu damna achang rang lan thui ret unti a, asia tho ngai chu asian lo ranga la hong suak ret unti. #Dan 12.2
Isua Ruia Ariatpu
30“Koi ka ninga ite kei tho thei om mak kuara kei riat anga rui kei ril ka ruiril um anzik asik chu kei zot atho ratin tung ranga aval nima kung tenchu ana hong atirpu ei zot anga ratin tung rang ha keng kei val.
31“Hatuka ka ninga ka rui kei ril aniten kei ril ha adik atia anpom no ni. 32Ka rui ariatpu chu mi tei ret ani, aman ka ruia ei ril ha, hava riatna chu atak ani ti ka riat nget. 33Nangnin Johon akoma mi nei tir u hatuka ama han atak ruia ei lei manriat. #Jn 1.19-27; 3.27-30 34Miring kom ata riatpuina kei man nimak, tenchu nangnin damna nei chang thei u na ranga hiva chong ngai hi kei ril keng. 35Johon ha lem anga achuang le a el ania, hatuka ama ra-anga hun alakte ranga raisan ansak rang nei zot u. 36Koi ka ruia ariatpu hi Johon ei riatpui neka alian keng. Pain sin azui ranga ei na pek hatuka ka sin tho ngai nget han Pain ei na tir ti ei na manriat pe na ani. 37Hatuka pa ana honga tirpu han ka rui ei man riatna ani. Nangnin ahe la re u ngai mak chena, a mel um la mu u ngai mak che. #Mt 3.17; Mk 1.11; Lk 3.22 38Ama ei hong tirpu nei iam u nok sika han ama a chong um na malung u na ei om nokna ani. 39Lekhabu chu achan nei thun u hatuka hava Lekhabu han taituan damna a om atina nei mandon u ani, tenchu hava Lekhabu tak ha ka rui ariatpu ani. 40Tenchu damna nei manthei u na ranga ka koma hong zot u mak che.
41“Miring ngai kom ata anpaka om rang an van ni makung. 42Tenchu na malung u na Pathian anditna don u mak che ti ka na riat u. 43Ka pa ningneina le ahong ka ni na, tenchu nangnin na lei pom u mak chena. Mi khat pei ama aninga ahong nisela chu nei lei pom u rang ni inti. 44Nangni le nangni chu anpak na zot u na, hantin chu hontinmo nei na iam u rang? Pathian kom ata anpakna chu arok lem u mak chena. 45Koiin ka Pa koma asia anan lo u ranga mandon u no ro. Asia anan lo u rang chu mi khat a om, ama ha Mosi, nangnin nei anngam pui u ha. 46Mosi na iam u ten koi um nei na iam u rang anina, asik chu koi ka rui keng ei maziak. 47Aman ei maziak ngai ha hong iam u lai mak che ten, hontinmo koi ka chong vang chu nei iam thei u rang,” ati na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.