LUKIN 12
12
Pharisi ngai ata Anrengna
(Mt 10.26-27)
1Mipui asang asetin ava buma ake anthin u na, Isuan a zolai ngai kom ati mansana, “Pharisi ngai ata anrung u ro. #Mt 16.6; Mk 8.15 2Anthup dora anlang inti, maruk dora anriat inti. #Mk 4.22; Lk 8.17 3Hasik han azing kara nei ti ngai ha ani ra-anga lan riat inti, na insunga maruk nei ti ngai ha, inchung sipa lan khek inti.
Tumo nei Achi rang
(Mt 10.28-31)
4“Ka lom ngai kei na ril u ni zei taksa that thei ngai achi u no ro nangkan haneka ei tho thei om mak. 5Tumo anchirua na manmu u ka ting; Pathian achi u ro, anathat suale ansinsakna na anapei thei. Na iam u ro, ama ha ani nei achi u rang!
6“Vachek ranga ha dar sum anni na anzuar nimak mo? Hanum ni rase Pathianin angkhat ngal mangil mak. 7Na lu u na sam dora antel zit keng hasik han achi u no ro; vachek atampa neka alu keng na ni u!
Isua Asan le Aheng
(Mt 10.32-33; 12.32; 10.19-20)
8“Mi matona koi ana riat ngai chu, Miring Sapan um Pathian vanpalai ngai matona hantin han ti inti. 9Tenchu mi matona ana heng ngai chu Miring Sapan um heng inti Pathian vanpalai ngai matona.
10“Miring Sapa siat aril chu lan dual thei inti; tenchu Ratha Anthiang siat aril chu andual no ni. #Mt 12.32; Mk 3.29
11“Sinagogue, ruirilpu, ulian ngai matona ankel ranga ana tuang u le hontinmo nei anrung u rang imo nei ti u rang andon u no ro. #Mt 10.19-20; Mk 13.11; Lk 21.14-15 12Hatika Ratha Anthiangin na manchu u bo ni imo nei ti u rang.”
Anei Amo Ankhina
13Mipui kara mi khatin Isua kom atina, “Minchupu, ka parualpa kom na ril pe ro ka pan donglua ei mak a nan sempui ranga.”
14Isuan a masang, “Ka mal, nangin azek rang le ana sem u ranga tumo thotheina ana pek?” 15Achong tira arila, “Ningol ata anrung u ro; asik chu nei damna hi nei suana ata nimak ituk ngal mo nei ro ke.”
16Hatuka Isuan hiva ankhina aril, “Anei khatin ram adona achan anmur anna mara asa. 17Atheia andona, ‘Mun don making ka anna mara siakna, imo kei tho rang? 18Hintin hin tho ka ti,’ anti, ‘ka sasiar masiam ka tinga alian ual sin ret ka ti, hava han ka bu le atei atei siak ka ti. 19Hatuka ka theia, ravan asapa! anti ka ti, kum atampa ranga neinung nei manting nei don. Pongansa ro, ne ro, sa ro, na rai mansan ro!’ 20Tenchu Pathianin ati pe, ‘Nang amo! Atun zan thi na ti; hatuka tumo alua rang hiva nei siak ngai dora hi?’ ” 21Isuan, “Hintin hin ei ni rang aranga nei ankam ngai chu; tenchu Pathian tiang nei lui ngai chu,” ati.
Pathiana Anbetok
(Mt 6.25-34)
22Isuan a zolai ngai kom ei ti, “Nei nek rang le nei bom ranga andon u no ro. 23Damna hi nek sak neka alu keng, taksa hi puan neka alu ke. 24Va-ak ngai en u ta; ling u ma at um u ma, sapang um don u ma; Pathianin avai! Nangni chu va nek ten na lu u do! 25Andona ei damna ason thei mo na om u? 26Asinte ngal tho thei mak che imo atei andon rang? 27Rama par ngai en u ta; sin thona arang puan khong u ma. Tenchu kei na ril u ni zei Solomon anei dora le anlianga par angkhat ngal pha mak. #1 Rng 10.4-7; 2 Kr 9.3-6 28Rama chiak ngai hi Pathian keng anliang chiak aviana om nangtuk abui ratapa anhal, hava nekten bom rang sil rang na pe ual no ni mo? Iam atom ngai!
29“Hasik han umora andona imo ne ning, sa ning, ti u no ro. 30Asik chu ramual mi ngai tho dan ke. Na pan nei nang u a riat. 31Hanekten a ram rui mandon u tanla hava ngai chu na pe unti.
Vanrama Nei
(Mt 6.19-21)
32“Pol atom ngai achi u no ro asik chu na Pan ram ana pek u rang azot. 33Na nei ngai dora zuar tan anriang ngai pe ro, marsa chet lui, anrua thei lui, anvana nei bum ro, anrun maruk lai no, ni leidan salai no ni. 34Na nei omna taka na malung om inti.
Suak Ameng
35“Ansina om chian u ro, atho len ranga ansin u ro, lem manchuang chian u ro. #Mt 25.1-13 36Suak, a pu ei hongkir len rang muiruai panta ata anga. Suakkhar ei atok le ei malong len. #Mk 13.34-36 37Ituk ravanasa mo hava suak ngai a pun amenga ei mu a hongakir le! Kei na ril u ni zei apuan khek intia, mansut intia maruang inti. 38Ansina ahong mu ten itukmo a rai ei san rang zanchima mo nuk ual amo ngal hong sela! 39In puman anru ei hong rang ariat ten anru ha a in mansiam no ni. #Mt 24.43-44 40Nangnim, ansin u ro, Miring Sapa itikmo ei hong rang, na iam u nok laitak hong inti.”
Suak Aiamrua, Aiam nokrua
(Mt 24.45-51)
41Pitorin, “Puma hiva ankhina hi koini rang mo ole mi dora rang mo, ?” ati.
42Puman amasanga, “Tumo, suak aiamrua le ahian? Ama ha apun in a en ranga suak atei ngai nek rang ahun taka apek rang phun inti. 43Itukmo a rai ei san rang a pun sinthona in a hong tik a hong mu le! 44Kei na ril u ani zei a pun hava suak ha anei anung dora a kuta pe inti. 45Ten hava suak han ka puma ahonga sot sabak zei ati na suak atei ngai a lei zema nupang pasal, hatuka anek asak anrina, 46hava suale a puma ha nikhat chu ahonga kira a suakin ei iam nok lai tak ariat nok lai tak. A puman ha suak ha bong anni man changa aiam nokrua ngai anga man chang inti.
47“Suak apun tho rase ei ti ariata tho lui chu achan antak inti a raimol sak nanti. 48Tenchu a pun ei zot re lui suak atei chu a raimol sak zang inti, atam a manpu kom chu atam zong inti. Atom ei mandon chu atom zong inti.
Anngoina nimak, Anduina apek
(Mt 10.34-36)
49“Ramual ahal ranga hong ka ni, kei zot chu atun hin kang sela! 50Baptisma chang rang ka la don hava ansua maseng chu ka om hui mak. #Mk 10.38 51Ramuala phukdaina honga choi ranga mo nei na iam u? He e, nima tenchu ansenna ke. 52Atun ata inko khata ranga ha anthum le annia ansem unti annin anthum dui inti. 53Pa ngaiin nai dui inti, nai ngaiin pa dui inti; nu ngaiin a nainupang dui inti, a nainupangin a nu dui inti; atarpin amuisa, amuisan atarpi dui inti.” #Mik 7.6
Hun Ariat
(Mt 16.2-3)
54Isuan mi ngai kom ei ti, “Ansum taklam tiang ata ei hong na mu le rua hong rang ani zei na ti u hatuka ei hong. 55Sim thinthi ahong le alum rang ani zei na ti u hatuka ei lum. 56Phuazekam ngai! Phil, anvan na ena nikhua na ti thei u; atun taka rui le re u mak che na?
Anadui le Angoi
(Mt 5.25-26)
57“Adik atho ranga na theia anzek mak che na? 58Mikhatin na sika anril rang ruirilna na ana ruai rang ati anten nei chole dorpei asatna enro ruirilna muna na se man. Hanokten ruirilpu a matona na kei untia lungin a ngakpu kom na pe untia lungina na khum inti. 59Hava han om na ti, kei na ril ani zei poisa sente ngal na thuan sua maseng chu hava mun ata zok pial no ta ni.”
Currently Selected:
LUKIN 12: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
LUKIN 12
12
Pharisi ngai ata Anrengna
(Mt 10.26-27)
1Mipui asang asetin ava buma ake anthin u na, Isuan a zolai ngai kom ati mansana, “Pharisi ngai ata anrung u ro. #Mt 16.6; Mk 8.15 2Anthup dora anlang inti, maruk dora anriat inti. #Mk 4.22; Lk 8.17 3Hasik han azing kara nei ti ngai ha ani ra-anga lan riat inti, na insunga maruk nei ti ngai ha, inchung sipa lan khek inti.
Tumo nei Achi rang
(Mt 10.28-31)
4“Ka lom ngai kei na ril u ni zei taksa that thei ngai achi u no ro nangkan haneka ei tho thei om mak. 5Tumo anchirua na manmu u ka ting; Pathian achi u ro, anathat suale ansinsakna na anapei thei. Na iam u ro, ama ha ani nei achi u rang!
6“Vachek ranga ha dar sum anni na anzuar nimak mo? Hanum ni rase Pathianin angkhat ngal mangil mak. 7Na lu u na sam dora antel zit keng hasik han achi u no ro; vachek atampa neka alu keng na ni u!
Isua Asan le Aheng
(Mt 10.32-33; 12.32; 10.19-20)
8“Mi matona koi ana riat ngai chu, Miring Sapan um Pathian vanpalai ngai matona hantin han ti inti. 9Tenchu mi matona ana heng ngai chu Miring Sapan um heng inti Pathian vanpalai ngai matona.
10“Miring Sapa siat aril chu lan dual thei inti; tenchu Ratha Anthiang siat aril chu andual no ni. #Mt 12.32; Mk 3.29
11“Sinagogue, ruirilpu, ulian ngai matona ankel ranga ana tuang u le hontinmo nei anrung u rang imo nei ti u rang andon u no ro. #Mt 10.19-20; Mk 13.11; Lk 21.14-15 12Hatika Ratha Anthiangin na manchu u bo ni imo nei ti u rang.”
Anei Amo Ankhina
13Mipui kara mi khatin Isua kom atina, “Minchupu, ka parualpa kom na ril pe ro ka pan donglua ei mak a nan sempui ranga.”
14Isuan a masang, “Ka mal, nangin azek rang le ana sem u ranga tumo thotheina ana pek?” 15Achong tira arila, “Ningol ata anrung u ro; asik chu nei damna hi nei suana ata nimak ituk ngal mo nei ro ke.”
16Hatuka Isuan hiva ankhina aril, “Anei khatin ram adona achan anmur anna mara asa. 17Atheia andona, ‘Mun don making ka anna mara siakna, imo kei tho rang? 18Hintin hin tho ka ti,’ anti, ‘ka sasiar masiam ka tinga alian ual sin ret ka ti, hava han ka bu le atei atei siak ka ti. 19Hatuka ka theia, ravan asapa! anti ka ti, kum atampa ranga neinung nei manting nei don. Pongansa ro, ne ro, sa ro, na rai mansan ro!’ 20Tenchu Pathianin ati pe, ‘Nang amo! Atun zan thi na ti; hatuka tumo alua rang hiva nei siak ngai dora hi?’ ” 21Isuan, “Hintin hin ei ni rang aranga nei ankam ngai chu; tenchu Pathian tiang nei lui ngai chu,” ati.
Pathiana Anbetok
(Mt 6.25-34)
22Isuan a zolai ngai kom ei ti, “Nei nek rang le nei bom ranga andon u no ro. 23Damna hi nek sak neka alu keng, taksa hi puan neka alu ke. 24Va-ak ngai en u ta; ling u ma at um u ma, sapang um don u ma; Pathianin avai! Nangni chu va nek ten na lu u do! 25Andona ei damna ason thei mo na om u? 26Asinte ngal tho thei mak che imo atei andon rang? 27Rama par ngai en u ta; sin thona arang puan khong u ma. Tenchu kei na ril u ni zei Solomon anei dora le anlianga par angkhat ngal pha mak. #1 Rng 10.4-7; 2 Kr 9.3-6 28Rama chiak ngai hi Pathian keng anliang chiak aviana om nangtuk abui ratapa anhal, hava nekten bom rang sil rang na pe ual no ni mo? Iam atom ngai!
29“Hasik han umora andona imo ne ning, sa ning, ti u no ro. 30Asik chu ramual mi ngai tho dan ke. Na pan nei nang u a riat. 31Hanekten a ram rui mandon u tanla hava ngai chu na pe unti.
Vanrama Nei
(Mt 6.19-21)
32“Pol atom ngai achi u no ro asik chu na Pan ram ana pek u rang azot. 33Na nei ngai dora zuar tan anriang ngai pe ro, marsa chet lui, anrua thei lui, anvana nei bum ro, anrun maruk lai no, ni leidan salai no ni. 34Na nei omna taka na malung om inti.
Suak Ameng
35“Ansina om chian u ro, atho len ranga ansin u ro, lem manchuang chian u ro. #Mt 25.1-13 36Suak, a pu ei hongkir len rang muiruai panta ata anga. Suakkhar ei atok le ei malong len. #Mk 13.34-36 37Ituk ravanasa mo hava suak ngai a pun amenga ei mu a hongakir le! Kei na ril u ni zei apuan khek intia, mansut intia maruang inti. 38Ansina ahong mu ten itukmo a rai ei san rang zanchima mo nuk ual amo ngal hong sela! 39In puman anru ei hong rang ariat ten anru ha a in mansiam no ni. #Mt 24.43-44 40Nangnim, ansin u ro, Miring Sapa itikmo ei hong rang, na iam u nok laitak hong inti.”
Suak Aiamrua, Aiam nokrua
(Mt 24.45-51)
41Pitorin, “Puma hiva ankhina hi koini rang mo ole mi dora rang mo, ?” ati.
42Puman amasanga, “Tumo, suak aiamrua le ahian? Ama ha apun in a en ranga suak atei ngai nek rang ahun taka apek rang phun inti. 43Itukmo a rai ei san rang a pun sinthona in a hong tik a hong mu le! 44Kei na ril u ani zei a pun hava suak ha anei anung dora a kuta pe inti. 45Ten hava suak han ka puma ahonga sot sabak zei ati na suak atei ngai a lei zema nupang pasal, hatuka anek asak anrina, 46hava suale a puma ha nikhat chu ahonga kira a suakin ei iam nok lai tak ariat nok lai tak. A puman ha suak ha bong anni man changa aiam nokrua ngai anga man chang inti.
47“Suak apun tho rase ei ti ariata tho lui chu achan antak inti a raimol sak nanti. 48Tenchu a pun ei zot re lui suak atei chu a raimol sak zang inti, atam a manpu kom chu atam zong inti. Atom ei mandon chu atom zong inti.
Anngoina nimak, Anduina apek
(Mt 10.34-36)
49“Ramual ahal ranga hong ka ni, kei zot chu atun hin kang sela! 50Baptisma chang rang ka la don hava ansua maseng chu ka om hui mak. #Mk 10.38 51Ramuala phukdaina honga choi ranga mo nei na iam u? He e, nima tenchu ansenna ke. 52Atun ata inko khata ranga ha anthum le annia ansem unti annin anthum dui inti. 53Pa ngaiin nai dui inti, nai ngaiin pa dui inti; nu ngaiin a nainupang dui inti, a nainupangin a nu dui inti; atarpin amuisa, amuisan atarpi dui inti.” #Mik 7.6
Hun Ariat
(Mt 16.2-3)
54Isuan mi ngai kom ei ti, “Ansum taklam tiang ata ei hong na mu le rua hong rang ani zei na ti u hatuka ei hong. 55Sim thinthi ahong le alum rang ani zei na ti u hatuka ei lum. 56Phuazekam ngai! Phil, anvan na ena nikhua na ti thei u; atun taka rui le re u mak che na?
Anadui le Angoi
(Mt 5.25-26)
57“Adik atho ranga na theia anzek mak che na? 58Mikhatin na sika anril rang ruirilna na ana ruai rang ati anten nei chole dorpei asatna enro ruirilna muna na se man. Hanokten ruirilpu a matona na kei untia lungin a ngakpu kom na pe untia lungina na khum inti. 59Hava han om na ti, kei na ril ani zei poisa sente ngal na thuan sua maseng chu hava mun ata zok pial no ta ni.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.